ТОШКЕНТ, 23 май – Sputnik. “Инвесторлар мактаби” портали Евростат, Халқаро меҳнат ташкилоти, Иқтисодий ҳамкорлик ташкилоти маълумотларига асосан, 2017 йилда дунё мамлакатларида ўртача маош қанча бўлгани ҳақидаги маълумотларни чоп этди.
Унга кўра, дунё бўйича энг юқори маош Швейцарияда экан – 3855 $, кейинги ўринда Норвегия — 3781$ ва Люксембург – 3565 $. АҚШда – 3120 $, Германияда – 2958 $, Японияда – 2865 $, Жанубий Кореяда – 2100 $, БААда – 1620 $, Туркияда – 996 $ ва ҳо казо.
Россия ушбу рейтингда 615 $ ўртача маош билан 157 ўринни эгаллаб турибди. Қозоғистонда ўртача маош – 480 $, Беларусда – 375 $, Туркманистонда – 320 $, Ўзбекистонда – 235 $, Тожикистонда – 110 $.
Рейтингнинг энг сўнгги қаторларидан Конго — 27$, Малави – 22 $, Зимбабве – 21 $, каби мамлакатлар ўрин олган.
