Ўзбекистонда деноминация ўтказиладими?

Oбуна бўлиш
Марказий банк раҳбари сўм алмашиши ҳақидаги саволларга жавоб берди.  

ТОШКЕНТ, 5 мар – Sputnik. Ўзбекистон Марказий Банки раҳбари Мамаризо Нурмуратов журналистлар билан бўлиб ўтган суҳбатда сўм деноминацияси (ортиқча нолларни олиб ташлаш)  ҳақидага саволга жавоб берди, Uznews хабарига асосан.

Нурмуратов айтишига қараганда, Ўзбекистонда деноминация ўтказиш ҳозирча режалаштирилмаган.

“Деноминация– бу жуда нозик масала. Бу ҳақида мен ўз фикримни айтишим мумкин холос. Одатда деноминация макроистисодий вазият, биринчи навбатда инфляция барқарорлашганидан сўнг ўтказилади”, - деди Мамаризо Нурмуратов.  

Ундан ташқари Марказий банк раҳбари сўзларига кўра, деноминация – бу техник жараён холос. Уни ўтказиш жуда осон, лекин Марказий банк ҳозирча ўз олдига бундай вазияфа қўймаган.

Кошелек с деньгами - Sputnik Ўзбекистон
Ўзбекистонга 100 минг сўмлик банкнота керакми? Sputnik сўрови натижалари

“Биз ҳозирча бундай ишни мақсад қилмаганмиз. Мавжуд номиналдаги пуллар қулай ва аҳолининг нақд пулга бўлган талабларига жавоб беради”, - деди Нурмуратов.

Эслатиб ўтамиз, 2017 йилнинг 22 августида Ўзбекистонда 50 минг сўмлик, 2019 йилнинг 25 февралида – 100 минг сўмлик банкноталар муомалага киритилган эди.

Маълумот учун: деноминация бу – молиявий ислоҳотнинг бир тури бўлиб, у валюта номинал қийматини камайтиришни, бин неча эски намунадаги қоғоз пул ўрнига 1та янги намунадаги банкнота ишлатишни  назарда тутади.

Масалан, Россияда 1998 йилда ўтказилган деноминацияда 1000  рубл 1 рублга тенглаштирилган эди.

Янгиликлар лентаси
0