Строительство Tashkent City

Мирзиёев қурилиш материаллари нархини арзонлаштириш бўйича вазифаларни белгилаб берди

308
Шавкат Мирзиёев қурилиш материаллари соҳасида ишлаб чиқаришни келгуси беш йилда камида икки баробар ошириш бўйича долзарб вазифаларни белгилаб берди.

ТОШКЕНТ, 14 май – Sputnik. Ўзбекистон президенти Шавкат Мирзиёев 14 май куни қурилиш материаллари ишлаб чиқариш саноатини янада ривожлантириш бўйича устувор вазифаларга бағишланган йиғилиш ўтказди. Бу ҳақда президент матбуот хизмати хабар қилди.

Кейинги йилларда Ўзбекистонда бунёдкорлик кўлами янада кенгайиб, юзлаб уй-жойлар, йирик саноат корхоналари, маданият ва спорт масканлари, йўлу кўприклар барпо этилди. 

“Мамлакатимизда бунёдкорлик ишлари тобора ортиб бораётган бугунги кунда қурилиш материаллари иқтисодиётнинг етакчи тармоғига, ўсиш нуқталаридан бирига айланиши керак. Корхоналарда энергия самарадор технологияларни жорий этиш орқали табиий бойликларимизни тежаш, материаллар нархини тушириш мумкин”, – деди Шавкат Мирзиёев.  

Давлат раҳбари қурилиш материаллари соҳасида ишлаб чиқаришни келгуси беш йилда камида икки баробар ошириш бўйича долзарб вазифаларни белгилаб берди. 

Норуда конлар захираларини ошириш, саноат усулида қайта ишлашни кенгайтириб, қурилиш материаллари соҳасини диверсификация қилиш зарурлиги таъкидланди. 

Президент соҳа корхоналарини барқарор ва камхарж энергия билан таъминлаш масаласига алоҳида эътибор қаратди. Кўмир ишлатиладиган биргина ғишт заводи мисолида маҳсулот нархини 50 фоизгача тушириш мумкинлигини кўрсатиб ўтди. Шу каби замонавий технологияларни қўллаш катта миқдорда табиий газни тежаш, маҳсулотларни арзонлаштиришга хизмат қилиши таъкидланди. Бу ҳам тадбиркорга, ҳам халққа, ҳам давлатга фойда келтиради. 

Шу боис қурилиш материаллари тармоғида энергия тежайдиган технологияларни жорий этиш орқали таннархни камайтириш бўйича топшириқлар берилди.

Мамлакат қурилиш материаллари саноатининг экспорт салоҳияти ҳам юқори. Лекин автотранспорт харажатларининг кўплиги уларнинг нархига таъсир кўрсатмоқда. Шу боис экспорт товарларини ташиш харажатларини субсидиялаш таклифи билдирилди. 

Жорий йилда Қорақалпоғистон Республикаси, Сурхондарё, Андижон ва Навоий вилоятларида ҳар бири 2 миллион тонна қувватга эга 4 та цемент корхонаси ишга туширилди.

Йил якунигача 3,5 миллион тонна қувватли янги заводлар фойдаланишга топширилиб, йиллик салоҳият 15 миллион тоннага етказилади. Бу цементга бўлган ички талабни таъминлаб, нархини арзонлаштириш имконини бериши қайд этилди. 

2019-2020 йилларда соҳада 17 триллион сўмлик мингдан зиёд лойиҳани амалга ошириш режалаштирилган. Ушбу лойиҳалар учун тижорат банклари кредитини ажратиш ва хорижий инвестицияларни фаол жалб қилиш бўйича кўрсатмалар берилди. Шунингдек, паст рентабелли корхоналарни салоҳиятли инвесторларга сотиш масаласи ҳам кўриб чиқилди. 

Қурилиш материаллари саноатини янада ривожлантириш учун тажрибали мутахассислар керак. Лекин олий ўқув юртларидаги мавжуд ўринлар ишлаб чиқаришда ўсиб бораётган талабга мос эмас. Таълим жараёни амалиёт билан боғланмаган.

Шу боис йиғилишда соҳа ихтисосликларига бюджет квотасини ошириш, корхоналарда ўқув амалиётини ташкил этишни такомиллаштириш, хорижий компаниялар билан ҳамкорликда янги технологиялар бўйича малака ошириш марказларини ташкил этиш бўйича кўрсатмалар берилди. 

Йиғилишда муҳокама қилинган масалалар бўйича мутасаддилар ҳисобот берди.

308
Денежные купюры США.

Ўзбекистон ташқи қарзи нега ошди - МБ рақамлари

187
(Янгиланган 18:32 23.09.2020)
Ўзбекистон ташқи қарзи 2020 йилнинг 1 ярим йиллигида 12,7% ошди. Бунга сабаб - COVID-19 сабаб юзага келган кризиснинг ижтимоий-иқтисодий таъсирини камайтириш харажатлари, деб тушинтирди МБ.

ТОШКЕНТ, 23 сен — Sputnik. Ўзбекистон  умумий ташқи қарзи миқдори 2020 йилнинг январь - июн ойларида ўтган йилнинг ушбу даврига нисбатан 12,7%га ошиб 27,6 миллиарда долларни ташкил қилди, деб хабар қилмоқда Ўзбекистон Марказий банки. 

Ушбу қарзнинг катта қисми давлат ҳисобига тўғри келмоқда. Умумий қарзнинг давлат улуши 17,48 млрд.$ (+10,7%)  ва хусусий компаниялар улуши эса 10,127 млрд. $ ни ташкил қилди (+16,2%).

Давлат қарзи таркибида 10 йил ва ундан ортиқ муддатга олинган қарзлар 20,3 миллиард долларни (73,5%) ташкил қилади. 1 йилдан 5 йилгача олинган қарзлар эса 3,395 миллиард долларни (12,3%) ташкил қилмоқда.

Марказий банк хабарига кўра, ташқи қарзнинг ошиши COVID-19 тарқалиши туфайли юзага келган кризиснинг ижтимоий-иқтисодий оқибатларини бартараф этиш учун олинган ташқи қарзлар туфайли содир бўлган. 

Ўзбекистон президенти март ойида COVID-19 оқибатларига қарши кураш учун капитали миқдори 1 миллиард бўлган Инқирозга қарши курашиш жамғармаси ташкил қилишни буюрган ва ҳукуматга давлат бюджетини молиялаштириш учун ташқи манбаалар қидириш топширилган эди. 

Эслатиб ўтамиз, Инқирозга қарши курашиш жамғармасига, жумладан Халқаро валюта жамғармасидан - 375 миллион доллар, Жаҳон банкидан - 295 миллион доллар ва Осиё Тараққиёт банкидан – 600 миллион доллар қарзлар жалб этилган эди. 

Маълумот учун, 2019 йилда Ўзбекистон ЯИМи 57,9 млрд. долларни ташкил қилган эди. Нуфузли Халқаро ташкилотлар Ўзбекистон ЯИМи 2020 йилда  5,0-5,8 %га ўсишини башорат қилишган эди. Лекин COVID-19 умумжаҳон эпидемияси туфайли ушбу прогнозлар 1,0-1,8% даржасигача қисқартирилди. 

187

Наманганда қачон “Hyundai” заводи қурилиши бошланиши маълум бўлди

337
(Янгиланган 15:50 23.09.2020)
“Hyundai Motors” Жанубий Корея компаниясининг инвестицион лойиҳанинг техник параметрларини ҳал этишига қараб, лойиҳани амалга оширишни 2020 йил октябрь ойининг охиригача бошлаш мўлжалланмоқда.

ТОШКЕНТ, 23 сен — Sputnik. “Наманган” эркин иқтисодий зонасида “Hyundai” тижорат автомобилларини ишлаб чиқарадиган завод қурилиши 2020 йил октябрь ойининг охиригача бошланиши кутилмоқда. Бу ҳақда “Дунё” АА хабар қилмоқда.

Маълум қилинишича, Наманган вилояти ҳокими Хайрулло Бозоров  Корея Савдо, саноат ва энергетика вазирлиги ҳузуридаги Корейс-ўзбек ассоциацияси раисининг биринчи ўринбосари Ким Чанг Кеон билан учрашган.

Учрашув давомида “Наманган” эркин иқтисодий зонасида “Hyundai” тижорат автомобилларини ишлаб чиқарадиган завод қурилиши бўйича лойиҳани амалга оширишнинг кейинги амалий босқичлари бўйича келишувларга эришилди.

“Hyundai Motors” Жанубий Корея компаниясининг инвестицион лойиҳанинг техник параметрларини ҳал этишига қараб, лойиҳани амалга оширишни 2020 йил октябрь ойининг охиригача бошлаш мўлжалланаётгани таъкидланди”, - дейилган хабарда.

Шунингдек, тижорат автомобиллари учун бутловчи ва эҳтиёт қисмлари ишлаб чиқаришни маҳаллийлаштиришга йўналтирилган истиқболдаги қўшма лойиҳалар бўйича фикр алмашилди.

Эслатиб ўтамиз, аввалроқ Намангандаги “Hyundai” автомобиллар ишлаб чиқариш заводи қурилишини жадаллаштириш бўйича қўшимча инвестиция шартномаси имзолангани хабар қилинган эди. Ундан аввал эса “Hyundai” компанияси 2020 йилнинг февраль ойидан Наманган вилоятида автомобиллар ишлаб чиқаришни йўлга қўйиши хабар қилинган эди.

337
Минарет Ислам Ходжа в Хиве

ЮНЕСКО бош директори Шавкат Мирзиёевнинг ташаббусини қўллаб-қувватлади

6
(Янгиланган 09:48 24.09.2020)
Одри Азуле Шавкат Мирзиёевнинг 2021 йилда Хивада халқаро маданий форум ўтказиш ташаббусини қўллаб-қувватлади.

ТОШКЕНТ, 24 сен - Sputnik. ЮНЕСКО Ўзбекистон президенти Шавкат Мирзиёевнинг Хивада халқаро маданий форум ўтказиш ташаббусини қўллаб-қувватлади. 

Шавкат Мирзиёевнинг БМТдаги чиқишидан сўнг ташкилот бош директори Одри Азуле ўз твиттерида Ўзбекистон президенти ташаббусини қўллаб-қувватлашини маълум қилди. 

"Мен Президент Мирзиёевнинг 2021 йилда Хивада Марказий Осиё бўйича халқаро маданий форум ўтказиш ташаббусини мамнуният билан қабул қиламан", - деб ёзди Одри Азуле. 

Эслатиб ўтамиз, Ўзбекистон президенти Шавкат Мирзиёев 22-23 сентябр кунлари бўлиб ўтган БМТ Бош Ассамблеясининг 75-сессиясида сўзлаган нутқида дунё ҳамжамияти эътиборини Оролбўйи ҳудудидаги экологик фалокатга қаратган эди. 

Хусусан Ўзбекистон президенти Оролбўйи минтақасини экологик инновация ва технологиялар ҳудуди, деб эълон қилишни ҳамда 2021 йилда ЮНЕСКО билан ҳамкорликда қадимий Хива шаҳрида “Марказий Осиё жаҳон цивилизациялари чорраҳасида” деган мавзуда халқаро форумни ўтказишга тайёр эканлигини билдирган эди. 

6