Рабочие на строительной площадке

Россия иқтисодий ривожланиш вазири мигрантлар сонини оширишни таклиф этди

566
(Янгиланган 11:10 24.05.2019)
Вазирлик сифатли миграцияни рағбатлантириш бўйича таклифларни ишлаб чиқди

ТОШКЕНТ, 24 май - Sputnik. РФ Иқтисодий ривожлантириш вазири Максим Орешкин Россия ишсизлик даражасини пасайтириш ва сифатли миграцияни рағбатлантириш бўйича чораларни кўриши лозимлиги ҳақида баёнот қилди. Бу ҳақда РИА Новости хабар берди.

Орешкин, иқтисодий ўсиш даражасини меҳнат бозоридаги ўзгаришлар эвазига тезлаштириш лозимлигини қайд этган.

Вазир Россиянинг меҳнатга лаёқатли аҳолиси сони 2018 йил давомида 900 мингга камайганига эътибор қаратган.

"Бу иқтисодий фаолликни тўхтатиб турадиган жиддий омилдир, шу боис бир томондан ишсизлик даражасини пасайтириш, иккинчи томондан миграция оқимини кучайтириш бўйича чораларнинг ҳаётга татбиқ этилиши - умумий ҳаракатлар пакетининг муҳим элементларидан бири бўлади", - деб айтган Орешкин.

У шунингдек, вазирлик сифатли миграцияни рағбатлантириш бўйича таклифларни ишлаб чиққанини қайд этган.

Орешкинга кўра, Россия кўпам фойда келтирмайдиган, кўп иш талаб этадиган ишлаб-чиқаришдан воз кечмоғи, бунинг ўрнига биринчи галда талаб катта бўлган қўшни давлатлардан нисбатан арзон ишчи кучини жалб қилмоғи керак.

Бундан ташқари, Россия ўз бозорини кенгайтириши лозим. "Бу Россия Беларус, ЕОИИ, МДҲ ва албатта, бутун дунё бўйлаб бошқа давлатлар ва бирлашмалар билан ўзаро манфаатли ҳамкорликни кўзда тутади", - дея қўшимча қилган Орешкин.

566
Национальная валюта Узбекистана — сум

Ўзбекистон ҳукумати пандемия оқибатларини юмшатишга қанча маблағ сарфлади

45
Март ойидан буён Ўзбекистонда пандемия оқибатларини аҳолининг яшаш ва тарзи ва иқтисодиёт тармоқлари даражасида юмшатишга қаратилган 14 та фармон ва қарорлар қабул қилинган.

ТОШКЕНТ, 13 июл — Sputnik. “Юксалиш” умуммиллий ҳаракати аҳоли, иқтисодиёт жабҳалари ва тадбиркорлик субъектларини коронавирус пандемияси даврида қўллаб-қувватлаш чоралари қийматини баҳолади.

"Коронавирус пандемияси даврида 2020 йил 9 июль ҳолатига кўра, аҳоли, иқтисодиёт тармоқлари ва тадбиркорлик субъектларини қўллаб-қувватлашга доир кўрилган чораларнинг умумий қиймати 62 593 млрд сўм (6,13 млрд АҚШ долларидан ошади) дея баҳоланмоқда", - дейилган хабарда.

Шундан:

  • Молия вазирлиги ҳузуридаги Инқирозга қарши кураш жамғармаси харажатлари — 5 293 млрд сўм;
  • Cолиқ ва божхона имтиёзлари – 1 636 млрд сўм;
  • Cолиқлар кечиктирилиши ва жарималарнинг вақтинча тўхтатилиши – 2 510 млрд сўм;
  • Банк соҳасини қўллаб-қувватлаш чоралари – 48 215 млрд сўм;
  • Қурилиш ва тараққиёт жамғармаси – 3 306 млрд сўм;
  • Иқтисодиётнинг реал секторларини қўллаб-қувватлаш чоралари – 1 632 млрд сўм.

Шунингдек, Ўзбекистонда аҳоли бандлигини рағбатлантириш, иш ўринларини ва ишчилар даромадини сақлаш қолиш мақсадида инқирозга қарши комплекс чоралар қабул қилинган.

Инқирозга қарши жамғарма ҳисобидан 230 минг ишсиз кишилар жамоат ишларига жалб қилиниб, вақтинча бандлиги таъминланган. Томорқа хўжалигини ривожлантириш ва қишлоқ хўжалиги коорперативларини ташкил этиш учун субсидия ажратилиши ҳисобига 33 мингдан зиёд кам таъминланган оилалар бандлиги таъминланган. Аҳоли ўртасида тадбиркорликни ривожлантиришга ажратилган субсидиялар ҳисобига 3 минг банд бўлмаган аҳоли ишга жойлаштирилган.

20 минг ишсиз аҳоли ишсизлик нафақасини олган. 374 минг фуқаронинг уч ойлик бандлиги ва доимий даромади таъминланган. 27 минг банд бўлмаган аҳолига 10 млрд сўм нафақа тўланган.

Жорий йилнинг март ойидан июнь ойига қадар Ўзбекистонда пандемия оқибатларини аҳолининг яшаш ва тарзи ва иқтисодиёт тармоқлари даражасида юмшатишга қаратилган 14 та фармон ва қарорлар қабул қилинган.

Натижада 500 мингдан ортиқ тадбиркорлик субъектлари ва 8 млндан зиёд фуқаролар 30 трлн сўмга яқин имтиёз ва преференцияяларга эга бўлган.

Махсус сўровномалар натижасида 583 минг кам таъминланган оилаларга, хусусан, “Саховат ва кўмак” умумхалқ ҳаракати доирасида 307 млрд сўмдан зиёд маблағ берилган.

45
Теглар:
иқтисод, коронавирус, Ўзбекистон
Президент Узбекистана Шавкат Мирзиёев прибыл в Турцию с визитом

Ўзбекистон ва Туркия ўртасида яна бир ҳужжат кучга кирди

107
Ҳужжатга биноан, икки давлат ваколатли органлари ўртасида ахборот алмашишнинг янгиланган тартиби назарда тутилмоқда. Битим солиқларни ундиришда кўмаклашишга оид янги норма билан тўлдирилмоқда

ТОШКЕНТ, 13 июл — Sputnik. Ўзбекистон ва Туркия ўртасида 1996 йил 8 майдаги Даромадларга икки томонлама солиқ солишга йўл қўймаслик тўғрисидаги ҳукуматлараро битимга ўзгартиришлар киритиш тўғрисидаги баённома 9 июлдан эътиборан кучга кирди.

Ҳужжат Ўзбекистон президенти Шавкат Мирзиёевнинг 2017 йил 25-октябрда Туркияга ташрифи давомида имзоланган.

Ҳужжатга биноан, икки давлат ваколатли органлари ўртасида ахборот алмашишнинг янгиланган тартиби назарда тутилмоқда, шунингдек, Битим солиқларни ундиришда кўмаклашишга оид янги норма билан тўлдирилмоқда.

Тузатишлар “солиқ шаффофлиги”ни таъминлашга қаратилган бўлиб, бу икки мамлакатнинг жисмоний ва юридик шахслари томонидан солиқларни тўлашдан бўйин товлашга қарши курашиш самарадорлигини оширишга ёрдам беради.

Ушбу ўзгартириш ва қўшимчалар шартномавий-ҳуқуқий базани такомиллаштириш ва битим қоидаларини икки мамлакатнинг амалдаги солиқ қонунчилигига мувофиқлаштириш зарурияти билан белгиланади.

107
Теглар:
Ўзбекистон, Туркия
Иллюстрированное изображение вируса COVID-19

Қачон тугайди? Олимлар коронавируснинг 3-чи тўлқини ҳақида огоҳлантиришди

9
Дунёга янги коронавирус штаммининг 3-чи тўлқини таҳдид солмоқда, у гриппнинг тарқалиши билан бошланиши мумкин.

ТОШКЕНТ, 10 июл — Sputnik. Дунёга коронавируснинг янги штаммининг 3-чи тўлқини таҳдид солмоқда. Бу ҳақда америкалик шифокор Чад Крилич Deutsche Welle телеканалига берган интервьюда маълум қилди.

Мутахассиснинг фикрига кўра, агар ҳукумат ва фуқаролар хавфсизлик чораларига риоя қилмаса коронавирусни юқтириб олишнинг янги ҳолатлари рекорд даражага кўтарилиши мумкин.

Шифокор, АҚШда чекловни аста-секин олиб ташлашни бошлаганида, май ойининг охирида инфекциянинг такроран пайдо бўлганига эътибор қаратди.

Криллич бундай ҳолатларга эътибор бермаслик мумкин эмас, улар фонида етарли миқдордаги ҳимоя, тестлар ва дори-дармонлар билан таъминлаш керак.

Коронавируснинг учинчи тўлқини гриппнинг тарқалиши билан бошланиши мумкин, деб ҳисобламоқда эксперт.

“Бу худди 3 актли спектаклга ўхшайди, ва биз ҳозир иккинчисидамиз. Кейин учинчиси бўлади”, - деди шифокор.

Крилич таъкидлашича, коронавируснинг янги тарқалиши турли омилларга, шу жумладан вакцина ихтиро қилиниши ва жамоат хавфсизлиги чораларига боғлиқ.

9
Мавзу:
COVID-19 умумжаҳон пандемияси