Офис банка Райффайзен

Ўзбекистон евробондлар бозорида "истиқболли юлдуз" Райффайзенбанк

224
(Янгиланган 14:00 27.06.2019)
Феврал ойида Ўзбекистон умумий қиймати 1 миллиард доллардан ортиқ бўлган еврооблигациялар жойлаштирди.

ТОШКЕНТ, 27 июн - Sputnik. Ўзбекистон яқин икки йил ичида евробондлар чиқариш бўйича МДҲда учинчи ўринга чиқиши мумкин, деди РИА Новостига “Райффайзенбанк” молиявий институтлар бўлими Анастасия Евстигнеева.

“Келаётган 1-2 йил ичида биз Ўзбекистонни чиқарилаётган янги еврооблигациялар бўйича етакчи учликда кўришимиз мумкин”, - деди мутахассис Тошкентда бўлиб ўтаётган банкчилар саммитида.

Евстигнеева айтишига кўра, айни дамда Ўзбекистон қарзга капитал олиш бўйича айни дамда МДҲда энг “истиқболли юлдуздир”. Унинг фикрига кўра, бунда Ўзбекистон иқтисодий ривожланиш суръати ҳамда инвесторларнинг Ўзбек облигацияларига ишқибозлиги ҳам катта роль ўйнайди.

“Бу Ўзбекистон бозорини ривожлантириш учун аъло джаражадаги  уйғунлик”, - деди банк вакили.

Эслатиб ўтамиз, ушбу йилнинг феврал ойида Ўзбекистон илк бор умумий қиймати миллиард доллар бўлган евробондларни жойлаштирган эди. Улар 500 миллионли икки гуруҳга бўлинган бўлиб, биринчисининг йиллик даромади  4,75% ва сўндириш муддати 2024 йил, иккинчисининг йиллик даромади 5,375 % бўлиб сўндириш муддати 2029 йилга белгиланган эди.

Маълумот учун, Евробондлар ёки Еврооблигациялар — бу узоқ муддатли (3 – 30 йил) кредитга муҳтож бўлган ҳукуматлар, халқаро ташкилотлар ёки йирик компаниялар томонидан, Европа қимматбаҳао қозғозлар бозорига чиқариладиган халқаро қарздорлик мажбуриятидир. Еврооблигацияларнинг хусусиятидан бири шундаки – уларнинг фоизи қарз берган томонга тўлиқ тўланади, даромад солиғи ушлаб қолинмайди.

26-27 июнда Тошкентда Халқаро Банк самммити бўлиб ўтмоқда. Унда Австриянинг "Райффайзен" банки молия институтлари департаменти директори Аксель Зуммер бошчилигидаги йирик делегация ҳам иштирок этмоқда. 

224
Президент Шавкат Мирзиёев ознакомился с проектами по туризму и приватизации государственных активов.

Президент 500 дан зиёд бозорларни хусусийлаштириш бўйича топшириқ берди

283
Самарасиз ишлаётган 711 та корхонани тугатиш, 262 та корхонани қайта ташкил этиш, шунингдек, 500 дан зиёд бозорларни хусусийлаштириш бўйича топшириқ берилди.

ТОШКЕНТ, 28 май — Sputnik. Ўзбекистон президенти Шавкат Мирзиёев туризм ва давлат активларини хусусийлаштириш соҳаларидаги лойиҳалар тақдимоти билан танишди.

Давлат раҳбари матбуот хизмати хабарига кўра, тақдимотда давлат активларини хусусийлаштириш, бўш турган объектлар ва ер майдонларини аниқлаш ҳамда улардан самарали фойдаланиш, давлат иштирокидаги корхоналарда корпоратив бошқарувни жорий этишга доир режалар ҳақида маълумот берилди.

Президент соҳадаги ишларни давом эттириб, яна 1400 га яқин давлат активларини хусусий инвесторларга беришни тезлаштириш зарурлигини таъкидлади. Вазирлар маҳкамасига хусусийлаштириш дастурини тасдиқлаш вазифаси қўйилди.

“Давлат активларини бошқариш агентлигига тармоқ раҳбарлари билан бирга самарасиз ишлаётган 711 та корхонани тугатиш, 262 та корхонани қайта ташкил этиш, шунингдек, 500 дан зиёд бозорларни хусусийлаштириш бўйича топшириқ берилди”, - дейилган хабарда.

Мирзиёев давлат ихтиёрида сақлаб қолинадиган корхоналарни бошқариш ва ислоҳ қилиш бўйича янги тизим жорий этиш муҳимлигини қайд этди.

283
Солнечные панели

Муқобил энергиядан фойдаланувчилар қай ҳолда солиқ тўлайди?

212
(Янгиланган 19:09 27.05.2020)
Қуёш, шамол ёки сув электр станцияларидан шахсий мақсадда фойдаланганда солиқ тўлаш талаб қилинмайди.

ТОШКЕНТ, 27 май - Sputnik. Қайта тикланувчи энергия манбаларидан фойдаланувчилар қай ҳолларда солиқ тўлаши кераклигини Энергетика вазирлиги тушунтириб берди. 

2019 йил 21 майда қабул қилинган Ўзбекистон Республикасининг "Қайта тикланувчи энергия манбаларидан фойдаланиш тўғрисида"ги қонунига кўра: 

  • қайта тикланувчи энергия манбааларидан шахсий эҳтиёжлар учун фойдаланилган тақдирда - рухсат берувчи ҳужжатлар олиш ва солиқ тўлаш талаб этилмайди; 
  • қайта тикланувчи энергия манбааларидан сотиш учун энергия ишлаб чиқарилганда - бу тадбиркорликнинг янги тури ҳисобланади ва локал электр тармоқлари билан шартнома тузиш ва белгиланган тартибда солиқ тўлаш талаб этилади; 

Шунингдек, юқоридаги қонунга мувофиқ, фақат қайта тикланувчи энергиядан фойдалаётган фуқаролар, яъни мавжуд энергия тармоқларидан тўлиқ узилган тақдирда, жисмоний шахсларнинг мол-мулк солиғидан ва ер солиғидан уч йил муддатга озод қилинади. 

Ундан ташқари, 2019 йил 22 августда президентнинг ПҚ-4422-сонли қарорига мувофиқ, 2020 йилнинг 1 январидан бошлаб жисмоний шахсларга қуёш фотоэлектр станциялари учун (3 млн. сўмдан ортиқ бўлмаган), қуёш сув иситгичлари учун (1,5 млн. сўмдан ортиқ бўлмаган), шунингдек, энергия тежамкор газ-горелкали қурилмалар учун эса (200 минг сўмдан ортиқ бўлмаган) сотиб олиш қийматининг учдан бир қисми давлат бюджети ҳисобидан қопланишини назарда тутувчи тартиб жорий қилиниши белгиланган.

Шу билан бирга, Энергетика вазирлиги аҳолидан ижтимоий тармоқларда тарқалаётган (масалан, уйни ёритиш учун қуёш панелларидан фойдаланиш учун рухсат олиш ва солиқ тўлаш керак деган) айрим миш-мишларга ишонмасликни, аниқ маълумот учун вазирликка мурожаат қилишни сўрайди. 

 

212
Флаги стран участниц СНГ

МДҲ ҳукумат раҳбарлари коронавирусга қарши кураш масалаларини муҳокама қилади

0
Абдулла Арипов бошчилигида ўтадиган мажлисда Ҳамдўстлик иштирокчи давлатларининг турли жабҳалардаги ҳамкорлигига оид 15 та масала кўриб чиқилади.

ТОШКЕНТ, 28 май — Sputnik. 29 май куни Ўзбекистон раислиги доирасида Мустақил давлатлар ҳамдўстлиги иштирокчи давлатлари Ҳукумат раҳбарлари кенгашининг навбатдаги мажлиси видеоанжуман шаклида бўлиб ўтади. Бу ҳақда Ташқи ишлар вазирлиги хабар бермоқда.

Тадбирда Россия ҳукумати раиси, Озарбайжон, Беларусь, Қозоғистон, Молдова, Тожикистон бош вазирлари, Арманистон ва Қирғизистон бош вазири ўринбосарлари, Туркманистон Вазирлар маҳкамаси раисининг ўринбосари ва ташқи ишлар вазири ҳамда МДҲ Ижроия қўмитаси раиси – ижрочи котиби Сергей Лебедев иштирок этиши кутилмоқда.

Ҳукумат раҳбарлари кенгаши мажлиси кун тартибига Ҳамдўстлик иштирокчи давлатларининг турли жабҳалардаги ҳамкорлигига оид 15 та масала киритилган.

Музокаралар чоғида иқтисодий, транспорт-логистика, энергетика, маданий-гуманитар ва бошқа соҳалардаги ҳамкорликнинг долзарб йўналишлари юзасидан фикр алмашинилади ҳамда коронавирус инфекциясининг тарқалишига қарши биргаликдаги саъй-ҳаракатлар муҳокама қилинади.

0