Калькулятор

Қўшилган қиймат солиғини тўлаш тартиби ўзгармоқда

1090
Юридик шахсларнинг банкларга жойлаштирган маблағларидан оладиган тўловини фойда солиғидан озод қилиш бўйича имтиёзлар бекор қилинади.

ТОШКЕНТ, 28 июн – Sputnik. Солиқ ва божхона имтиёзлари берилишини янада тартибга солиш чора-тадбирлари тўғрисидаги президент фармони қабул қилинди.

Фармонга мувофиқ, 2019 йил 1 августдан:

- ягона ер солиғи тўлайдиган қишлоқ хўжалиги товарлари ишлаб чиқарувчилар қўшилган қиймат солиғини тўлашга ихтиёрий ўтиши мумкин;

- йил давомида хизматлар кўрсатишдан олган тушуми 100 миллион сўмдан ошган, бироқ 1 миллиард сўмдан кўп бўлмаган телекоммуникациялар операторлари ва (ёки) провайдерларига воситачилик хизматларини кўрсатувчи якка тартибдаги тадбиркорлар хизмат ҳақи суммасидан 25 фоиз ставкада ягона солиқ тўловини тўлашга ўтади.

Шунингдек, 2019 йил 1 октябрдан:

- бензин, дизель ва газни ёқилғи қуйиш станциялари орқали сотадиган юридик шахслар, ушбу товарлардан тушган тушумнинг миқдоридан қатъий назар, қўшилган қиймат солиғи тўловчилари ҳисобланади;

- импорт қилувчи тадбиркорлар, товарларни сотишдан тушган тушум миқдоридан қатъий назар, қўшилган қиймат солиғи тўловчилари ҳисобланадилар.

Қўшилган қиймат солиғидан қуйидагилар бўйича имтиёзлар бекор қилинади (шу жумладан, импорт қилинганда ҳам):

- асбест, кўмир, ёғоч материаллари, ёғоч ва ундан тайёрланган буюмлар, углеводород хомашёси;

- соя данаги, кунгабоқар ва кунжут уруғлари, мойли хомашё ва шакар хомашёси;

- қишлоқ хўжалиги техникаси, автотранспорт воситалари, автотранспорт воситаларини ишлаб чиқаришда фойдаланиладиган бутловчи буюмлар, материаллар ва технологик асбоб-ускуналар.

Бундан ташқари:

- юридик шахсларнинг банкларга жойлаштирган маблағларидан оладиган тўловини фойда солиғидан озод қилиш бўйича имтиёзлар бекор қилинади;

- ўзи ишлаб чиқарган қишлоқ хўжалиги маҳсулотларига ва Республикада ишлаб чиқарилган озиқ-овқат маҳсулотларига белгиланган қўшилган қиймат солиғи бўйича имтиёзлар бекор қилинади.

- 2019 йил январидан сентябригача 1 миллиард сўмдан ортиқ пул тушумига эга ёки 50 гектардан ортиқ қишлоқ хўжалигига мўлжалланган ери бўлган ягона ер солиғи тўловчилари қўшилган қиймат солиғи тўловчилари ҳисобланадилар ҳамда қўшилган қиймат солиғи тўловчиси сифатида рўйхатдан ўтишлари шарт.

Бунда, 2019 йил 1 октябрдан белгиланган пул тушуми чегаравий даражасига етган ягона ер солиғи тўловчилар ушбу даражага эришилган ойдан кейинги ойнинг 1 санасидан бошлаб қўшилган қиймат солиғини тўлашга ўтади.

Пахта хомашёсини ишлаб чиқарувчилар 2019 йил ҳосилидан бошлаб қўшилган қиймат солиғини тўлашга ўтадилар.

Ўзбекистонда ишлаб чиқарилган озиқ-овқат маҳсулотлари қисми бўйича қўшилган қиймат солиғидан имтиёзга эга бўлган юридик шахсларга имтиёздан воз кечиш тўғрисида хабарнома бериш асосида, хабарнома берилган ойдан кейинги ойнинг 1 санасидан қўшилган қиймат солиғини тўлаш ҳуқуқи берилди.

Маҳаллий ҳокимликларга юридик шахсларнинг мол-мулк, ер солиғи ва ягона ер солиғининг тўлов муддатини 24 ойгача кечиктириш ваколати берилди (бунда уларнинг мазкур солиқлар бўйича имтиёз бериш ҳуқуқини бекор қилинади).

2019 йил 1 августдан жисмоний шахсларнинг суғурта ташкилотларига ҳаётини узоқ муддатли суғурталаш бўйича суғурта мукофотини тўлашга йўналтириладиган иш ҳақи ва бошқа даромадлари солиққа тортилмайди.

Тадбиркорларга асбоб-ускуналар ва (ёки) бутловчи буюмлар етказиб бериш бўйича импорт шартномалари юзасидан муддати ўтган дебитор қарздорлик учун, агарда асбоб-ускуналар ва (ёки) бутловчи буюмларни етказиб бериш муддати уларнинг техник хусусиятлари ва ўзига хослигидан келиб чиққан ҳолда 180 кундан ортиқ бўлса, молиявий жазо чоралари қўлланилмайди.

1090
Солнечные панели

Муқобил энергиядан фойдаланувчилар қай ҳолда солиқ тўлайди?

198
(Янгиланган 19:09 27.05.2020)
Қуёш, шамол ёки сув электр станцияларидан шахсий мақсадда фойдаланганда солиқ тўлаш талаб қилинмайди.

ТОШКЕНТ, 27 май - Sputnik. Қайта тикланувчи энергия манбаларидан фойдаланувчилар қай ҳолларда солиқ тўлаши кераклигини Энергетика вазирлиги тушунтириб берди. 

2019 йил 21 майда қабул қилинган Ўзбекистон Республикасининг "Қайта тикланувчи энергия манбаларидан фойдаланиш тўғрисида"ги қонунига кўра: 

  • қайта тикланувчи энергия манбааларидан шахсий эҳтиёжлар учун фойдаланилган тақдирда - рухсат берувчи ҳужжатлар олиш ва солиқ тўлаш талаб этилмайди; 
  • қайта тикланувчи энергия манбааларидан сотиш учун энергия ишлаб чиқарилганда - бу тадбиркорликнинг янги тури ҳисобланади ва локал электр тармоқлари билан шартнома тузиш ва белгиланган тартибда солиқ тўлаш талаб этилади; 

Шунингдек, юқоридаги қонунга мувофиқ, фақат қайта тикланувчи энергиядан фойдалаётган фуқаролар, яъни мавжуд энергия тармоқларидан тўлиқ узилган тақдирда, жисмоний шахсларнинг мол-мулк солиғидан ва ер солиғидан уч йил муддатга озод қилинади. 

Ундан ташқари, 2019 йил 22 августда президентнинг ПҚ-4422-сонли қарорига мувофиқ, 2020 йилнинг 1 январидан бошлаб жисмоний шахсларга қуёш фотоэлектр станциялари учун (3 млн. сўмдан ортиқ бўлмаган), қуёш сув иситгичлари учун (1,5 млн. сўмдан ортиқ бўлмаган), шунингдек, энергия тежамкор газ-горелкали қурилмалар учун эса (200 минг сўмдан ортиқ бўлмаган) сотиб олиш қийматининг учдан бир қисми давлат бюджети ҳисобидан қопланишини назарда тутувчи тартиб жорий қилиниши белгиланган.

Шу билан бирга, Энергетика вазирлиги аҳолидан ижтимоий тармоқларда тарқалаётган (масалан, уйни ёритиш учун қуёш панелларидан фойдаланиш учун рухсат олиш ва солиқ тўлаш керак деган) айрим миш-мишларга ишонмасликни, аниқ маълумот учун вазирликка мурожаат қилишни сўрайди. 

 

198
Вертолет  Ми-8МТВ-1

Uzbekistan Airways иккита вертолётини сотувга қўйди

341
Uzbekistan Airways иккита вертолётини 2,5 миллион долларга сотувга қўйди. Улар 1991 ва 1992 йилларда ишлаб чиқарилган.

ТОШКЕНТ, 27 май — Sputnik. Uzbekistan Airways АЖ ишлатишдан чиқарилган авиация техникасини сотувга қўйди. Бу самолёт паркини янада унификация ва модернизация қилиш лойиҳаси доирасида амалга оширилмоқда. Бу ҳақда Давлат активларини бошқариш агентлиги хабар қилмоқда.

Сотувга қўйилган техникалар орасида 1991 йилда ишлаб чиқарилган МИ-8МТВ-1 (нархи 1 224 904 доллар) ва 1992 йилда ишлаб чиқарилган худди моделдаги (нархи 1 274 265 доллар) вертолётлар бор  

Шунингдек, сотувга авиация двигателлари қўйилган.

Эслатиб ўтамиз, президент ҳузурида бўлиб ўтган йиғилишда Uzbekistan Airways компаниясини нуфузли хорижий компания бошқарувига бериш масаласи кўриб чиқилган эди.

341
Заседание Совета безопасности ООН. Архивное фото

Хитой Гонконгдаги вазиятни БМТ Хавфсизлик Кенгашида муҳокама қилишдан бош тортди

2
(Янгиланган 11:43 28.05.2020)
Россия делегацияси ҳам Хитойнинг "Гонконгдаги вазият Хитойнинг ички иши ва бу масала БМТ Хавфсизлик Кенгаши ваколатига кирмаслиги" ҳақидаги позициясини қўллаб-қувватлади.

ТОШКЕНТ, 28 май - Sputnik. Хитой Гонгконг атрофидаги вазиятни БМТ Хавфсизлик Кенгашида муҳокама қилишни рад этди, бу АҚШнинг ушбу ташкилотдаги доимий ваколатхонаси берган изоҳидан маълум бўлди.

Ўз навбатида, ХҲРнинг БМТдаги доимий вакили Чжан Цзюн твиттерда "Хитой АҚШнинг Хавфсизлик Кенгаши йиғилишини ўтказиш ҳақидаги асоссиз сўровини қатъиян рад этади" деб ёзди. Унинг сўзларига кўра, Гонконгнинг миллий хавфсизлиги тўғрисидаги қонуни фақат Хитойга тааллуқли ички иши.

"Бу Хавфсизлик Кенгашининг фаолияти доирасига алоқаси йўқ", - дея таъкидлади дипломат.

Хитой доимий вакилининг сўзларига кўра, "далиллар АҚШ дунёдаги муаммолар манбаи эканлигини кўп бора исботлайди". "Хитой АҚШни зўравонлик сиёсати ва таҳқирлаш амалиётини дарҳол тўхтатишга чақирмоқда", - дея қўшимча қилди у.

РИА Новости агентлигига БМТдаги манбанинг сўзларига кўра, Россия делегацияси Пекиннинг Гонконгдаги вазият Хитойнинг ички иши ва бу масала БМТ Хавфсизлик Кенгаши ваколатига кирмаслиги бўйича позициясини қўллаб-қувватлади.

Гонконгнинг ҳукуматга қарши кучлари ва бир қатор Ғарб расмийларининг норозилиги Бутун Хитой Халқ Конгресси (Хитойнинг асосий қонун чиқарувчи органи) томонидан "Гонконг махсус маъмурий ҳудудида миллий хавфсизликни таъминлаш учун ҳуқуқий тизим ва ижро механизмларини яратиш ва такомиллаштириш тўғрисида қарор" кўриб чиқилганлиги сабабли юзага келди. Мухторият учун махсус ишлаб чиқилган қонун лойиҳасида марказий ҳукуматни ағдаришга қаратилган террорчилик, ташқи аралашув ва сепаратистик фаолиятга қарши курашувчи, шунингдек ҳар қандай қўзғаш шакллари тақиқланиши керак.

Аввалроқ, АҚШ президентининг миллий хавфсизлик бўйича маслаҳатчиси Роберт О`Брайен, агар Пекин Гонконгни миллий хавфсизлик тўғрисидаги қонун лойиҳаси орқали "ишғол қилса", Хитойга қарши санкциялар киритиш билан таҳдид қилган эди.

Чоршанба куни АҚШ давлат котиби Майк Помпео Конгрессга Гонконгнинг ХҲРдан мухторияти йўқлиги тўғрисида хабар берди, 1997 йилда бу ҳудуд Буюк Британиядан Хитой ҳукуматига берилганида бундай мухторият кўзда тутилган эди.

Аввалроқ АҚШ ҳукумати Гонконгга нисбатан хатти-ҳаракатлари учун Хитой ҳукуматига қарши санкцияларни қўллаш масаласини кўриб чиқаётганлигини маълум қилган эди. Кейинроқ, Хитой АҚШ расмийларининг Гонконг миллий хавфсизлиги тўғрисидаги қонун лойиҳаси бўйича баёнотлари туфайли АҚШга жавоб тақдим этди ва агар АҚШ ХҲР манфаатларига зид ҳаракат қилса, қарши чоралар ҳақида огоҳлантирди.

2