Топливораздаточная колонка на автозаправочной станции

Ўзбекистонда қозоқ бензини пайдо бўладими “Ўзбекнефтгаз” жавоби

624
Қозоғистон мамлакат экспорт қилаётган бензиннинг биринчи партиясини Ўзбекистон сотиб олишини маълум қилганди.

ТОШКЕНТ, 28 июн — Sputnik. “Ўзбекнефтгаз” АЖ бошқарув раиси Баҳодир Сиддиқов мамлакатга бензин, жумладан, Қозоғистондан импорт қилиниши ҳақидаги хабарларга изоҳ берди. Унинг сўзларнига кўра, ўзбек бозори бугунги кунда барча шериклари учун очиқ, лекин шахсий манфаатлар ҳам инобатга олинади, деб хабар қилмоқда Sputnik Ўзбекистон мухбири.

Журналистларнинг “мамлакатда бензин билан боғлиқ вазият қандай ва нима сабабдан Ўзбекистон ёқилғини Россия ёки Қозоғистондан сотиб олишга мажбур бўлмоқда”, деган саволларига жавоб бераётиб,  асосий мақсад – одамларга танлаш имкониятини яратиб, маҳаллий бозорни етарли даражада сифатли ёқилғи билан таъминлаш эканини қайд этди.

Унинг сўзларига кўра, умуман олганда Ўзбекистон шериклари учун нефть маҳсулотлари бозорини очиш бўйича чоралар кўрмоқда. Мамлакатда аллақачон юқори сифатли ёқилғи етказиб бераётган “Лукойл”нинг шохобчаси фаолият юритади, келажакда "Татнефть” компаниясининг шохобчалари фаолият юритишни бошлайди.

“Шунингдек, Қозоғистон ва Хитой автомобиль ёқилғи қуйиш шохобчалари билан ҳамкорликни йўлга қўйиш режаларимиз бор. Қозоғистондан бензин сотиб олиш ҳақидаги хабарлар илгари эришилган келишувлар натижаси. Бухоро нефтни қайта ишлаш заводига нефтни импорт қилиб, уни у ерда қайта ишлаб, хусусий маҳсулот олиш устувор вазифаларимиздан саналади. Агар қозоқ бензини бизда мавжуд бўлган нархлар билан рақобатлаша олса, бу ерда ҳеч қандай муаммо бўлмайди”, - дея изоҳ берди Сиддиқов.

У сўнгги икки йил ичида мамлакат бензин бозорида вазият анча яхшилангани ва ҳозирда АЁҚШда навбатлар амалда йўқолгани ва ёқилғи тақчиллиги йўқлигини қўшимча қилди.

Қозоғистон июль ойидан ЕОИИ, хусусан, Қирғизистон ва Беларусга бензин импорт қилишни режалаштирган. Бундан ташқари, Тожикистон ва Ўзбекистон билан музокаралар олиб бормоқда.

624

Россия қатор давлатлар туристлари учун ўз чегарасини очишни режалаштирмоқда

573
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

573
Тепловоз с грузовыми вагонами

Ўзбекистон ва Қозоғистон темир йўл транспортида юк ташиш тарифларини 50 фоизга пасайтиради

179
(Янгиланган 13:28 29.05.2020)
Ўзбекистоннинг Қозоғистондаги элчиси Саидикрам Ниёзхўжаев Қозоғистон маҳсулотлари Ўзбекистон орқали Афғонистон бозорига чиқиш бўйича логистика истиқболлари ҳақидаги саволга жавоб берди.

ТОШКЕНТ, 29 май - Sputnik. Ўзбекистон ва Қозоғистон темир йўлларда юк ташиш тарифларини пасайтиришга келишиб олди.

Томонлар тарифларни 50 фоизга қисқартиришни режалаштиришмоқда. Бу ҳақда Ўзбекистоннинг Қозоғистондаги элчиси Саидикрам Ниёзхўжаев маълум қилди.

"Ҳозирда темир йўл тарифлари бўйича Ўзбекистон ва Қозоғистоннинг тегишли хизматлари темир йўл транспортида 50 фоизлик чегирма тақдим этиш тўғрисида келишувни имзоладилар, яъни, ушбу масалалар энди икки томондан ҳам тўлалигича кўриб чиқилди", - деди Ниёзхўжаев Саратовда "Жорий санитар-эпидемиологик вазият тугаганидан сўнг ЕОИИ мамалакатлари савдо иқтисодий алоқаларини ривожлантириш истиқболлари" мавзусида ташкил этилган халқаро видеоконференцияда.

Шунингдек, элчи Афғонистон ҳудудида темир йўл транспорти учун тарифларни пасайтириш масаласи ҳам фаол кўриб чиқилаётганини қўшимча қилди.

Ниёзхўжаевнинг фикрига кўра, ушбу келишувни амалга ошириш учун барча шароитлар мавжуд.

Эслатиб ўтамиз, феврал ойида ташқи иқтисодий фаолиятни ислоҳ қилишга бағишланган йиғилишда президент Шавкат Мирзиёев товарлар чегарага етиб боргунга қадар ёки маҳсулотлар мамлакат ичида эркин муомалага чиқарилгандан кейин назорат қилинишини назарда тутувчи тизим яратиш бўйича топшириқ берган эди.

Чора-тадбирлар амалга оширилди. Апрел ойидан Ўзбекистонга темир йўл орқали олиб кирилаётган товарлар тўғрисидаги маълумотлар республика божхона органларига олдиндан электрон кўринишда тақдим этилишини талаб қилувчи тизим жорий этилди.

179
Председатель Госсовета Корейской Народно-Демократической Республики Ким Чен Ын

Ким Чен Ин эрта ёшдаги интим алоқаларни давлатга хиёнатга тенглаштирди

305
КХДР етакчисига кўра, мактаб ўқувчилари таъқиқланган материаллар ёки кераксиз сайтларга киришмаётганини назорат қилиш учун уларнинг телефонлари ёки бошқа қурилмаларини текшириб бориш зарур

ТОШКЕНТ, 30 май - Sputnik. Шимолий Корея етакчиси Ким Чен Ин ўсмирлар ўртасидаги интим алоқалар туфайли "маънавиятсизлик тобора ўсиб бораётгани" ҳақида гапирди. Бу ҳақда argumenti.ru хабар берган.

Бундан ташқари, у, эрта содир бўладиган жинсий алоқаларни давлатга хиёнатга тенглаштирди. Ёш йигит-қизларнинг бу сингари ўзини тутиши "душманларга жамиятимизни пораканда қилишда қўл келмоқда", дейди КХДР етакчиси.

New York Post нашрида ёзилишича, Ким Чен Ин буларнинг барчасида капитализм ва порнография айбдорлигини, айнан шу туфайли ўсмирлар бузилиб кетганини қайд этган.

"Сўнгги вақтларда катта синф ўқувчилари ахлоқсиз сексуал оғишларда тобора кўпроқ иштирок этмоқда ва Корея ишчи партияси Марказий қўмитаси уларга қарши қатъий чоралар кўриш бўйича директива нашр этди", - деб баёнот қилган Шимолий Корея етакчиси.

Ҳужжатга кўра, ота-оналар ва мактаб раҳбарияти "тарбиясиз ёшлар учун" жавобгар бўладилар.

Ким Чен Ин "жинсий ахлоқсизлик" ўсишини тўхтатиш йўли ҳақида ҳам фикр билдирган. КХДР етакчисига кўра, мактаб ўқувчилари таъқиқланган материаллар ёки ножоиз сайтларга кирмаётганини назорат қилиш учун уларнинг телефонлари ёки бошқа қурилмаларини мунтазам текшириб бориш зарур.

305