“Ўзбекнефтгаз” “Лукойл”га 600 млн долларлик қарзини қандай тўлайди?

516
(Янгиланган 17:56 28.06.2019)
“Ўзбекнефтгаз” раҳбари Баҳодир Сиддиқов “Лукойл” олдидаги 600 млн доллар миқдордаги қарздорлик ҳолатига изоҳ берди

ТОШКЕНТ, 28 июн — Sputnik. “Ўзбекнефтгаз” раҳбари Баҳодир Сиддиқов журналистнинг Россиянинг “Лукойл” компанияси олдидаги қарздорлик ҳолати  ҳақидаги саволига жавоб берди, деб хабар қилмоқда Sputnik Ўзбекистон мухбири.

Ўтган ҳафта президент Шавкат Мирзиёев Сенатда сўзлаган нутқида “Лукойл” компаниясидан 600 млн доллар миқдоридаги қарздорлик ҳақида гапирганди. Кўпчиликни маҳсулотни бўлиб олиш тўғрисидаги битим шартлари ўйлантирганди ва уларнинг фикрига кўра, битим мамлакатнинг миллий манфаатлари зид келади.

Сиддиқов жавобининг бошида “Лукойл” бугунги кунда Ўзбекистон Республикасидаги энг йирик инвестор ҳисобланиши, “Лукойл” инвестициялари ҳажми 7 миллиард доллардан ошиши, булар ўз навбатида газ-кимё мажмуаси қурилиши учун углеводород хом ашёсини қазиб олиш лойиҳаси доирасида сарфланганини эслатиб ўтди.

“Лукойл” олдидаги қарз бир йил ичида пайдо бўлмаганини таъкидламоқчиман. Биз кейинги йилларда "Лукойл"га сотилган табиий газдан ички истеъмолчилар учун сотиб оламиз. Бу табиий газ истеъмоли аҳоли томонидан ҳам, мамлакатимиз ривожи учун бугунги кунда ташкил этилаётган янги корхоналар томонидан ҳам табиий газ истеъмоли ошиши билан боғлиқ”, - дея иқтибос келтиради Сиддиқов сўзларидан Sputnik мухбири.

Унинг маълум қилишича, бугунги кунда гап имзоланган битим мамлакат манфаатларига мос келиш-келмаслиги ҳақида бормаяпти. Вужудга келган қарз “Лукойл” билан маҳсулотни бўлиб олиш тўғрисидаги битим доирасида компания оператори билан лойиҳа бўйича уч ойлик табиий газ қазиб олиш ҳажмини ташкил этади.

Ҳозирда мазкур қарзни тўлаш бўйича аниқ чора-тадбирларга ўтказилмоқда. Хусусан, “Лукойл” компанияси билан қарздорликнинг ушбу қисмини реструктуризация қилиш ва уни келгуси даврларда тўлаш бўйича келишув мавжуд.

“Бундан ташқари, маҳсулотни бўлиб олиш тўғрисидаги битим доирасида қазиб олинаётган газ экспортга йўналтирилишига кўпроқ эътибор қаратишимиз лозим. Президентимиз олдимизга шундай вазифани қўйган ва биз буни тўла-тўкис англаб турибмиз. Бугунги кунда “Ўзбекнефтегаз”нинг барча саъй-ҳаракати ўз қазиб олиш ҳажмини оширишга, келгусида бу газ ички истеъмолчиларга сотилишига йўл қўймасликка қаратилган”, - деди “Ўзбекнефтгаз” раҳбари.

Чунки сотиб олиш ва сотиш нархи орасида фарқ бор ва маҳсулотни бўлиб олиш тўғрисидаги битим доирасида барча қазиб олинган газ экспорт қилиниши шартига амал қилинса, бу Ўзбекистон учун ҳам даромадли лойиҳадир ҳамда “Лукойл”нинг даромадлар бўйича талабига ҳам мос келади.

У саволга жавоб бераётиб, битим доирасида давлатнинг даромади уч ярим миллиард доллардан ошиқроқни ташкил қилгани ва давлат ўз улушини олганини қўшимча қилди.

516
Добыча нефти в США

“Лукойл” “Ўзбекнефтегаз” янги меморандум имзолади

12
Қўшма корхона янги инвестицион блокларнинг нефт ва газ истиқболларини баҳолаш учун геологик ва геофизик маълумотларни ўрганади.

ТОШКЕНТ, 3 июн - Sputnik. “Лукойл” “Ўзбекнефтегаз” билан Ўзбекистонда геологик қидирув ва нефт ва газ қазиб олиш соҳасида қўшма ҳамкорлик тўғрисида янги меморандум имзолади, деб ёзади РИА Новости "Лукойл Узбекистан оперейтинг компани" матбуот хизматига таяниб.

“Тошкентда "Лукойл" ОАЖ ва "Ўзбекнефтегаз" АЖ ўртасида янги ўзаро англашув меморандуми имзоланди ... Меморандум геологик қидирув ва тижорий қазиб олиш мақсадида қўшма корхона ташкил этишни кўзда тутади”, - дейилади хабарда.

Таъкидланишича, қўшма корхона янги инвестицион блокларининг нефт ва газ истиқболларини баҳолаш учун геологик ва геофизик маълумотларни ўрганади.

Март ойида "Ўзбекнефтегаз" "Лукойл" компанияси билан Ўзбекистонда разведка қилиш бўйича қўшма корхона тузишни, шунингдек, Россия компаниясининг ишлаб чиқаришни рақамлаштириш бўйича тажрибасини ўрганишни режалаштираётгани ҳақида хабар берилган эди.

"Лукойл" раҳбари Вагит Алекперов 2018 йил кузида компания ва "Ўзбекнефтегаз" қидирув бурғулаш истиқболларини ўрганишини айтиб ўтган эди. Ўзбекистон томонининг маълумотларига кўра, 2020 йил июнига келиб "Лукойл" Марказий Қизилқум нефт ва газ ҳудудида жойлашган учта блок - Акбугет, Бешбулоқ ва Тошқудуқ бўйича қарор қабул қилиши мумкин.

"Лукойл" компанияси Ўзбекистонда 15 йилдан бери ишлаб келмоқда. Унинг мамлакатдаги барча лойиҳаларга киритган жами сармояси 10 миллиард долларни ташкил этади. Компания "Қандим-Хаузак-Шоди" ва "Ҳисор" лойиҳалари бўйича маҳсулот тақсимоти тўғрисидаги битимлар асосида ишлайди. Ўтган йили "Лукойл" компанияси томонидан бошқарилаётган лойиҳалардан табиий газнинг жами қазиб олиниши 60 миллиард кубометрга етди.

12
Volkswagen Caddy

Ўзбекистонда Volkswagen Caddy савдоси июлдан бошланади

304
“Жиззах Авто” қурилиш ишлари якуний босқичида турибди. Завод ва офиснинг асосий қисми бинолари битказилди ва фойдаланиш учун тайёр.

ТОШКЕНТ, 3 июн — Sputnik. Ўзбекистонда Volkswagen Caddy русумли автомобиллар савдоси шу йилнинг июль ойидан бошланиши режалаштирилмоқда. Бу ҳақда “Ўзавтосаноат” АЖ хабар қилмоқда.

Маълум қилинишича, “Жиззах автомобиль заводи”нинг қурилиш ишлари якуний босқичида турибди. Завод ва офиснинг асосий қисми бинолари битказилди ва фойдаланиш учун тайёр.

Ишлаб чиқариш жараёнини жадаллаштириш мақсадида Ўзбекистонга Volkswagen Caddy автомобилларининг бир қисми келтирилиб, улар сертификация бўйича ваколатли органларга топширилган.

“Жиззах Авто” МЧЖ билан ҳамкорлик қилувчи республика ҳудудларидаги қатор дилерлик корхоналар танлаб олинди.

“Шуни таъкидлаш жоизки, “Volkswagen Caddy” русумли автомобиллар савдоси шу йилнинг июль ойидан бошланиши режалаштирилмоқда”, - дейилган хабарда.

Бундан ташқари, юқори малакали мутахассисларни тайёрлаш мақсадида “Жиззах Авто” компанияси ва дилерлик корхоналари ходимларини “Фольксваген” бренди глобал стандартларига мувофиқ ўқитиш бўйича махсус дастур ишлаб чиқилди.

Маълумот учун: Volkswagen Caddy - 7 ўриндиқли (5-ўриндиқли кўриниши ҳам мавжуд) йўловчи ва юк минивени. Автомобиль ҳам бизнес юритишга, ҳам оилавий фойдаланиш учун тўғри келади. Тежамкор ва технологик (MPI) двигатель 1,6 литр қувватга эга, бензинда ишлайди. Ёқилғи сарфи – шаҳарда 100 км.га 9,3 литр, трассада 100 км.га 6,1 литр.

Эслатиб ўтамиз, аввалроқ “Ўзавтосаноат” АЖ ва “Фольксваген Груп Рус” концерни ўртасида ҳамкорлик тўғрисида келишув имзолангани хабар қилинган эди.

304