Бехзод Мусаев глава ГНК

Солиқ юки камайтирилса ҳам бюджетга тушумлар 1,5 баравар ошди

340
(Янгиланган 16:41 03.07.2019)
Солиқ юки камайтирилиши натижасида - бюджет тушумлари ва янги иш ўринлари сони кескин ошмоқда - ДСҚ раиси.

ТОШКЕНТ, 3 июл – Sputnik. Ўзбекистонда ўтган ярим йил давомида солиқ юки камайтирилган бўлишига қармасдан, бюджетга тушумлар миқдори 162 %га ошди, деди Давлат Солиқ қўмитаси раиси Беҳзод Мусаев, Sputnik мухбири хабарига асосан.

Мусаев айтишига қараганда, 2019 йил бошидан буён ҳам тадбиркорларга нисбатан ҳам жисмоний шахсларга нисбатан солиқ босими камайтирилган. Хусусан - 3.2 % ижтимоий тўловлар йўқ қилинган, маошлардан олинадиган даромад солиғи 22 % дан 12 % га туширилган, 8 % суғурта бадали йўқ қилинган, мол-мулк солиғи 5 %дан 2% га туширилган, тадбиркорлардан олинадиган ягона ижимоий соллиқ 22 %дан 12 % га туширилган.  

Қўшимча даромад ва иш ўринлари

Бунинг натижасида 500 триллион сўм маблағ хўжалик субъектлари ихтиёрида қолди. Бу Ўзбекистон ЯИМнинг 2% и дегани.  

Шунингдек жисмой шахслар қўлида 1,4 триллион сўм қолди. Ойлик ошмади, бошқа даромадлар қўйилмади, фақат солиқ босимини камайтириш натижасида шунча қўшимча даромад олинди.

Тадбиркорлик субъектлари имконият очилганини ҳис қилди. Бу биринчи навбатда яратилаётган иш ўринлари сонидан кўриш мумкин.

2019 йилнинг биринчи ярмида 571 минг иш уринлари яратилди ёки легаллаштирилди, десак ҳам бўлади.  Ўзи йиллик режамиз 575 минг эди, ярим йил ичида у бажариб бўлинди.

Қўшилган қиймат солиғи

Йил бошида биз 35 минг тадбиркор қўшилган қиймат солиғи тўлашга ўтади деб режалаштирган эдик. Лекин ярим йилнинг ўзида ҚҚС тўловчилари сони 48 минг кишини ташкил қилди. Йил охирига қадар уларнинг сони 75 мингга чиқиши кутилмоқда.

Солиқлар камайиши натижасида бюджет тушумлари бўйича қўрқувимиз бор эди. Лекин биринчи ярим йилликда 162 % ўсишга эришдик, 2018 йилнинг шу даврига нисбатан. Демак қўйилган қадамлар тўғри экан.

Президент фармонининг асосий моҳияти – соғлом рақобат муҳитини яратиш. Ҳозирги кунда ҚҚС киритилиши билан айрим соҳаларда имтиёзлар сақланиб қолгани учун, рақобат муҳити бир хил бўлмасдан ҚҚС занжири узилиб қолаётган эди. ушбу занжирни яратиш учун ушбу фармон қабул қилинган.

Мисол. Ушбу фармон чиқанидан сўнг биринчи ярим йилликда бизга жуда кўп фермерлар мурожаат қилишди. Улар “Биз ҳам ҚҚС тўловчиси бўлайлик, чунки, маҳсулот ишлаб чиқаришда биз ҳам ўғит сотиб оламиз, ёнилғи-мойлар сотиб оламиз, газ сотиб оламиз – буларнинг барчаси ҚҚС тўланадига маҳсулотлар. Биз ҚҚСдан озод бўлсак, ушбу харажатлар тўлиқ маҳсулот таннархига қўшилади. Оқибатда харажатлар миқдори ошиб кетади.  

Жазо ўрнига ёрдам берилди

Ундан ташқари, президент солиқчиларга тадбиркорларга сиз деб мурожаат қиласизлар, текширмайсизлар деб айтганидан сўнг, йил бошидан буён бирорта ҳам тадбиркор маъмурий жавобгарликка тортилмади. Аксинча солиқчилар жойларда бўлиб камерал назорат ўтказди, аниқланган камчиликлар кўрсатилди. Тўғриланган камчиликлар умумий қиймати 14,3 триллион  сўмни ташкил қилди. Аввалари бундай хатолар учун улан жарима тўлаш керак бўларди.

340
Volkswagen Caddy

Ўзбекистонда Volkswagen Caddy савдоси июлдан бошланади

247
“Жиззах Авто” қурилиш ишлари якуний босқичида турибди. Завод ва офиснинг асосий қисми бинолари битказилди ва фойдаланиш учун тайёр.

ТОШКЕНТ, 3 июн — Sputnik. Ўзбекистонда Volkswagen Caddy русумли автомобиллар савдоси шу йилнинг июль ойидан бошланиши режалаштирилмоқда. Бу ҳақда “Ўзавтосаноат” АЖ хабар қилмоқда.

Маълум қилинишича, “Жиззах автомобиль заводи”нинг қурилиш ишлари якуний босқичида турибди. Завод ва офиснинг асосий қисми бинолари битказилди ва фойдаланиш учун тайёр.

Ишлаб чиқариш жараёнини жадаллаштириш мақсадида Ўзбекистонга Volkswagen Caddy автомобилларининг бир қисми келтирилиб, улар сертификация бўйича ваколатли органларга топширилган.

“Жиззах Авто” МЧЖ билан ҳамкорлик қилувчи республика ҳудудларидаги қатор дилерлик корхоналар танлаб олинди.

“Шуни таъкидлаш жоизки, “Volkswagen Caddy” русумли автомобиллар савдоси шу йилнинг июль ойидан бошланиши режалаштирилмоқда”, - дейилган хабарда.

Бундан ташқари, юқори малакали мутахассисларни тайёрлаш мақсадида “Жиззах Авто” компанияси ва дилерлик корхоналари ходимларини “Фольксваген” бренди глобал стандартларига мувофиқ ўқитиш бўйича махсус дастур ишлаб чиқилди.

Маълумот учун: Volkswagen Caddy - 7 ўриндиқли (5-ўриндиқли кўриниши ҳам мавжуд) йўловчи ва юк минивени. Автомобиль ҳам бизнес юритишга, ҳам оилавий фойдаланиш учун тўғри келади. Тежамкор ва технологик (MPI) двигатель 1,6 литр қувватга эга, бензинда ишлайди. Ёқилғи сарфи – шаҳарда 100 км.га 9,3 литр, трассада 100 км.га 6,1 литр.

Эслатиб ўтамиз, аввалроқ “Ўзавтосаноат” АЖ ва “Фольксваген Груп Рус” концерни ўртасида ҳамкорлик тўғрисида келишув имзолангани хабар қилинган эди.

247

Ўзбекистон статистикаси кўрсатгичларни янада яхшироқ акс этадиган бўлади

77
(Янгиланган 10:30 02.06.2020)
Жаҳон банки мутахассислари ёрдамида Ўзбекистон статистистика тизими халқаро стандартларга мувофиқлаштирилади.

ТОШКЕНТ, 2 июн - Sputnik. Ўзбекистон статистика тизими халқаро стандартларга мувофиқлаштирилади. Бу ҳақида Шавкат Мирзиёев ҳузурида 1 июнь куни бўлиб ўтган миллий статистика соҳасини такомиллаштириш чора-тадбирлари бўйича йиғилишда айтиб ўтилди.

"Статистика тизими қанчалик ҳаққоний ва очиқ бўлса, ислоҳотлар шунчалик тўғри ва натижадор бўлади", - дейилган президент нутқида.

Ушбу соҳада Ўзбекистонда сўнгги 3 йилда қатор ижобий ўзгаришлар юз берди. Хусусан, инфляцияни ҳисоблаш усули халыаро стандартларга мослаштирилди, кузатувдаги товарлар таркиби кенгайтирилди, давлат бюджети, ташқи қарз, олтин захираси ва табиий бойликлар ҳақидаги молиявий-иқтисодий кўрсаткичлар очиқ эълон қилиш бошланди.

Лекин иқтисоднинг айрим соҳалари кўрстагичлари янада такомиллаштиришни талаб қилади:

  • ишсизликни аниқлашда, сўров ўтказиш тартибини такомиллаштириш ва қамровни кенгайтириш;
  • соғлиқни сақлаш тизимида касалликларни даволаш харажатларини ҳисоб механизми жорий этиши белгиланди. Бусиз тиббий суғуртани амалиётга киритиб бўлмайди;
  • солиқ ва статистика идоралари ўртасида автоматлашган ахборот алмашинувини йўлга қўйиш орқали инфляцияни ҳисоблаш харажатларини кескин қисқартириш мумкин;
  • Марказий банк, Молия вазирлиги ва ҳуқуқни муҳофаза қилувчи идоралар статистик кўрсаткичларини мувофиқлаштириш.

Юқоридагиларни ҳисобга олган ҳолда, Вазирлар Маҳкамаси, Давлат статистика қўмитасига таълим, қишлоқ хўжалиги, ташқи савдо, транспорт, қурилиш, экология, туризм ва яна қатор соҳалар статистикасини халқаро стандартларга мувофиқлаштириш бўйича “йўл харитаси” ишлаб чиқиш вазифаси қўйилди. Давлат идораларининг статистикани шакллантириш жараёнини аудит қилиш бўйича ҳам кўрсатма берилди.

Ундан ташқари 2022 йилда бўлиб ўтадиган аҳолини рўйхатга олиш жараёни ҳозирдан пухта тайёргарлик кўриш кераклиги таъкидланди. Ушбу соҳага хорижлик мутахассисларни жалб этиш, кадарлар малакасини ошириш вазифаси қўйилди. 

77

Миннеаполисда губернатор қароргоҳи олдида юзлаб одамлар тўпланди видео

0
Меннесота штати губернатори Тим Уолцнинг қароргоҳи ёнида бир неча юзлаб кишилар тўпланиб, норозилик намойиши ўтказишди.

Намойишчилар афроамерикалик Жорж Флойднинг ўлимига алоқадор полиция ходимларини ҳибсга олишни талаб қилишмоқда.

Уларнинг кўпчилиги “Адолат йўқ. Тинчлик йўқ” ва “Мен нафас ололмаяпман” деб ёзилган плакатларни кўтариб олишган.

Жорж Флойд Миннеаполисда полиция ходимлари уни қўлга олгандан сўнг вафот этди. Унинг ўлими бутун мамлакат бўйлаб тартибсизликларни келтириб чиқарди. Мана нечадир кунки бу ҳолат давом этиб келмоқда.

Норозилик намойишлари полиция ходимлари билан тўқнашишгача олиб келди. Айрим йирик шаҳарларда намойишчилар дўконларга ўт қўйиб, талон-тарожликка қўл урди. АҚШ Миллий гвардияси тартибсизликларнинг олдини олишга сафарбар қилинган.

0