Министр инвестиций и внешней торговли Узбекистана Сардор Умурзаков

Инвесторлар барча учун тенг шароит талаб қилмоқда вазир  

320
(Янгиланган 15:27 03.07.2019)
Олдин инвесторлар биздан имтиёз сўраган бўлса, энди улар имтиёзларни бекор қилишни сўрамоқда - Инвестициялар ва ташқи савдо вазири.

ТАШКЕНТ, 3 июл – Sputnik. Олдин инвесторлар биздан имтиёз сўраган бўлса, энди улар имтиёзларни бекор қилишни сўрамоқда, деди Инвестициялар ва ташқи савдо вазири Сардор Умурзоқов, Sputnik мухбири хабарига асосан.  

Солиқ тизимини такомиллаштириш, солиқ босимини барча орасида тенг тақсимлаш хорижий инвесторлар келиши учун жуда муҳим, деди Умурзоқов.

“Олдин келаётган инвесторлар бизга қандай имтиёзлар берасизлар деб сўраган бўлса, хозир келаётганлари -  имтиёзларни қачон бекор қиласизлар. Бизга тенг шароит керак, деб мурожаат қилмоқда”, - деди вазир.

Ташқи савдо инвестициялар вазирининг сўзларига кўра, яқинда Ўзбекистонда инвестициялар ҳақида янги қонун чиқади. Ушбу соҳада олдин қабул қилинган барча қонуний актлар, қарорлар ва фармонлар инвентаризация қилиниб, янги қонунда ўз аксини топади. Шунда инвесторлар учун ҳам соҳа бошқарувчилари учун ҳам анча осон бўлади.

320
Солнечные панели

Муқобил энергиядан фойдаланувчилар қай ҳолда солиқ тўлайди?

195
(Янгиланган 19:09 27.05.2020)
Қуёш, шамол ёки сув электр станцияларидан шахсий мақсадда фойдаланганда солиқ тўлаш талаб қилинмайди.

ТОШКЕНТ, 27 май - Sputnik. Қайта тикланувчи энергия манбаларидан фойдаланувчилар қай ҳолларда солиқ тўлаши кераклигини Энергетика вазирлиги тушунтириб берди. 

2019 йил 21 майда қабул қилинган Ўзбекистон Республикасининг "Қайта тикланувчи энергия манбаларидан фойдаланиш тўғрисида"ги қонунига кўра: 

  • қайта тикланувчи энергия манбааларидан шахсий эҳтиёжлар учун фойдаланилган тақдирда - рухсат берувчи ҳужжатлар олиш ва солиқ тўлаш талаб этилмайди; 
  • қайта тикланувчи энергия манбааларидан сотиш учун энергия ишлаб чиқарилганда - бу тадбиркорликнинг янги тури ҳисобланади ва локал электр тармоқлари билан шартнома тузиш ва белгиланган тартибда солиқ тўлаш талаб этилади; 

Шунингдек, юқоридаги қонунга мувофиқ, фақат қайта тикланувчи энергиядан фойдалаётган фуқаролар, яъни мавжуд энергия тармоқларидан тўлиқ узилган тақдирда, жисмоний шахсларнинг мол-мулк солиғидан ва ер солиғидан уч йил муддатга озод қилинади. 

Ундан ташқари, 2019 йил 22 августда президентнинг ПҚ-4422-сонли қарорига мувофиқ, 2020 йилнинг 1 январидан бошлаб жисмоний шахсларга қуёш фотоэлектр станциялари учун (3 млн. сўмдан ортиқ бўлмаган), қуёш сув иситгичлари учун (1,5 млн. сўмдан ортиқ бўлмаган), шунингдек, энергия тежамкор газ-горелкали қурилмалар учун эса (200 минг сўмдан ортиқ бўлмаган) сотиб олиш қийматининг учдан бир қисми давлат бюджети ҳисобидан қопланишини назарда тутувчи тартиб жорий қилиниши белгиланган.

Шу билан бирга, Энергетика вазирлиги аҳолидан ижтимоий тармоқларда тарқалаётган (масалан, уйни ёритиш учун қуёш панелларидан фойдаланиш учун рухсат олиш ва солиқ тўлаш керак деган) айрим миш-мишларга ишонмасликни, аниқ маълумот учун вазирликка мурожаат қилишни сўрайди. 

 

195
Вертолет  Ми-8МТВ-1

Uzbekistan Airways иккита вертолётини сотувга қўйди

337
Uzbekistan Airways иккита вертолётини 2,5 миллион долларга сотувга қўйди. Улар 1991 ва 1992 йилларда ишлаб чиқарилган.

ТОШКЕНТ, 27 май — Sputnik. Uzbekistan Airways АЖ ишлатишдан чиқарилган авиация техникасини сотувга қўйди. Бу самолёт паркини янада унификация ва модернизация қилиш лойиҳаси доирасида амалга оширилмоқда. Бу ҳақда Давлат активларини бошқариш агентлиги хабар қилмоқда.

Сотувга қўйилган техникалар орасида 1991 йилда ишлаб чиқарилган МИ-8МТВ-1 (нархи 1 224 904 доллар) ва 1992 йилда ишлаб чиқарилган худди моделдаги (нархи 1 274 265 доллар) вертолётлар бор  

Шунингдек, сотувга авиация двигателлари қўйилган.

Эслатиб ўтамиз, президент ҳузурида бўлиб ўтган йиғилишда Uzbekistan Airways компаниясини нуфузли хорижий компания бошқарувига бериш масаласи кўриб чиқилган эди.

337
Фонтан в Ташкенте

Сўнгги 16 йиллик жазирама об-ҳаво рекорди янгиланди Ўзгидромет

0
Май ойи ўз ҳарорат рекордини қўймоқда. Айрим жойларда кундузи ҳаво 40-42 даражагача, чўл туманларида эса 44 даражагача қизиди.

ТОШКЕНТ, 28 май — Sputnik. 26 май, сешанба куни Ўзбекистонда май ойига хос бўлмаган рекорд даражадаги жазирама қайд этилди.

Ҳаво ҳарорати 35-39 даражани, жанубда эса 39-40 даражани ташкил қилди.

Энг юқори ҳароратлар Қорақалпоғистонда, Хоразм, Бухоро ва Навоий вилоятларида кузатилди, бу жойларда кундузи ҳаво 40-42 даражагача, айрим чўл туманларида 44 даражагача қизиди.

“Бундай ҳарорат кўрсаткичлари Ўзбекистонда май ойининг охири учун хос эмас. Республикамизнинг деярли барча минтақаларида шу куннинг ҳарорат рекордлари қайд этилди”, - дейилади Ўзгидромет хабарида.

Ўзбекистон шимолида айрим жойларда бутун ой учун максимал ҳароратнинг янги рекордлари қўйилди. Бошқача қилиб айтганда, Қорақалпоғистон ва Хоразм вилоятидаги кўпчилик метеорологик стнциялар маълумотларига кўра 2020 йил 26 майда қайд этилган бундай юқори ойлик ҳарорат аввал ҳеч қачон кузатилмаган.

Тошкенда, масалан, май ойида энг юқори ҳарорат 39,9 даража бундан анча олдин 1902 йилда қайд этилган. Охирги 20 йил ичида энг юқори ойлик ҳарорат 2004 йилда кузатилган ва 38,6 даржани ташкил қилган. Қолган кузатув йилларида энг иссиқ йилларда Тошкентда май ойидаги ҳарорат 37 даржадан юқори бўлмаган. Республика жанубида бу йил май ойи охирининг ҳароратлари ўз рекорд қийматлари — 43-44 даражага етмайди.

Ойнинг охиригача республикада асосан қуруқ ва кам булутли об-ҳаво сақланиб туради. Фақат республиканинг шимоли ва чўл зонасида шамолнинг тезлиги секундига 15-20 метргача кучайиши мумкин. Ҳаво ҳарорати 34-39 даража атрофида бўлади, мамлакат шимоли, жануби ва чўл зонасида 40-42 даражагача кўтарилади. 29–30 май кунлари ҳарорат бир оз (2-3даражага) пасаяди.

Синоптиклар ёзнинг бошида об-ҳавода сезиларли ўзгариш бўлмаслигини прогноз қилишмоқда.

0