Ўзбекистонлик инвестор Тожикистонда завод қуради

376
Ўзбекистонлик инвестор Тожикистонда металлни қайта ишлаш заводини қуради.

ТОШКЕНТ, 9 июл – Sputnik. Ўзбекистонлик инвестор Тожикистонда металл қайта ишлаш кичик заводни қуриш учун 1,8 миллион доллардан ортиқ маблағ ажратишни режалаштирди. Бу ҳақда Sputnik Тожикистон хабар қилди.

“Ўтган йил охирида “Оханкор” МЧЖ (Ўзбекистон) “Сўғд” ЭИЗ ҳудудида металл чушкаларни ишлаб чиқариш бўйича ишлаб чиқаришни йўлга қўйиш бўйича лойиҳа тасдиқланганди. Компания объектни қурилишига 1,8 миллион доллардан ортиқ маблағ киритиши мумкин”, - деб маълум қилинди Тожикистон Иқтисодий ривожланиш ва савдо вазирлигида.

Завод завонавий экологик асбоб-ускуналар билан жиҳозланади.

Тайёр маҳсулот келгусида қайта ишлаш учун Ўзбекистонга экспорт қилинади.

Заводда арматура, профил, уголник ва блоклар ҳам ишлаб чиқариш режалаштирилган.

376
Денежные купюры США.

Ўзбекистон ташқи қарзи нега ошди - МБ рақамлари

190
(Янгиланган 18:32 23.09.2020)
Ўзбекистон ташқи қарзи 2020 йилнинг 1 ярим йиллигида 12,7% ошди. Бунга сабаб - COVID-19 сабаб юзага келган кризиснинг ижтимоий-иқтисодий таъсирини камайтириш харажатлари, деб тушинтирди МБ.

ТОШКЕНТ, 23 сен — Sputnik. Ўзбекистон  умумий ташқи қарзи миқдори 2020 йилнинг январь - июн ойларида ўтган йилнинг ушбу даврига нисбатан 12,7%га ошиб 27,6 миллиарда долларни ташкил қилди, деб хабар қилмоқда Ўзбекистон Марказий банки. 

Ушбу қарзнинг катта қисми давлат ҳисобига тўғри келмоқда. Умумий қарзнинг давлат улуши 17,48 млрд.$ (+10,7%)  ва хусусий компаниялар улуши эса 10,127 млрд. $ ни ташкил қилди (+16,2%).

Давлат қарзи таркибида 10 йил ва ундан ортиқ муддатга олинган қарзлар 20,3 миллиард долларни (73,5%) ташкил қилади. 1 йилдан 5 йилгача олинган қарзлар эса 3,395 миллиард долларни (12,3%) ташкил қилмоқда.

Марказий банк хабарига кўра, ташқи қарзнинг ошиши COVID-19 тарқалиши туфайли юзага келган кризиснинг ижтимоий-иқтисодий оқибатларини бартараф этиш учун олинган ташқи қарзлар туфайли содир бўлган. 

Ўзбекистон президенти март ойида COVID-19 оқибатларига қарши кураш учун капитали миқдори 1 миллиард бўлган Инқирозга қарши курашиш жамғармаси ташкил қилишни буюрган ва ҳукуматга давлат бюджетини молиялаштириш учун ташқи манбаалар қидириш топширилган эди. 

Эслатиб ўтамиз, Инқирозга қарши курашиш жамғармасига, жумладан Халқаро валюта жамғармасидан - 375 миллион доллар, Жаҳон банкидан - 295 миллион доллар ва Осиё Тараққиёт банкидан – 600 миллион доллар қарзлар жалб этилган эди. 

Маълумот учун, 2019 йилда Ўзбекистон ЯИМи 57,9 млрд. долларни ташкил қилган эди. Нуфузли Халқаро ташкилотлар Ўзбекистон ЯИМи 2020 йилда  5,0-5,8 %га ўсишини башорат қилишган эди. Лекин COVID-19 умумжаҳон эпидемияси туфайли ушбу прогнозлар 1,0-1,8% даржасигача қисқартирилди. 

190

Наманганда қачон “Hyundai” заводи қурилиши бошланиши маълум бўлди

337
(Янгиланган 15:50 23.09.2020)
“Hyundai Motors” Жанубий Корея компаниясининг инвестицион лойиҳанинг техник параметрларини ҳал этишига қараб, лойиҳани амалга оширишни 2020 йил октябрь ойининг охиригача бошлаш мўлжалланмоқда.

ТОШКЕНТ, 23 сен — Sputnik. “Наманган” эркин иқтисодий зонасида “Hyundai” тижорат автомобилларини ишлаб чиқарадиган завод қурилиши 2020 йил октябрь ойининг охиригача бошланиши кутилмоқда. Бу ҳақда “Дунё” АА хабар қилмоқда.

Маълум қилинишича, Наманган вилояти ҳокими Хайрулло Бозоров  Корея Савдо, саноат ва энергетика вазирлиги ҳузуридаги Корейс-ўзбек ассоциацияси раисининг биринчи ўринбосари Ким Чанг Кеон билан учрашган.

Учрашув давомида “Наманган” эркин иқтисодий зонасида “Hyundai” тижорат автомобилларини ишлаб чиқарадиган завод қурилиши бўйича лойиҳани амалга оширишнинг кейинги амалий босқичлари бўйича келишувларга эришилди.

“Hyundai Motors” Жанубий Корея компаниясининг инвестицион лойиҳанинг техник параметрларини ҳал этишига қараб, лойиҳани амалга оширишни 2020 йил октябрь ойининг охиригача бошлаш мўлжалланаётгани таъкидланди”, - дейилган хабарда.

Шунингдек, тижорат автомобиллари учун бутловчи ва эҳтиёт қисмлари ишлаб чиқаришни маҳаллийлаштиришга йўналтирилган истиқболдаги қўшма лойиҳалар бўйича фикр алмашилди.

Эслатиб ўтамиз, аввалроқ Намангандаги “Hyundai” автомобиллар ишлаб чиқариш заводи қурилишини жадаллаштириш бўйича қўшимча инвестиция шартномаси имзолангани хабар қилинган эди. Ундан аввал эса “Hyundai” компанияси 2020 йилнинг февраль ойидан Наманган вилоятида автомобиллар ишлаб чиқаришни йўлга қўйиши хабар қилинган эди.

337

Тун давомида яна 220 кишида COVID-19 аниқланди: уларнинг деярли ярми Тошкентда

5
Ўзбекистонда коронавирус билан касалланганларнинг умумий сони 53 667 нафарга етди. Қурбонлар сони 445 кишини ташкил этмоқда.

ТОШКЕНТ, 24 сен — Sputnik. Ўтган тун давомида Ўзбекистонда яна 220 кишининг коронавирусга топширган тести мусбат чиқди. Жами беморлар сони 53 667 нафарга етди. Бу ҳақда Соғлиқни сақлаш вазирлиги хабар қилмоқда.

Янги касалланганларнинг 101 нафари Тошкент шаҳрида, 35 нафари Қашқадарё вилоятида, 19 нафари Сурхондарё вилоятида, 13 нафардан Бухоро ва Жиззах вилоятларида, 12 нафардан Самарқанд ва Сирдарё вилоятларида, 7 нафари Фарғона вилоятида, 5 нафари Навоий вилоятида, 3 нафари Қорақалпоғистон Республикасида фуқаролар орасида аниқланган.

Шу билан бирга, 1 нафар коронавирусга чалинган бемор вафот этди. Жами қурбонлар сони 445 нафарни ташкил этмоқда.

Ш пайтга қадар 49 832 нафар коронавирус инфекциясига чалинган фуқаролар (93 фоиз) соғайган.

Ҳозирда мамлакатда 3 390 нафар бемор даволанмоқда.

5