Таможенный пост

Янги Божхона кодекси муҳокамага қўйилди асосий ўзгаришлар

409
(Янгиланган 16:08 19.08.2019)
Давлат божхона қўмитаси янги таҳрирдаги Божхона кодекси лойиҳасини тайёрлади.

ТОШКЕНТ, 19 авг – Sputnik. Давлат божхона қўмитаси янги таҳрирдаги Божхона кодекси лойиҳасини тайёрлади. Амалдаги Божхона кодекси 2016 йил 20 январда тасдиқланган.

Янги кодекс лойиҳаси ҳажми жиҳатидан анча ихчамлаштирилган ва такомиллаштирилган: хусусан янги лойиҳа 9 бўлим, 35-боб, 296 моддадан иборат (амалдаги кодекс 12 бўлим, 59 та боб, 412 модда).  

Янги кодексда божхона процедуралари 15 та этиб белгиланган. Янги таҳрирда “Вақтинча сақлаш” божхона режими йўқ, вақтинча олиб чиқиш ва олиб кириш божхона режимлари битта процедура “вақтинча олиб кириш (олиб чиқиш);” этиб ёзилган. Шунингдек, янгилик сифатида “Махсус божхона процедураси” киритилган.

Янги кодексда божхона назорати шаклларининг сони 7 тага (тушунтириш олиш; божхонага оид бошқа ҳужжат ва (ёки) маълумотларни текшириш; божхона кўздан кечируви; божхона кўриги; шахсий кўрик; бинолар ва ҳудудларни кўздан кечириш; божхона аудити) қисқартилган (амалдаги Божхона кодексида божхона назорати шаклларининг сони 12 тани ташкил этади). "Божхона аудит" божхона назорат шакли баён этилган.

Божхона тўловларининг турлари қисмида ҳам ўзгариш мавжуд. Янги кодексда олиб киришда тўланадиган божхона божи; олиб чиқишда тўланадиган божхона божи; қўшилган қиймат солиғи; акциз солиғи; божхона йиғимлари белгиланган. Амалдаги кодексда эса олиб кириш (импорт) ва олиб чиқиш (экспорт) деб божхона божи алоҳида белгиланмаган.  

Янги кодексда "Хавфни бошқариш тизимининг қўлланилиш мақсадлари" ҳам аниқлаштирилган: божхона назоратининг самарадорлигини таъминлаш; хавф даражаси юқори бўлган соҳаларга эътибор қаратиш ва божхона органлари имкониятларидан самарали фойдаланишни таъминлаш; хавфларни имкон қадар камайтириш бўйича чоралар қўллаш учун зарурат бўлмаган товарларни божхона чегараси орқали олиб ўтилишини тезлаштириш ва соддалаштириш учун шароитлар яратиш.

"Божхона органлари хавфларни бошқариш тизимидан, Ўзбекистон Республикасининг халқаро шартномалари ва божхона тўғрисидаги қонун ҳужжатларига мувофиқ, уларнинг зиммасига юклатилган бошқа турдаги назоратни амалга оширишда фойдаланишлари мумкин", - дейилган лойиҳада.

409

Доллар кўтарилди, евро эса кескин пасайди

188
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 5,59 сўмга кўтарилди.

ТОШКЕНТ, 28 сен — Sputnik. Марказий банк хорижий валюталарнинг сўмга нисбатан 29 сентябрдан бошлаб янги қийматини белгилади.

Доллар курси ўтган ҳафтага нисбатан 5,59 сўмга кўтарилиб, 10 321,21 сўм ташкил қилди.

Евро эса 207,03 сўмга ошди ва 12 003,57 сўмни ташкил қилди.

Россия рубли ҳам 4,21 сўмга пасайиб, 132,07 cўмни ташкил қилди.

188

Жисмоний шахсларга ўлчовли ёмбилар ва қимматбаҳо тангаларни олиб чиқишга рухсат берилди

128
Жисмоний шахслар қимматбаҳо ёмбилар ва тангаларни Ўзбекистон ташқарисига чекловларсиз олиб чиқиши мумкин.

ТОШКЕНТ, 27 сен — Sputnik. Жисмоний шахслар қимматбаҳо ёмбилар ва тангаларни Ўзбекистон ташқарисига чекловларсиз олиб чиқиши мумкин. Бу ҳақда президент имзолаган “Қимматбаҳо металлар муомаласини тартибга солишни янада такомиллаштириш чора-тадбирлари тўғрисида”ги фармонда кўзда тутилган.

Фармонга мувофиқ, жисмоний шахслар тегишли сертификатлар мавжуд бўлганда, қимматбаҳо металлардан тайёрланган ўлчовли ёмбилар ва Марказий банкнинг қимматбаҳо металлардан тайёрланган тангаларини республика ҳудудидан ташқарига божхона декларациясини тўлдирган ҳолда чекловларсиз олиб чиқиши мумкин.

Фармонга кўра, Марказий банк ҳузуридаги Қимматбаҳо металлар агентлиги тугатилиб, Марказий банкда Қимматбаҳо металларни сақлаш ва улар билан ишлаш хизмати ташкил этилди.

Шунингдек, биржа савдоларида сотиладиган қимматбаҳо металларни республика ҳудудларига етказиб бериш механизми жорий этилади.

128

Ўзбекистон Хитой билан биргаликда вакцина ишлаб чиқишда иштирок этади

13
(Янгиланган 09:52 29.09.2020)
Ўзбекистон Хитойнинг Sinopharm ва Zhifei Longcom фармацевтика компаниялари билан ҳамкорликда коронавирусга қарши вакцинанинг 3-босқич синовларини биргаликда ўтказишга келишиб олди.

ТОШКЕНТ, 29 сен - Sputnik. Ўзбекистон Хитой билан ҳамкорликда вакциналар ишлаб чиқариш ва экспорт қилишни режалаштирмоқда, деб хабар қилди РИА Новости. 

Ўзбекистонда вакциналарнинг сўнгги учинчи босқич синовини ўтказиш борасида Хитойнинг 2та компанияси билан ҳамкорлик қилиш тўғрисида шартнома имзоланган. Бу ҳақида Санитария-эпидемиологик осойишталик агентлиги директори, соғлиқни сақлаш вазирининг биринчи ўринбосари Баҳодир Юсупалиев маълум қилди.  

"Хитойнинг 2та компанияси вакциналарини Ўзбекистонга жалб қилиш ва уларнинг синовларининг 3 - босқичида иштирок этиш режалаштирилмоқда. Шундан сўнг ўзимизда ушбу вакциналарни ишлаб чиқариш масаласи кўтарилади, бу эса импортнинг қисқаришига олиб келади, бундан ташқари биз уларни қўшни мамлакатларга экспорт қилишимиз мумкин бўлади", — деди Баҳодир Юсупалиев.

Шунингдек, ушбу вакциналарни биргаликда синовдан ўтказиш Россия компанияларига ҳам таклиф қилинган. 

Эслатиб ўтамиз, бироз олдин Хитойнинг 2т фармацевтика компанияси Ўзбекистонда ўзлари ишлаб чиққан вакцинанинг клиник синовларининг учинчи босқичини ўтказишни таклиф қилган эди. Ўзбекистон Инновацион ривожлантириш вазирлиги Sinopharm ва Zhifei Longcom билан дастлабки шартномаларни имзолаган эди.

Маълумот учун Ўзбекистоннинг дори етиштириб берувчиэнг йирик компанияси бўлган Laxisam ва Россия Экспорт маркази орасида 2020-2021 йилларда 35 миллион дона "Спутник V" вакцинаси етказиб бериш тўғрисида шартнома имзоланганини хабар қилган эдик. 

 

13