Технология блокчейн и монета биткоин

Нима учун криптовалюталар учун электр энергиясига мутаносиб ҳақ тўлаш керак?

120
Ўзбекистонда криптовалюталар ишлаб чиқарувчилари учун электр энергияси истеъмоли бўйича тегишли нарх-наволар белгиланиши режалаштирилмоқда.

ТОШКЕНТ, 3 окт – Sputnik. Ўзбекистонда криптовалюталар ишлаб чиқарувчилари учун электр энергияси истеъмоли бўйича тегишли нарх-наволар белгиланиши режалаштирилмоқда. Бу ҳақда Энергетика вазирлиги матбуот хизмати хабар берди.

Ҳозирги пайтда Вазирлар Маҳкамасининг ушбу масалага оид қарори лойиҳаси муҳокама қилинмоқда. Унга кўра, криптовалюталар бўйича фаолият юритадиган истеъмолчилар электр энергия ҳақини тегишли тариф гуруҳи учун белгиланган тарифга нисбатан 3 маротаба ортиқ миқдорга оширилган коэффициент бўйича тўлайди.

Қайд этилишича, Ўзбекистоннинг истеъмолчиларни энергия таъминоти бўйича сиёсати ижтимоий йўналтирилган бўлиб қоляпти. Амалиётда бу электр энергияни ишлаб чиқаришда фойдаланиладиган газ қийматининг дотация қилинишини англатади. Бу мамлакат томонидан аҳолини, ўзбекистонликлар учун иш ўринларини яратаётган мамлакат ишлаб чиқарувчиларини қўллаб-қувватлаш мақсадида амалга оширилмоқда.

“Англашиладики, криптовалютани қўлга киритиш майнинг каби ҳодисаларнинг энергия харажатларини ижтимоий қўллаб-қувватлаш сиёсатига мутлақо дахли йўқ. Айни пайтда майнинг фермалари фаолияти катта миқдорда электр энергиясини ва унинг барқарор келиб туришини талаб қилади. Яъни бунга нархи бўйича давлат томонидан дотация қилингани учун ижтимоий мақсадларга йўналтирилиши лозим бўлган катта миқдордаги электр энергия сарфланмоқда. Демак, Ўзбекистонда ишлаб чиқарилаётган электр энергиянинг мақсадсиз сарфланиши учун тегишли тарзда ҳақ тўланиши лозим. Вазирлар Маҳкамасининг янги қарори лойиҳасида бу ўз ифодасини топган”, - дейилади хабарда.

Таҳлилчилар фикрича, улар истеъмол қилаётган электр энергия нархи 3 баравар оширилганидан кейин ҳам Ўзбекистонда майнинг-фермалар учун шароитлар жозибали бўлиб қолади. Хусусан, рақобатбардош бўлган интернет нархи, хоналар ижарасининг мақбул нархлари ҳам бунга хизмат қилади. Бундан ташқари, электр энергия нархи Ўзбекистондагига нисбатан 3-4 баравар баланд бўлган мамлакатларда ҳам бизнеснинг ушбу тури мўмай даромад келтиришини ҳам инобатга олиш зарур.

Таъкидланишича, ушбу қарор қабул қилиниши билан тегишли бизнес турини идентификация қилиш имконини берувчи механизмлар ишлаб чиқилади, чунки ҳар қандай бизнес қонунийлаштирилган бўлиши керак. Қонунийлаштиришдан бош тортиш криптовалюта ноқонуний амалиётларда фойдаланиши мумкин, деган шубҳа уйғотади. Шу тарзда, майнинг-фермаларнинг қонунийлаштирилиши уларга нисбатан электр энергиянинг янги тарифини қўллаш имконини беради.

120
узбекский региональный аэропорт

Аэропортлар “пакет принципи” асосида шерикликка берилади

105
(Янгиланган 09:31 06.08.2020)
Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш режалаштирилмоқда.

ТОШКЕНТ, 6 авг — Sputnik. Президент Шавкат Мирзиёев Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш бўйича техник топшириқлар ишлаб чиқиш вазифасини топширди.

Бу ҳақда президент энергетика, транспорт, коммунал хўжалик ва тиббиёт соҳаларида давлат-хусусий шерикликни кенгайтириш юзасидан тақдимотда маълум қилди.

Давлат раҳбари матбуот хизмати хабарига кўра, мазкур аэропортларни шерикликка бериш бўйича техник топшириқлар ишлаб чиқиш Жаҳон банки билан биргаликда амалга оширилади.

Халқаро экспертларнинг таҳлилига кўра, Ўзбекистондаги мавжуд аэропортларни модернизация қилиш учун ўртача 800 миллион доллар талаб этилади.

105
Перевал Камчик

Қамчиқ довонида янги тоннел қурилади

159
(Янгиланган 09:32 06.08.2020)
Шавкат Мирзиёев Қамчиқ довонида янги тоннел қуриш бўйича тендер-лойиҳа ҳужжатларини ишлаб чиқиш ва тендер эълон қилиш муҳимлигини кўрсатиб ўтди.

ТОШКЕНТ, 6 авг — Sputnik.  Шавкат Мирзиёев энергетика, транспорт, коммунал хўжалик ва тиббиёт соҳаларида давлат-хусусий шерикликни кенгайтириш юзасидан тақдимот билан танишди. Унда Қамчиқ довонида янги тоннел қуриш вазифаси топширилди.

Давлат раҳбари матбуот хизмати хабарига кўра, транспорт ва логистика тармоғи соҳасида амалга оширилаётган ишлар умуман қониқарли эмас.

Соҳани ривожлантиришнинг кейинги даврида 27 миллиард доллар талаб этилиши маълум қилинди.

Мисол учун, бугунги кунда Қамчиқ довони орқали Тошкентдан Андижонга бориш учун тирбандликлар сабабли 5-6 соат вақт сарфланади, 22 минг автомобиль ўтади.

Бу кўрсаткич келгуси 5 йилда 40 мингга етади. “Тошкент-Андижон” пуллик автомобиль йўли ишга тушган тақдирда масофани босиб ўтиш 3 соатгача қисқаради, транспорт ҳаракати эса 70 фоизгача ошади.

“Шу боис давлатимиз раҳбари Қамчиқ довонида янги тоннел қуриш бўйича тендер-лойиҳа ҳужжатларини ишлаб чиқиш ва тендер эълон қилиш муҳимлигини кўрсатиб ўтди”, - дейилган хабарда.

Эслатиб ўтамиз, аввалроқ Қамчиқ довонида муқобил тоннел қурилиши муҳокама қилингани хабар қилинган эди.

159

Бейрутдаги мудҳиш фожиа: кўз ёшлар, бирдамлик ва одамларни қутқариш

0
Бейрутнинг энг гавжум ҳудуди – Жеммейзи – портлашдан кейин деярли бўшаб қолди. Бу ерда биноларнинг аксарияти вайрон бўлган, шунинг учун одамлар қариндош ва танишлари олдига кетишган.

4 август куни Бейрутнинг порт қисмида кучли портлаш юз берди. Ҳукумат 6 йил давомида нотўғри сақланган 2,7 минг тонна аммиак селитра портлаш сабабини келтирди. шаҳар биноларининг ярми шикастланди, касалхоналар жароҳатланганлар билан тўлди. Сўнгги маълумотларга кўра, 135 киши ҳалок бўлди, 5 мингга яқин киши жароҳатланди.

Портлаш содир бўлган Бейрут портига туташ бўлган ҳудудлар электр энергиясиз қолмоқда, минглаб фуқаролар ҳануз ўз уйларига кира олишмаяпти, деб хабар қилди РИА Новости.

Бригадалар вайроналардан тозалаш ишларини олиб бориш ва коммуникацияларни тиклаш ишларини олиб бормоқда. Энергия йўқлиги сабабли уйларда сув таъминоти йўқ, уяли алоқа ва интернетда узилишлар кузатилмоқда.

0
  • © AFP 2018 / Stringer

    Бейрут портида портлаш оқибатида вайрон бўлган бункер.

  • © AFP 2018 / Remy Gabalda

    Аёл Тулуза, Франция йиғилишида йиғламоқда.

  • © AFP 2018 / CNES

    Бейрут порти портлашдан олдин ва кейин кўриниши - сунъий йўлдош ёрдамида олинган суратлар

  • © REUTERS / Aziz Taher

    Кўнгиллилар жарбланганларга ёрдам тўпламоқда.

  • © AFP 2018 / Joseph Eid

    Аҳоли вайрон бўлган уйларни кўздан кечирмоқда.

  • © REUTERS / Mohamed Azakir

    Бейрут портида юз берган портлашдан сўнг кўнгиллилар кўчаларни тозалашмоқда.

  • © AP Photo / Hassan Ammar

    Ливан ҳарбийлари вайроналар остидан одамларни қидирмоқда.

  • © AP Photo / Hussein Malla

    Қутқарувчилар вайроналар остидан одамларни қидирмоқда.

  • © Sputnik / Valery Melnikov

    Россиянинг Ил-76ТД самолёти, ФВВ қутқарувчилари ёрдам бериш учун Бейрутга етиб келди.

  • © AFP 2018 / Janine Haidar

    Портлаш оқибатида вайрон бўлган уйлар.

  • © AFP 2018 / Rob Engelaar

    Нидерландиядан келган қидирув-қутқарув гуруҳи аъзоси.

  • © Sputnik / Valery Melnikov

    Бейрутда истиқомат қилувчи киши.

  • © REUTERS / Instagram/ @Rabzthecopter

    Бейрут порти ва янги яқин бўлган ҳудудлар.

  • © AFP 2018 / Bertrand Guay

    Франция Бейрутга қутқарувчилар ва тиббий асбоб ускуналар юкланган учта самолёт юборди.

  • © AP Photo / Hussein Malla

    Бейрутдаги вайрон бўлган бино.

  • © Sputnik / Evgeny Biyatov

    Ливаннинг Москвадаги элчихонаси олдига қурбонлар хотирасига гуллар қўйилмоқда.

  • © AFP 2018 / Yasser Al-Zayyat

    Қувайтдаги осмонўпар биноларда бирдамлик сифатида Ливан байроғи акс этган.