Садык Сафаев

“Енг шимариб ишлаймиз”: Сафоев Россия билан савдо-сотиқни ривожлантириш ҳақида

373
(Янгиланган 17:14 04.10.2019)
Олий Мажлис Сенати раиси биринчи ўринбосари Содиқ Сафоевнинг фикрича, товар айирбошлаш кўрсаткичларини икки мамлакат салоҳиятига жавоб берувчи янги даражага олиб чиқиш зарур.

ТОШКЕНТ, 4 окт — Sputnik. Олий Мажлис Сенати раисининг биринчи ўринбосари Содиқ Сафоев Россия парламенти юқори палатаси раҳбари Валентина Матвиенконинг ташрифи якунларига бағишланган матбуот анжуманида сентябрь ойидан буён Ўзбекистон ва Россия ўртасидаги товар айирбошлаш ҳажми 10 фоиздан зиёдга ўсганини маълум қилди. Бу ҳақда Sputnik Ўзбекистон мухбири хабар қилмоқда.

“Ўзбекистон ва Россия ўртасидаги савдо-сотиқ жадал ривожланмоқда. Жорий йилнинг илк 10 ойида товар айирбошлаш ҳажми 10 фоиздан зиёдга ўсди.  Ўтган йилги кўрсаткичлар ошиши кутилмоқда, - дея қайд этди Сафоев. – Ҳозир ҳар иккала томондан экспорт ва импорт ўртасида муайян дисбаланс мавжуд. Россия вакиллари Ўзбекистон томонидан ўртага ташланган мамлакатга кўпроқ Россия бозорлари очилиши кераклиги ҳақидаги саволига тушуниш билан ёндошди. Бу эса Россия томонидан божхона тартиб-қоидалари, фитосанитария талабларини ўзгартиришни талаб қилади. Бундан буёғига енг шимариб ишлаймиз”.

Эслатиб ўтамиз, Ўзбекистон-Россия ишбилармонлар кенгаши Ўзбекистондан Россияга мева-сабзавотлар етказиб бериш жараёнини соддалаштириш учун тадбирлар режасини тайёрлашди. У Ўзбекистонда етиштирилаётган мева-сабзовот ҳамда ишлаб чиқарилаётган маҳсулотларни Россиянинг турли ҳудудларидаги харидорларга етказиб бериш жараёнини тезлаштириш ва етказиб бериш ҳажмини кўпайтиришга имкон беради.

Валентина Матвиенко Ўзбекистон президенти Шавкат Мирзиёев билан учрашувдан сўнг республика 2024 йилга қадар Россия билан савдо ҳажмини 25 миллиард долларга оширишни режалаштираётганини маълум қилди. Унинг сўзларига қараганда, 2018 йилда Ўзбекистон ва Россия ўртасидаги товар айирбошлаш 4,4 миллиард долларга етган.

373

UzAuto Motors Беларусда Chevrolet бренди остида автомобиллар сотишни бошлади

187
Chevrolet бренди остида Беларусь Республикаси автомобил бозорида намойиш этилган биринчи моделлар Spark, Nexia ва Cobalt бўлди.

ТОШКЕНТ, 24 май - Sputnik. UzAuto Motors компанияси Chevrolet бренди остида Беларусда автомобиллар сотишни бошлади, дея хабар бермоқда компания матбуот хизмати.

“Беларусь автомобил бозорида таклиф этилаётган Chevrolet бренди остидаги биринчи моделлар Spark, Nexia ва Cobalt бўлди”, - дейилади хабарда.

Автомобилларнинг биринчи партияси Chevrolet бренди қимматбаҳо автомобилларининг расмий дилери бўлган "Мультимоторс" автомарказига етказиб берилди ва ҳозирда UzAuto Motors компанияси билан Chevrolet русумидаги автомобилларни етказиб бериш бўйича янги дилерлик шартномаси тузилди.

Таъкидланишича, ушбу машиналарнинг асосий афзаллиги пул/нархнинг мақбул нисбати, шу жумладан жиҳозланиши.

Ташқи бозорларда Chevrolet брендидан фойдаланиш ҳуқуқи UzAuto Motors компаниясига жаҳон автомобилсозлик саноатининг етакчиларидан бири бўлган General Motors томонидан автомобилларнинг юқори сифати таллуқли стандартларга тўлиқ жавоб берганлиги туфайли тақдим қилинган.

Февраль ойида UzAuto Motors 2020 йил март ойидан Chevrolet бренди остида ишлаб чиқариладиган автомобилларни Россия, Қозоғистон ва Беларусга етказиб бериш бошланиши ҳақида хабар берган.

187
Портативный лоцманский навигатор на базе системы Глонасс

Солиқ хизмати ходимлари қарздорларни GPS орқали аниқлаши мумкин

160
Ўзбекистонда мол-мулк ва ер солиқларидан қарздорлиги бор шахсларни GPS орқали аниқлаш имконияти яратилди.

ТОШКЕНТ, 24 май — Sputnik. Ўзбекистонда Солиқларни автоматлаштирилган йиғиш тизими (САЙТ) жорий этилмоқда. Бу ҳақда Давлат солиқ қўмитаси матбуот хизмати хабар берди.

Қайд этилишича, ушбу лойиҳа 2019 йилда Наманган вилоятида синов тариқасида жорий этилган.  Ҳокимият органлари томонидан маҳаллий бюджетларнинг ошириб бажарилган қисмидан 1 959 дона терминал сотиб олиш учун 8,4 млрд. сўм маблағ ажратилган.

САЙТ дастури орқали солиқ тўловчига берилган чек одатдагидан фарқ қилади. Унда солиқ тўлаш тўғрисидаги тўлиқ маълумотлар, шунингдек, солиқ хизмати органи ходимининг маълумотлари мавжуд бўлади ва солиқ тўловчининг мобил телефон рақамига солиқ тўлови амалга оширилганлиги тўғрисида SMS хабар ҳам боради.

“Бундан ташқари, инспектор ҳудудидаги мол-мулк ва ер солиқларидан қарздорлиги мавжуд жисмоний шахсларни навигатор тизими (GPS) орқали аниқлаш имконияти яратилган”, - дейилган хабарда.

САЙТ терминалларини ишлатишнинг кейинги босқичида ҳужжатсиз фаолият кўрсатаётган тадбиркорлар, кадастри мавжуд бўлмаган объектлар ва ижара шартномаси тузмаган шахсларнинг электрон рўйхатини шакллантириб, қонуний ишлашга ўтишини назорат қилиш модули ишга туширилиши режалаштирилган.

Дастлабки ҳисоб-китобларга кўра, САЙТ тизими республиканинг барча ҳудудларида тўлиқ жорий этилиши 2020 йилда маҳаллий солиқлардан қўшимча 285 миллиард сўм маблағ тушириш имкониятини беради. Бу эса терминаллар учун сарфланган маблағларга нисбатан 35 бараварга кўпдир.

160
Жасур Яхшибоев

Яхшибоев Беларусь чемпионатида яна пешқадамга айланди

98
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

98