Ситуация после выборов президента в Республике Узбекистан

ЕОИИ ва ЖСТ: Ўзбекистон ижтимоий-иқтисодий ривожланиш концепцияси тайёрланди

1296
(Янгиланган 13:44 08.10.2019)
“Ўзбекистон Республикасининг 2030 йилгача ижтимоий-иқтисодий комплекс ривожланиши концепцияси” лойиҳаси умумий муҳокамага қўйилди.

ТОШКЕНТ, 8 окт – Sputnik. “Ўзбекистон Республикасининг 2030 йилгача ижтимоий-иқтисодий комплекс ривожланиш концепциясини тасдиқлаш тўғрисида”ги президент қарори лойиҳаси умумий муҳокамага қўйилди.

Ҳужжатни Иқтисодиёт ва саноат вазирлиги тайёрлади.

Концепцияда белгиланган мақсадларга эришиш учун қисқа муддатли (2022-2026 й.) ва узоқ муддатли (2027-2030 й.) “йўл хариталари” ишлаб чиқилган.

Қарор лойиҳасида иқтисодий ўсиш ва давлатнинг узоқ муддатли истиқболда юқори даромадли мамлакатлар қаторига ўтишига қаратилган ижтимоий-иқтисодий ривожланишининг еттита устувор йўналишлари белгилаб берилган:

1. Макроиқтисодий барқарорликни таъминлашда институционал ўзгаришлар ва устувор йўналишлар.

2. Иқтисодиётнинг реал секторини ривожлантиришнинг устувор йўналишлари;

3. Инсон капиталини ривожлантиришнинг устувор йўналишлари.

4. Инновацияларни ривожлантиришнинг устувор йўналишлари;

5. Муҳандислик коммуникациялари ва саноат инфратузилмасини ривожлантиришнинг устувор йўналишлари;

6. Инвестицион ва ишбилармонлик муҳитини янада яхшилаш устуворликлари;

7. Ҳудудларнинг мувозанатли ижтимоий-иқтисодий ривожланишининг устувор йўналишлари.

Биринчи босқичда (2019-2021 й.) қабул қилинган ҳужжатларни амалга ошириш орқали иқтисодиёт янги шароит ва бозор механизмларига мослашади, қуйидаги вазифаларга таъсир қилади:

- макроиқтисодий барқарорликни таъминлаш;

- давлат хизмати учун кадрлар тайёрлаш, қайта тайёрлаш ва малакасини ошириш тизимини ислоҳ қилиш;

- бюджет сиёсати соҳасидаги ривожланган давлатлар стандартларига ўтиш;

- бозор муносабатларининг институционал базасини келгуси ривожлантириш;

- таълим, фан, соғлиқни сақлаш, АКТ соҳаларини ривожлантириш, инсон капиталига инвестицияларни орттириш;

- коррупцияни чеклаш ва хуфёна иқтисодиёт даражасини пасайтириш;

- ЕОИИ ва бошқа бир қатор давлатлар билан эркин савдо шартномаларини имзолаш ҳисобига ташқи савдони кенгайтириш;

Иккинчи босқичда (2022-2025 й) ишлов бериш саноатини тез ривожлантириш, фойдаланиладиган ресурслардан оқилона фойдаланишни ошириш, барқарор иқтисодий ривожланишни таъминлашга қаратилган янги бозор ва саноат тузилмаларни шакллантириш ҳисобига иқтисодиёт тармоқларида сифатли таркибий ўзгаришларга эришилади.

Бу босқичда самарали бандликни кенгайтириш ва бошқа ижтимоий муаммоларни ҳал этишдаги ҳиссасини кучайтириш орқали иқтисодий ўсишнинг сифати сезиларли равишда ошади.

Бу босқичда давлат сиёсати тадбирларининг асосий устувор йўналишлари:

- макроиқтисодий барқарорликни сақлаб қолиш;

- давлат хизматини ислоҳ қилиш, коррупцияни камайтириш, давлат бошқаруви сифатини ошириш ва номарказлаштириш, маҳаллий жамоатчилик назоратини кучайтириш, ҳудудий ривожлантириш;

- ишлаб чиқариш кучлари кластерли тақсимлаш принципига асосланган янги экспортга йўналтирилган саноат сиёсатига ўтиш;

- мамлакатнинг EОИИ ва ЖСТга аъзо бўлишини, савдо сиёсати ва экспортни либераллаштириш, нотариф савдо тўсиқларини қайта кўриб чиқиш ва битимлар ва ЖСТ қоидаларига мувофиқлигини изчил ўрганиш.

Учинчи босқичда (2026-2030 й) иқтисодиётни хом ашё экспортидан инновацион ривожланиш турига ўтказиш, экспортга йўналтирилган иқтисодиётни қуйидагилар ҳисобига жадал ривожлантириш:

сув, ер, минерал хом ашё ва энергия манбаларидан фойдаланиш самарадорлигини тубдан ошириш;

инсон капиталини ривожлантириш (камида 5 та миллий университет ТОП-500 га кириши; мактаб таълими сифати бўйича мамлакат ТОП-30 га кириши; мажбурий тиббий суғурта билан қамраб олишини 99% гача етказиш);

хўжалик юритувчи субъектлар ва фуқароларнинг аксариятида инновацион йўналишни шакллантириш, товарлар ва хизматлар ишлаб чиқаришни инновацион ва технологик модернизациялашни ривожлантириш;

билимли одамларнинг кенг ўрта қатламини ва одамлар учун тенг имкониятларга эга бўлган демократик фуқаролик жамиятини шакллантириш (гендер тенгсизлигини тўлиқ бартараф этиш).

Ҳужжат 22 октябргача муҳокама қилинади.

1296
Мавзу:
Ўзбекистон ва ЕОИИ – интеграция истиқболлари (48)
Строительство дома

Уйларни улуш киритиш асосида қуриш тартиби белгиланди

59
Маблағларни жалб қилиш учун қурувчи ва улушдор ўртасида шартнома тузилади ва белгиланган тартибда ҳисобга қўйилади.

ТОШКЕНТ, 31 май — Sputnik. Президент қарори билан уйларни улуш киритиш асосида қуриш тартиби белгиланди.

Қарорга мувофиқ, кўп квартирали уйларни улуш киритиш асосида қуриш учун жисмоний ва юридик шахслар (улушдорлар)нинг маблағларини жалб қилиш фақат юридик шахс мақомига эга бўлган ва Улуш киритиш асосида қуриш учун маблағларни жалб этувчи қурувчиларнинг электрон рўйхатига киритилган қурувчилар томонидан амалга оширилади.

Маблағларни жалб қилиш учун қурувчи ва улушдор ўртасида шартнома тузилади ва белгиланган тартибда ҳисобга қўйилади.

Қурувчилар қурилиш-монтаж ишларини ўз кучи билан ёки қурилиш-пудрат ташкилотларини (бош пудратчини) жалб қилган ҳолда амалга ошириши мумкин. Бунда бош пудратчи қурилиш-монтаж ишларини олиб бориш учун ишлар (хизматлар) қийматининг камида 30 фоизини ўз кучи билан бажариш шарти билан субпудрат ташкилотларини жалб қилиши мумкин.

Қарор билан Кўп квартирали уйларни улуш киритиш асосида қуриш тўғрисидаги низом тасдиқланди.

Низом талаблари у амалга киритилгунга қадар 2020 йилда қурилиш-монтаж ишларини бошлаш тўғрисида хабарнома юборилган қурилиш мажмуаларига нисбатан ҳам татбиқ этилади.

Қарор билан, шунингдек, Қурилиш вазирлиги марказий аппаратида Улуш киритиш асосида қурилиш бозорини ривожлантириш бўлими ташкил этилди.

59

Россия қатор давлатлар туристлари учун ўз чегарасини очишни режалаштирмоқда

653
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

653
В Джизахе подросток сбил насмерть 6-летнего мальчика

Машинани ўзбошимчалик ҳайдаган ўсмир 6 ёшли боланинг умрига зомин бўлди

9
Қаровсиз қолдирилган “Газ-69” машинани 15 ёшли С.Э. ўзбошимчалик билан ҳайдамоқчи бўлган. Уни юргазиб ўйнаб юрган 6 ёшли болакайни уриб юборган.

ТОШКЕНТ, 31 май — Sputnik. Жиззах вилоятида 6 ёшли бола йўл-транспорт ҳодисаси қурбони бўлди. Бу ҳақда ИИВ ЙҲХББ ахборот хизмати хабар бермоқда.

Қайд этилишича, 30 май куни Шароф Рашидов тумани, “Раваллиқ” МФЙ Гулшан кўчасидаги хонадонларнинг бирига стол ва стул олиб келган “Газ-69” ҳайдовчиси машинасини қаровсиз қолдирган.

Бирга келган унинг 15 ёшли таниши С.Э. автомобилни ўзбошимчалик билан ҳайдамоқчи бўлган. Уни юргазиб, шу уйнинг олдида ўйнаб юрган 6 ёшли Б.Х.ни уриб юборган.

Натижада Б.Х. оғир тан жароҳатлари олиб воқеа жойида вафот этган.

Мазкур ҳолат юзасидан Ўзбекистон ЖКнинг 266-модда 2-қисми билан жиноят иши қўзғатилган.

9