Гендиректор Национального союза производителей говядины Роман Костюк

Ўзбекистонда гўшт муаммосини генетика ва технологиялар ҳал қила олади

396
(Янгиланган 13:49 17.10.2019)
Ўзбекистон йирик қорамол импортини оширмасдан гўшт ишлаб чиқарилишини ошириши мумкин. Муайян чораларнинг кўрилиши муаммони ечилишига олиб келади, дейди Россияда мол гўшти ишлаб чиқарувчилари миллий иттифоқи бош директори Роман Костюк.

ТОШКЕНТ, 17 окт - Sputnik. Жорий йил 22 октябрдан эътиборан Қозоғистон ҳудудидан урғочи моллар олиб чиқилиши таъқиқланади. Бундай чорага сабаб қилиб Ўзбекистонга тирик қорамол бош сони импорт ҳажми кўпайгани кўрсатилмоқда. Жорий йил биринчи ярим йиллиги ўзида республика 63 мингдан зиёд чорва бошини сотиб олган.

Қозоғистон Ўзбекистон туфайли қорамол олиб чиқишни таъқиқлади

Россиянинг чорвачилик соҳасида эксперт фикрича, мавжуд шароитдаги Қозоғистоннинг ушбу қарори мантиқий ва баланслаштирилган. Ўзбек фермерлари ҳолати юзасидан эксперт республика чорвачилик тармоғида сифатли ўзгаришларга урғу қўйиш зарурлигини айтиб ўтди.

“Дастлаб бутун чорвачилик соҳасида мумкин қадар мустақил баҳога эга бўлиш учун, иложиси бўлса, ташқаридан хорижий экспертларни жалб қилган ҳолда кенг миқиёсли аудит ўтказиш зарур. Чорвачиликни ривожлантириш ва гўшт ишлаб чиқарилиши ҳажмларини ошириш учун ҳайвонларни бўрдоқига боқиш, келгусида такрор ишлаб чиқариладиган энг муносиб қорамол зотларини танлаб олиш жараёнига алоҳида эътибор қаратиш керак” – дейди Костюк.

Республикада ҳозирда сўйилаётган чорвалар ҳажми мавжуд имкониятларнинг бор-йўғи 40% - 50% ини бермоқда. Ушбу имкониятлар чорвани профессионал тарзда бўрдоқига боқиш ва мукаммаллаштирилган генетикани жорий этиш йўлга қўйилганидагина мумкин бўлар эди. Яъни, муаммо чорва танқислигида эмас, унинг тўғри меъёргача етказилишида, деб фикр билдирди россиялик эксперт.

“Генетик ва технологик чораларнинг тўғри қўлланилиши аслида Ўзбекистондаги гўшт ишлаб чиқарилишини ошириши мумкин”, - хулоса қилди эксперт.

Чорвачилик соҳасида муаммони ҳал қилиш учун президент Шавкат Мирзиёев 16 октябрь куни махсус йиғилиш ўтказди. Учрашув давомида республика раҳбари зарур инфраструктурани ривожлантириш, тўлақонли ем-ҳашак базасини бетўхтов таъминлаб бериш, қишлоқ хўжалиги ишлаб чиқарувчиларини молиявий қўллаб-қувватлаш ва бу соҳада кадрларни тайёрлаш масалаларига эътибор қаратди.

Как Узбекистану развивать животноводство после введения Казахстаном эмбарго — эксперт
396
Олег Буклемишев

“Жуда муҳим қадам”: Буклемишев Ўзбекистонда банк тизимини ислоҳ қилиш ҳақида

99
Янги ёндашув ёрдамида республика иқтисодиёти янги ўсиш ва ривожланиш нуқталарини топиши мумкин, деб ҳисоблайди Олег Буклемишев, иқтисод фанлари номзоди, МДУ Иқтисодиёт факультети, Иқтисодий сиёсат тадқиқотлари маркази директори.

Ўзбекистон президенти Шавкат Мирзиёев тижорат банкларини ислоҳ қилишни жадаллаштириш бўйича кўрсатмалар берди. Хусусий секторнинг банк активларидаги улушини 15 фоиздан 60 фоизгача ошириш режалаштирилмоқда.

МДУ Иқтисодиёт факультети, Иқтисодий сиёсат тадқиқотлар маркази директори, иқтисод фанлари номзоди Олег Буклемишев Ўзбекистонда банк тизимини ислоҳ қилиш ва уни давлат тизимидан хусусийга ўтказиш жуда муҳим қадам эканлигини таъкидлади. Мутахассиснинг фикрига кўра, бу, ҳукумат капитални жойлаштириш бўйича аввалги ҳаракатлар натижаларидан қониқмаганлигидан далолат беради.

“Ахир, миллий банк тизимининг асосий моҳияти кредит ресурслари, депозитларни жалб қилиш ва уларни миллий иқтисодиётни ривожлантириш нуқтаи назаридан энг самарали бўлган соҳаларга жойлаштиришдан иборат”, - деди Буклемишев.

Унинг фикрига кўра, хусусий ёндашув ёрдамида иқтисодиёт ўсишнинг ва ривожланишнинг янги нуқталарини топиши, шунингдек, давлат тизими ҳал қила олмаган муаммоларини ҳал қилиши мумкин.

“Ўзбекистонда тадбиркорларнинг келажакдаги ташаббуслари даромадлилиги, самарадорлиги ва тижорат муваффақиятини баҳолашга ўтиш жуда муҳим деб ўйлайман. Биз бошқа мамлакатларда банк тизими миллийлашётганини ёки банк тизими капитал жойлашувини тақсимланишининг бошқа механизмлари билан алмаштирилаётганини кузатмоқдамиз. Ўзбекистонда, бир томондан, эскича усулни қўллаш қарори қабул қилинди, иккинчи томондан эса, хусусий капиталга, у давлат банк тизимига қараганда самаралироқ амалга оширувчи функция ишониб топширилди”, - дейди эксперт.

Тўлиқ шарҳни Sputnik Ўзбекистон радиоподкастида тингланг.

"Очень важный шаг": Буклемишев о реформировании банковской системы в Узбекистане
99
Аппарат ИВЛ

Россия хорижга 600 та СНО аппаратини, жумладан, Ўзбекистонга етказиб берди

97
Россия хорижий давлатларга 600 донадан зиёд сунъий нафас олдириш (СНО) аппаратини етказиб берди. Улар орасида Ўзбекистон ҳам бор.

ТОШКЕНТ, 8 июл — Sputnik. Россия хорижий давлатларга 600 донадан зиёд сунъий нафас олдириш (СНО) аппаратини етказиб берди. Бу ҳақда Россия саноат ва савдо вазири Денис Мантуров маълум қилди.

“600 донадан зиёд сунъий нафас олдириш (СНО) аппаратлари аллақачон Ўзбекистон, Сербия, Италия ва Беларусга юклаб жўнатилган”, - деди Мантуров Федерация кенгашидаги ҳукумат соати давомида. Унинг сўзларидан РИА Новости иқтибос келтирган.

Шунингдек, у АҚШга ҳароратни ўлчайдиган терминал сотиш бўйича шартнома имзоланганини маълум қилган.

97
Теглар:
Ўзбекистон, Россия
Сборная Узбекистана по футболу

Ўзбекистон ва Эрон терма жамоалари Тошкентда ўртоқлик ўйинини ўтказади

0
Ўзбекистон ва Эрон футбол бўйича терма жамоалари 7 сентябрь куни “Бунёдкор” стадионида ўртоқлик ўйинини ўтказади.

ТОШКЕНТ, 8 июл — Sputnik. Вадим Абрамов мураббийлиги остидаги Ўзбекистон миллий терма жамоаси Тошкентда Эронга қарши ўртоқлик учрашувида майдонга тушади. Бу ҳақда Ўзбекистон футбол ассоциацияси хабар қилмоқда.

“Эрон Ислом Республикаси футбол федерацияси билан келишган ҳолда, ушбу учрашув 7 сентябрь куни “Бунёдкор” стадионида бўлиб ўтиши белгиланди”, - дейилган хабарда.

Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичидаги қолдирилган учрашувларни октябрь ва ноябрь ойларида ўтказади. Ушбу баҳслар олдидан МТЖ учун сентябрь ойида Тошкентда ўқув-машғулот йиғини ташкил этилади.

Эслатиб ўтамиз, аввалроқ Тошкентда 4 сентябрь куни Ўзбекистон ва Тожикистон миллий терма жамоаларининг ўртоқлик ўйини режалаштирилгани хабар қилинган эди.

0