На Кандымском газоперерабатывающем комплексе в Бухарской области состоялось подписание акта Государственной приёмочной комиссии

Қандим газни қайта ишлаш мажмуаси ишга тўлиқлигича тайёр

303
(Янгиланган 13:44 18.10.2019)
Қандим газни қайта ишлаш заводи ва тегишли инфраструктуранинг қурилиши расман тамомланганлиги эълон қилинди. Саноат объектини қабул қилиш тўғрисидаги ҳужжат имзоланиши кеча Бухоро вилоятида бўлиб ўтди.

ТОШКЕНТ, 18 окт — Sputnik. Кеча Бухоро вилоятида Қандим газни қайта ишлаш мажмуасида Давлат қабул комиссияси акти имзоланиши бўлиб ўтди. Бу ҳодиса завод ва  тегишли инфраструктура қурилиши тугалланганлигидан дарак беради.

"ЛУКОЙЛ Узбекистан Оперейтинг Компани” Қандим ГҚИМ қурилиши лойиҳаси батамом бажарилганлиги юзасидан ҳисобот берди. Ўтган йил апрелда тантанали равишда очилган ушбу мажмуа барча зарур техник, уй-жой ва транспорт инфраструктураси билан таъминланган.

Қандим кони мажмуаси таркибига ҳар бири 4,05 млрд кубометр табиий газ қувватига эга иккита технологик тармоқли газни қайта ишлаш заводи, маъмурий бино, таъмирлаш махсус ҳудудлари, 1 150 кишилик автоном турар-жой мажмуаси, 71 та қудуқ (скважина), 285 км лик автойўллар, 70 км лик экспортга йўналтирилган газ қувури, 55 км лик сув қувури ва 268 км лик учта электр узатиш линияси киради.

2018 йил 19 апрелда президент Шавкат Мирзиёев иштирокида мажмуанинг тантанали очилиши бўлиб ўтганди. Маросимда, шунингдек, Россия энергетика вазири Александр Новак ва “Лукойл” президенти Вагит Алекперов қатнашди.

Қиймати 3,5 млрд АҚШ долларга тенг лойиҳа ниҳоятда қисқа муддатда амалга оширилиб, белгиланган муддатдан 8 ой илгари фойдаланишга топширилди. Корхона йилига 8,1 миллиард кубометр табиий газни ишлаб чиқариш қувватига эга.

303
Олег Буклемишев

“Жуда муҳим қадам”: Буклемишев Ўзбекистонда банк тизимини ислоҳ қилиш ҳақида

88
Янги ёндашув ёрдамида республика иқтисодиёти янги ўсиш ва ривожланиш нуқталарини топиши мумкин, деб ҳисоблайди Олег Буклемишев, иқтисод фанлари номзоди, МДУ Иқтисодиёт факультети, Иқтисодий сиёсат тадқиқотлари маркази директори.

Ўзбекистон президенти Шавкат Мирзиёев тижорат банкларини ислоҳ қилишни жадаллаштириш бўйича кўрсатмалар берди. Хусусий секторнинг банк активларидаги улушини 15 фоиздан 60 фоизгача ошириш режалаштирилмоқда.

МДУ Иқтисодиёт факультети, Иқтисодий сиёсат тадқиқотлар маркази директори, иқтисод фанлари номзоди Олег Буклемишев Ўзбекистонда банк тизимини ислоҳ қилиш ва уни давлат тизимидан хусусийга ўтказиш жуда муҳим қадам эканлигини таъкидлади. Мутахассиснинг фикрига кўра, бу, ҳукумат капитални жойлаштириш бўйича аввалги ҳаракатлар натижаларидан қониқмаганлигидан далолат беради.

“Ахир, миллий банк тизимининг асосий моҳияти кредит ресурслари, депозитларни жалб қилиш ва уларни миллий иқтисодиётни ривожлантириш нуқтаи назаридан энг самарали бўлган соҳаларга жойлаштиришдан иборат”, - деди Буклемишев.

Унинг фикрига кўра, хусусий ёндашув ёрдамида иқтисодиёт ўсишнинг ва ривожланишнинг янги нуқталарини топиши, шунингдек, давлат тизими ҳал қила олмаган муаммоларини ҳал қилиши мумкин.

“Ўзбекистонда тадбиркорларнинг келажакдаги ташаббуслари даромадлилиги, самарадорлиги ва тижорат муваффақиятини баҳолашга ўтиш жуда муҳим деб ўйлайман. Биз бошқа мамлакатларда банк тизими миллийлашётганини ёки банк тизими капитал жойлашувини тақсимланишининг бошқа механизмлари билан алмаштирилаётганини кузатмоқдамиз. Ўзбекистонда, бир томондан, эскича усулни қўллаш қарори қабул қилинди, иккинчи томондан эса, хусусий капиталга, у давлат банк тизимига қараганда самаралироқ амалга оширувчи функция ишониб топширилди”, - дейди эксперт.

Тўлиқ шарҳни Sputnik Ўзбекистон радиоподкастида тингланг.

"Очень важный шаг": Буклемишев о реформировании банковской системы в Узбекистане
88
Аппарат ИВЛ

Россия хорижга 600 та СНО аппаратини, жумладан, Ўзбекистонга етказиб берди

90
Россия хорижий давлатларга 600 донадан зиёд сунъий нафас олдириш (СНО) аппаратини етказиб берди. Улар орасида Ўзбекистон ҳам бор.

ТОШКЕНТ, 8 июл — Sputnik. Россия хорижий давлатларга 600 донадан зиёд сунъий нафас олдириш (СНО) аппаратини етказиб берди. Бу ҳақда Россия саноат ва савдо вазири Денис Мантуров маълум қилди.

“600 донадан зиёд сунъий нафас олдириш (СНО) аппаратлари аллақачон Ўзбекистон, Сербия, Италия ва Беларусга юклаб жўнатилган”, - деди Мантуров Федерация кенгашидаги ҳукумат соати давомида. Унинг сўзларидан РИА Новости иқтибос келтирган.

Шунингдек, у АҚШга ҳароратни ўлчайдиган терминал сотиш бўйича шартнома имзоланганини маълум қилган.

90
Теглар:
Ўзбекистон, Россия
Аппарат для ИВЛ

Қозоғистоннинг Жамбил вилояти Ўзбекистондан ёрдам сўради

28
(Янгиланган 17:58 08.07.2020)
Қозоғистоннинг Жамбил вилоятида сунъий нафас олдириш аппарати етишмайди. Вилоят Россия ва Ўзбекистон билан ушбу тиббиёт ускуналарини етказиб беришга оид музокаралар ўтказмоқда.

ТОШКЕНТ, 8 июл — Sputnik. Қозоғистоннинг Жамбил вилоятида сунъий нафас олдириш аппарати етишмайди. Вилоят ҳокими Бердибек Сапарбаев Россия ва Ўзбекистон билан ушбу тиббиёт ускуналарини етказиб беришга оид музокаралар ўтказилаётганини маълум қилди.

“Вилоятда 148 дона сунъий нафас олдириш аппарати бор. Бу етарли эмас. Ҳозир биз Россия, Ўзбекистон билан ишламоқдамиз. Яқин кунларда яна 50 дона шунақа аппаратларни олишимиз режалаштирилмоқда”, - деди Сапарбаев. Унинг сўзларидан Sputnik Қозоғистон нашри иқтибос келтирган.

Қозоғистоннинг Жамбил вилоятида коронавирус пандемияси бошлангандан буён 1866 та касалланиш ҳолати аниқланган. Беморларнинг 598 нафари тузалиб кетган. Уч киши вирус қурбонига айланган.

Россия хорижга 600 та сунъий нафас олдириш аппаратини, жумладан, Ўзбекистонга етказиб берди

Эслатиб ўтамиз, аввалроқ Фарғона вилояти Қирғизистоннинг Боткен шаҳрига инсонпарварлик ёрдами жўнатгани хабар қилинган эди.

28
Теглар:
коронавирус, Қозоғистон, Ўзбекистон