2020 йил давлат бюджети бўйича йиғма маълумот

2020 йил учун Давлат бюджети кенг жамоатчилик эътиборига тақдим этилди

375
Прогнозлаштирилаётган даромадлар тузилмасида билвосита солиқлар салмоғини бирмунча қисқартириш орқали бевосита солиқларни ошириш тенденцияси сақланиб қолади.

ТОШКЕНТ, 6 ноя - Sputnik. Ўзбекистон Молия вазирлиги “Фуқаролар учун бюджет” лойиҳасини 2020 йил учун давлат бюджети лойиҳаси асосида тайёрлаб жамоатчиликка тақдим этди.

Эълон қилинган лойиҳада 2020 йил учун Давлат бюджети даромадлари 128 460 млрд сўм ёки ЯИМнинг 20%и миқдорида режалаштирилган, бу эса жорий йил якуни бўйича даромадларнинг кутилаётган ижросидан 15 817,1 млрд сўмга кўпроқдир. Кутилаётган тушумларни баҳолашда иқтисодиётнинг реал ўсиши, солиқлар маъмурчилигини такомиллаштириш, алоҳида солиқ ва божхона имтиёзларининг бекор қилиниши, шунингдек нарх ва валюта курсининг кутилаётган ошиши каби омиллар ҳисобга олинган.

Прогнозлаштирилаётган даромадлар тузилмасида билвосита солиқлар салмоғини бирмунча қисқартириш орқали бевосита солиқларни ошириш тенденцияси сақланиб қолади.

Келгуси йилда Давлат бюджети харажатлари 131 104,5 млрд сўм миқдорида бўлиши прогноз қилинмоқда, бу эса 2019 йилда тасдиқланган параметрлардан 23%га кўпдир. Ижтимоий соҳага харажатлар улуши катта қисмни – 66 018 млрд сўмни ташкил этади, уларнинг ярми ёки умумий бюджет харажатларининг 22,9%и таълим соҳасига, 14 842,6 млрд сўм – соғлиқни сақлаш, фан, маданият ва спорт соҳасига, умуман олганда – 3 319,5 млрд сўм, аҳолини ижтимоий қўллаб-қувватлашга – 6 573,7 млрд сўм йўналтирилади, бу ўтган йилдагига қараганда 23%  кўпроқдир, 8 трлн сўм фуқароларнинг пенсия таъминоти учун харажатлар доирасида Пенсия жамғармасига субсидиялар тарзида захирага берилади.

2020 йилги консолидациялашган бюджет ЯИИга нисбатан 3 424,9 млрд сўм ёки 0,5% дефицит билан кўрсатилмоқда. Умумий фискал баланс консолидациялашган бюджет ва давлат дастури харажатларини ҳисобга олган ҳолда ташқи қарзлар ҳисобига 17 819,0 млрд сўмни ташкил этади.

Йил бошига давлат қарзи $21,3 млрд (ЯИМга нисбатан 36,0%) миқдорида бўлиши кутилмоқда, шундан ташқи қарзи $15,3 млрд (ЯИМга нисбатан 25,4%)ни ташкил этади. Кредиторлар кесимида хорижий давлатлардан (қолганларига нисбатан Хитой ва Япониядан кўпроқ) олинган қарзлар $6,7 млрд ни, халқаро молия институтларидан $7,7 млрд ни (51%и - ОТБ) ва инвесторлар ҳисобига $1 млрд ни ташкил этади. 2020-2022 йилларда ташқи қарзларни сўндиришга $1 567,4 млн ни йўналтириш режалаштирилмоқда.     

2020 йилда макроиқтисодий барқарорликни таъминлаш учун қуйидагиларга литимлар белгиланмоқда:

·         давлат номидан ёки Ҳукумат кафолати остида ташқаридан маблағларни жалб этиш бўйича янгидан имзоланган битимлар – $4 млрд;

·         давлат мақсадли дастурларини амалга ошириш учун Ўзбекистон номидан ёки давлат кафолати остидан жалб этиладиган (ўзлаштириладиган), келгуси йилларда Давлат бюджети маблағлари ҳисобига сўндириладиган қарзлар – $1,5 млрд.   

2019 йилдан ташаббусли бюджетлаштириш дастаклари жорий этилмоқда, бунда туманлар (шаҳарлар) бюджетларининг қўшимча маблағларининг камида 10%и жамоатчилик фикри асосида ўтказиладиган тадбирларни молиялаштиришга йўналтирилади. Механизмлар openbudget.uz портали воситасида амалга оширилади. 2019 йил I чорак якунларига кўра жами республика бўйича 4 049 та овоз ва таклифлар билдирилган, уларни молиялаштиришга 28,9 млрд сўм ажратилган. II чоракда ташаббуслар 5 бараварга кўпайган, уларга 48,3 млрд сўм йўналтирилган. 

375
Таможенный пост

Ўзбекистон божхона органларига қўшимча вазифалар юклатилди

303
Мирзиёев “Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида”ги фармонни имзолади.

ТОШКЕНТ, 6 июн — Sputnik. Ўзбекистон президенти 5 июнь куни “Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида”ги фармонга имзо чекди.

Фармон божхона маъмуриятчилигини ислоҳ этиш, божхона органлари фаолиятини янада такомиллаштириш ҳамда самарадорлигини ошириш, “қоғозсиз ва электрон божхона”нинг мантиқий давоми ва ривожланиши бўлган “рақамли божхона”ни шакллантириш, божхона иши соҳасидаги умумэътироф этилган халқаро норма ва стандартларни миллий қонунчиликка имплементация қилишни жадаллаштириш мақсадида қабул қилинди.

2020-2023 йилларда божхона маъмуриятчилигини ислоҳ қилиш ва Ўзбекистон Республикаси давлат божхона хизмати органлари фаолияти самарадорлигини ошириш концепцияси ҳамда уни амалга ошириш бўйича “Йўл харитаси” тасдиқланди.

Фармонда белгиланишича:

- 2020 йил 1 августдан темир йўл транспорти ташкилотлари ўзларининг ахборот тизимларини божхона органларининг ахборот тизимларига интеграциялаш орқали божхона назорати остидаги вагон ва контейнерларнинг мамлакат ичидаги ҳаракатлари ҳақидаги маълумотларни божхона органларига реал вақт режимида беғараз тарзда тақдим этадилар;

- 2020 йил 1 сентябрдан “Ягона дарча” божхона ахборот тизими чегара божхона постларида жорий этилади.

2020 йил 1 ноябрдан:

- божхона юк декларациясини расмийлаштириш вақти хавф даражасидан келиб чиқиб, 3 суткадан 1 кунгача қисқартирилади;

- божхона назоратининг муқобил турларини қўллашни кенгайтириш орқали товарларни божхона ҳамроҳлигида кузатиб бориш ҳолатлари қисқартирилади, қонунчиликда белгиланган ҳолатлар бундан мустасно;

- Ўзбекистон Республикаси Давлат божхона қўмитасининг хавфларни бошқариш тизими автомобиль чегара божхона постларида жорий этилади;

- транспорт воситаларини вақтинчалик олиб киришда ташувчига реал вақт режимида электрон шаклда қайта олиб чиқиш муддати тугашидан олдин вақтинчалик олиб кириш муддатини узайтириш ва тегишли йиғимни тўлашни амалга ошириш имконияти тақдим этилади;

- “божхона ҳудудида қайта ишлаш” божхона режимида қайта ишлаш маҳсулотларининг чиқиш нормасини идентификациялаш ва баҳолаш услубияти тадбиркорлик субъектининг ўзи томонидан ишлаб чиқилади.

Давлат божхона қўмитасига қуйидаги қўшимча вазифалар юкланди:

- божхона назорати шакли сифатида товарлар чиқариб юборилгандан кейин ТИФ иштирокчиси фаолиятини баҳолаш ҳамда уларнинг товарлар ва транспорт воситалари чиқариб юборилгандан кейинги ҳисобини текширишни назарда тутувчи божхона аудитини амалга ошириш;

- Ўзбекистон Республикаси Давлат чегараси орқали ўтказиш пунктларида санитария-карантин, фитосанитария ва ветеринария назорати органларининг ТИФни нотариф тартибга солиш чораларини қўллаш бўйича фаолиятини мувофиқлаштириш;

- товарлар импорти ва экспорти тузилмаси ҳамда динамикасининг чуқур ҳолатий таҳлилини, шунингдек, импорт ҳажми ҳам жисмоний, ҳам қийматий ўсишининг сабаблари таҳлилини амалга ошириш;

- ишлаб чиқаришни маҳаллийлаштиришни чуқурлаштириш ва саноат кооперациясини кенгайтириш масалалари бўйича манфаатдор идоралар билан ҳамкорлик ўрнатиш.

Давлат божхона қўмитаси тузилмасида умумий штат бирликлари доирасида:

- Контрабанда ва божхона қонунчилиги бузилишига қарши курашиш бошқармаси Контрабандага қарши курашиш ва божхона аудити бош бошқармаси этиб;

- Божхона экспертизаси ва ташқи иқтисодий фаолият товар номенклатурасини юритиш бошқармаси Ташқи иқтисодий фаолиятда нотариф тартибга солишни назорат қилиш ва божхона экспертизаси бошқармаси этиб қайта ташкил этилди ва қўшимча вазифалар юкланди.

303
Подвижной состав на путях сортировочной станции

Хитой Ўзбекистон орқали Европага чиқадиган янги транспорт коридорини ишга туширди

475
"Хитой – Қирғизистон – Ўзбекистон – Туркманистон" йўналишида транзит ташувлари мувафаққиятли амалга оширилмоқда, деб хабар қилмоқда Траспорт вазирлиги.

ТОШКЕНТ, 6 июн - Sputnik. Хитой Ўзбекистон орқали ўтадиган янги транспорт йўлагини ташкил қилди. У ХХРдан Европага чиқувчи халқаро йўлакнинг биринчи қисмига айланади. 

 

Кеча, 5 июнь куни Хитойнинг Ланьчжоу шаҳридан 25 та 40 футли контейнерларда экспорт юки ортилган поезд "Ланьчжоу – Қашғар – Иркештом – Ўш – Андижон –  Тошкент – Мари" йўналишида мультимодал транзит ташувни амалга ошириш учун йўлга чиқди.

"Мазкур йўналиш бўйлаб мультимодал юк ташувларини йўлга қўйиш "Ўзбекистон – Қирғизистон – Хитой" автомобиль коридори имкониятларидан самарали фойдаланишни ташкил этиш борасида олиб борилаётган ишларнинг натижасидир", - дейилади Транспорт вазирлиги хабарида. 

Эслатиб ўтамиз, "Ланьчжоу – Қашғар – Иркештом – Ўш – Андижон –  Тошкент – Мари" йўналиши бўйлаб илк мультимодал транзит юк ташуви жорий йилнинг май ойида амалга оширилган.

Йўналиш бўйлаб юк ташуви "темир йўл транспорти – автомобиль транспорти – темир йўл транспорти" схемасида ташкил этилган эди. Илк жараённинг ўзиёқ "Ўзбекистон – Қирғизистон – Хитой" автомобиль коридори имкониятлари ниҳоятда катта эканлигини намойиш этди. Бошқа давлатлар юкларини жалб қилган ҳолда бу каби мультимодал ташувларни ташкил этиш бир нечта давлатларнинг халқаро транспорт ва савдо тизимларига муваффақиятли интеграциясига хизмат қилади.

475
Официальный представитель Министерства иностранных дел России Мария Захарова

ТИВ АҚШнинг "демократия" бўйича насиҳатлари подборкасини эълон қилади

132
Захарованинг сўзларига кўра, РФ ТИВ АҚШ томонидан қилинган "демократия сабоқлари" тўғрисидаги подборка "троллинг" мақсадида эмас, балки шунчаки, келгусида ёдда сақлашлари учун эълон қилади.

ТОШКЕНТ, 6 июн – Sputnik. Россия ташқи ишлар вазирлиги АҚШ сўнгги 10 йил давомида "қандай қилиб бутун дунёга демократиядан сабоқ бергани" тўғрисида подборкани эълон қилади, деди РФ ТИВ расмий вакили Мария Захарова.

"Мен биз ҳам "троллинг" қилишни биламиз, демоқчи эдим. Бу иккиланиш бўй кўрсатган шундайин бир тарихий лаҳза. Чунки эртага  эҳтимол ТИВнинг ижтимоий тармоқлардаги саҳифаларида, ТИВ Facebookида махсус подборкаларни эълон қиламиз. Америкалик ҳамкасбларимиз бизга қандай сабоқ беришгани ҳақида бундан ҳам баттар иқтибослар бор, лекин биз сўнгги 10 йил давомида улар бутун дунёга қандай қилиб ўша демократиядан сабоқ бергани ҳақида махсус подборкаларни тайёрладик. Улар қандай қилиб ақл ўргатишгани, панд-насиҳат қилишгани, эътироз билдиришгани, оммавий "савалаш"ларни уюштиришганини кўрсатиб берамиз. Бу ҳатто троллинг эмас", - деди Захарова YouTube-каналдаги "Соловьев LIVE" эфирида "Россия тартибсизликлар фонида АҚШни "троллинг" қиладими", деган саволга жавобан.

Захарованинг таъкидлашича, сўнгги йилларда АҚШнинг демократия бўйича "насиҳатлари" ички муаммолари мавжуд бўлган давлатлар устидан кулиш тусини олган, чунки Вашингтон ўша давлатлардаги вазиятни кўриб туриб шундай баёнотлар билан чиққан.

"Бу кўп ҳолларда ички муаммоларни кўриб, очиқчасига кулиш эди. Кўп ҳолларда бошқа давлатларда ўша ички муаммоларнинг пайдо бўлишига ҳисса қўшган ҳолда улар халқаро ташкилотлар, ижтимоий тармоқлар, брифинглар ва бошқа жойларда албатта оммавий баёнотлар билан чиқиш қиларди. Бизда бу подборка тайёр, биз шунчаки эртага эълон қиламиз", - деб қўшимча қилди у.

Захарованинг сўзларига кўра, РФ ТИВ АҚШ ҳақидаги подборкани "троллинг" мақсадида эмас, балки шунчаки келгусида ёдда сақлашлари учун эълон қилади.

"Нега деганда, Вашингтон, келгуси сафар, бу жуда яқин орада содир бўлади, кимгадир ўша айтганимиздек, демократиядан сабоқ бермоқчи бўлганида, ички муаммолар билан қандай яшаш керагу бу муаммоларни қандай енгиш лозимлиги ҳақида гапиришни истаганида, уларга бу эслатма бўлади", - деди Захарова ва айни дам АҚШ "троллинги" мавриди эмаслигини, нега деганда, АҚШдаги норозиликлар - бу реал муаммолигини қўшимча қилди.

Эслатиб ўтамиз, афроамерикалик Жорж Флойд Миннеаполисда полициячилар қўлида нобуд бўлгач АҚШнинг йирик шаҳарларида норозиликлар ва тартибсизликлар тўлқини авж олган эди.

132