Солиқ кодексига айрим қўшимчалар киритилади

© SputnikКупюры номиналом пятьдесят тысяч сумов
Купюры номиналом пятьдесят тысяч сумов - Sputnik Ўзбекистон
Oбуна бўлиш
Давлат солиқ қўмитаси “Ўзбекистон Республикасининг солиқ кодексига қўшимчалар киритиш тўғрисида”ги қонун лойиҳасини тайёрлади.

ТОШКЕНТ, 14 ноя – Sputnik. “Ўзбекистон Республикасининг солиқ кодексига қўшимчалар киритиш тўғрисида”ги қонун лойиҳаси тайёрланди.

Унга кўра, кодекснинг 158-модда, 168-модда, 269-моддалари тегишли бандларига қўшимчалар киритиш назарда тутилган.

Хусусан, 158-модда қуйидаги мазмундаги 7-банд билан тўлдириш:“7) 2020 йил 1 январдан бошлаб, тўқимачилик, тикув-трикотаж, чарм-пойабзал ва мўйначилик соҳалари корхоналарининг фойда солиғи бўйича солиққа тортиладиган базаси етти йил давомида тенг улушларда замонавий тозалаш ва канализация иншоотларини қуриш бўйича харажатлар суммасига камайтирилади”.

Автомобиль Yandex Taxi - Sputnik Ўзбекистон
Такси, лицензия ва солиқ: йўловчиларни ташиш соҳасида кутилаётган янгиликлар

168-модда қуйидаги мазмундаги 2-қисм билан тўлдириш: “2020 йил 1 январдан бошлаб, “Ўзтўқимачиликсаноат” ва “Ўзчармсаноат” уюшмаларининг хорижий консультантлари, шунингдек, тўқимачилик ва тикув-трикотаж, чарм-пойабзал ва мўйначилик соҳалари корхоналарида меҳнат фаолиятини юритаётган хорижий мутахассислар Ўзбекистон Республикасидаги даромад манбалари бўйича жисмоний шахслардан олинадиган даромад солиғини унинг белгиланган ставкасидан 50 фоиз миқдорида тўлайди”.

Шунингдек, 269-модда 2-қисми қуйидаги мазмундаги 6-банд билан тўлдириш: “6) 2020 йил 1 январдан бошлаб, ҳисобот даври натижалари бўйича ялпи тушумнинг умумий ҳажмида тайёр тикув-трикотаж маҳсулотларининг экспорти 60 фоиздан кам бўлмаган экспорт улушига эга бўлган корхоналар 2023 йил 1 январга қадар мол-мулк солиғини тўлашдан озод этилади”.

Қонун лойиҳаси 28 ноябргача муҳокама қилинади.

Янгиликлар лентаси
0