Тепловоз с грузовыми вагонами

Россия “Хитой-Қирғизистон-Ўзбекистон” темир йўли лойиҳасига сармоя киритди

388
Лойиҳа узоқ вақт келишмовчилик туфайли “музлатиб” қўйилган эди. Энди эса амалга ошиш имкониятига эга бўлди.

ТОШКЕНТ, 25 ноя - Sputnik. Россия “Хитой-Қирғизистон-Ўзбекистон” темир йўли қурилиши лойиҳасининг техник-иқтисодий асосини ишлаб чиқишга 200 миллион рубль ажратди. Бу ҳақда Қирғизистон президенти Сооронбай Жээнбеков маҳаллийтелеканаллардан бирига берган интервьюсида маълум қилган.

Лойиҳа 2000 йилларнинг бошларида эълон қилинганди, аммо ўша вақтдан бери амалга оширилмаган. Илк ғояга кўра йўл Хитойнинг Синьцзян провинциясидаги Қошғар шаҳридан ўтиб, Қирғистоннинг Норин ва Ўш вилоятлари орқали Ўзбекистоннинг Андижонигача олиб борилиши керак.

Бундай йўналиш бу уч давлатни Туркманистон, Каспий денгизи портлари, Европа ва ҳаттоки Эрон билан боғлаши лозим эди. Унинг умумий узунлиги 268 километрни ташкил этиши керак бўлган.

Аммо иккита тўсқинлик бор эди – молиялаштириш ва темир йўл изи кенглиги: Хитой халқаро, Қирғизистон ва Ўзбекистон эса совет стандартидан фойдаланади.

Шунингдек, томонлар йўналиш борасида якдил фикрга келишмаган. Ўшанда йўлнинг яна бир варианти ишлаб чиқилган эди. Поездлар Қирғистонннинг Ўш шаҳрига эмас, балки жанубий шаҳри Жалолободга боришини назарда тутарди. Бироқ Қирғизистон ҳукумати бундай йўл мамлакат учун фойдали эмас деб ҳисоблаган эди.

Қирғизистон томони узунроқ бўлган муқобил йўлни таклиф қилган эди. Аммо Ўзбекистон ва Хитой йўл жуда қисқа бўлиши тарафдори эдилар.

Эндиликда Россия барча томонларнинг манфаатлари ҳисобга олган ҳолда темир йўли қурилиши лойиҳасининг техник-иқтисодий асосини ишлаб маблағ ажратди. Яқин келажакда лойиҳа амалга оширилишининг имкониятлари ошди.

388
Премьер-министр Узбекистана Абдулла Арипов прибыл с рабочим визитом в Кыргызстан

Абдулла Арипов бошчилигидаги Ўзбекистон делегацияси Душанбега келди

60
(Янгиланган 11:14 29.09.2020)
Душанбеда Ўзбекистон-Тожикистон савдо-иқтисодий комиссияси йиғилиши ҳамда икки давлат ишбилармонлар бизнес-форуми бўлиб ўтади.

ТОШКЕНТ, 29 сен - Sputnik. Бош вазир Абдулла Арипов бошчилигидаги Ўзбекистон делегацияся 29 сентябрь куни Тожикистон пойтахтига етиб келди, деб хабар қилмоқда ЎзА. 

Ташриф кун тартибида Ҳукуматлараро комиссиянинг Савдо-иқтисодий ҳамкорлик бўйича 7-йиғилиши бўлиб ўтиши ҳамда Ўзбекистон – Тожикистон ишбилармонлари бизнес-форуми ва Ишбилармонлар кенгашининг йиғилишини ўтказиш кўзда тутилган.

Ҳукуматлараро комиссия кун тартибида савдо-иқтисодий, транспорт-коммуникация, энергетика, қишлоқ ва сув хўжалиги ҳамда маданий-гуманитар соҳаларида ва бошқа устувор йўналишларда икки томонлама амалий ҳамкорликни кенгайтиришнинг долзарб масалалари муҳокама қилиш режалаштирилган.

Душанбе халқаро аэропортида Ўзбекистон Республикаси Бош вазирини Тожикистон Республикаси Бош вазири ўринбосари Давлатшо Гулмуҳаммадзода кутиб олди.

60

Ҳар бир тадбиркор стандартни билиши керак - Шавкат Мирзиёев

45
(Янгиланган 10:16 29.09.2020)
Президент келгуси йилда маҳаллий ишлаб чиқариш уйғунлик даражасини 50 фоизга етказиш вазифаси белгилади.

ТОШКЕНТ, 29 сен - Sputnik. Ўзбекистон корхоналари томонидан ишлаб чиқарилган маҳсулотлар йил сайин сифати яхшиланиб, халқаро стандартларга мос қилинмоқда. Бу ҳақида 28 сентябр куни президент ҳузурида бўлиб ўтган стандартлаштириш, сертификатлаш ва метрология тизимидаги ислоҳотлар муҳокамасига бағишланган йиғилишда айтиб ўтилди.

Маълум бўлишича, айни дамда Республикада ишлаб чиқарилаётган маҳсулотларнинг 43% халқаро меёрларга мувофиқлаштирилган. Қабул қилинган стандартлар сони 12 мингтага етган ва бу албатта экспорт миқдорини оширишга хизмат қилмоқда. 

Йиғилишда президент томонидан 2021 йил якунига қадар халқаро стандартлар сонини 14 мингтага, уйғунлик даражасини 50 фоизга етказиш вазифаси белгиланди ва халқаро стандартларни жорий этиш маҳсулот экспорти учун муҳим вазифа экани қайд этилди. 

– Агар маҳсулот халқаро сертификатга эга бўлмаса, у ҳеч қачон рақобатбардош бўла олмайди. Мамлакатда ҳар бир тадбиркор стандартни билиши, таниши керак, шундай муҳит яратиш зарур, – деди Шавкат Мирзиёев.

Шунигдек, нафақат тўқимачилик соҳасида, балким озиқ-овқат ва автомобил эҳтиёт қисмлари, қурилиш материаллари ишлаб чиқариш соҳаларида ҳам 5 мингга яқин эски стандартларни бекор қилиб, замонавий халқаро стандартларни жорий этиш таклиф қилинди.   

 

45
Самолет узбекских авиалиний

UzAirways Москва ва Санкт-Петербургдан парвозлар рўйхатини эълон қилди

4
Москва ва Санкт-Петербург шаҳарларидан Ўзбекистон фуқароларини олиб чиқиш парвозлари янги жадвали эълон қилинди. 

ТОШКЕНТ, 29 сен - Sputnik. Uzbekistan Airways Москва ва Санкт-Петербург шаҳарларидан Ўзбекистон фуқароларини олиб чиқиш мақсадида амалга оширилаётган чартер парвозлар янги жадвалини эълон қилди. 

Санкт - Петербург шаҳридан амалга ошириладиган парвозлар: 

5 окт HY3640 Санкт-Петербург – Самарқанд (12.40 — 19.30);
6 окт HY3636 Санкт-Петербург – Фарғона (01.40 — 08.45);
6 окт HY3712 Санкт-Петербург – Термиз (15.20 — 22.30); 
7 окт HY3638 Санкт-Петербург – Урганч (04.55 — 11.15).

Москвадан амалга ошириш режалаштирилаётган парвозлар:

5 окт HY3616 Москва – Урганч (21.40 — 03.15);
6 окт HY3608 Москва – Бухоро (08.10 — 14.05);
6 окт HY3610 Москва – Термиз (21.00 — 03.15);
7 окт HY3606 Москва – Самарқанд (09.20 — 15.20);
7 окт HY3616 Москва – Урганч (20.35 — 02.10);
8 окт HY3628 Москва – Ферғона (07.05 — 13.20);
8 окт HY3606 Москва – Самарқанд (21.00 — 03.00);
9 окт HY3622 Москва – Андижон (08.50 — 15.05);
9 окт HY3608 Москва – Бухоро (20.50 — 02.45);
10 окт HY3620 Москва – Наманган (07.50 — 14.10).

*барча парвозлар учун маҳаллий вақт кўрсатилган. 

Эслатиб ўтамиз, ушбу парвозларга фақат Ўзбекистон фуқаролари учун ташкил қилинмоқда. Йўловчилар парвозга чиқишдан 72 соат олдин ПЗР ташҳисдан ўтган ва коронавирус аниқланмаган бўлиши керак. 

Авиачипталарни онлайн ёки авиакомпания расмий кассалари орқали сотиб олиш мумкин. 

4