Австрия “Шимолий оқим-2” санкцияларига қарши чиқди

335
Австрия ташқи ишлар вазири қувур Европани энергия билан таъминлашнинг диверсификация қилишга ёрдам бериши ва Украина манфаатини чеклаб қўймаслигини таъкидлади.

ТОШКЕНТ, 13 янв — Sputnik. Австрия ТИВ раҳбари Александер Шалленберг Американинг “Шимолий оқим-2”га қарши санкцияларини танқид қилди.  

Унинг сўзларига кўра, Австрия экстерриториал чекловчи чораларни қабул қилмайди.

“Бу номаъқбул”, - дея маълум қилган у “Die Presse” газетасига берган интервьюсида. Унинг сўзларидан РИА Новости иқтибос келтирган.

Вазир қувур Европани энергия билан таъминлашнинг диверсификация қилишга ёрдам бериши ва Украина манфаатини чеклаб қўймаслигини таъкидлади.

Шалленберг Вашингтон унинг лойиҳага қаратилган танқиди иқтисодий нуқтаи назарга асосланишини яширмаётганлигини эслатиб ўтган.

АҚШ президенти Дональд Трамп “Шимолий оқим-2” ва “Турк оқими” қувурларига қарши санкцияларни назарда тутадиган мудофаа бюджетини 2020 йил декабрь ойида имзолади. Америка Қўшма Штатлари бу қувурларни қўйишда иштирок этган компаниялардан зудлик билан қурилишни тўхтатишни талаб қилди.

Россия президенти Владимир Путиннинг сўзларига қараганда, “Шимолий оқим – 2” газ қувурини қуриш ва ишга тушириш бўйича ишлар 2020 йилнинг охирига қадар ёки келгуси йилнинг биринчи кварталигача якунига етказилиши лозим. У Москва гуз қувурни хорижлик ҳамкорларни жалб қилмаган ҳолда мустақил равишда қуриб битказинини таъкидлади.

335

Доллар кўтарилди, евро эса кескин пасайди

187
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 5,59 сўмга кўтарилди.

ТОШКЕНТ, 28 сен — Sputnik. Марказий банк хорижий валюталарнинг сўмга нисбатан 29 сентябрдан бошлаб янги қийматини белгилади.

Доллар курси ўтган ҳафтага нисбатан 5,59 сўмга кўтарилиб, 10 321,21 сўм ташкил қилди.

Евро эса 207,03 сўмга ошди ва 12 003,57 сўмни ташкил қилди.

Россия рубли ҳам 4,21 сўмга пасайиб, 132,07 cўмни ташкил қилди.

187

Жисмоний шахсларга ўлчовли ёмбилар ва қимматбаҳо тангаларни олиб чиқишга рухсат берилди

128
Жисмоний шахслар қимматбаҳо ёмбилар ва тангаларни Ўзбекистон ташқарисига чекловларсиз олиб чиқиши мумкин.

ТОШКЕНТ, 27 сен — Sputnik. Жисмоний шахслар қимматбаҳо ёмбилар ва тангаларни Ўзбекистон ташқарисига чекловларсиз олиб чиқиши мумкин. Бу ҳақда президент имзолаган “Қимматбаҳо металлар муомаласини тартибга солишни янада такомиллаштириш чора-тадбирлари тўғрисида”ги фармонда кўзда тутилган.

Фармонга мувофиқ, жисмоний шахслар тегишли сертификатлар мавжуд бўлганда, қимматбаҳо металлардан тайёрланган ўлчовли ёмбилар ва Марказий банкнинг қимматбаҳо металлардан тайёрланган тангаларини республика ҳудудидан ташқарига божхона декларациясини тўлдирган ҳолда чекловларсиз олиб чиқиши мумкин.

Фармонга кўра, Марказий банк ҳузуридаги Қимматбаҳо металлар агентлиги тугатилиб, Марказий банкда Қимматбаҳо металларни сақлаш ва улар билан ишлаш хизмати ташкил этилди.

Шунингдек, биржа савдоларида сотиладиган қимматбаҳо металларни республика ҳудудларига етказиб бериш механизми жорий этилади.

128
Евро. Иллюстративное фото.

Россияда евро курси кескин кўтарилди

232
Москва биржаси маълумотларига кўра, Россияда евро курси 2016 йилдан бўён биринчи марта 92 рублдан ошди.

ТОШКЕНТ, 28 сен — Sputnik. Москва биржаси маълумотларига кўра, рубл асосий хорижий валюталарга нисбатан пасайишни тезлаштирди.

Хусусан, евро курси 2016 йил январидан бери биринчи марта 92 рублдан ошди. Москва вақти билан соат 16: 01дан бошлаб "эртага" ҳисоб-китоби билан доллар курси 53 копейкага ошиб, 78,74 рублни ташкил қилди.

Шу ўринда, Brent маркали нефтнинг бир баррели 0,92 фоизга ўсиб, 42,8 долларни ташкил этди.

Бундан аввал экспертлар ташқи сиёсий вазият, жумладан янги санкциялар таҳдиди, Алексей Навальний билан боғлиқ вазият, шунингдек, COVID-19 пандемиясининг иккинчи тўлқини рублга қўшимча босим ўтказаётгани ҳақида огоҳлантирган эди.

Мутахассисларнинг фикрига кўра, бу нефт ва газга бўлган талабга зарба бериш хавфи мавжуд ва бу ўз навбатида Россияда валюта тушумини камайтиради.

232