Буровая установка

Росгеология Ўзбекистонга янги нефт ва газ конларини очишда ёрдам беради

172
Росгеология янги конларни очиш, геологоразведка йўналишларини асослаш ва баҳолашда Ўзбекистонга ёрдам беради.

ТОШКЕНТ, 28 фев - Sputnik. Росгеология ва Ўзбекистон Республикаси Геология ва минерал ресурслар Давлат қўмитаси ер ости бойликларидан фойдаланиш соҳасида ҳамкорлик тўғрисида битим имзоладилар, деб хабар беради матбуот хизмати.

"Росгеология" бошқаруви раиси Сергей Горьков ва Геология ва минерал ресурслар Давлат қўмитаси раҳбари Бобур Исломовнинг учрашувидан сўнг ер ости бойликларидан фойдаланиш соҳасида ҳамкорлик тўғрисида келишув имзоланди.

"Битимни амалий равишда амалга ошириш учун томонлар Ўзбекистон Республикасида "Росгеология"нинг шўъба корхонасини ташкил этиш ва қўшма ишларни мувофиқлаштириш ва самарадорлигини баҳолаш учун илмий-техник кенгашни ташкил этиш масаласини кўриб чиқадилар", - дейилади баёнотда.

Шунингдек, "Росгеология" Ўзбекистонда геологик моделни аниқлаштириш, нефт ва газ қазиш истиқболларини ўрганиш ва углеводород потенциалини янги конларнинг очилиши учун геологоразведкани кейинги йўналишларини асослаш билан баҳолаш бўйича ишларни олиб боради, янги конларни кашф қилиш учун келгусидаги қидирув майдонларини асослаб беради. Хусусан, гап Орол денгизидаги нефт ва газ конлари потенциалини баҳолаш ҳақида кетмоқда.

"Ўзбекистоннинг минерал-хом ашё базасини бошқаришни рақамлаштириш соҳасида томонлар саноат чиқиндиларининг минерал массаси ҳажми ва таркиби тўғрисидаги маълумотларни қайта ишлаш ва таҳлил қилиш учун дастурий ечимлар тўпламини яратишга ва рақамли геологик-иқтисодий моделларни ривожлантириш орқали мамлакатнинг минерал-хом ашё ресурсларини саноатни ривожлантиришга жалб қилиш самарадорлигини баҳолашга келишиб олдилар», - дея қўшимча қилди матбуот хизмати.

Эслатиб ўтамиз, ўтган йили "Росгеология" "Ўзбекнефтегаз"га Ўзбекистон ҳудудида  ва бошқа мамлакатларда қўшма лойиҳаларни амалга ошириш учун геологик қидирув ишларида технологик ечимларни таклиф қилган эди. 

172
Президент Узбекистана Шавкат Мирзиёев прибыл в Турцию с визитом

Ўзбекистон ва Туркия ўртасида яна бир ҳужжат кучга кирди

36
Ҳужжатга биноан, икки давлат ваколатли органлари ўртасида ахборот алмашишнинг янгиланган тартиби назарда тутилмоқда. Битим солиқларни ундиришда кўмаклашишга оид янги норма билан тўлдирилмоқда

ТОШКЕНТ, 13 июл — Sputnik. Ўзбекистон ва Туркия ўртасида 1996 йил 8 майдаги Даромадларга икки томонлама солиқ солишга йўл қўймаслик тўғрисидаги ҳукуматлараро битимга ўзгартиришлар киритиш тўғрисидаги баённома 9 июлдан эътиборан кучга кирди.

Ҳужжат Ўзбекистон президенти Шавкат Мирзиёевнинг 2017 йил 25-октябрда Туркияга ташрифи давомида имзоланган.

Ҳужжатга биноан, икки давлат ваколатли органлари ўртасида ахборот алмашишнинг янгиланган тартиби назарда тутилмоқда, шунингдек, Битим солиқларни ундиришда кўмаклашишга оид янги норма билан тўлдирилмоқда.

Тузатишлар “солиқ шаффофлиги”ни таъминлашга қаратилган бўлиб, бу икки мамлакатнинг жисмоний ва юридик шахслари томонидан солиқларни тўлашдан бўйин товлашга қарши курашиш самарадорлигини оширишга ёрдам беради.

Ушбу ўзгартириш ва қўшимчалар шартномавий-ҳуқуқий базани такомиллаштириш ва битим қоидаларини икки мамлакатнинг амалдаги солиқ қонунчилигига мувофиқлаштириш зарурияти билан белгиланади.

36
Теглар:
Ўзбекистон, Туркия
Денежные купюры США.

Ўзбекистон ва Туркия ўртасида инвестицияларни ҳимоя қилиш тўғрисидаги битим кучга кирди

108
(Янгиланган 18:02 12.07.2020)
Ушбу ҳужжат қоидаларига мувофиқ, икки мамлакат инвесторлари томонидан амалга оширилган инвестицияларга нисбатан энг кўп қулайлик яратиш тартиби қўлланилади.

ТОШКЕНТ, 12 июл — Sputnik. Ўзбекистон ва Туркия ўртасида инвестицияларни ўзаро рағбатлантириш ва ҳимоя қилиш тўғрисидаги ҳукуматлараро битим 2020 йил 9 июлдан эътиборан кучга кирди. Бу ҳақда Ташқи ишлар вазирлиги матбуот хизмати хабар қилмоқда.

Ҳужжат 2017 йил 25-октабрда, Ўзбекистон президенти Шавкат Мирзиёевнинг Туркияга ташрифи давомида имзоланган.

Ушбу ҳужжат қоидаларига мувофиқ, икки мамлакат инвесторлари томонидан амалга оширилган инвестицияларга нисбатан энг кўп қулайлик яратиш тартиби қўлланилади.

“Битим инвесторлар ҳуқуқларини ҳимоялаш, сармоя ва технологияларнинг кириб келишини қулайлаштириш, пул ўтказмаларининг эркин бажарилиши ҳуқуқий асосларини белгилаган”, - дейилган хабарда.

Ҳужжат 1992 йил 28 апрелда имзоланган аввалги ҳукуматлараро битимни алмаштиради ҳамда замонавий воқеликни инобатга олган ҳолда инвестицияларни ўзаро рағбатлантириш ва ҳимоя қилиш тартибини такомиллаштиришга қаратилган.

Таъкидланишича, битим икки давлат иқтисодиётига ўзаро инвестициялар оқими учун мустаҳкам асос яратади, шунингдек, салоҳиятли хорижий инвесторлар учун ҳар икки мамлакатнинг инвестицион жозибадорлигини оширади.

108
Теглар:
Ўзбекистон, Туркия