Каннабис в Узбекистане: будет ли легализован медицинский препарат

Каннабис етиштириш Ўзбекистонга нима беради - вазирлик изоҳи

742
(Янгиланган 08:48 20.03.2020)
Қишлоқ хўжалиги вазирлиги томонидан сўнгги бир неча ойлар давомида техник каннабис ўсимлигини етиштириш, қайта ишлаш ва унинг маҳсулотларидан фойдаланишга доир ишлар олиб борилмоқда.

ТОШКЕНТ, 20 мар - Sputnik. Ўзбекистонда "Гиёҳвандлик воситалари ва психотроп моддалар тўғрисида"ги Қонунга ўзгартиш ва қўшимчалар киритишни назарда тутувчи Қонуннинг имзоланиши қишлоқ хўжалигини ривожлантиришда янги прогрессив йўналишни бошлаб беради, деб хабар бермоқда Қишлоқ хўжалиги вазирлиги.

Вазирлик ахборотига кўра, ехник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжуд. Жумладан:

- каннабис энг тез ўсувчи экинлардан бири бўлиб, пахта билан солиштирганда, 1 гектардан 4 баробар кўп целлюлоз олинади;

- ўсимликка қишлоқ хўжалиги кимёвий препаратларини нисбатан камроқ ишлатилади ҳамда сувни анча кам талаб қилади;

- атроф-муҳитни ифлосланишлардан тозалаш имконини беради;

- айланмадан чиқиб қолган ерларни тиклаш учун тупроқдан кадимий ва бошқа заҳарли моддаларни чиқариб олишда ниҳоятда фойдали;

- 110 кун ичида ўсимлик 2-3 метрга етади ва бу бир мавсумда бир нечта ҳосил олиш имконини беради;

- жаҳонда 40 дан ортиқ давлатларда техник каннабисдан саноат мақсадларида фойдаланиб келинмоқда.

Айни пайтда Қишлоқ хўжалиги вазирлиги томонидан мазкур фаолиятни тартибга солиш мақсадида лицензиялаш тўғрисидаги Низом ишлаб чиқилмоқда.

Бунда асосий эътибор қишлоқ хўжалигида асосий мақсадларни амалга оширишга қаратилган. Жумладан: - соҳага хорижий инвесторларни жалб этиш; - қишлоқ хўжалигида энг замонавий лабораторияларни такшил этиш; - ерларнинг мелиоратив ҳолатини яхшилаш; - соҳага замонавий билимга эга, тажрибали мутахассисларни жалб этиш; - инновацион усулларни кенг қўллаш ва рақамлаштириш; - янги иш ўринларини яратиш; - бюджетга муайян тўловларни амалга ошириш; - соҳада фаолият олиб бораётган мутахассисларга маслаҳам-сервис хизматлари тизимини шакллантириш.

Қишлоқ хўжалигида мазкур йўналишнинг ривожлантирилиши натижасида:

- экспорт ҳажмини кескин ошириш; - фойдаланишдан чиққан ерлардан мақсадли фойдаланиш; - соҳадаги юқори иқтисодий ўсишни таъминлаш, - маҳсулот етиштириш ва қайта ишлаш тизимини такомиллаштириш, - чуқур қайта ишланган экспорт озиқ-овқат, саноат маҳсулотларини ишлаб чиқаришни ривожлантириш; - соҳада кластер ишлаб чиқаришини ривожлантиришга тўғридан-тўғри инвестициялар жалб этиш, юқори қўшилган қийматли рақобатбардош, ноанъанавий ва экспортбоп маҳсулотлар етиштириш ҳамда чуқур қайта ишлашни ташкил этиш, шу асосда аграр секторда иш унумдорлигини ва меҳнатга ҳақ тўлаш даражасини оширишга эришилади, дейилади хабарда. 

742

Марказий Осиёда энг арзон бензин қаерда?

68
(Янгиланган 10:04 21.01.2021)
Одатда бой давлатларда ёнилғи нархи баландроқ, нефт қазиб олувчи камбағал мамлакатларда эса унинг нархи анча паст.

ТОШКЕНТ, 21 янв - Sputnik. Gasoline Petrol Prices  тузган рейтингга кўра Марказий Осиё давлатлари бензин энг арзон давлатлар рўйхатининг юқори қисмидан ўрин олди.

2021 йилнинг 18 январ ҳолатига жаҳон бозорларида бензиннинг ўртача нархи 1,05 долларни ташкил қилади. Лекин 168 давлатнинг ҳар бирида ёнилғи нархи бир биридан жиддий фарқ қилади. 

Сотрудник автозаправочной станции заправляет автомобиль клиента
© Sputnik / Александр Кряжев

Энг арзон бензин Венесуэлада 1л - 0,02 доллар, энг қиммати эса - Гонконгда 1л - по 2,36 доллар. 

Марказий Осиё давлатларининг аксарияти ҳам ушбу рўйхатнинг юқори қисмида жойлашган.  Қозоғистон - 0,4 долл (7ўрин), Туркманистон  - 0,43 долл. (10 ўрин), Қирғизистон - 0,45 долл (11 ўрин). 

Ўзбекистонда бензин нархи нисбатан қимматроқ (0,75 $)  бўлгани учун у рейтингнинг 43 ўрнида. 

Россияда бензин - 0,64 $ (27 ўрин). 

Иқтисодий таҳлилчилар айтишига қараганда, оОдатда бой давлатларда ёнилғи нархи баландроқ, нефт қазиб олувчи камбағал мамлакатларда эса унинг нархи анча паст. Нефт нархи халқаро биржаларда барча учун бир хил бўлгани сабабли, турли мамлакатларда ёнилғи нархи турлича бўлиши - муайян давлатларнинг солиқ ва акцизлари, ҳамда соҳага берилаётган имтиёзларига боғлиқдир. 

 

68
Флаги государств-членов Евразийского экономического союза

2025 йилда ЕОИИ интеграциясининг биринчи босқичи якунланади Путин

337
(Янгиланган 09:40 21.01.2021)
Айни дамда ЕОИИда ягона электр энергия, нефт, газ ва нефт маҳсулотлари бозорларини яратиш ишлари олиб борилмоқда.

ТОШКЕНТ, 20 янв – Sputnik. 2025 йилга келиб ЕОИИ доирасида интеграцион жараёнларнинг биринчи босқичи якунланади, деди Россия президенти Владимир Путин.

2025 йилга келиб, ЕОИИ давлатларида ягона товарлар, хизматлар, капитал, ишчи кучи ва ягона рақамли ҳудуд шакллантириш жараёни якунига етиши керак. Бугунги кун шароитида ушбу жараёнларни тезроқ ишга тушириш янада муҳим аҳамият касб этади, - деди Путин.

Россия президенти айтишига кўра, айни дамда ЕОИИ аъзолари томонидан ягона электр энергия, нефт, газ ва нефт маҳсулотлари бозорларини яратиш ишлари ҳам олиб борилмоқда.

2020 йилда содир бўлган коронавирус пандемияси ҳам ЕОИИ давлатлари орасида ҳамкорликни мустаҳкамлади, деди Россия президенти. Хусусан, Иттифоқ аъзолари тиббиёт воситалари ва дорилар ишлаб чиқариш соҳасида ягона қоидалар ўрнатишга келишиб олишди. 2021 йилнинг 1 январидан бошлаб ЕОИИда дори воситаларини рўйхатдан ўтказиш ягодна қоидалар ва процедуралар асосида амалга оширилади. Бугунги Шароитда бу ўта муҳим, деди  Владимир Путин.

Россия президенти айтишига кўра, 6 йил олдин ташкил қилинган ЕОИИ ҳамкорлиги илдам ривожланиб бормоқда. 2019 йилда Иттифоқ аҳзоларининг ўзаро маҳсулот айирбошлаш ҳажми 35 %га ошган. Шу билан бир вақтда Россия ва Иттифоқ давлатларининг ташқи савдоси миқдори ҳам ошмоқда. Ўтган давр мобайнида унинг ўчиши 27%ни ташкил қилган.

Ушбу ютуқларга эришишда ЕОИИ давлатлари ҳукуматларининг товар, хизмат ва капитал ҳаракати йўлидаги тўсиқларни бартараф этишга қаратилган биргаликдаги саъй-ҳаракатлари туфайли эришилди, - деди Россия президенти.

337
Руки в наручниках.

Андижонда боғча мудираларини шантаж қилган "журналистлар" қўлга олинди

22
Олиб борилган тезкор ҳаракатлар натижасида А.А. ва М.А. Андижон вилояти Марҳамат туманидаги боғча МТМ фаолияти бўйича материал тайёрлаш мақсадида муассаса раҳбаридан икки юз минг сўм олаётган вақтида туман ички ишлар бўлими ходимлари томонидан қўлга олинган.

ТОШКЕНТ, 21 янв - Sputnik. Андижон шаҳридаги қатор мактабгача таълим муассасаларида ўзларини "Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ходимлари" деб таништирган фуқаролар — А.А. ва М.А. муайян муаммоларни аниқлаб, муассасалар раҳбарларидан пул талаб қилишган.

Бу ҳақда АОКА хабар бермоқда.

Хусусан, А.А ва М.А Андижон шаҳридаги 3та мактабгача таълим муассасасини текшириб, уларнинг фаолиятида турли камчиликлар аниқлаб, муассаса раҳбарларидан жами 1 000 000 (бир миллион) сўм миқдорида пул маблағини ноқонуний тарзда талаб қилиб олган. Уларнинг хатти-ҳаракатларидан норози бўлган Андижон шаҳридаги мактабгача таълим бўлимига қарашли 61-сон муассаса раҳбари мазкур таъмагирлик ҳолати юзасидан вилоят ички ишлар бошқармасига мурожаат қилган.

Олиб борилган тезкор ҳаракатлар натижасида 2021 йилнинг 19 январь куни А.А. ва М.А. Андижон вилоятининг Марҳамат туманида жойлашган 28-сонли МТМ фаолияти бўйича материал тайёрлаш мақсадида муассаса раҳбаридан 200 000 (икки юз минг) сўм миқдорида пул маблағи олаётган вақтида туман ички ишлар бўлими масъул ходимлари томонидан қўлга олинди. Уларга тегишли қалбаки гувоҳномалар ашёвий далил сифатида олиб қўйилди.

Текшириш давомида ушбу шахслар "Халқ иродаси" журнали таҳририяти томонидан берилган гувоҳномаларда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги номи ёзилган ҳамда давлат рамзи (герби) қўйилган гувоҳномалардан фойдаланиб боғчалар фаолиятини текшириб юрганлиги маълум бўлди. Улар "Халқ иродаси" журнали таҳририятида жамоатчилик шартномаси асосида ишлаб келган.

Ҳозирда мазкур ҳолат юзасидан Андижон вилояти Марҳамат тумани ИИБ томонидан терговга қадар суриштирув ишлар олиб борилмоқда.

Агентлик бу каби ҳолатлар такрор содир этилгани боис барча фуқаролардан ҳушёр ва огоҳ бўлишга чорлаб қолган.

Эслатиб ўтамиз, 2020 йилнинг июль ойида Бухоро вилоятида ўзларини Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг вакиллари ва "Юрт салоҳияти" газетаси мухбирлари деб таништирган шахслар қўлга олингани хабар берилган эди.

22