Ўзбекистонда коронавирус туфайли энг катта зарар кўраётган соҳалар айтилди

1147
(Янгиланган 11:09 20.03.2020)
Коронавирус пандемиясидан энг катта зарар кўраётган туризм, меҳмонхона бизнеси, транспорт-логистика соҳалари, умумий овқатланиш муассасалари кредитларини қоплашда махсус ташкил этилган фонд ёрдам беради.

ТОШКЕНТ, 20 мар - Sputnik. Кеча 19 март Шавкат Мирзиёев иштирокида бўлиб ўтган коронавируснинг иқтисодий оқибатларига қарши чораларга бағишланган видеоселектор йиғилишида ушбу пандемиядан энг катта зарар кўраётган иқтисодиёт соҳалари санаб ўтилди. Ушбу соҳаларда олинган кредитларни қайтаришда ёрдам бериш масаласи ҳам кўриб чиқилди. 

Хусусан, меҳмонхона бизнесида 90 миллиард сўмлик, транспорт-логистика соҳасида 650 миллиард сўмлик, умумий овқатланиш муассасаларида 180 миллиард сўмлик, ташқи савдо корхоналарида 3,6 триллион сўмлик кредитларни қайтариш имконияти пасаймоқда, - дейилган хабарда.

Шу боис ушбу корхоналарнинг кредит муддатларини узайтириш, туристик йиғимлар ундиришни вақтинча тўхтатиш бўйича кўрсатма берилди.

Ҳокимларга иқтисодий қийинчиликка дуч келган корхоналардан маҳаллий солиқларни ундиришни 6 ойгача кечиктириш ваколати берилади.

Шунингдек, якка тартибдаги тадбиркорларнинг даромад солиғи, фермерларнинг сув солиғи 50 фоизга камайтирилади. Бунда маҳаллий бюджетдаги йўқотишлар республика бюджетидан қоплаб берилади. Йил якунига қадар солиқ текширувларига мораторий эълон қилинади ва қийналган корхоналарга солиқ қарзлари учун пеня ҳисоблаш тўхтатилади. 

Видеоселектор йиғилиши ҳақидаги тўлиқ хабар билан қуйида танишинг. 

1147
Флаги государств-членов Евразийского экономического союза

2025 йилда ЕОИИ интеграциясининг биринчи босқичи якунланади Путин

329
(Янгиланган 09:40 21.01.2021)
Айни дамда ЕОИИда ягона электр энергия, нефт, газ ва нефт маҳсулотлари бозорларини яратиш ишлари олиб борилмоқда.

ТОШКЕНТ, 20 янв – Sputnik. 2025 йилга келиб ЕОИИ доирасида интеграцион жараёнларнинг биринчи босқичи якунланади, деди Россия президенти Владимир Путин.

2025 йилга келиб, ЕОИИ давлатларида ягона товарлар, хизматлар, капитал, ишчи кучи ва ягона рақамли ҳудуд шакллантириш жараёни якунига етиши керак. Бугунги кун шароитида ушбу жараёнларни тезроқ ишга тушириш янада муҳим аҳамият касб этади, - деди Путин.

Россия президенти айтишига кўра, айни дамда ЕОИИ аъзолари томонидан ягона электр энергия, нефт, газ ва нефт маҳсулотлари бозорларини яратиш ишлари ҳам олиб борилмоқда.

2020 йилда содир бўлган коронавирус пандемияси ҳам ЕОИИ давлатлари орасида ҳамкорликни мустаҳкамлади, деди Россия президенти. Хусусан, Иттифоқ аъзолари тиббиёт воситалари ва дорилар ишлаб чиқариш соҳасида ягона қоидалар ўрнатишга келишиб олишди. 2021 йилнинг 1 январидан бошлаб ЕОИИда дори воситаларини рўйхатдан ўтказиш ягодна қоидалар ва процедуралар асосида амалга оширилади. Бугунги Шароитда бу ўта муҳим, деди  Владимир Путин.

Россия президенти айтишига кўра, 6 йил олдин ташкил қилинган ЕОИИ ҳамкорлиги илдам ривожланиб бормоқда. 2019 йилда Иттифоқ аҳзоларининг ўзаро маҳсулот айирбошлаш ҳажми 35 %га ошган. Шу билан бир вақтда Россия ва Иттифоқ давлатларининг ташқи савдоси миқдори ҳам ошмоқда. Ўтган давр мобайнида унинг ўчиши 27%ни ташкил қилган.

Ушбу ютуқларга эришишда ЕОИИ давлатлари ҳукуматларининг товар, хизмат ва капитал ҳаракати йўлидаги тўсиқларни бартараф этишга қаратилган биргаликдаги саъй-ҳаракатлари туфайли эришилди, - деди Россия президенти.

329
Вентиль на трубопроводе газораспределительной станции

Табиий газ импорти учун 400 км қувур қуриш талаб этилади - Ўзтрансгаз

355
(Янгиланган 15:22 19.01.2021)
Табиий газ импорти учун 400 км қувур қуриш, таъмирлаш ва реконструкция қилиш талаб этилади. Айни дамда 10дан ортиқ ташкилотлар пайвандчилари ушбу ишлар учун тайёрланмоқда.

ТОШКЕНТ, 19 янв - Sputnik. Ортиб бораётган ички истеъмол талабини қондириш учун табиий газ импортини йўлга қўйишга рухсат берилди, дуб хабар қилди “Ўзтрансгаз” АЖ матбуот котиби Шаҳноза Равшанова АОКАда бўлиб ўтган брифингда. 

Сир эмаски бугунги кунда Республика истеъмолчиларини газ билан таъминлашда муаммолар мавжуд. Ушбу муаммоларга турли сабаб ва асослар бор. Ўтган йилда қабул қилинган "Табиий газ ва электр энергиясини сотиш механизмларини такомиллаштириш тўғрисидаги" президент қарорига мувофиқ ушбу муаммолар ҳал қилина бошланди. 

Биринчидан, 2021 йил охирига қадар табиий газнинг йирик улгуржи истеъмолчилари газни биржадан тўғридан-тўғри сотиб олиш ҳуқуқига эга бўлади.

Иккинчидан, ортиб бораётган ички истеъмол талабини қондириш учун табиий газ импортини йўлга қўйишга рухсат берилди.

Лекин, газни импорт қилиш учун газ транспорти тизимни модернизация қилиш талаб этилади. Буни амалга ошириш учун Ўзтрансгаз томонидан махсус лойиҳа ишлаб чиқарилган. Унга кўра АЖ 400 кмдан ортиқ газ қувурини қуриши, таъмирлаши ва реконструкция қилиши талаб этилади. 

Айни дамда ушбу қурилиш ишларини амалга ошириш учун газ қувурларига алоқадор 10та ташиклотнинг 400 нафарга яқин пайвандчилари аттестациядан ўтмоқда. Жараёнга тажрибали хорижий мутахассисларни таклиф қилиш ҳам назарда тутилган.

Маълумот учун, “Ўзтрансгаз” АЖ Республикада газни транспорт қилиш вазифасини бажаради. Унинг 14та ҳудудий ташкилоти  ва 8 мингдан ортиқ ходимлари бор. Ўтган йил аҳолига 40 млрд куб метр табиий газ етказиб берилган. 

2020 йилнинг 1 июлидан бошлаб “Ўзтрансгаз” АЖ фақат тўғридан тўғри газ таъминоти тизимига уланган, ИЭСлар, Иссиқлик таъминоти тармоқлари ва Ўзкимёсаноат каби ташкилотларга табиий газ етказиб бериш билан шуғулланади.

“Худудгазтаъминот” АЖ эса, тақсимлаш газ таъминоти қувурларига уланган улгуржи истеъмолчилар, АГТКШ, ғишт, цемент ва оҳак ишлаб чиқарувчилар ҳамда аҳолига бевосита газ етказиб бериш билан шуғулланади.

355
Джо Байден вступил в должность президента США

Жо Байден қасамёдддан сўнг қатор муҳим ўзгаришларни амалга оширди

25
(Янгиланган 09:53 21.01.2021)
Эслатиб ўтамиз, 78 ёшда бўлган демократ Байден АҚШнинг 46-президенти бўлди. У ноябрда бўлиб ўтган сайловларда республикачи Дональд Трамп устидан ғалаба қозонди. Трамп Байден инаугурациясида иштирок этишдан воз кечди

ТОШКЕНТ, 20 янв - Sputnik. Жо Байден қасамёд қилди ва АҚШ президенти лавозимини бажаришга киришди.

"Мен, Жо Байден, Қўшма Штатлар президенти вазифаларини виждонан бажаришга ва Қўшма Штатлар Конституциясини кучим борича қўллаб-қувватлашга, муҳофаза қилишга ва ҳимоялашга тантанали равишда қасамёд қиламан", - деб айтди Байден чап қўлини Инжилга қўйган ҳолда.

Инаугурациясида қатнашган қатор олий мартабали меҳмонлар, жумладан, сайланган вице-президент Камала Харрис ҳам бинафша рангдаги либосларни кийганлар.

Эслатиб ўтамиз, 78 ёшда бўлган демократ Байден АҚШнинг 46-президенти бўлди. У ноябрда бўлиб ўтган сайловларда республикачи Дональд Трамп устидан ғалаба қозонди. Трамп Байден инаугурациясида иштирок этишдан воз кечди.

Шу вақтгача Байден қатор ўзгаришларни амалга оширишга улгурди.

Хусусан, пайшанба куни у Яқин Шарқ мамлакатлари вакилларининг АҚШга киришига тақиқ қўйган, "Мусулмонларга тақиқ" деб ном олган қарорни бекор қилди.

2017 йилда Дональд Трамп президент сифатида Эрон, Ливия, Сурия, Яман, Сомали, Судан ва Ироқ фуқароларига АҚШга киришни тақиқлаган эди.

Аммо Трампнинг ушбу қарори маҳаллий даражадаги қатор суд инстанциялари томонидан ноқонуний деб топилгач, ҳужжат таҳрир қилинган, рўйхатдан Ироқ ва Судан олиб ташланган, аммо Чад ва КХДР фуқаролари, шунингдек, Венесуэла амалдорлари киритилган эди.

Шунингдек, АҚШнинг янги президенти Қўшма Штатларнинг Бутунжаҳон Соғлиқни сақлаш ташкилотига қайтиши тўғрисидаги фармонни имзолади.

Вашингтон ташкилотдан ўтган йилнинг ёзида чиққан эди – Трамп ташкилотни ислоҳотлардан воз кечганликда, шунингдек, пандемия вақтида нотўғри ҳаракат қилганликда айблаган.

Бундан ташқари, Байден АҚШни иқлим бўйича Париж битимига қайтарди ва Мексика билан чегарада девр қурилишини тўхтатди. Деворнинг бир қисми қурилиб бўлган эди, Байден қурилган иншоотни бузмоқчи эмаслигига шама қилди.

25