Заседание Генеральной Ассамблеи ООН

Трамп Россия ва Саудия Арабистони билан нефт борасида музокаралар бошланишини эълон қилди

549
Трампнинг таъкидига кўра, унинг Россия президенти Владимир Путин ва Саудия Арабистони валиаҳд шаҳзодаси Муҳаммад бин Салмон билан суҳбати "яхши кечган".

ТОШКЕНТ, 1 апр - Sputnik. АҚШ президенти Доналд Трамп, АҚШ, Россия ва Саудия Арабистони нефть саноатини қўллаб-қувватлаш мақсадида нефтнинг жаҳон нархларини кўтаришни муҳокама қилишини айтди, деб хабар беради РИА Новости.

"Улар (Россия ва Саудия Арабистони - таҳр.) йиғилишни режалаштирмоқда, биз ҳаммамиз нима қилишимиз мумкинлигини баҳолаш учун йиғилишни режалаштирмоқдамиз. Чунки сиз саноатни йўқотишни хоҳламайсиз. Бу минглаб ва минглаб иш ўринлари", - деди Америка етакчиси матбуот анжуманида.

У нефт нархининг пастлиги, бир томондан, Америка авиакомпанияларига ёрдам беришини, иккинчи томондан Америка нефт саноатига зарар етказишини тан олди.

"Бу икки мамлакат муҳокама қилмоқда (ушбу масалани - таҳр.). Агар керак бўлса, мен қўшиламан", - деб қўшимча қилди Трамп.

Унинг таъкидлашича, унинг Россия президенти Владимир Путин ва Саудия Арабистони валиаҳд шаҳзодаси Муҳаммад бин Салмон билан "суҳбати яхши кечган".

Март ойининг бошидан бери коронавируснинг авж олиши натижасида бозор талабининг пасайиши ва ОПЕК+ келишувлари ўз кучини йўқотгани шароитида нефт нархи деярли икки баравар пасайган. 6 март куни альянс мамлакатлари битим параметрларини ўзгартириш ёки уни узайтириш тўғрисида келиша олмадилар.

Хусусан, Россия мавжуд шароитларни сақлаб қолишни, Саудия Арабистони эса қазиб олишни янада пасайтиришни таклиф қилди. Натижада 1 апрелдан бошлаб собиқ иттифоқ аъзо мамлакатларида ишлаб чиқаришга қўйилган чекловлар олиб ташланди.

Шу билан бирга, оммавий ахборот воситалари ОПЕК+ музокаралари муваффақиятсиз тугаганидан кейин ишлаб чиқарувчиларнинг нархлар уруши бошланганлиги ҳақида ёзишни бошладилар. Бунда, Рейтер агентлиги Саудия Арабистони ўз нефтини арзонроқ нархда таклиф қилиб, йирик бозорлардан Россия нефтини сиқиб чиқаришга ҳаракат қилаётганини хабар қилди.

Шу билан бирга, қироллик апрелдан нефт етказиб бериш ҳажмини кунига 12,3 миллион баррелга заҳиралари ҳисобига оширишни расман эълон қилди, бу кунига ишлаб чиқариш ҳажмидан 300 минг баррелга кўпдир.

Россия президенти матбуот котиби Дмитрий Песковнинг таъкидлашича, Россия ва Саудия Арабистони ўртасида ўзаро нархлар уруши кечмаяпти, аммо дунёда ноқулай вазият юзага келган.

549
Мясо

Гўшт қимматлашиши сабаблари санаб ўтилди

231
(Янгиланган 13:45 26.10.2020)
Иқтисодий тараққиёт ва камбағалликни қисқартириш вазирлиги гўшт қимматлашига сабаб бўлган омилларни санаб ўтди.

ТОШКЕНТ, 26 окт — Sputnik. Иқтисодий тараққиёт ва камбағалликни қисқартириш вазирлиги сентябрда кузатилган инфляция даражаси ҳақида маълумотларида гўшт қимматлашига сабаб бўлган омилларни санаб ўтди.

Вазирлик маълумотномасида келтирилган асосий сабаблар қуйидагилар:

  •  ем-хашак базаси учун хом ашё, хусусан, пахта хомашёси, пўстлоқ ва ем аралашмаси захираларининг мавсумий камайиши. Бу ўз навбатида, мазкур маҳсулотларнинг биржа нархларининг мос равишда 17, 21 ва 27 фоизга ошишига олиб келди;
  • Қозоғистон томонидан ўрнатилган экспорт чекловлари туфайли қорамол импортини қисқариши;
  • 2020 йилнинг август ойи ўрталарида карантин чекловларининг олиб ташланганидан сўнг, фаолиятини тиклаган оммавий овқатланиш корхоналарининг гўшт ва гўшт маҳсулотларига бўлган талабининг ошиши.

“Шу билан бирга, 2020 йил январь-сентябрь ойларида Ўзбекистонда 1840 минг тонна (тирик вазнда) гўшт ишлаб чиқарилган (ўтган йилнинг мос даврига нисбатан 2,2 фоизга кўпроқ). Бундан ташқари, 2020 йил январь-сентябрь ойларида 14 минг тонна мол гўшти ва 20 минг тонна товуқ гўшти импорт қилинган”, - дейилган хабарда.

Таъкидланишича, сентябрь ойида ФАО индекси бўйича гўшт нархининг глобал конъюнктураси жорий йилнинг январь ойидан буён кузатилган умумий пасайиш тенденциясини давом эттириб, август ойига нисбатан бироз (0,9 ф.б.га) тушиб, ўртача 7,4%га камайди. Йиллик ҳисобда, индекс ўтган йилнинг мос ойидаги қийматидан 9,5% га камайди.

Вазирлик мамлакатдаги ўшт маҳсулотлари нархининг ўсиши нафақат ташқи омиллар, балки ички бозорлардаги тартибга солиниш механизмларининг самарасизлиги туфайли юзага келган дейиш мумкинлигини қайд этган.

“Бу, ўз навбатида, ишлаб чиқариш даражасининг камтарона ўсишига қарамасдан, гўшт маҳсулотларини етказиб беришнинг етарли даражасини таъминлаш учун озуқа базасининг ривожланмаганлиги билан боғлиқ”, - дейилган хабарда.

231
Доллары США

Эртадан доллар курси пасаяди

217
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 11,88 сўмга пасаяди.

ТОШКЕНТ, 26 окт — Sputnik. Марказий банк хорижий валюталарнинг сўмга нисбатан 27 октябрдан бошлаб янги қийматини белгилади.

Доллар курси ўтган ҳафтага нисбатан 11,88 сўмга пасайиб, 10 359,88 сўм ташкил қилади.

Евро эса 132,15 сўмга пасаяди ва 12 285,78 сўмни ташкил қилади.

Россия рубли 2,92 сўмга кўтарилиб, 136,11 cўмни ташкил қилади.

217

Спутник V вакцинаси 85 % одамларда енгил қабул қилинмоқда - Гинцбург

26
(Янгиланган 18:16 26.10.2020)
Спутник V - вакцинасини тахминан 15% одамларда тана ҳарорати ошиши, бош оғриғи ва мушакллар оғриши қайд этилган. Қолганларда - ҳеч қандай салбий таъсир сезилгани йўқ.

ТОШКЕНТ, 26 окт - Sputnik. "Спутник V" вакцинаси 85 % одамлар томонидан ҳеч қандай салбий таъсирсиз қабул қилинмоқда, деди Гамалея номидаги НИЦЭМ директори Александр Гинцбург "Россия 24" телеканали эфирида. 

"Вакцинация қилинаётган кишиларнинг тахминан 15%ида вакцинанинг қўшимча салбий таъсири сезилмоқда. Қолган 85% - одамлар томонидан ҳеч қандай салбий таъсирсиз ва қўшимча ноқулайликларсиз қабул қилинмоқда", - деди Гинцбург.

"Спутник V" вакцинасининг салбий таъсири сифатида тана ҳарорати 38 градусга ошиши, бош оғриғи, мушаклар оғриши, укол қилинган жойининг қизариши кузатилмоқда. 

Эслатиб ўтамиз, "Спутник V" - коронавирусга қарши дунёда биринчи яратилган вакцина бўлиб, у 11 август куни Россия соғлиқни сақлаш вазирлигида рўйхатдан ўтган эди. Вакцина одам аденовируси асосида яратилган бўлиб, икки босқичда инсон танасига киритилади. Вакцина яратувчилари уни коронавирусга қарши 100% самарали деб таърифлашмоқда. Вакцина болалар ва 65 ёшдан катталар, шунингдек аллергияси бор, сурункали касаллиги бор кишиларга тавсия этилмайди. 

26