Джамшид Кучкаров

ЕОИИга кузатувчи сифатида қўшилиш Ўзбекистон ислоҳотларига салбий таъсири йўқ Қўчқоров

391
(Янгиланган 16:02 11.05.2020)
Ўзбекистон бош вазири ўринбосари Жамшид Қўчқоров Ўзбекистоннинг ЕОИИда кузатувчи сифатидаги иштироки хусусида фикрларини билдирди.

ТОШКЕНТ, 11 май — Sputnik. Ўзбекистон бош вазири ўринбосари, иқтисодий тараққиёт ва камбағалликни қисқартириш вазири Жамшид Қўчқоров Ўзбекистоннинг ЕОИИда кузатувчи сифатидаги иштироки республикада амалга оширилаётган ислоҳотларга қандай таъсир кўрсатиши ҳақидаги саволга жавоб берди.

“Ҳақиқатдан ҳам, бу ўринли савол. Шуни ишонтириб айтиш мумкинки, Ўзбекистонда амалга оширилаётган кенг кўламли ислоҳотларга салбий таъсири йўқ. Чунки биринчи навбатда ўзингиз ҳам кўриб чиқаётган қарор лойиҳасида Ўзбекистон ЕОИИ билан ҳамкорликда кузатувчи мақоми билан иштирок этмоқчи. Демак, Ўзбекистон иттифоқнинг барча ишчи органлари фаолиятида иштирок этишда бемалол фикр билдириш ҳуқуқига эга бўлади, фақат қарор қабул қилиш жараёнида бундан мустасно. Умуман очиқ ҳужжат бўладиган бўлса, ҳаммаси билан танишиш имкониятига эга.

Бунинг ислоҳотларга қандай аҳамиятга эга, демоқчи бўлсак, авваламбор шуни айтиш керакки, биз кўплаб ислоҳотларни ҳамманинг хабари бор, маълум маънода, айрим шу мамлакатларда орқада қолган ҳолда амалга оширяпмиз. Улар шу ислоҳотларни аввалроқ қилган. Кўп марта муҳтарам давлатимиз раҳбари ҳам айтиб ўтганлар, анча вақтни йўқотиб қўйдик. Шунинг учун маълум маънода, ўрганишимиз ҳам мумкин.

Иккинчи томондан қарайдиган бўлсак, яъни эртага тўлақонли аъзо бўлсак, мана шу ислоҳотларга таъсири бўладими, деб айтадиган бўлсак, йўқ. Бу ҳам қайтанга рақобатни кучайтиради. Биз маълум бир бозорларда ўз ўрнимизни топишга мажбурмиз. Бунинг битта-ю битта йўли – иқтисодиёт тармоқларининг рақобатдошлигини таъминлаш. Шунинг учун бирор бир ислоҳотлар учун салбий томонларини кўрмаяпмиз. Буни кўплаб экспертлар айтяпти”, - деди Қўчқоров.

Қўчқоров инвестицион лойиҳалар бўйича тадбирлар салбий таъсир остида қолмаслиги учун амалга ошириладиган ишлар ҳақида гапирди.

“Ислоҳотлар билан бирга кўплаб Ўзбекистонда инвестиция лойиҳалари амалга оширилмоқда. Бу жараёнда бир қатор божхона тўловлари бўйича имтиёзларни белгиланган ва х.з. Бу тадбирлар қандайдир салбий таъсирга тушмаслиги учун тармоқлар бўйича бўлиниб, қисқа, ўрта ва узоқ муддат давргача “отсрочкалар” оламизки, агар вақти келиб аъзо бўладиган бўлсак, бу давр ичида биз тегишли тармоқларда рақобатдошлиги ошириб, оёққа қўйиб оламиз. Мана шулар ҳисобига қараб гапирадиган бўлсак, бизда бундай бир хавф – хатарга ўрин йўқ”, - деб таъкидлади бош вазир ўринбосари.

Ҳукумат вакили ислоҳотлар борасида мисол келтирди.

“Биринчидан ҳар қандай ислоҳотни заминида макроиқтисодий барқарорлик туради. Масалан, Европа Иттифоқи ҳақида гапирадиган бўлсак, унда ҳамма мамлакатлар бюджет тақчиллигини 3 фоиздан оширмаслик ҳақида келишувга келган. Демак, макроиқтисодий барқарорлик бир индикаторлардан бири. ЕОИИ худди шундай талабни қўймоқда. Яъни маъноси йўқ талаб эмас, макроиқтисодий барқарорликка хизмат қиладиган талаб. Аксинча, бизнинг ислоҳотларга хизмат қилади.

Акциз солиқлари ҳақида гапирадиган бўлсак, ЕОИИ талабларига биноан қайси товарларга ички маҳсулотларга акциз солиғи қўлланилаётган бўлса импорт қилинаётганда, фақат шуларга қўлланилиши керак. Улар ставкалари ҳам бир хил бўлиши керак. Бу талаб нима, бизга қандайдир манфаатларимизга зид-ми?, деган савол берадиган бўлсак? Булар ҳам ўз-ўзидан пайдо бўлган талаб эмас, бу халқаро валюта жамғармасининг ҳам, жаҳон савдо ташкилотининг ҳам талаби. Шунинг учун иккита мисолдан кўриниб турибдики, булар ҳаммаси ЕОИИ кўплаб иқтисодий талаблари ҳам ўша дунёни катта қисмида тан олинган, халқаро ташкилотлар томонидан қўлланилаётган талаб ва тартиб-таомилларидан келиб чиққан.

Шунинг учун яна бир карра ҳурматли сенаторларимизга ишонтириб айтаман, буни иқтисодий ислоҳотларга салбий таъсири йўқ. Қолаверса, муҳтарам президентимиз Шавкат Миромонович Мирзиёев бир неча марта айтганлар, Ўзбекистон ўзининг иқтисодий сиёсатини эркин амалга оширади, бу гап суверенитет ёки бир нима ҳақида эмас, деб айтганлар”, - деб таъкидлади Қўчқоров.    

Мунозара якунида сенаторлар Ўзбекистон Республикасининг ЕОИИда “кузатувчи давлат” мақомида иштирок этиш таклифини маъқуллашди.

Олий Мажлис Сенатининг тегишли қарори қабул қилинди.

391
Мавзу:
Ўзбекистон ва ЕОИИ – интеграция истиқболлари (65)
Вентиль на трубопроводе газораспределительной станции

Табиий газ импорти учун 400 км қувур қуриш талаб этилади - Ўзтрансгаз

247
(Янгиланган 15:22 19.01.2021)
Табиий газ импорти учун 400 км қувур қуриш, таъмирлаш ва реконструкция қилиш талаб этилади. Айни дамда 10дан ортиқ ташкилотлар пайвандчилари ушбу ишлар учун тайёрланмоқда.

ТОШКЕНТ, 19 янв - Sputnik. Ортиб бораётган ички истеъмол талабини қондириш учун табиий газ импортини йўлга қўйишга рухсат берилди, дуб хабар қилди “Ўзтрансгаз” АЖ матбуот котиби Шаҳноза Равшанова АОКАда бўлиб ўтган брифингда. 

Сир эмаски бугунги кунда Республика истеъмолчиларини газ билан таъминлашда муаммолар мавжуд. Ушбу муаммоларга турли сабаб ва асослар бор. Ўтган йилда қабул қилинган "Табиий газ ва электр энергиясини сотиш механизмларини такомиллаштириш тўғрисидаги" президент қарорига мувофиқ ушбу муаммолар ҳал қилина бошланди. 

Биринчидан, 2021 йил охирига қадар табиий газнинг йирик улгуржи истеъмолчилари газни биржадан тўғридан-тўғри сотиб олиш ҳуқуқига эга бўлади.

Иккинчидан, ортиб бораётган ички истеъмол талабини қондириш учун табиий газ импортини йўлга қўйишга рухсат берилди.

Лекин, газни импорт қилиш учун газ транспорти тизимни модернизация қилиш талаб этилади. Буни амалга ошириш учун Ўзтрансгаз томонидан махсус лойиҳа ишлаб чиқарилган. Унга кўра АЖ 400 кмдан ортиқ газ қувурини қуриши, таъмирлаши ва реконструкция қилиши талаб этилади. 

Айни дамда ушбу қурилиш ишларини амалга ошириш учун газ қувурларига алоқадор 10та ташиклотнинг 400 нафарга яқин пайвандчилари аттестациядан ўтмоқда. Жараёнга тажрибали хорижий мутахассисларни таклиф қилиш ҳам назарда тутилган.

Маълумот учун, “Ўзтрансгаз” АЖ Республикада газни транспорт қилиш вазифасини бажаради. Унинг 14та ҳудудий ташкилоти  ва 8 мингдан ортиқ ходимлари бор. Ўтган йил аҳолига 40 млрд куб метр табиий газ етказиб берилган. 

2020 йилнинг 1 июлидан бошлаб “Ўзтрансгаз” АЖ фақат тўғридан тўғри газ таъминоти тизимига уланган, ИЭСлар, Иссиқлик таъминоти тармоқлари ва Ўзкимёсаноат каби ташкилотларга табиий газ етказиб бериш билан шуғулланади.

“Худудгазтаъминот” АЖ эса, тақсимлаш газ таъминоти қувурларига уланган улгуржи истеъмолчилар, АГТКШ, ғишт, цемент ва оҳак ишлаб чиқарувчилар ҳамда аҳолига бевосита газ етказиб бериш билан шуғулланади.

247

Ўзбекистон ЕОИИ бозорида тўлақонли иштирок этмоқчи

285
(Янгиланган 12:06 19.01.2021)
Ўзбекистон ЕОИИ бозорида тўлақонли иштирок этиш учун миллий техник тартибга солиш меъёрларини уларнинг талабларига мослаштириш ишларини жадаллаштиради.

ТОШКЕНТ, 19 янв — Sputnik. Ўзбекистон Евроосиё иқтисодий иттифоқига (ЕОИИ) аъзо бўлган давлатлар бозорларида тўлақонли иштирок этиш учун миллий техник тартибга солиш меъёрларини уларнинг талабларига мослаштириш бўйича ишларни жадаллаштиради. Бу ҳақда президентнинг 2021 учун Давлат дастури тўғрисидаги фармони лойиҳасида айтилган.

Йил давомида амалга оширилиши режалаштирилган амалий чора тадбирлар:

  • ЕОИИ техник регламент талабларини қабул қилиш;
  • ЕОИИ мамлакатларида қабул қилинган 26 та техник регламентлар асосида махсус техник регламентларни ишлаб чиқиш ва тасдиқлаш;

Бу билан ишлаб чиқариладиган маҳсулотларнинг рақобатбардошлигини ошириш назарда тутилмоқда.

Эслатиб ўтамиз, аввалроқ Россия ҳукумати раисининг ўринбосари Алексей Оверчук ЕОИИ келажакда Ўзбекистон иттифоқнинг тўлақонли аъзоси бўлишига умид билдираётганини маълум қилган эди.

2020 йил 11 декабрь куни Ўзбекистон ЕОИИда кузатувчи мақомини олди. Кузатувчи мақоми мамлакатга мажлисларда иштирок этиш, миллатлараро тартибга солишнинг интеграциялашув муаммоларини муҳокама қилиш ҳуқуқини беради. Кузатувчи мамлакатлар қарор қабул қилиш ҳуқуқига эга эмаслигига қарамай, Евросиё иттифоқи ҳамкор мамлакатлар учун янги имкониятлар очмоқда.

285
Теглар:
ЕОИИ, Ўзбекистон
Мавзу бўйича
Янги йил, вакцина ва ЕОИИ: Мирзиёев ва Путин мулоқоти ҳақида
Мирзиёев Олий ЕОИИ кенгашининг йиғилишида иштирок этади
ЕОИИ билан кўп қиррали ҳамкорликни ривожлантиришга катта аҳамият қаратамиз - Мирзиёев
Ўзбекистон ЕОИИ остонасида: республикани нима кутмоқда ва Тожикистон унга эргашадими?
ЕОИИ 2021 йилда нефт маҳсулотлари ягона бозорини шакллантиришга киришади
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

97
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

97