Узбекские денежные знаки - сум

Пенсия ва иш ҳақи яна нақд пулда тўланади

434
Шавкат Мирзиёев видеоселектор йиғилишида пандемия шароитида иш ҳақи, нафақа ва пенсияларни тўлаш тартиби ҳақида ҳам тўхтатиб ўтди.

ТОШКЕНТ, 14 май — Sputnik. Шавкат Мирзиёев мамлакатда карантин талабларини янада юмшатиш, иқтисодиёт тармоқларини босқичма-босқич ишлатиш, аҳоли бандлиги ва даромадларини ошириш чора-тадбирлари юзасидан видеоселектор йиғилиш ўткзилди.

Унда давлат раҳбари пандемия шароитида иш ҳақи, нафақа ва пенсияларни тўлаш тартиби ҳақида ҳам тўхтатиб ўтди.

Маълумки, касаллик юқиши хавфидан келиб чиқиб, тўловлар нақдсиз шаклга ўтказилган эди.

“Аҳоли, айниқса, пенсионерларнинг мурожаатларини ҳисобга олиб, иш ҳақи, нафақа ва пенсиялар, карантин қоидаларига тўлиқ амал қилган ҳолда, нақд пулда тарқатилиши белгиланди”, - дейилган президент матбуот хизмати хабарида.

Эслатиб ўтамиз, Марказий банк пенсия май ойидан бошлаб Тошкент ва Нукус шаҳарлари ҳамда вилоятлар марказларида истиқомат қилувчи пенсионерларга банк карталари орқали тўланишини маълум қилган эди. Бироқ пенсия маблағларини банк карталари орқали аҳолига етказиш ишлари тўғри ташкил этилмаганлиги аҳоли учун бир қатор ноқулайликни келтириб чиқарди ва эътирозларга сабаб бўлди.

Шунингдек, “HUMO” тўлов тизимининг айрим тўлов терминаллари орқали тўловларни амалга оширишда узилишлар юзага келди. Кейинчалик пенсионерларга банк хизматларидан фойдаланишда максимал даражада қулайлик яратиш мақсадида хизмат кўрсатадиган банкларни танлаш  имконияти берилиши маълум қилинди.

434
Черешня

Жанубий Кореяга ўзбек гилосининг навбатдаги партияси етказилди

218
Ўзбекистонда етиштирилган 17,8 тонна гилос Жанубий Кореяда улгуржи ва чакана савдо тармоқлари орқали тарқатилади.

ТОШКЕНТ, 25 май — Sputnik. Жанубий Кореянинг Инчон шаҳрига Ўзбекистонда етиштирилган 17,8 тонна миқдоридаги гилоснинг навбатдаги партияси етказилди.

“Дунё” АА хабарига кўра, Gold Dried Fruits Export компанияси томонидан Наманган вилоятининг Тўрақўрғон туманида ташкил этилган юк Жанубий Кореядаги ҳамкор – NK GlobalNet Co., Ltd.компаниясига етказилган.

Ўзбек гилослари Жанубий Кореяда улгуржи ва чакана савдо тармоқлари орқали тарқатилади. Дастлабки жўнатма Корея Республикасига жорий йил 15 май куни олиб борилган эди.

Эслатиб ўтамиз, аввалроқ ўзбек гилосининг илк партияси Россияга муваффақиятли экспорт қилингани ва у Россия бозорларида сотила бошлангани хабар қилинган эди.

218
Теглар:
Корея, Ўзбекистон
Денежные купюры и монеты разных стран

Ўзбекистонда доллар ва евро курси кўтарилди

168
Марказий банк хорижий валюталарнинг сўмга нисбатан янги қийматини белгилади. Доллар курси бу ҳафта 9,74 сўмга қимматлашди

ТОШКЕНТ, 25 май — Sputnik. Марказий банк хорижий валюталарнинг сўмга нисбатан 26 майдан бошлаб янги қийматини белгилади.

Доллар курси ўтган ҳафтага нисбатан 9,74 сўмга қимматлашиб, 10 139,3 сўм ташкил қилди.

Валюта курслари 26.05.2020 дан
Марказий банк матбуот хизмати
Валюта курслари 26.05.2020 дан

Евро эса бирданига 96,72 сўмга кўтарилди ва 11 051,84 сўмни ташкил қилди.

Россия рублида ҳам кўтарилиш кузатилган. Рубль 3,81 сўмга қимматлашиб, 141,35 cўмни ташкил қилди.

168
Аллигатор Сатурн

Москвада “Гитлер” тимсоҳи вафот этди

0
Москва ҳайвонот боғида аллигатор Сатурн вафот этди, унинг ёши 84 да эди. У Москвага 1946 йилда олиб келинганди.

ТОШКЕНТ, 25 май — Sputnik. Москва ҳайвонот боғида аллигатор Сатурн вафот этди, унинг ёши 84 да эди, афсонага кўра, у Адольф Гитлер коллекциясида бўлган. Бу ҳақда муассасанинг Facebook’даги саҳифасида хабар берилди.

"Кеча эрталаб Миссисипи аллигаторимиз Сатурн вафот этди. У 84 ёшда эди. Ёввойи табиатда ушбу тур вакилларининг умр кўриш давомийлиги 30-50 ёшни ташкил этади. Сатурн узоқ ва воқеаларга бой ҳаёт кечирди. У 1936 йилда АҚШда туғилди. Деярли дарҳол у Берлин ҳайвонот боғига олиб кетилди,  1943 йил 23 ноябрда бўлган бомбардимондан кейин у ердан қочиб кетди", - дейилади хабарда.

Материалда ёзилишича, инглиз аскарлари тимсоҳни 1946 йилда топиб олишди ва Совет Иттифоқига бериб юборишган.

"1946 йил июл ойида Сатурн Москвага олиб келинди. Дарҳол у Берлиндаги ҳайвонот боғида эмас, балки Гитлер коллекциясида бўлганлиги ҳақидаги афсона пайдо бўлди. Аммо у назарий жиҳатдан кимгадир тегишли бўлса ҳам, ҳайвонларнинг - уруш ва сиёсатга алоқаси йўқ, уларни инсон гуноҳларида айблаш бемаънилик", - дейилади хабарда.

Сатурн Москва ҳайвонот боғида 74 йил яшади. Тимсоҳнинг жасади Дарвин музейида сайланади.

0