Флаги стран-участниц ЕАЭС

ЕОИИнинг 5 йиллик стратегияси - Путин асосий вазифалар ҳақида

553
(Янгиланган 17:44 19.05.2020)
Стратегия импорт ўрнини босувчи маҳсулотларни ишлар чиқариш жараёнларини фаоллаштириш, саноатни локализация қилиш ва юқори интеграцион таркибий қисмга эга қўшма ташаббусларни илгари суриш учун асос яратади.

ТОШКЕНТ, 19 май — Sputnik. Россия президенти Владимир Путин ЕвроОсиё иқтисодий интеграциясини 2025 йилгача ривожлантириш стратегиясининг асосий вазифаларини эълон қилди.

Россия етакчиси ЕвроОсиё иқтисодий Олий кенгашининг видеоконференция шаклида ўтган йиғилишда нутқ сўзлади.

“Лойиҳада товарлар, хизматлар, капитал ва ишчи кучининг умумий бозорини шакллантиришни ниҳоясига етказиш, божхона ва маъмурий тартибга солишни такомиллаштириш ва рақамли маконни яратиш бўйича комплекс вазифалар қўйилган. Шунингдек, унга иқтисодиётнинг юқори самарали тармоқларида қўшма кооператив лойиҳаларни бошқариш тизимини яратиш киради”, - деди Путин.

Унинг сўзларига кўра, стратегия импорт ўрнини босувчи маҳсулотларни ишлар чиқариш жараёнларини фаоллаштириш, саноатни маҳаллийлаштириш ва юқори интеграцион таркибий қисмга эга бўлган қўшма ташаббусларни илгари суриш учун асос яратади.

ЕОИИ давлатларида озиқ-овқат хавфсизлигини, биринчи галда зарур бўлган озиқ-овқат маҳсулотлари, бошқа ўта муҳим маҳсулотларини ишлаб чиқаришни таъминлайдиган янги ишлаб чиқариш қувватлари яратилиши керак.

Стратегия ЕОИИ давлатларининг илмий-техник ва гуманитар соҳаларда ҳамкорликни кенгайтиришни кўзда тутади. Касбий ва университет таълими, кадрларни тайёрлаш, академик ҳаракатчанликни ошириш ва кўп томонлама таълим дастурларини жорий этиш бўйича йирик қўшма лойиҳаларини амалга ошириш режалаштирилган.

“Умуман олганда, назаримизда, ЕвроОсиё иқтисодий иттифоқининг яқин ва ўрта муддатли истиқболга мўлжалланган курсини белгилаб берувчи кенг кўламли ҳужжат бўлди. Унинг қабул қилиниши интеграцияни чуқурлаштириш, иқтисодиётларимизни яқинлаштириш ва ҳамкорлик соҳаларини кенгайтириш учун мустаҳкам замин яратади”, - деб қўшимча қилди Россия президенти.

Эслатиб ўтамиз, Ўзбекистон президенти Шавкат Мирзиёев ўтган йилнинг кузида республиканинг ЕОИИга қўшилиш масаласини ишлаб чиқиш ҳақида топшириқ берганди.

Май бошида Ўзбекистон парламентининг юқори палатаси - сенатнинг тўртинчи ялпи мажлисида сенаторлар Ўзбекистоннинг ЕОИИда "кузатувчи давлат" мақомида иштирок этиш таклифини маъқуллашди. Мазкур масала бўйича Олий Мажлис Сенатининг тегишли қарори қабул қилинди.

ЕОИИ - 2015 йил 1 январдан бошлаб фаолият кўрсатувчи, халқаро интеграция иқтисодий бирлашма ҳисобланади. Иттифоқ таркибига Россия, Арманистон, Беларусь, Қозоғистон ва Қирғизистон киради.

553
Мавзу:
Ўзбекистон ва ЕОИИ – интеграция истиқболлари (51)

Эртадан доллар кўтарилади, евро эса пасаяди

248
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 7,28 сўмга кўтарилди.

ТОШКЕНТ, 19 окт — Sputnik. Марказий банк хорижий валюталарнинг сўмга нисбатан 20 октябрдан бошлаб янги қийматини белгилади.

Доллар курси ўтган ҳафтага нисбатан 7,28 сўмга кўтарилиб, 10 371,76 сўм ташкил қилди.

Евро эса 101,33 сўмга пасайди ва 12 153,63 сўмни ташкил қилди.

Россия рубли ҳам 1,84 сўмга пасайиб, 133,19 cўмни ташкил қилди.

248

Мирзиёев озиқ-овқат маҳсулотларини арзонлаштиришни буюрди

581
(Янгиланган 09:16 17.10.2020)
Ҳар бир вилоят, туман ва шаҳар ҳокимида ҳудуд аҳолисининг кейинги йил майгача гўшт, тухум, ун, ёғ, шакар, гуруч, картошка, сабзи ва пиёзга бўлган эҳтиёжи, бу маҳсулотларни қачон, қаердан олиш бўйича аниқ ҳисоб-китоб бўлиши кераклиги таъкидланди.

ТОШКЕНТ, 17 окт - Sputnik. Ўзбекистон президенти Шавкат Мирзиёев раислигида озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари юзасидан видеоселектор йиғилиши ўтказилди, деб хабар бермоқда президент матбуот-хизмати.

Хабарга кўра, охирги вақтларда гўшт, тухум, ўсимлик ёғи ва шакар  маҳсулотларининг нархи кескин ошган. Дунё бозорида ўтган 9 ойда ўсимлик ёғи 15 фоизга, Ўзбекистонда эса 26 фоизга ортган. Шакар нархи 5 фоизга камайишига қарамасдан, мамлакатда 23 фоизга қимматлаган.

Йиғилишда ички бозорни озиқ-овқат маҳсулотлари билан тўлдириш, нарх-наво барқарорлигини сақлаш масалалари атрофлича муҳокама қилинган.

"Бугундан барча чораларни кўриб, амалдаги тизимни ўзгартирмасак, эртага қиш ва баҳор ойларида қийин бўлади. Озиқ-овқат маҳсулотларини кўпайтириб, бозордаги нарх-навони арзон қилсак, одамларни, айниқса, кам таъминланганларни рози қила оламиз", – деган Мирзиёев.

Ҳар бир вилоят, туман ва шаҳар ҳокимида ҳудуд аҳолисининг кейинги йил майгача гўшт, тухум, ун, ёғ, шакар, гуруч, картошка, сабзи ва пиёзга бўлган эҳтиёжи, бу маҳсулотларни қачон, қаердан олиш бўйича аниқ ҳисоб-китоб бўлиши кераклиги таъкидланди.

Ҳар бир ҳудудда озиқ-овқат хавфсизлиги бўйича алоҳида жамғармалар ташкил этилиши белгиланди. Ҳудуд раҳбарлари тадбиркорларни жалб қилиб, етишмайдиган асосий озиқ-овқат маҳсулотларини жамғарма ҳисобидан бошқа жойдан олиб келиш ёки импорт қилишни йўлга қўяди. Бундай тадбиркорлар учун кредит фоизининг бир қисми Тадбиркорликни қўллаб-қувватлаш жамғармасидан қоплаб берилади.

Импорт қилинадиган озиқ-овқат маҳсулотлари нархини арзонлаштириш мақсадида йирик хорижий ишлаб чиқарувчиларнинг маҳаллий биржадаги иштирокини кенгайтириш зарурлиги таъкидланди.

Тошкент шаҳрининг ҳар бир туманига республиканинг муайян вилоятини бириктириб, қишлоқ хўжалиги маҳсулотлари расталари ва дала дўконлари ташкил этиш муҳимлиги қайд этилди.

Вилоят, туман, шаҳар ҳокимлари ва сектор раҳбарлари ўз ҳудудида яратилган тизим, бозордаги шарт-шароитлар ва нарх-наво бўйича халққа ҳисобот бериши зарурлиги айтилди.

581

Ўткир тишли вирус, ниқоб ва шифокорлар: турли мамлакатлардаги граффитлар сара суратлар

0
Жорий йилда коронавирус пандемияси санъатнинг ажралмас қисмига айланди десак, асло муболаға бўлмайди.

Коронавирус ҳаётимизга шунчалик жиддий кириб келдики, ниқоб таққан кишилар ва вируслар 2020 йилда санъатнинг ажралмас қисмига айланди.

Дунёнинг турли бурчакларида шифокорлар, коронавирус ва пандемияга бағишланган граффитлар пайдо бўлди.

Sputnik жамланмасида сара суратлар.

0
  • © REUTERS / Piroschka van de Wouw

    Амстердамда Голландия ҳукумати томонидан эълон қилинган янги ижтимоий чекловлардан сўнг ниқоб кийган одам Халқаро кўча санъати музейида санъат асарига қараб турибди.

  • © AP Photo / Mosa'ab Elshamy

    Ниқоб таққан аёл Мароккода ниқоб таққан Мона Лиза граффити олдида.

  • © REUTERS / John Sibley

    Лондон марказида граффити қаршисида турган аёл.

  • © AFP 2018 / Vladimir Zivojinovic / STR

    Сербияда рассомлар граффит чизмоқда.

  • © AP Photo / Binsar Bakkara

    Индонезияда ниқоб тақиш зарурлигини эслатувчи граффит.

  • © AFP 2018 / Mohammed Abed

    Фаластинда болакай ўткир тишли вирус олдидан ўтиб кетяпти

  • © AFP 2018 / Juni Kriswanto

    Ява оролида ҳароратни ўлчаётган киши тасвирланган граффит.

  • © REUTERS / Edgard Garrido

    Мексикада тиббиёт ходимларига бағишланган граффит.

  • © AP Photo / Luca Bruno

    Италиядаги ҳамшира граффити.

  • © AFP 2018 / Oli Scarff

    Манчестерда одамлар тиббиёт ходими граффити қаршисида. Буюк Британия.