Аҳолининг 20 % диний қадриятлар туфайли банк билан ишламайди - Алишер Қодиров

321
(Янгиланган 13:01 20.05.2020)
Исломий банк тизими ривожланмагани учун ўртача 20% аҳолини банк хизматларидан фойдаланмайди, деб ҳисоблайди "Миллий такланиш" партияси етакчиси.

ТОШКЕНТ, 20 май - Sputnik. Ўзбекистон аҳолисининг бешдан бир қисми диний қадриятларга асосланган ҳолда банк билан ҳамкорлик қилишни истамаяпти деди Миллий тикланиш партияси етакчиси Алишер Қодиров. 

"Партияда олиб борилган таҳлиллар асосида аҳолининг 17-22 фоизи фақатгина муқаддас диний қадриятлар асосида банк билан ҳамкорлик қилишни ҳохламаяпди деган хулосага келдик", - дейилган хабарда. 

Қодиров айтишига кўра, ушбу хулосадан келиб чиққан ҳолда, "Миллий тикланиш" партияси айни дамда "муқобил кредитлаш тизими" бўйича қонунчилик таклифларини тайёрлаш жараёнини бошлаган.

Шавкат Мирзиёев ўз чиқишларидан бирида аҳолининг маблағлари банклар фаолиятига самарали жалб қилинмаяпди, мижоз билан ишни тўғри ташкил қилмаган банкнинг келажаги йўқ деган фикрни билдирган эди.

Эслатиб ўтамиз, ушбу йилнинг феврал ойида Марказий банк раиси ўринбосари Ботир Зоҳидов Ўзбекистонда исломий банк тизимини юритиш учун ҳеч қандай қонуний чекловлар йўқлигини ва 2019 йил охиридан бошлаб учта банк исломий кредитлаш йўналишлари очишга тайёргарлик кўраётганини хабар қилган эди. 

Исломий банк тизими дейилганда шариат қонунлари асосида юритиладиган банк тизими назарда тутилади. Шариатда берилган кредитдан фоиз олиш - ҳаром ҳисобланади. Исломий банк тизимида ишловчи банклар фоиз олиш ўрнига таклиф қилинаётган лойиҳада маълум улуш эвазига иштирок этиш ва эҳтимолли хавфларни мижоз билан тенг қабул қилишни назарда тутади. Ундан ташқари исломий банклар жиноятчилик ва алкоголь ва шариатда таъқиқланган бошқа фаолиятлар орқали топилган маблағлар билан ишламайди. 

 

 

321

Эртадан доллар кўтарилади, евро эса пасаяди

253
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 7,28 сўмга кўтарилди.

ТОШКЕНТ, 19 окт — Sputnik. Марказий банк хорижий валюталарнинг сўмга нисбатан 20 октябрдан бошлаб янги қийматини белгилади.

Доллар курси ўтган ҳафтага нисбатан 7,28 сўмга кўтарилиб, 10 371,76 сўм ташкил қилди.

Евро эса 101,33 сўмга пасайди ва 12 153,63 сўмни ташкил қилди.

Россия рубли ҳам 1,84 сўмга пасайиб, 133,19 cўмни ташкил қилди.

253

Мирзиёев озиқ-овқат маҳсулотларини арзонлаштиришни буюрди

582
(Янгиланган 09:16 17.10.2020)
Ҳар бир вилоят, туман ва шаҳар ҳокимида ҳудуд аҳолисининг кейинги йил майгача гўшт, тухум, ун, ёғ, шакар, гуруч, картошка, сабзи ва пиёзга бўлган эҳтиёжи, бу маҳсулотларни қачон, қаердан олиш бўйича аниқ ҳисоб-китоб бўлиши кераклиги таъкидланди.

ТОШКЕНТ, 17 окт - Sputnik. Ўзбекистон президенти Шавкат Мирзиёев раислигида озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари юзасидан видеоселектор йиғилиши ўтказилди, деб хабар бермоқда президент матбуот-хизмати.

Хабарга кўра, охирги вақтларда гўшт, тухум, ўсимлик ёғи ва шакар  маҳсулотларининг нархи кескин ошган. Дунё бозорида ўтган 9 ойда ўсимлик ёғи 15 фоизга, Ўзбекистонда эса 26 фоизга ортган. Шакар нархи 5 фоизга камайишига қарамасдан, мамлакатда 23 фоизга қимматлаган.

Йиғилишда ички бозорни озиқ-овқат маҳсулотлари билан тўлдириш, нарх-наво барқарорлигини сақлаш масалалари атрофлича муҳокама қилинган.

"Бугундан барча чораларни кўриб, амалдаги тизимни ўзгартирмасак, эртага қиш ва баҳор ойларида қийин бўлади. Озиқ-овқат маҳсулотларини кўпайтириб, бозордаги нарх-навони арзон қилсак, одамларни, айниқса, кам таъминланганларни рози қила оламиз", – деган Мирзиёев.

Ҳар бир вилоят, туман ва шаҳар ҳокимида ҳудуд аҳолисининг кейинги йил майгача гўшт, тухум, ун, ёғ, шакар, гуруч, картошка, сабзи ва пиёзга бўлган эҳтиёжи, бу маҳсулотларни қачон, қаердан олиш бўйича аниқ ҳисоб-китоб бўлиши кераклиги таъкидланди.

Ҳар бир ҳудудда озиқ-овқат хавфсизлиги бўйича алоҳида жамғармалар ташкил этилиши белгиланди. Ҳудуд раҳбарлари тадбиркорларни жалб қилиб, етишмайдиган асосий озиқ-овқат маҳсулотларини жамғарма ҳисобидан бошқа жойдан олиб келиш ёки импорт қилишни йўлга қўяди. Бундай тадбиркорлар учун кредит фоизининг бир қисми Тадбиркорликни қўллаб-қувватлаш жамғармасидан қоплаб берилади.

Импорт қилинадиган озиқ-овқат маҳсулотлари нархини арзонлаштириш мақсадида йирик хорижий ишлаб чиқарувчиларнинг маҳаллий биржадаги иштирокини кенгайтириш зарурлиги таъкидланди.

Тошкент шаҳрининг ҳар бир туманига республиканинг муайян вилоятини бириктириб, қишлоқ хўжалиги маҳсулотлари расталари ва дала дўконлари ташкил этиш муҳимлиги қайд этилди.

Вилоят, туман, шаҳар ҳокимлари ва сектор раҳбарлари ўз ҳудудида яратилган тизим, бозордаги шарт-шароитлар ва нарх-наво бўйича халққа ҳисобот бериши зарурлиги айтилди.

582

Ўткир тишли вирус, ниқоб ва шифокорлар: турли мамлакатлардаги граффитлар сара суратлар

0
Жорий йилда коронавирус пандемияси санъатнинг ажралмас қисмига айланди десак, асло муболаға бўлмайди.

Коронавирус ҳаётимизга шунчалик жиддий кириб келдики, ниқоб таққан кишилар ва вируслар 2020 йилда санъатнинг ажралмас қисмига айланди.

Дунёнинг турли бурчакларида шифокорлар, коронавирус ва пандемияга бағишланган граффитлар пайдо бўлди.

Sputnik жамланмасида сара суратлар.

0
  • © REUTERS / Piroschka van de Wouw

    Амстердамда Голландия ҳукумати томонидан эълон қилинган янги ижтимоий чекловлардан сўнг ниқоб кийган одам Халқаро кўча санъати музейида санъат асарига қараб турибди.

  • © AP Photo / Mosa'ab Elshamy

    Ниқоб таққан аёл Мароккода ниқоб таққан Мона Лиза граффити олдида.

  • © REUTERS / John Sibley

    Лондон марказида граффити қаршисида турган аёл.

  • © AFP 2018 / Vladimir Zivojinovic / STR

    Сербияда рассомлар граффит чизмоқда.

  • © AP Photo / Binsar Bakkara

    Индонезияда ниқоб тақиш зарурлигини эслатувчи граффит.

  • © AFP 2018 / Mohammed Abed

    Фаластинда болакай ўткир тишли вирус олдидан ўтиб кетяпти

  • © AFP 2018 / Juni Kriswanto

    Ява оролида ҳароратни ўлчаётган киши тасвирланган граффит.

  • © REUTERS / Edgard Garrido

    Мексикада тиббиёт ходимларига бағишланган граффит.

  • © AP Photo / Luca Bruno

    Италиядаги ҳамшира граффити.

  • © AFP 2018 / Oli Scarff

    Манчестерда одамлар тиббиёт ходими граффити қаршисида. Буюк Британия.