Доктор экономических наук, директор Института социально-экономических исследований Финансового университета при правительстве РФ Алексей Зубец

Зубец: Марказий Осиё давлатлари қарзни кўпайтиргани эмас, "белни маҳкам боғлаганлари" яхши

391
Иқтисод фанлари доктори, РФ ҳукумати ҳузуридаги Молия университети проректори Алексей Зубец Марказий Осиё республикаларида коронавирус пандемиясининг оқибатлари ҳақида гапириб берди.

Sputnik Ўзбекистонга берган интервьюсида, у бугунги кунда бозорда "арзон пуллар" кўплигини таъкидлади.

"АҚШ ва Европа молия бозорларига маблағларни жуда катта миқдорда киритди ва бу маблағларни жойлаштиргани жой тополмаяпти. Улар, шу жумладан Марказий Осиё давлатлари қимматли қоғозларига инвестиция қилиниши мумкин. Агар Россия ташқи бозорлардан йилига 2,5 фоиз қарз олса, Марказий Осиё давлатлари учун эса бу кўрсаткич 7-7,5 фоизни ташкил этади. Аммо бу ерда муаммо юзага келади - ушбу кредитлар бўйича фоизлар сезиларли баланд бўлади ва пандемия тугаши билан жаҳон бозорида Марказий Осиёда ишлаб чиқариладиган маҳсулотларга эҳтиёж ҳозиргидан кўра камайиши натижасида пасайиш (рецессия) хавфи пайдо бўлиши мумкин", - деди Зубец.

Унинг сўзларига кўра, ушбу вазиятда эски қарзлар янги қарзлар ҳисобига қопланишидан қарз пирамидаси вужудга келиши хавфи мавжуд.

"Бундай шароитда Марказий Осиё давлатлари қарз олмасликлари ва ўз маблағларини иқтисодни рағбатлантириш ва аҳолини қўллаб-қувватлашга сарфлашлари лозим. Аҳоли билан мулоқотда бўлиш, юзага келган барча муаммоларни тушунтириб ҳаражатларни камайтиришни сўраш маъқулроқ - бу қарзларни кўпайтиришдан кўра масъулиятлироқ сиёсат" , - дея таъкидлади эксперт.

Зубец: проще попросить население "затянуть пояса", чем наращивать долги
391
Калькулятор

Япония ва Корея билан даромад солиқларига оид шартнома тасдиқланди

28
(Янгиланган 10:18 18.09.2020)
Ўзбекистон Япония ва Жанубий Корея билан даромад солиқлари бўйича икки ёқлама солиққа тортишни ҳамда солиқларни тўлашдан бош тортишнинг олдини олишга қарши курашиш тўғрисидаги конвенцияни тасдқилади.

ТОШКЕНТ, 18 сен - Sputnik. Ўзбекистон Япония ва Жанубий Корея билан билан икки томонлама солиққа тортишни бартараф этувчи солиқ конвенциясини тасдиқлади. Бу ҳақида Norma.uz хабар қилмоқда. 

Ўзбекистон президенти 15 сентябр куни солиққа доир ПҚ-4826 ва ПҚ-4827-сонли қарорларни имзолади. Уларда ап қуйидаги ҳужжатлар кучга кириши тасдиқланган:

  • Ўзбекистон Республикаси ва Япония ўртасида 2019 йил 19 декабрда Токио шаҳрида имзоланган Даромад солиқлари бўйича икки ёқлама солиққа тортишни бартараф қилиш ҳамда солиқларни тўлашдан бош тортиш ва бўйин товлашнинг олдини олиш тўғрисидаги конвенция;
  • Ўзбекистон Республикаси Ҳукумати ва Корея Республикаси Ҳукумати ўртасида 1998 йил 11 февралда имзоланган Икки ёқлама солиқ солинишининг олдини олиш ҳамда даромад ва сармоя солиқларини тўлашдан бош тортишни бартараф қилиш тўғрисидаги конвенцияга ўзгартиришлар киритиш тўғрисида 2019 йил 19 апрелда Тошкент шаҳрида имзоланган баённома.

Ҳужжатлар 16 сентябрдан кучга кирди. Ташқи ишлар вазирлигига мазкур халқаро шартномалар кучга кириши учун зарур бўлган давлат ички тартиб-таомиллари Ўзбекистон томонидан бажарилганлиги тўғрисида бизнинг хорижий ҳамкорларимизга тегишли хабарнома йўллаш топширилди, дейилган хабарда.

28
В рамках I Форума межрегионального сотрудничества России и Узбекистана прошла сельскохозяйственная выставка

ГАЗ Ўзбекистонда енгил тижорат автомобиллари ишлаб чиқаради

775
(Янгиланган 15:13 17.09.2020)
Дастлабки босқичда йирик узелли жамлаш технологияси асосида йилига 3000 дона автомобил ишлаб чиқарилади. Кейинчалик ҳажм оширилади.

ТОШКЕНТ, 17 сен - Sputnik. Россиянинг "ГАЗ гуруҳи" 2021йилда Ўзбекистонда енгил тижорат автомобиллари ишлаб чиқаришни йўлга қўйишни режалаштирмоқда. Бу ҳақида Россия саноат ва савдо вазири ўринбосари Алексей Груздев бугун Тошкентда Россиянинг РЭБ.РФ корпорацияси билан бўлиб ўтган бизнес-миссияси доирасида хабар қилди. 

"ГАЗ Гуруҳи" Ўзбекистонда енгил тижорат техникаси ишлаб чиқаришни йўлга қўйишга қарор қилди. Биз ушбу лойиҳа келгуси йилдан ишга тушади деб умид қиламиз", - деди Груздев бизнес-миссия доирасида бўлиб ўтган давра суҳбатида.

Груздев айтишига, айни дамда корхонада йирик узелли ишлаб чиқариш жараёнини йўлга қўйиш ишлари кетмоқда. Биринчи босқичда йилига 3000та автомобил ишлаб чиқарилади, кейинчалик корхона қуввати оширилади.

Ўзбекистоннинг "KRANTAS" МЧЖ Россия корхонасининг ҳамкори сифатида лойиҳада иштирок этади. 

Эслатиб ўтамиз, бироз олдин Фольксваген ҳамда Киа Моторс компанияларининг Россиядаги офислари Ўзбекистонда VW Caddy ҳамда Kia k5 ва бошқа автомобилларни ишлаб чиқаришни йўлган қўйишни режалаштираётгани ҳақида хабар берган эди.  

775

30 миллиондан ошиб кетди. COVID бўйича жаҳон статистикаси янгиланди

0
Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

ТОШКЕНТ, 18 сен - Sputnik. Дунёда пандемия бошланганидан буён аниқланган коронавирус ҳолатлари 30 миллиондан ошиб кетди. Жонса Хопкинс томонидан эълон қилинган маълумотлар шундан далолат бермоқда.

Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

17 сентябр куни бир суткада дунё бўйича 314 минг киши инфекцияни юқтирган.

Коронавирусга чалиниш ҳолати энг кўп АҚШда аниқланган – 6,6 миллион ҳолат, Ҳиндистонда – 5,2 миллион ва Бразилияда – 4,4 миллион. Россия 17 сентябр ҳолатига кўра 1,08 миллион кўрсаткич билан тўртинчи ўринда келмоқда.

Инфекция оқибатида 945 минг киши вафот этган (қурбонлар сони АҚШ, Бразилия ва Ҳиндистонда энг кўп).

0