В Сеуле состоялась встреча заместителя премьер-министра ¬– министра инвестиций и внешней торговли РУз Сардора Умурзакова с председателем Эксимбанка Кореи Банг Мун-кью.

Корея Эксимбанки Ўзбекистондаги қатор лойиҳаларни молиялаштирмоқчи

87
(Янгиланган 10:41 08.07.2020)
Корея Эксимбанки қошидаги EDCF жамғармаси билан биргаликда 2021-2023 йилга мўлжалланган иқтисодий ривожланиш ҳамкорлиги тўғрисидаги Битимни ишлаб чиқишни бошлашларига ва имтиёзли молиялаштириш дастурини 500 миллиондан 1 млрд долларгача оширишга келишиб олинди.

ТОШКЕНТ, 8 июл — Sputnik. Сеул шаҳрида Ўзбекистон бош вазирининг ўринбосари – инвестициялар ва ташқи савдо вазири Сардор Умурзаков Корея Эксимбанки раиси Банг Мун-кью билан учрашди.

Асосли ва конструктив мулоқот давомида кенг доирадаги масала ва таклифлар қамраб олинди. Томонлар 2019 йилда Банк томонидан маъқулланган бир қатор лойиҳалар учун қарз шартномаларини имзолашни тезлаштиришга келишиб олдилар.

Бундан ташқари, “Тошкент Pharma Парк” фармацевтика кластери, катталар учун кўп тармоқли тиббиёт маркази, саратон клиникаси, тиббий йўналишидаги ОТМ ва кимёвий технологиялар марказини ташкил этиш борасида амалга оширилаётган лойиҳалар бўйича қурилиш ишларини бошлаш учун техник-иқтисодий асосларни тайёрлаш, маслаҳатчилар ва пудратчиларни танлаш жараёнини тезлаштиришга келишилди.

Шунингдек, Корея томони Ўзбекистон билан молиявий-техник ҳамкорлигини янада кенгайтиришдан манфаатдорлигини билдирди. Инвестициялар ва ташқи савдо вазирлиги Корея Эксимбанки қошидаги EDCF жамғармаси билан биргаликда 2021-2023 йилга мўлжалланган иқтисодий ривожланиш ҳамкорлиги тўғрисидаги Битимни ишлаб чиқишни бошлашларига ва имтиёзли молиялаштириш дастурини 500 миллиондан 1 млрд долларгача оширишга келишиб олинди.

“Кореянинг Эксимбанкини Ўзбекистондаги инфратузилма лойиҳаларини шу жумладан, давлат-хусусий шериклик асосидаги лойиҳаларни молиялаштиришга жалб этишнинг ижобий истиқболлари бўйича ўзаро англашувга эришилди. Корея томони тақдим этилган лойиҳавий таклифларни ўрганиб чиқадиган бўлди”, - дейилган Инвестициялар ва ташқи савдо вазирлиги хабарида.

Бундан ташқари, томонлар Ўзбекистонда кичик ва ўрта бизнесни ривожлантиришни рағбатлантириш бўйича қўшма жамғарма ташкил этишни муҳокама қилиб, унинг концепциясини яқин келажакда ишлаб чиқишга келишиб олдилар.

Шунингдек, Банк раҳбарияти ҳар икки мамлакат тадбиркорлари иштирокидаги лойиҳаларни молиялаштириш ҳажмини ошириш учун қўшимча кредит линиялари ажратиш орқали Ўзбекистон тижорат банклари билан ҳамкорликни чуқурлаштириш истиқболларини кўриб чиқади.

87
Теглар:
лойиҳа, Жанубий Корея, Ўзбекистон
Гранат

Қува анорлари 7 та давлатга экспорт қилинмоқда

213
(Янгиланган 16:18 21.09.2020)
Айни вақтда хорижга Фарғона боғларида пишиб етилган 3 минг тоннадан ортиқ анор экспортга жўнатилди.

ТОШКЕНТ, 21 сен — Sputnik. Қува анорлари 7 та давлат - Жанубий Корея, Хитой, Россия, Украина, Бирлашган Араб Амирлиги, Қозоғистон, Қирғизистонга экспорт қилинмоқда.

Айни вақтда Фарғона боғларида пишиб етилган 3 минг тоннадан ортиқ анор экспортга жўнатилди. Бу ҳақда ДБҚ матбуот хизмати хабар қилди.

Қадимдан анорчилик улкан даромад манбаи, камёб ва шифобахш неъмат сифатида баҳоланган. Замонавий тиббиёт, халқ табобатида жуда фойдали хусусиятлари билан ажралиб туради. Жаҳон бозорида ушбу маҳсулотга бўлган талаб ва таклиф юқори.

“Шу боис анорзорларни кенгайтириш, серҳосил, эртапишар навлар яратишга алоҳида эътибор қаратилмоқда. Шу кунга қадар Риштон ва Олтиариқ туманларида 1 минг 400 гектар янги анорзорлар ташкил этилди.

2025 йилга бориб вилоятдаги анор майдонлари 20 минг гектарни ташкил қилади ва йилига 200 минг тоннадан ортиқ анор етиштирилади. Бу мавсум давомида 120 минг тоннадан ортиқ анор экспортини амалга ошириш имкониятини беради”, - дейилган хабарда.

213
Денежные купюры России и США

Валюта: доллар яна кўтарилди, рубл эса пастлади

132
(Янгиланган 12:29 21.09.2020)
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 20,28 сўмга кўтарилди.

ТОШКЕНТ, 21 сен — Sputnik. Марказий банк хорижий валюталарнинг сўмга нисбатан 22 сентябрдан бошлаб янги қийматини белгилади.

Доллар курси ўтган ҳафтага нисбатан 20,28 сўмга кўтарилиб, 10 315,62 сўм ташкил қилди.

Евро ҳам 15,78 сўмга ошди ва 12 210,60 сўмни ташкил қилди.

Россия рубли эса 1,37 сўмга пасайиб, 136,28 cўмни ташкил қилди.

132
Иностранные граждане проходят электронное тестирование на знание русского языка

Андижон ва Оренбург вилоятлари ўртасида миграция соҳасида битим имзоланди

0
Оренбург вилояти меҳнат бозори билан ўзаро алоқаларни кенгайтириш, меҳнат миграцияси соҳасида ҳамкорликни ривожлантириш борасида амалий чора-тадбирларни жадаллаштириш режалаштирилмоқда

ТОШКЕНТ, 22 сен - Sputnik. Андижон ва Оренбург вилоятлари ўртасида ҳамкорлик Меморандуми имзоланди, деб хабар бермоқда Ташқи миграция агентлиги матбуот-хизмати.

Таъкидланишича, Ўзбекистон делегацияси меҳнат миграцияси соҳасида бир қатор масалалар юзасидан музокаралар ўтказиш ва аниқ келишувларга эришиш мақсадида делегация Россияда бўлиб турибди. Ташриф доирасида Оренбург ва Андижон вилоятлари ҳокимликлари мутасаддилари иштирокида учрашувлар ўтказилди.

Учрашувларда Оренбург вилояти меҳнат бозори билан ўзаро алоқаларни кенгайтириш, меҳнат миграцияси соҳасида ҳамкорликни ривожлантириш борасида амалий чора-тадбирларни жадаллаштириш зарурлиги алоҳида таъкидланди.

Тадбирлар якунида Андижон вилояти ва Оренбург вилояти Меҳнат ва аҳолини иш билан таъминлаш вазирлиги ўртасида бандлик ва меҳнат миграцияси соҳасида ҳамкорлик тўғрисида Меморандум имзоланди.

Шунингдек, Оренбург вилояти ўзбек диаспоралари вакиллари ва талабалар билан учрашув ташкил этилди.

Тадбирда иштирокчиларга президентимизнинг жорий йил 15 сентябрдаги "Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида"ги қарори тўғрисида қисқача маълумот берилди.

Учрашув давомида иштирокчиларнинг меҳнат мигрантлари учун яратилаётган шароитлар, Россия Федерацияси билан чегараларнинг очилиши, патент олиш қоидалари, чартер рейслар нархларининг пасайиши ҳақидаги саволларига мутахассислар томонидан батафсил жавоб қайтарилди.

0