Деньги

Аҳолининг хорижий валюта сотиб олиши 3 бараварга ошди

232
(Янгиланган 17:09 15.07.2020)
2020 йилнинг биринчи ярмида жисмоний шахслар томонидан сотиб олинган валюта ҳажми 1,7 млрд долларга тенг бўлган.

ТОШКЕНТ, 15 июл — Sputnik. 2020 йили январь-июнь ойларида жисмоний шахслар томонидан жами миқдори 3,9 млрд АҚШ долларига тенг чет эл валютаси билан боғлиқ операциялар (сотиш ва сотиб олиш) амалга оширилган. Бу ҳақда Ўзбекистон Марказий банки ахборот хизмати хабар қилмоқда.

Маълум қилинишича, ҳисобот даврида жисмоний шахслар томонидан сотилган чет эл валютаси миқдори 2,2 млрд АҚШ долларини ташкил этиб, аввалги йилнинг мос даврига нисбатан 57 фоизга ёки 797 млн долларга ошди (2019 йили — $1,399 млрд). Фақат апрель ойида чет эл валютасини сотиш ҳажми сезиларли даража тушиб кетган (172 млн доллар).

Шу билан бирга, жисмоний шахслар томонидан сотиб олинган валюта ҳажми эса 1,7 млрд долларга тенг бўлган. Бу кўрсаткич ўтган йилнинг мос даврига нисбатан 3 бараварга ошган (2019 йилнинг мос даврида — $557 млн).

Натижада ушбу операциялар бўйича ижобий сальдо 491 млн долларга етиб, ўтган йилнинг мос даврига нисбатан 351 млн долларга (ёки 42 фоизга) камайган.

232
Купюры американских долларов

ОТБ Ўзбекистонга коронавирусга қарши кураш учун яна 100 млн $ ажратди

36
Осиё тараққиёт банки Ўзбекистоннинг соғлиқни сақлаш соҳасидаги фавқулодда вазиятларга барқарорлигини ошириш учун 100 миллион доллар миқдорда қарз маблағларини ажратишни маъқуллади.

ТОШКЕНТ, 3 авг — Sputnik. Осиё тараққиёт банки (ОТБ) Ўзбекистоннинг соғлиқни сақлаш соҳасидаги фавқулодда вазиятларга, жумладан, коронавирус пандемиясига барқарорлигини ошириш учун 100 миллион доллар миқдорда қарз маблағларини ажратишни маъқуллади. Бу ҳақда банк сайтида маълум қилинди.

Лойиҳа доирасида COVID-19 га тест олиш, ташхис қўйиш тизимини яхшилаш режалаштирилмоқда. 

“Мамлакат соғлиқни сақлаш тизими сифати, хавфсизлик стандарти, протоколлари ва  хизматини яхшилаб, бу лойиҳа Ўзбекистон аҳолисини COVID-19дан ҳимоя қилиш ва саломатлигини келажакдаги таҳдидлардан асрашга ёрдам беради”, - деди ОТБ вице-президенти Шисинь Чен.

Таъкидланишича, лойиҳа мамлакатга тақдим этиладиган ОТБнинг кенг қамровли қўллаб-қувватлаш пакетининг бир қисмидир. Шунингдек, у инқирозга қарши ҳукумат чораларини ва жорий техник ёрдамни молиялаштириш учун 500 миллион долларлик кредит ҳам ўз ичига олади.

Бундан ташқари, Осиё инфратузилмавий инвестициялар банкининг (ОИИБ) ушбу лойиҳа учун 100 млн доллар миқдорида кредит ажратиш устида иш олиб бормоқда.

Лойиҳани амалга ошириш соғлиқни сақлаш ходимлари учун хавфсиз меҳнат шароитларини таъминлаш ва уларни шахсий ҳимоя воситалари билан таъминлаш учун мамлакат бўйлаб 38 лабораторияларини таъмирлашни назарда тутади.

Лойиҳани амалга ошириш дарҳол бошланади ва 2022 йилнинг июль ойига қадар якунланиши керак. Ижро этувчи органлар Соғлиқни сақлаш вазирлиги ва санитария-эпидемиологик осойишталик агентлиги ҳисобланади.

36
Калькулятор и купюры американских долларов

Доллар, евро кўтарилди, рубл эса пасайди валюта курслари

145
(Янгиланган 14:06 03.08.2020)
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 2,17 сўмга кўтарилди.

ТОШКЕНТ, 3 авг — Sputnik. Марказий банк хорижий валюталарнинг сўмга нисбатан 4 августдан бошлаб янги қийматини белгилади.

Доллар курси ўтган ҳафтага нисбатан 2,17 сўмга кўтарилиб, 10 209,86 сўм ташкил қилди.

Евро ҳам 125,05 сўмга ошди ва 12 021,09 сўмни ташкил қилди.

Россия рубли эса 4,91 сўмга пасайиб, 137,46 cўмни ташкил қилди.


145
Лист бумаги в руке

“Темир дафтар” нима ва у қандай шакллантирилади вазирлик изоҳи

7
Маҳалла ва оилани қўллаб-қувватлаш вазирлиги ахборот хизмати раҳбари “темир дафтар” борасида тушунча берди.

ТОШКЕНТ, 3 авг — Sputnik. Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева “темир дафтар” борасидаги саволга жавоб берди.

“Темир дафтар” — карантин шароитида ишсиз, даромадсиз қолган эҳтиёжманд, ёрдамга муҳтож оилаларнинг маҳаллада шакллантирилган шаффоф рўйхати”, - деди у АОКА ҳузуридаги штабда бўлиб ўтган брифингда.

“Темир дафтар” ўз навбатида фуқаролар йиғинлари раисининг сектор ва ҳудуд раҳбари билан ҳамкорликдаги фаолиятини мустаҳкамлайди.

Уни юритишда эҳтиёжманд оилаларнинг 7 тоифаси, жумладан:

- кам таъминланган;

- ногиронлиги бўлган;

- ижтимоий ҳимояга муҳтож оилалар;

- якка-ёлғиз кексалар;

- доимий ишсиз фуқаролар;

- карантин туфайли ишсиз қолган фуқаролар;

- оғир эпидемиологик ҳудудлардан қайтариб келинган фуқароларни камбағалликдан чиқариш чоралари кўрилади.

Шунингдек, масъул ходимлар ўзининг кунлик амалга оширган ишлари юзасидан “Темир дафтар”идаги маълумотларни saxovat.argos.uz сайтига рақамли имзо калити орқали электрон шаклда киритиб бориши ҳақида маълумот берилди.

“Темир дафтар”га тушган оиланинг ҳеч бўлмаганда битта аъзосини жорий йилда иш билан таъминланиб, шу орқали уларни муҳтожликдан чиқариш чоралари кўрилади.

7