Йил охирига қадар кадастр тўлиқ рақамлаштирилади - президент

93
(Янгиланган 10:21 22.07.2020)
Шавкат Мирзиёев Ўзбекистонда йил охирига қадар ер ҳисоби ва давлат кадастрларининг ахборот базасини ташкил қилиш, шаҳар ва қишлоқларда ернинг ҳақиқий қийматини аниқлаш ҳамда унинг бозорини шакллантириш вазифасини топширди.

ТОШКЕНТ, 22 июл - Sputnik. Ўзбекистонда ер ҳисоби ва кадастр базалари тўлиқ рақамлаштирилади. Бу ҳақида 21 июль куни президент иштирокида бўлиб ўтган видеоселектор йиғилишида маълум бўлди.  

"Ер ҳисобини аниқ юритиш ва унинг ҳар бир қаричидан самарали фойдаланиш қишлоқ хўжалиги, тадбиркорлик, ишлаб чиқариш, қурилиш, геология каби кўплаб соҳалар учун жуда муҳим. Президент ушбу масалага ҳар доим алоҳида эътибор қаратиб келган", - дейилган хабарда. 

Лекин бугунги кунда ушбу соҳада кўплаб муаммолар тўпланиб қолган. Хусусан ер хатлови охирги марта 40 йил олдин ўтказилган, 140 та туман маъмурий чегаралари ҳозиргача аниқ эмас.

Иккинчидан, қишлоқ хўжалиги ерларини ажратиш тартиби 20 йил олдин қабул қилинган ва ҳозирги ислоҳотлар талабига жавоб бермайди. Буларнинг оқибатида соҳада талон-торожлик ва коррупция авж олган. 66 та туманда 150 минг гектар экин ери ўзбошимчалик билан эгаллангани, охирги икки йилда 122 нафар кадастр ходими жиноий жавобгар бўлгани бунинг далили.

Ундан ташқари “Ергеодезкадастр” давлат қўмитаси тизимидаги 27 % ходимлар мутахассислиги соҳага тўғри келмаслигини қайд этди.

Шунингдек, муайян тур кадастрлар тўлиқ шаклланмаган. Масалан, автомобиль йўллари кадастри 23 фоиз, маданий мерос объектлари 32 фоиз, қувурлар 32 фоиз, шаҳарсозлик кадастри 63 фоиз шакллангани ҳам айтиб ўтилди.

Ушбу  вазиятдан келиб чиққан ҳолда, Шавкат Мирзиёев қуйидаги вазифаларни қўйди: 

  • шаҳар ва қишлоқларда ернинг ҳақиқий қийматини аниқлаш ҳамда унинг бозорини шакллантириш;
  • йил охирирга қадар ер тури, контури, чегараси ва фойдаланувчиси ҳақидаги маълумотлар жамланган ахборот тизимини ишга тушириш. Бундан буён ер ажратиш тўғрисидаги қарор мазкур тизимга киритилсагина ҳақиқий ҳисобланади;
  • IT-технологияларни ривожлантириш бўйича Бош вазир маслаҳатчисига ишчи гуруҳ тузиб, кадастрлар базасини тўлиқ ишлаб чиқиш
  • ер майдонларидан самарали фойдаланиш, уларнинг мелиоратив ҳолатини мунтазам кузатиб бориш мақсдида доимий равишда космосуратлар олиш ва уларни ўрганиш. Бунинг учун сунъий йўлдош каналларини ижарага олиш;
  • қишлоқ хўжалиги ер балансини миллий геоахборот тизимида юритиш, ер майдонларини танлов ва аукцион асосида ажратиш тартибини жорий этиш, халқаро экспертлар ёрдамида ер тоифаларини оптималлаштириш; 
  • “Ергеодезкадастр” давлат қўмитасининг тупроқ сифатини баҳолаш, ерларни ривожлантириш, экинларни жойлаштириш билан боғлиқ вазифаларини, шунингдек, Тупроқшунослик ва агрокимё илмий-тадқиқот институтини Қишлоқ хўжалиги вазирлигига ўтказиш таклифи билдирилди;
  • Жаҳон банкидан ажратилаётган 87 миллион доллар ҳисобидан мазкур институт фаолиятини ривожлантириш, лабораторияларини янгилаш муҳимлиги қайд этилди. Шунингдек, Қишлоқ хўжалиги вазирлигига йил якунигача 10 минг гектар ер майдонининг тупроқ таҳлилини ва агротехнологик хариталарини тайёрлаш; 

Шунингдек, президент, ушбу соҳада мутахассислар етиштириш мақсадида Ўзбекистонда хорижий олий ўқув юрти филиалини ташкил қилиш, Италиянинг Пиза ҳамда Москва давлат геодезия ва картография университети билан ҳамкорлик ўрнатиш масаласини ҳам қўйди. 

93
Ведущий аналитик QBF Олег Богданов

Ўзбекистон тўпланган олтинни қай тарзда оқилона тақсимлаши мумкин - Богданов

470
Ўзбекистон ўз олтин-валюта захираларини ушлаб туриши керакми ёки уларнинг бир қисмини лойиҳаларга йўналтиргани ва иқтисодиётни қўллаб-қувватлагани яхшироқми, QBF етакчи таҳлилчиси Олег Богданов шу  ҳақда фикр билдирди

Ўзбекистон иқтисодиётни зудлик билан инқироздан чиқариш учун олтин-валюта захираларини сотишни бошлаши керак. Бу ҳақда Капитал бозорини ривожлантириш бўйича Республика агентлиги директори Отабек Назиров маълум қилди.

"Олтиннинг нархи энг юқори нуқтада турибди, иқтисодий фаолият эса, аксинча, энг қуйи қисмда, ўйлайманки, иқтисодни янада пасайиш ва ишсизликнинг кўпайишидан зудлик билан қутқариш учун айнан ҳозир олтин-валюта захираларини сотиб, маблағлардан фойдаланиш керак ...", - деб ёзди у ўзининг Facebook-даги саҳифасида.

QBF етакчи таҳлилчиси Олег Богданов, Ўзбекистон олтин захираларини оқилона бошқариши керак, чунки олтин-валюта захираларини тўплаш унчалик осон эмас, деб ҳисоблайди.

"Иқтисодий қийинчиликлар йилдан-йилга ўзгаришсиз бўлиб қолмоқда ва олтин-валюта захираларини шундай ҳажмда тўплаб олиш жуда қийин. Дунё молиясида рўй бераётган вазиятдан келиб чиқиб, агар республика ҳукумати  ҳозирда иқтисодиётни ҳақиқатда қўллаб-қувватлаш кераклигига ишонса,  Ўзбекистонга ушбу олтин-валюта захиралари ҳисобига узоқ муддатли кредит олиш афзалроқ бўлади. Бу каби кредитни олиб, маблағларни қандайдир мақсадли тармоқларга йўналтириш керак", - деди мутахассис Sputnik Ўзбекистон билан суҳбатда.

Унинг сўзларига кўра, ҳозирда кредитлар бўйича фоиз ставкалари нолга яқин, шунинг учун агар қарз олиш имкони бўлса, қимматлаётган активни сотишнинг кераги йўқ.

Богданов ишончи комил: дунёда пул миқдори жуда кўп, кредитлар ҳатто рейтинги паст бўлган давлатларга ҳам берилмоқда.

"Кейинги уч йил ичида яна 20-30 фоизга кўпайтириш мумкин бўлган захираларни сотишнинг нима кераги бор? Менинг фикрим қуйидагича. Лекин, умуман олганда, ҳеч ким ҳеч нарсани сотмаяпти. Рўй бераётганларнинг асли моҳияти қуйидагида: марказий банклар жаҳон бозорида олтинни сотишни бутунлай тўхтатдилар. Аксинча, улар сотиб олишмоқда, айнан шунинг учун унинг нархи сўнгги йилларда фаол ўсиб бормоқда", - дея қўшимча қилди таҳлилчи.

Унинг фикрича, Ўзбекистон ушбу сиёсатдан четлашмаслиги керак.

470
узбекский региональный аэропорт

Аэропортлар “пакет принципи” асосида шерикликка берилади

118
(Янгиланган 09:31 06.08.2020)
Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш режалаштирилмоқда.

ТОШКЕНТ, 6 авг — Sputnik. Президент Шавкат Мирзиёев Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш бўйича техник топшириқлар ишлаб чиқиш вазифасини топширди.

Бу ҳақда президент энергетика, транспорт, коммунал хўжалик ва тиббиёт соҳаларида давлат-хусусий шерикликни кенгайтириш юзасидан тақдимотда маълум қилди.

Давлат раҳбари матбуот хизмати хабарига кўра, мазкур аэропортларни шерикликка бериш бўйича техник топшириқлар ишлаб чиқиш Жаҳон банки билан биргаликда амалга оширилади.

Халқаро экспертларнинг таҳлилига кўра, Ўзбекистондаги мавжуд аэропортларни модернизация қилиш учун ўртача 800 миллион доллар талаб этилади.

118
Свеча, гвоздики

Ўзбекистон таниқли композиторидан айрилди

542
Етук композиторнинг энг сўнгги иши бир неча ой олдин шов-шувли премьераси бўлиб ўтган "101" киноасари эди.

ТОШКЕНТ, 8 авг - Sputnik. Таниқли композитор ва дирижёр, Ўзбекистонда хизмат кўрсатган санъат арбоби, "Ўзбеккино" миллий агентлиги Бадиий кенгаши аъзоси Анвар Эргашев 66 ёшида вафот этди.

Анвар Эргашев Миллий симфоник оркестри бош дирижёри ва Алишер Навоий номидаги Давлат Академик театри бадиий раҳбари лавозимларида фаолият юритган.

50 дан ортиқ бадиий ва мусиқий фильмлар, спектакллар бастакори, кўплаб қўшиқ ҳамда мусиқалар муаллифи. Унинг кинодаги ишлари сирасига "Бомба", "Шариф ва Маъриф", "Осмондаги болалар","“Аланга ичидаги фаришта", "Оқ бино оқшомлари", "Уч қирол жанги", "Ойи" фильмлари киради.

Етук композиторнинг сўнгги иши бир неча ой олдин премьераси бўлиб ўтган "101" киноасари эди.

542