Флаги стран-участниц ЕАЭС

ЕОИИ озиқ-овқат экспортига қўйилган чекловни бекор қилади

166
(Янгиланган 14:04 22.07.2020)
Евроосиё иқтисодий иттифоқи босқичма-босқич иттифоқ ташқарисига озиқ-овқат экспортига қўйилган чекловни бекор қилади.

ТОШКЕНТ, 22 июл — Sputnik. Евроосиё иқтисодий иттифоқи (ЕОИИ) босқичма-босқич иттифоқ ташқарисига озиқ-овқат экспортига қўйилган чекловни бекор қилади. Бу ҳақда Россия бош вазири Михаил Мишустин маълум қилди.

Флаги стран ЕАЭС. Архивное фото
Пресс-служба правительства / Сабыр Аильчиев

“Евроосиё иқтисодий иттифоқининг қатор маҳсулотлар экспортини чеклаш тўғрисидаги қарори қабул қилинган эди. Ҳозирда биз аста-секинлик билан бекор қиламиз”, - деди у Давлат думасида ҳукумат фаолияти тўғрисида ҳисобот бераётиб.

Унинг сўзларига кўра, экспортни чеклаш тўғрисидаги қарор пандемия вақтида бозорни ҳимоя қилиш мақсадида қабул қилинган эди.

Эслатиб ўтамиз, аввалроқ Евроосиё иқтисодий иттифоқи мамлакатлари айрим озиқ-овқат маҳсулотларни четга олиб чиқишни чеклаш тўғрисида қарор қабул қилган эди.

166
Купюры американских долларов

ОТБ Ўзбекистонга коронавирусга қарши кураш учун яна 100 млн $ ажратди

145
Осиё тараққиёт банки Ўзбекистоннинг соғлиқни сақлаш соҳасидаги фавқулодда вазиятларга барқарорлигини ошириш учун 100 миллион доллар миқдорда қарз маблағларини ажратишни маъқуллади.

ТОШКЕНТ, 3 авг — Sputnik. Осиё тараққиёт банки (ОТБ) Ўзбекистоннинг соғлиқни сақлаш соҳасидаги фавқулодда вазиятларга, жумладан, коронавирус пандемиясига барқарорлигини ошириш учун 100 миллион доллар миқдорда қарз маблағларини ажратишни маъқуллади. Бу ҳақда банк сайтида маълум қилинди.

Лойиҳа доирасида COVID-19 га тест олиш, ташхис қўйиш тизимини яхшилаш режалаштирилмоқда. 

“Мамлакат соғлиқни сақлаш тизими сифати, хавфсизлик стандарти, протоколлари ва  хизматини яхшилаб, бу лойиҳа Ўзбекистон аҳолисини COVID-19дан ҳимоя қилиш ва саломатлигини келажакдаги таҳдидлардан асрашга ёрдам беради”, - деди ОТБ вице-президенти Шисинь Чен.

Таъкидланишича, лойиҳа мамлакатга тақдим этиладиган ОТБнинг кенг қамровли қўллаб-қувватлаш пакетининг бир қисмидир. Шунингдек, у инқирозга қарши ҳукумат чораларини ва жорий техник ёрдамни молиялаштириш учун 500 миллион долларлик кредит ҳам ўз ичига олади.

Бундан ташқари, Осиё инфратузилмавий инвестициялар банкининг (ОИИБ) ушбу лойиҳа учун 100 млн доллар миқдорида кредит ажратиш устида иш олиб бормоқда.

Лойиҳани амалга ошириш соғлиқни сақлаш ходимлари учун хавфсиз меҳнат шароитларини таъминлаш ва уларни шахсий ҳимоя воситалари билан таъминлаш учун мамлакат бўйлаб 38 лабораторияларини таъмирлашни назарда тутади.

Лойиҳани амалга ошириш дарҳол бошланади ва 2022 йилнинг июль ойига қадар якунланиши керак. Ижро этувчи органлар Соғлиқни сақлаш вазирлиги ва санитария-эпидемиологик осойишталик агентлиги ҳисобланади.

145
Калькулятор и купюры американских долларов

Доллар, евро кўтарилди, рубл эса пасайди валюта курслари

263
(Янгиланган 14:06 03.08.2020)
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 2,17 сўмга кўтарилди.

ТОШКЕНТ, 3 авг — Sputnik. Марказий банк хорижий валюталарнинг сўмга нисбатан 4 августдан бошлаб янги қийматини белгилади.

Доллар курси ўтган ҳафтага нисбатан 2,17 сўмга кўтарилиб, 10 209,86 сўм ташкил қилди.

Евро ҳам 125,05 сўмга ошди ва 12 021,09 сўмни ташкил қилди.

Россия рубли эса 4,91 сўмга пасайиб, 137,46 cўмни ташкил қилди.


263
Жители Ташкента по возможности приобретают маски для профилактики вируса

Ўзбекистонда карантин қачон бекор қилинади - эксперт жавоби

72
(Янгиланган 07:15 04.08.2020)
Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган

ТОШКЕНТ, 4 авг - Sputnik. Коронавирусга қарши кураш штаби аъзоси Ҳабибулло Оқилов АОКА залида бўлиб ўтган матбуот анжуманида 15 августдан кейин карантин чоралари юмшатиладими, деган саволга жавоб берди.

Эслатиб ўтамиз, июль ойининг охирида Республика махсус комиссияси қарори билан Ўзбекистонда жорий этилган карантин чекловлари 15 августга қадар узайтирилган эди.

Оқиловнинг қайд этишича, олдинда ҳали салкам икки ҳафта вақт бор. Агар шу вақт давомида пасайиш динамикаси қайд этилса, карантинни юмшатса бўлади.

"Худди шу динамика қайд этилса, яъни ўтган кунларда касаллик қайд этилиши 700 дан ошган бўлса ва бугун 513 тага тушган бўлсак, кейинги кунларда 500, 450 қайд этилиб, шу рақамлар атрофида касаллик аниқланса, албатта, 15 августдан кейин карантинни юмшатса бўлади. Ва биз ушбу таклиф билан Республика махсус комиссиясига чиқишимиз мумкин", - деб айтган Оқилов.

Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган.

Мамлакат Соғлиқни сақлаш вазирлиги тақдим этган сўнгги маълумотларга кўра, айни пайтда тиббиёт муассасаларида даволанаётган 8 880 нафар бемордан 927 нафари оғир, 224 нафари эса ўта оғир аҳволда. Коронавирус инфекцияси қурбонлари сони 159 нафарни ташкил этмоқда.

72
Мавзу:
COVID-19 умумжаҳон пандемияси