Действующие проекты в Узбекистане получат 2 миллиарда долларов от Лукойла

Ўзбекистон “Лукойл” билан газ сотиб олиш ҳақида музокаралар олиб бормоқда

312
(Янгиланган 17:23 22.07.2020)
Келажакда Ўзбекистон ҳам газ нархларини белгилашда бозор механизмларига ўтади, ишлаб чиқарувчилар ва аҳоли мувофиқ бўлган нархлар қўлланилади.

ТОШКЕНТ, 22 июл – Sputnik. Ўзбекистон ички бозор эҳтиёжлари учун “Лукойл” билан қишда қўшимча миқдорда газ сотиб олиш ҳақида музокаралар олиб бормоқда, деб хабар қилди Энергетика вазирлиги матбуот котиби Sputnik мухбирига.   

Хабарда айтилишига кўра ҳозир Ўзбекистон Энергетика вазирлиги керак бўлганда Ўзбекистон ички эҳтиёжлари учун ўзаро манфаатли нархларда “Лукойл”дан газ харид қилиш имконига эга бўлади.

“Айни дамда Биз “Лукойл” билан Ўзбекистон ички эҳтиёжлари учун Россия компанияси томонидан қазиб олинаётган газни ўзаро манфаатли нархларда харид қилиш ҳақида музокаралар олиб бормоқдамиз. Харид ҳажмини ҳозирдан айтиш қийин. Бу ҳам қазиб олиш миқдори ҳам ички бозордаги талабга боғлиқ бўлади”, - деди Ўзбекистон энергетика вазири ўринбосари Бехзот Нарматов.   

Маълум бўлишича, шу вақтга қадар “Лукойл” Ўзбекистонда қазиб олинган газни Россиянинг “Газпром” компаниясига етказиб берган, лекин дунёда углеводородларга талаб камайган вақтда Ўзбекистонда катта ҳажмда газ  қазиб олиш – компания учун қимматлик қилган.

“Шу сабабли биз “Лукойл” билан газ сотиб олиш нархларини келишмоқдамиз. Қанча газ сотиб олишимиз ҳозирча маълум эмас, лекин биз ички бозорда дефицит юзага келишига йўқ қўймаймиз, иқтисод учун қанча газ керак бўлса – шунча сотиб оламиз, бу аниқ”, -  деди вазир ўринбосари.

Нарматов айтишига қараганда, ҳозир “Ўзбекнефтегаз”, “Ўзтрансгаз” ва “Ҳудудгазтаминот” каби   Ўзбекистон нефт-газ компаниялари улкан молиявий босимга дуч келмоқда. Ғарб мамлакатларида бундай таъминот мавжуд  эмас.

“Масалан Германияда табиий газ саноат фойдаланувчиларига нисбатан аҳоли учун қимматроқ. Нега деганда 1 миллиард метр куб газни 1та саноат фойдаланувчисига етказиб бериш бир миллионта хусусий уйга етказиб беришдан кўра осонроқ. Шунингдек, уларда аввал газ етказиб бериш нархи ва рентабеллик ҳисобланади, кейин шунга қараб газнинг нархи белгиланади.

Бизда эса газ нархини давлат белгилайди. Аҳоли учун газ экспортга юбориладиган газ нархига нисбатан 5-6 баравар арзон туради”, - дейди амалдор.

Нарматов айтишига кўра, келажакда Ўзбекистонда ҳам нархлар белгилашда бозор механизмларига ўтишга, ишлаб чиқарувчилар ва аҳоли мувофиқ бўлган нархлар қўлланилади.

312
В хранилище Акционерного коммерческого банка

Банк сири: божхона қўмитаси қизғин муҳокамага сабаб бўлган лойиҳа бўйича изоҳ берди

117
(Янгиланган 12:19 24.10.2020)
Давлат божхона қўмитаси банк сирига оид маълумотларни олиш ваколати бўйича қонун лойиҳаси юзасидан муносабат билдирди.

ТОШКЕНТ, 24 окт — Sputnik. Давлат божхона қўмитаси ижтимоий тармоқларда қизғин муҳокамага сабаб бўлган “Банк сири тўғрисида”ги қонунга қўшимчалар киритиш ҳақидаги қонун лойиҳаси юзасидан изоҳ берди.

Лойиҳада банк сирини ташкил этувчи маълумотларни олиш ваколати муайян шартларда божхона хизмати органларига ҳам тақдим этилиши таклиф қилинганди.

Таъкидланишича, “Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида”ги президент фармони билан тасдиқланган “Йўл харитаси”да божхона органларига банклардан банк мижози бўлган ташқи иқтисодий фаолият (ТИФ) иштирокчисига тегишли маълумотларни олиш ҳуқуқини берувчи қонун лойиҳасини ишлаб чиқиш белгиланган.

“Ўзбекистон Республикасининг “Давлат божхона хизмати тўғрисида”ги қонуни 7-моддасида божхона органлари банклардан, молия органларидан ҳамда бошқа ташкилотлардан, шунингдек, жисмоний ва юридик шахслардан экспорт-импорт операцияларини амалга ошириш билан боғлиқ бўлган маълумотлар ва ҳужжатларни сўраш ҳамда олиш ҳуқуқига эга.

Шунингдек, Ўзбекистон Республикасининг “Банк сири тўғрисида”ги қонуни 9-моддаси талабларига мувофиқ, банк сирини ташкил этувчи маълумотлар прокуратура, тергов ва суриштирув органларига мазкур банк мижозига (вакилига) нисбатан қўзғатилган жиноят иши мавжуд бўлган тақдирда етказилган зарар ундириб олинишини ёки унинг мол-мулки хатланишини таъминлаш мақсадида терговчи ёхуд суриштирувчининг асослантирилган қарорига биноан прокурор санкцияси билан тақдим этилиши кўрсатиб ўтилган.

Амалдаги қонунчиликка мувофиқ, давлат божхона хизмати органлари терговга қадар текширувни амалга оширувчи орган ҳисобланади.

Шу билан бирга, божхона органларига товарлар ва транспорт воситалари чиқариб юборилгандан кейин божхона назоратининг шакли сифатида божхона аудитини амалга ошириш вазифаси юклатилган.

Хорижий давлатларда, хусусан, Буюк Британия, Испания, Голландия, Жанубий Корея ва Евроосиё иқтисодий иттифоқининг (ЕИИ – Арманистон, Беларусь, Қозоғистон, Қирғизистон, Россия) божхона аудитини ўтказиш амалиёти банклардан, кредит-молиявий ва банк операцияларини амалга оширувчи бошқа ташкилотлардан маълумотларни олиш ҳуқуқи мавжудлигини кўрсатади.

Жумладан, ЕИИ Божхона кодексининг 335-моддасида божхона органлари мансабдор шахслари божхона текширувини амалга ошириш учун банклардан, кредит-молия ташкилотларидан банк сирини сақлаган ҳолда маълумотларни олиш ҳуқуқига эга экани белгиланган.

Шунингдек, Жаҳон банки экспертлари томонидан товарлар чиқариб юборилгандан кейинги божхона назоратини (божхона аудити) амалга оширилишини таъминлашда сайёр текширувлар сонини минималлаштириш мақсадида банклардан банк мижози бўлган ТИФ иштирокчилари ҳақида ўзаро маълумот алмашинувини йўлга қўйиш ва уларни таҳлил қилиш юзасидан тавсиялар берилган”, – дейилади ДБҚ баёнотида.

Қайд этилишича, “Банк сири тўғрисидаги қонунга қўшимчалар киритиш ҳақида”ги қонун лойиҳасини ишлаб чиқишдан асосий мақсад – божхона органларида мавжуд маълумотлар асосида ТИФ иштирокчиларининг молиявий барқарорлиги, ҳалоллиги ва қонунга итоаткорлик даражасини баҳолаш тизимини такомиллаштириш орқали уларга нисбатан соддалаштирилган божхона назорати шаклларини кенг қўллаш, шунингдек, яширин иқтисодиёт улушини қисқартиришдан иборат.

117

Ўзбекистон энергетика соҳасига энг илғор тажрибалар жорий этилади - Алишер Султонов

237
Ўзбекистон энергетика соҳаси уч босқичда ислоҳ этилади. Соҳада рақамли технологияларни кенг жорий этиш, инсон капиталига ва "яшил" энергия ишлаб чиқаришга қаратилган чора-тадбирлар ҳам белгилаб олинмоқда, дея қайд этди Энергетика вазири Алишер Султонов

ТОШКЕНТ, 23 окт - Sputnik. Ўзбекистон энергетика секторида энг яхши, замонавий ва илғор тажрибаларни жорий этиш режалаштирилмоқда. Бу ҳақда мамлакат энергетика секторини янада ислоҳ қилишга бағишланган давра суҳбати давомида Энергетика вазири Алишер Султонов маълум қилди, деб хабар бермоқда Sputnik Ўзбекистон мухбири.

Султоновнинг айтишича, Ўзбекистон энергетика секторида муаммоларни аниқлаш ва ислоҳотларни режалаштириш жараёнида Халқаро молия институтлари экспертлари ва обрўли халқаро консалтинг ташкилотлари салмоқли ҳисса қўшиб келмоқдалар.

Хусусан, жорий йил бошидан Жаҳон банки, Осиё тараққиёт банки, Европа тикланиш ва тараққиёт банкининг бевосита кўмаги остида, халқаро экспертлар ва маслаҳатчилар ёрдами билан бизнес юритишнинг халқаро амалиётини жорий этган ҳолда электр энергияси ва нефть-газ тармоқларини янада ислоҳ қилиш бўйича тавсиялар, ва бу тавсияларни амалиётга жорий этиш бўйича аниқ ишлар режаси тайёрланган.

"Белгилаб олинган ислоҳотлардан пировард мақсадимиз - электр энергияси ва табиий газни истеъмолчиларга кафолатли етказиб бериш, энергетика сектори корхоналарининг иқтисодий барқарорлигини ва рақобатбардошлигини таъминлаш, альтернатив ёқилғи турларига ўтишни жорий этиш, электр энергияси ва табиий газ ишлаб чиқаришда ва истеъмолида энергия тежамкорлигини таъминлашдан иборат", - деди Алишер Султонов.

Вазир таъкидига кўра, белгилаб олинган ишларнинг ҳуқуқий асосини таъминлаш мақсадида, биринчи навбатда, норматив-ҳуқуқий ислоҳотлар, корхоналар молиявий барқарорлигини таъминлаш учун бир қатор молиявий ислоҳотлар, нархларнинг эркин шаклланишини ва истеъмолчилар ҳуқуқларини ҳимоя қилишни таъминловчи бозор ислоҳотлари, тармоқ корхоналарини бошқаришда бутунлай янги тизимни назарда тутувчи институционал ва бошқарув ислоҳотлари, давлат улуши юқори бўлган корхоналарда, энг аввало, ташкилот манфаатини назарда тутувчи қарорларнинг қабул қилиниши таъминловчи корпоратив ташкилий ва бошқарув ислоҳотлари амалга оширилиши назарда тутилмоқда.

Шу билан бир қаторда, соҳада рақамли технологияларни кенг жорий этиш, инсон капиталига ва «яшил» энергия ишлаб чиқаришга қаратилган чора-тадбирлар ҳам белгилаб олинмоқда.

 

237

ОАВлар Ким Чен Иннинг рафиқаси ғойиб бўлгани ҳақида хабар қилди

19
(Янгиланган 16:19 24.10.2020)
ОАВлар Ким Чен Иннинг рафиқаси ғойиб бўлгани ҳақида хабар қилди – у йил бошидан бери жамоатчилик олдида кўринмаяпти.

ТОШКЕНТ, 24 окт — Sputnik. Жанубий Корея матбуотида Ким Чен Иннинг рафиқаси – Ли Соль Чжу ғойиб бўлгани ҳақида хабарлар пайдо бўлди.

Daily NK нашри ёзишича, мамлакатнинг биринчи хоними охирги марта 25 январда расмий лавҳаларда кўринган. Янги йил байрами муносабати билан “Самчжиен” мусиқа театрида ташкил этилган тантанада Ли Соль Чжу турмуш ўртоғига ҳамроҳлик қилганди.

Бундан кейин Шимолий Кореянинг етакчиси бир неча бор омма олдида кўриниш берган, фабрикалар, турли қурилиш ишлари назорат қилиш мақсадида жойларга чиққан.

10 октябрда КХДРда Кореянинг Ишчи партияси ташкил топганлигининг 75 йиллиги муносабати билан ҳарбий парад бўлиб ўтди, бироқ тадбирда Ли Соль Чжу қатнашмади.

Журналистлар фикрига кўра, камералар ниҳогидан узоқ вақтгача ғойиб бўлишининг сабаблари бири  Ким Чен Иннинг рафиқаси ҳомиладор ёки COVID-19'га чалинмаслик учун ўзини эҳтиёт қилмоқда. Шунингдек, Ли Соль Чжу бегоналарнинг ёрдамисиз ҳаракатлана олмайдиган холасига қараяпти, деган тахминларни билдиришмоқда.

19