Чигиртка чегара билмайди - БМТ ва Япония Марказий Осиёга ёрдам беришга қарор қилди

232
(Янгиланган 12:21 29.07.2020)
Биринчи босқичда ёрдам Тожикистон, Қирғизистон ва Афғонистонга кўрсатилади. Тез орада Қозоғистон, Ўзбекистон ва Туркманистон ҳам лойиҳага қўшилади - JICA.

ТОШКЕНТ, 29 июл - Sputnik.  БМТнинг Озиқ-овқат ва қишлоқ хўжалиги бўйича ташкилоти (FAO), Япония ҳукумати ва Япония халқаро ҳамкорлик ташкилоти (JICA) Марказий  Осиё ҳудудига чигирткага қарш курашда ёрдам беради.

Лойиҳанинг асосий мақсади – Марказий Осиё ҳудудида қишлоқ аҳолисининг даромад манбаини ҳамда озиқ-овқат хавфсизлигини сақлаб қолиш ва иқтисодий ўсишни таъминлашдир. Муддати - 5 йил, умумий қиймати - 7,23 миллион доллар бўлган ёрдам барча Марказий Осиё давлатларини қамраб олади, - дейилган хабарда.

Маълум бўлишича, сўнги йил давомида ушбу ҳудудда чигиртка сони кескин ошиши кузатилган. Ушбу зараркунанда ҳашоратлар қишлоқ хўжалик ерларига ва яйловларга катта хавф солмоқда.

“Чигиртка тўдалари қўшни Покистон ва Ҳиндистон далаларини тўлдириб юборди. Улар Марказий Осиёга ўтмаслиги учун имкон қадар тезроқ зарур чораларни кўриш керак. Япония ҳукумати Марказий Осиёга ушбу хавфни бартараф этишда ёрдам беришга қарор қилди”, - деди Япониянинг Тожикистондаги элчиси Такаюки Мияcита.

“Ҳозирча Марказий Осиёда чигиртка сони ўсиши Тожикистонда кузатилмоқда. Биринчи босқичда ёрдам Тожикистон, Қирғизистон ва Афғонистонга кўрсатилади. Чигиртка чегара билмайди, шу сабабли лойиҳага тез орада Қозоғистон, Ўзбекистон ва Туркманистон ҳам қўшилади. Ушбу лойиҳа нафақат чигирткага қарши курашда балким ушбу мамлакатлар орасида алоқалар мустаҳкамлашига хизмат қилади, деб умид қиламан”, - деди JICA вакили Хидеки Танабе.

Одатда чигиртка яшайдиган ҳудудлар улар хозир тарқалаётган ҳудудлардан узоқда жойлашган, лекин чигиртка сиёсий чегараларни жуда осон кесиб ўтади ва кенг ҳудудларда осон тарқалиши мумкин ва қишлоқ хўжалиги ва атроф-муҳитга катта зарар етказиши мумкин. БМТ ва JICA лойиҳаси нафақат чигитка тарқалишига қарши кураш, балким унинг тарқалишини олдини олиш, доимий мониторинг қилиш ва ўзаро ахборот алмашинувини назарда тутади.

232

Мирзиёев Ўзбекистонда карантин талаблари юмшатилишини айтди

659
Барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакат бўйича коронавирусдан соғайиш кўрсаткичи ошгани қайд этилди.

ТОШКЕНТ, 11 авг - Sputnik. Ўзбекистон президенти Шавкат Мирзиёев атроф-муҳитни муҳофаза қилиш ва аҳоли саломатлигини сақлаш масалалари муҳокама қилиш мавзусида ўтказилган йиғилишда Мирзиёев карантин талабларини юмшатиш муҳимлигини таъкидлади. Бу ҳақда президент матбуот-хизмати хабар бермоқда.

"Видеоконференцалоқа шаклида ўтган тадбир бошида давлатимиз раҳбари коронавирус пандемияси билан боғлиқ вазиятга тўхталиб ўтди. Хусусан, барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакатимиз бўйича коронавирусдан соғайиш кўрсаткичи ошгани қайд этилди. Фуқаролар ҳаёти ва соғлиғи ҳимоясини янада кучайтирган ҳолда, пандемия шароитида яшаш ва ишлашда давом этиш, карантин талабларини босқичма-босқич юмшатиш муҳимлиги таъкидланди", - дейилади хабарда.

Йиғилиш давомида мамлакатда экологик хавфсизликни таъминлаш масалалари атрофлича кўриб чиқилди.

Хусусан, Орол денгизининг қуриган тубида ўрмонзорлар барпо этилиб, Оролбўйидаги шаҳар ва туманларни ривожлантиришга қаратилган дастурлар жадал амалга оширилаётгани, атроф-муҳитни ва аҳоли саломатлигини муҳофаза қилиш мақсадида чиқиндиларни йиғиш ва қайта ишлаш бўйича изчил ишлар олиб борилаётгани, айниқса, ҳозирги пандемия шароитида бу масалалар янада долзарб аҳамият касб этиши таъкидланди.

 

Муҳокамада экологик назоратни кучайтириш масаласига ҳам алоҳида эътибор қаратилди.

Айрим заводлар ҳавога меъёрдан ортиқча ташланма чиқариб, атроф-муҳитга салбий таъсир кўрсатмоқда. Бундай ҳолатлар фуқароларнинг ҳақли эътирозига сабаб бўлмоқда.

Шу боис Экология ва атроф-муҳитни муҳофаза қилиш давлат қўмитасига ҳаво ифлосланишини тезкор таҳлил қиладиган мобил лабораториялар билан ҳар бир ҳудудни таъминлаш топшириғи берилди. Бош вазир ўринбосарига атроф-муҳитга юқори ва ўрта хавфли 240 та йирик саноат корхонасида замонавий локал тозалаш иншоотларини ўрнатиш ва мавжудларини модернизация қилиш бўйича дастур ишлаб чиқиш вазифаси қўйилди.

659

Доллар, евро яна кўтарилди

206
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 21,85 сўмга кўтарилди.

ТОШКЕНТ, 10 авг — Sputnik. Марказий банк хорижий валюталарнинг сўмга нисбатан 11 августдан бошлаб янги қийматини белгилади.

Доллар курси ўтган ҳафтага нисбатан 21,85 сўмга кўтарилиб, 10 231,71 сўм ташкил қилди.

Евро ҳам 38,00 сўмга ошди ва 12 059,09 сўмни ташкил қилди.

Россия рубли 1,19 сўмга юқорилаб, 138,65 cўмни ташкил қилди.

206
В чемодане был обнаружен труп

“Чемодан ичида мурда”: 2 киши қўлга олинди

5
(Янгиланган 17:59 12.08.2020)
Ўтган ҳафтада Қибрай туманида саёхат чемоданида эркак кишининг мурдаси қотиллик аломатлари билан топилган.

ТОШКЕНТ, 12 авг — Sputnik. 2020 йил 08 август куни Қибрай туманида саёхат чемоданида эркак кишининг мурдаси қотиллик аломатлари билан топилган.

Мазкур ҳолат юзасидан Жиноят кодексининг 97-моддаси (Қасддан одам ўлдириш) билан жиноят иши қўзғатилган.

Тергов давомида 2 нафар шахсга нисбатан ЖКнинг 97, 169, 227 ва 241-моддалари билан айб эълон қилиниб, уларга “қамоққа олиш” тарзидаги эҳтиёт чораси қўлланилган.

Тергов ҳаракатлари давом этмоқда.

 

5