Ввод в эксплуатацию ТЭС

Туркия энергетика компанияси йил якунигача Ўзбекистонда ИЭС қуришни бошлайди

181
Қурилиш ишларини шу йил охиригача бошлаб юбориш, ҳамда қурилиш бошланганидан сўнг 12 ойдан кечиктирмай тайёр объектни ишга тушириш режалаштирилган

ТОШКЕНТ, 12 сен - Sputnik. Туркия Cengiz Enerji энергетика компанияси 2022 йилга келиб Тошкент вилоятида ИЭС қуради, деб хабар бермоқда Ташқи савдо ва инвестициялар вазирлиги матбуот-хизмати.

"Ўзбекистон Инвестициялар ва ташқи савдо вазирлигида Туркиянинг Cengiz Enerji энергетика компанияси билан ўтказилган музокаралар давомида Тошкент вилоятида қуввати 240 МВт бўлган иссиқлик электр станциясини қуриш лойиҳаси доирасида долзарб масалалар муҳокама қилинди", - дейилади хабарда.

Ушбу келишув Ўзбекистон ҳукумат делегациясининг жорий йилнинг июль ойида Туркияга амалга оширилган ташрифи давомида эришилган, деб қўшимча қилинган хабарда.

ИЭС қурилиши учун 150 млн долларгача бўлган миқдорда Туркиянинг тўғридан-тўғри инвестициялари жалб қилинади.

Қурилиш пайтида 500 янги иш ўринлари ва ИЭСдан фойдаланиш вақтида 100 иш ўринлари яратилади, йилига 2 миллиард кВт.с миқдорида арзон электр энергиясини ишлаб чиқарилади.

Бу, ўз навбатида, республика энергия балансини диверсификация қилиш ва электроэнергия ишлаб чиқаришга сарфланадиган табиий газ истеъмолини сезиларли даражада камайтириш учун имкониятлар яратиши қайд этилган.

Учрашув якунлари бўйича Cengiz Enerji ва Инвестициялар ва ташқи савдо вазирлиги ўртасида Инвестицион битим, шунингдек, "Ўзбекистон Миллий электр тармоқлари" АЖ билан турк компаниясидан 25 йил муддатга электр энергиясини сотиб олиш бўйича Битим имзоланган.

Қурилиш ишларини шу йил охиригача бошлаб юбориш, ҳамда қурилиш бошланганидан сўнг 12 ойдан кечиктирмай тайёр объектни ишга тушириш режалаштирилган.

181
Гранат

Қува анорлари 7 та давлатга экспорт қилинмоқда

204
(Янгиланган 16:18 21.09.2020)
Айни вақтда хорижга Фарғона боғларида пишиб етилган 3 минг тоннадан ортиқ анор экспортга жўнатилди.

ТОШКЕНТ, 21 сен — Sputnik. Қува анорлари 7 та давлат - Жанубий Корея, Хитой, Россия, Украина, Бирлашган Араб Амирлиги, Қозоғистон, Қирғизистонга экспорт қилинмоқда.

Айни вақтда Фарғона боғларида пишиб етилган 3 минг тоннадан ортиқ анор экспортга жўнатилди. Бу ҳақда ДБҚ матбуот хизмати хабар қилди.

Қадимдан анорчилик улкан даромад манбаи, камёб ва шифобахш неъмат сифатида баҳоланган. Замонавий тиббиёт, халқ табобатида жуда фойдали хусусиятлари билан ажралиб туради. Жаҳон бозорида ушбу маҳсулотга бўлган талаб ва таклиф юқори.

“Шу боис анорзорларни кенгайтириш, серҳосил, эртапишар навлар яратишга алоҳида эътибор қаратилмоқда. Шу кунга қадар Риштон ва Олтиариқ туманларида 1 минг 400 гектар янги анорзорлар ташкил этилди.

2025 йилга бориб вилоятдаги анор майдонлари 20 минг гектарни ташкил қилади ва йилига 200 минг тоннадан ортиқ анор етиштирилади. Бу мавсум давомида 120 минг тоннадан ортиқ анор экспортини амалга ошириш имкониятини беради”, - дейилган хабарда.

204
Денежные купюры России и США

Валюта: доллар яна кўтарилди, рубл эса пастлади

132
(Янгиланган 12:29 21.09.2020)
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 20,28 сўмга кўтарилди.

ТОШКЕНТ, 21 сен — Sputnik. Марказий банк хорижий валюталарнинг сўмга нисбатан 22 сентябрдан бошлаб янги қийматини белгилади.

Доллар курси ўтган ҳафтага нисбатан 20,28 сўмга кўтарилиб, 10 315,62 сўм ташкил қилди.

Евро ҳам 15,78 сўмга ошди ва 12 210,60 сўмни ташкил қилди.

Россия рубли эса 1,37 сўмга пасайиб, 136,28 cўмни ташкил қилди.

132

Самарқанд халқаро аэропорти Россиядан келган 500га яқин ўзбекистонликларни қабул қилди

86
Коронавирус инфекцияси тарқалишининг олдини олиш мақсадида (қизил ҳудуддан келганлар учун) 14 кунлик уй ёки меҳмонхоналарда ўзини-ўзи яккалашлари талаб этилади.

ТОШКЕНТ, 22 сен - Sputnik. Самарқанд халқаро аэропортида Россия давлатининг Санкт-Петербург ва Москва шаҳарларидан учиб келган 497 нафар юртдошларимиз 2 та чартер рейс орқали кутиб олинди, деб хабар бермоқда "Самарқанд халкаро аэропорти" матбуот-хизмати.

"Бугун (iFLy ва Red Wings авиакомпанияларининг Airbus 330 ва Airbus 321 ҳаво кемалари Санкт-Петербург ва Москва шаҳарларидан соат 02:10 ва 3:51 да қабул қилди. Йўловчилар анкета маълумотларида келтирилган яшаш жойларига кўра ўз манзилларига кузатиб қўйилди", - дейилади хабарда.

Ўзбекистонга келувчи йўловчиларнинг парвоздан олдин 72 соатдан кўп бўлмаган муддатда фақат ПЗР (полимер занжирли реакция) орқали текширилиб, манфий кўрсатичга эга маълумотномаларни тақдим этишлари керак бўлади.

Коронавирус инфекцияси тарқалишининг олдини олиш мақсадида (қизил ҳудуддан келганлар учун) 14 кунлик уй ёки меҳмонхоналарда ўзини-ўзи яккалашлари талаб этилади.

 

86