Экран, транслирующий биржевые графики и диаграммы

ЕТТБ 2021 йилда Ўзбекистоннинг ЯИМ бўйича прогнозини пасайтирди

143
Европа тикланиш ва тараққиёт банки (ЕТТБ) бу йил реал ЯИМнинг 2 фоизга қисқаришини прогноз қилмоқда.

ТОШКЕНТ, 5 окт — Sputnik. Ўзбекистонда иқтисодий ўсиш 2020 йилнинг биринчи ярмида 0,2% гача пасайиб, асосан қишлоқ хўжалиги (2,8%) ва қурилиш (7,3%) соҳаларидаги ўсиш ҳисобига ижобий кўрсаткичини сақлаб қолди. Бошқа соҳаларда пасайиш кузатилди. Бу ҳақда Европа тикланиш ва тараққиёт банки (ЕТТБ) матбуот хизмати янги макроиқтисодий ҳисоботга асосланиб хабар берди.

Ҳисоботга кўра, саноат ва газ қазиб олиш 1,9% ва 17,1%га камайган. Меҳмонхона бизнеси ва чакана савдода 1,1 фоизга, транспорт ва сақлаш, ахборот ва алоқада — 3,2 фоиз пасайиш кузатилди. Январь-июль ойларида ишсизлик 13,2%гача ўсди (бир йил олдин — 9,1%), реал даромадлар эса 1,7%га камайди.

Ялпи талаб фонида инфляция август ойида 11,7% гача пастлади (2019 йил августда — 16,5%), бу Марказий банкни қайта молиялаш ставкасини йиллик 15%дан 14%гача туширишга мажбур қилди.

Ҳисоботда таъкидланишича, Инқирозга қарши жамғарма (ЯИМнинг 1,5 фоизга яқини) ташкил этилганига қарамай, мамлакат кучли ташқи босимни бошдан кечирмоқда. Йилнинг етти ойида импорт тахминан 18%га, экспорт эса 21%га камайди. Россия ва Қозоғистондаги иқтисодий фаолликнинг сустлашуви ва январь-июль ойларида пул ўтказмаларининг 7 фоизга пасайиши туфайли ташқи мувозанат янада ёмонлашди.

Умуман олганда, ЕТТБ бу йил реал ЯИМнинг 2 фоизга қисқаришини прогноз қилмоқда. Таҳлилчилар экспорт ва ички талабнинг тикланиши билан боғлиқ ҳолда 2021 йилда 4,5% ўсишни кутмоқдалар.

143

Бошқирдистон Ўзбекистонга ёқилғи экспорти 45 бараварга ошди

59
Сўнгги 5 йил ичида республикалар ўртасидаги ташқи савдо айланмаси 1,5 баробар ўсиб, 60 миллион доллардан 99 миллион долларга етган.

ТОШКЕНТ, 29 окт — Sputnik. 2020 йил январь-август ойларида Бошқирдистон Республикаси ва Ўзбекистон ўртасида ташқи савдо айланмаси 2019 йилга нисбатан 76 фоизга ошди. Бунга ёқилғи экспортининг 45 баравар ўсиши ҳисобига эришилди. Бошқирдистон Ташқи иқтисодий алоқалар давлат қўмитаси матбуот хизмати хабар қилмоқда.

“Ҳамкорлигимизнинг ижобий натижаси шундаки, 2020 йил январь-август ойларида ташқи савдо айланмаси 2019 йилга нисбатан 76 фоизга ўсди, бу ёқилғи экспорти ҳажмининг 45 баравар ортиши ҳисобига юз берди”, - деди қўмита раисининг ўринбосари Лена Изотова.

Унинг таъкидлашича, экспортнинг жадал суръатда ўсиши “Шакар ва шакар маҳсулотлари” маҳсулот гуруҳида кузатилмоқда. Уни етказиб бериш миқдори 149 доллардан деярли 5 миллион долларгача ўсган. 2020 йилда минтақанинг 147 корхонаси Ўзбекистонга экспортни амалга оширган.

Бошқирдистон Ташқи иқтисодий алоқалар давлат қўмитаси раиси Маргарита Боличева республиканинг ташқи ва ташқи иқтисодий сиёсатида Ўзбекистонга муҳим ўрин ажратилганини маълум қилди.

Боличева келтирган маълумотларга кўра, сўнгги 5 йил ичида республикалар ўртасидаги ташқи савдо айланмаси 1,5 баробар ўсиб, 60 миллион доллардан 99 миллион долларга етди.

Бундай ўсиш механик ускуналар ва техника, ёғоч маҳсулотлари, шиша буюмлар экспортининг ортиши, шунингдек, Ўзбекистондан импортнинг ўсиши билан боғлиқ.

59

Йирик лойиҳа корхоналари ва бозорлар бошқарувида давлат иштироки қайта кўриб чиқилади

72
(Янгиланган 10:01 29.10.2020)
Шавкат Мирзиёев давлат бошқарувида бўлган йирик лойиҳа корхоналари ҳамда бозорлар фаолиятида давлат иштирокини қайта кўриб чиқишни таклиф қилди.

ТОШКЕНТ, 29 окт - Sputnik. Президент ҳузурида 28 октябр куни бўлиб ўтган давлат мулкини хусусийлаштириш самарадорлигини оширишга бағишланган видеоселектор йиғилишида йирик қурилиш корхоналари ва бозорлар бошқарувида давлат иштироки масаласи ҳам муҳокама қилинди. 

Хусусан, давлат лойиҳа институтларини трансформация қилиш масаласида қуйидаги таклифлар билдирилди. Ўзбекистнду бугунги кунда йирик қурилиш корхоналари кўпайиб бораётганини ҳисобга олган ҳолда, уларни давлат лойиҳа институтлари билан кооперация қилиш орқали боғлаб, лойиҳалар сифатини ошириш, бошқарувни яхшилаш таклиф қилинди. 

Намуна сифатида “Қишлоқ қурилиш лойиҳа”, “Оғир саноат лойиҳа”, “Георангмет ЛИТИ”, “Шаҳарсозлик ЛИТИ”, “Тош уй-жой ЛИТИ”, “Тошкeнт бошплан ЛИТИ” лойиҳа институтларида ушбу янги тизим жорий этилиши белгиланди. Лойиҳа институтларидаги давлат улуши кейинчалик ҳамкор қурилиш ташкилотларига сотилади.

Иккинчидан, бошқарувида давлат улуши бўлган бозорлар самарадорлигини ошириш масаласи ҳам кўриб чиқилди. Хусусан, 500 дан зиёд бозор ва савдо мажмуаларидаги давлат иштирокини тубдан қайта кўриб чиқиш зарурлиги таъкидланди. Чунки ҳозирги кунда уларнинг 23 таси зарар билан ишлаяпти, 210 таси эса паст рентабелли.

Бундай шароитда бозорларни ҳам савдо, ҳам дам олиш, ҳам кўнгилочар марказларга айлантириш яхши иқтисодий самара беради. Шу мақсадда лойиҳалар ишлаб чиқилиб, инвесторлар ўртасида танлов эълон қилиниши айтилди.

Танлов ғолибига энг яхши шартларда банк кредити ажратилади. Шунингдек, тадбиркор бозор даромадини ошириб, солиқ тушумлари ва иш ўринларини мунтазам кўпайтириб борса, унга бозорнинг давлат улушини бўлиб-бўлиб харид қилиш имконияти берилади. Вилоят ҳокимларига бозор ва савдо мажмуалари фаолиятини шу тарзда йўлга қўйиш бўйича кўрсатмалар берилди.

Ундан ташқари, президент фармонида яна 32 та йирик давлат корхонаси ва хўжалик бирлашмаси трансформация қилиниши белгиланган. Хусусан, “Ўзкимёсаноат”, “Ўзавтосаноат”, “Ўздонмаҳсулот”, “Ўзсувтаъминот” ташкилотлари бутун тизими билан трансформация қилинади.

Ушбу мақсадда Молия вазирлигида алоҳида департамент ташкил этилди. Мутасаддиларга қолган тармоқларни ҳам чуқур таҳлил қилиб, трансформация бўйича таклифлар тайёрлаш вазифаси қўйилди.

 

72
Здание МВД Узбекистана в Ташкенте

ИИВ фуқароларга огоҳлантириш билан чиқди

16
Вазирлик хабарига кўра, ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

ТОШКЕНТ, 29 окт — Sputnik. Ўзбекистон Ички ишлар вазирлиги фуқароларга огоҳлантириш билан чиқди.

Хабарда ёзилишича, айни кунларда ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

“Шу муносабат билан, ижтимоий тармоқ фойдаланувчиларига турли радикал, диний экстремистик ва ислом динига ёт бўлган ғояларни тарғиб қилувчи маълумотларни тайёрлаш, сақлаш ва тарқатиш Ўзбекистон Республикаси Жиноят кодексининг 156-модда (Миллий, ирқий, этник ёки диний адоват қўзғатиш), 244 прим 3-модда  (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) ларида белгиланган жавобгарликка тортилишига сабаб бўлиши ҳақида огоҳлантирамиз”,  - дейилган хабарда.

Ижтимоий тармоқ фойдаланувчиларидан (журналист, блогер ва фуқаролар) омма эътиборига ҳавола қилинаётган маълумотларни аввало қонунга хилоф эмаслигини ўрганиб чиқиш сўралган.

16