Новогоднее оформление ГУМа.

Хориждан олинадиган жўнатмалар миқдори чекланади янги қонун

194
(Янгиланган 14:08 09.10.2020)
Янги йилдан бошлаб хориждан олинадиган жўнатмалар қиймати 200 доллар ва оғирлиги 10кг миқдорида чекланиши режалаштирилмоқда.

ТОШКЕНТ, 9 окт — Sputnik. Ўзбекистонда хориждан бир квартал давомида олинадиган жўнатмалар суммасини 1000 доллардан 200 долларга тушириш режалаштирилмоқда. Бу ҳақида Молия вазирлиги томонидан ишлаб чиқилган янги қонун лойиҳасида айтиб ўтилган.

Янги қонунга кўра, 2021 йилнинг 1 январидан бошлаб божхона тўловларисиз олиб келинаётган жўнатмалар миқдорини беш баравар – 200 долларгача камайтириш режалаштирилган. Айнида дамда бир кварталда умумий қиймати 1000 долларгача бўлган маҳсулот олиб кириш мумкин.

Буюртма берилган маҳсулот қиймати 200 доллардан ошган тақдирда фуқаролар ундан божхона тўлови тўлаш талаб қилинади.

Айтиш жоизки, чеклов нафақат посилка қиймати балким унинг вазнига нисбатан ҳам киритилган. Хусусан жўнатманинг брутто оғирлиги – 10 килограмдан ошмаслиги керак.

Лойиҳани муҳокама қилиш 23 октябрга қадар давом этади. Айни дамда Давлат Божхона қўмитаси ва Молия вазирлиги киритилиши, белгиланган меъёрдан ошган посилкалардан олиш режалаштирилаётган Ягона божхона тўловини ишлаб чиқмоқда.

Қонун лойиҳасида айтилишига кўра, ушбу чоралар мамлакатда тадбиркорликни амалга ошириш учун тенг рақобатбардош шароит яратиш ҳамда яширин иқтисод даражасини пасайтириш мақсадларида амалга оширилмоқда. 

194
Мясо

Гўшт қимматлашиши сабаблари санаб ўтилди

130
(Янгиланган 13:45 26.10.2020)
Иқтисодий тараққиёт ва камбағалликни қисқартириш вазирлиги гўшт қимматлашига сабаб бўлган омилларни санаб ўтди.

ТОШКЕНТ, 26 окт — Sputnik. Иқтисодий тараққиёт ва камбағалликни қисқартириш вазирлиги сентябрда кузатилган инфляция даражаси ҳақида маълумотларида гўшт қимматлашига сабаб бўлган омилларни санаб ўтди.

Вазирлик маълумотномасида келтирилган асосий сабаблар қуйидагилар:

  •  ем-хашак базаси учун хом ашё, хусусан, пахта хомашёси, пўстлоқ ва ем аралашмаси захираларининг мавсумий камайиши. Бу ўз навбатида, мазкур маҳсулотларнинг биржа нархларининг мос равишда 17, 21 ва 27 фоизга ошишига олиб келди;
  • Қозоғистон томонидан ўрнатилган экспорт чекловлари туфайли қорамол импортини қисқариши;
  • 2020 йилнинг август ойи ўрталарида карантин чекловларининг олиб ташланганидан сўнг, фаолиятини тиклаган оммавий овқатланиш корхоналарининг гўшт ва гўшт маҳсулотларига бўлган талабининг ошиши.

“Шу билан бирга, 2020 йил январь-сентябрь ойларида Ўзбекистонда 1840 минг тонна (тирик вазнда) гўшт ишлаб чиқарилган (ўтган йилнинг мос даврига нисбатан 2,2 фоизга кўпроқ). Бундан ташқари, 2020 йил январь-сентябрь ойларида 14 минг тонна мол гўшти ва 20 минг тонна товуқ гўшти импорт қилинган”, - дейилган хабарда.

Таъкидланишича, сентябрь ойида ФАО индекси бўйича гўшт нархининг глобал конъюнктураси жорий йилнинг январь ойидан буён кузатилган умумий пасайиш тенденциясини давом эттириб, август ойига нисбатан бироз (0,9 ф.б.га) тушиб, ўртача 7,4%га камайди. Йиллик ҳисобда, индекс ўтган йилнинг мос ойидаги қийматидан 9,5% га камайди.

Вазирлик мамлакатдаги ўшт маҳсулотлари нархининг ўсиши нафақат ташқи омиллар, балки ички бозорлардаги тартибга солиниш механизмларининг самарасизлиги туфайли юзага келган дейиш мумкинлигини қайд этган.

“Бу, ўз навбатида, ишлаб чиқариш даражасининг камтарона ўсишига қарамасдан, гўшт маҳсулотларини етказиб беришнинг етарли даражасини таъминлаш учун озуқа базасининг ривожланмаганлиги билан боғлиқ”, - дейилган хабарда.

130
Доллары США

Эртадан доллар курси пасаяди

163
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 11,88 сўмга пасаяди.

ТОШКЕНТ, 26 окт — Sputnik. Марказий банк хорижий валюталарнинг сўмга нисбатан 27 октябрдан бошлаб янги қийматини белгилади.

Доллар курси ўтган ҳафтага нисбатан 11,88 сўмга пасайиб, 10 359,88 сўм ташкил қилади.

Евро эса 132,15 сўмга пасаяди ва 12 285,78 сўмни ташкил қилади.

Россия рубли 2,92 сўмга кўтарилиб, 136,11 cўмни ташкил қилади.

163

Жапаров Қирғизистон президенти сайловларида номзодини илгари суради

25
Қирғизистон президенти вазифасини бажарувчи Садир Жапаров сайловларда иштирок этиш учун декабрь ойида президент ваколатларини зиммасидан соқит қилмоқчи.

ТОШКЕНТ, 26 окт — Sputnik. Қирғизистон президенти вазифасини бажарувчи, бош вазир Садир Жапаров давлат раҳбари лавозимига ўз номзодини илгари суришини маълум қилди.

Жапаровнинг сўзларига кўра, бунинг учун у декабрда истеъфога чиқишни режалаштирмоқда.

“Мен бошқалар қатори сайловларда иштирок этаман. Агар ғалаба қозонсам президент бўламан, бўлмаса барча каби оддий фуқаро бўламан”, - деди Жапаров. Унинг сўзларидан Sputnik Қирғизистон иқтибос келтирган.

Қирғизистонда муддатидан аввалги президент сайловлари 2021 йил 10 январь куни бўлиб ўтади. Мамлакат Конституциясига биноан президент в.б. ўз номзодини илгари суриш ҳуқуқига эга эмас.

Аввалроқ Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилган эди.

25