Национальная валюта Узбекистана — сум

Ёшлар ва хотин-қизларга микрокредитлар таъминотсиз ажратилади

405
Тадбиркорлик ташаббусига эга жисмоний шахслар, шу жумладан, ёшлар ва хотин-қизларга ўз бизнесини ташкил этиш учун 33 миллион сўмгача микрокредитлар таъминотсиз ажратилади

ТОШКЕНТ, 14 окт — Sputnik. “Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида”ги президент қарори қабул қилинди.

Қарорга мувофиқ, 2020 йил 15 ноябрдан ёшлар ва хотин-қизларни касб-ҳунар ва тадбиркорлик кўникмаларига ўқитишни давлат томонидан қўллаб-қувватлашнинг қуйидаги тартиблари жорий этилади:

- Тадбиркорликни ривожлантириш агентлиги ва Бизнес ва тадбиркорлик олий мактаби томонидан ташкил этилган ўқув курсларини тамомлаган ҳар бир битирувчи учун касб-ҳунар ва тадбиркорликка ўқитиш бўйича нодавлат таълим ташкилотларига сарфланган харажатларнинг 70 фоизи, бироқ ҳар бир битирувчига 1 миллион сўмдан ортиқ бўлмаган миқдори давлат томонидан компенсация қилинади;

- ушбу курсларни муваффақиятли тамомлаб, сертификат олган шахсларга ўз бизнесини ташкил этиш учун микрокредит ажратилади.

“Микрокредитбанк” АТБ томонидан нодавлат таълим ташкилотлари махсус сертификатини олган:

  • тадбиркорлик ташаббусига эга жисмоний шахслар, шу жумладан, ёшлар ва хотин-қизларга ўз бизнесини ташкил этиш учун 33 миллион сўмгача микрокредитлар таъминотсиз ажратилади;
  • микрофирма ва кичик корхона таъсис этган шахсларга учинчи шахс кафиллиги, суғурта полислари, кредит ҳисобига сотиб олинаётган мол-мулклар гарови, Тадбиркорлик фаолиятини қўллаб-қувватлаш давлат жамғармасининг кафиллиги асосида 225 миллион сўмгача микрокредитлар ажратилади.

Бунда микрокредитлар 3 йил муддатгача 6 ойгача имтиёзли давр билан Марказий банкнинг асосий ставкасида ажратилади.

Қарорга кўра, Тикланиш ва тараққиёт жамғармаси томонидан ёшлар ва хотин-қизларни касб-ҳунар ҳамда тадбиркорлик кўникмаларига ўқитиш орқали тадбиркорлик фаолиятини йўлга қўйиш мақсадларига 100 миллион АҚШ доллари эквивалентида маблағ ажратилади.

2022 йил 1 январдан Тадбиркорликка ўқитишнинг ягона тизими ишга туширилади.

2021 йил 1 январга қадар “Микрокредитбанк” АТБнинг аҳолини, айниқса, ёшлар ва хотин-қизларни тадбиркорликка кенг жалб қилиш бўйича янги бизнес модели ишлаб чиқилади.

Тадбиркорликни ривожлантириш агентлиги аҳолини тадбиркорлик фаолиятини қўллаб-қувватлаш, хусусан, уларни ўқитиш, микрокредит ажратиш бўйича ишларни мувофиқлаштириш борасида ваколатли давлат органи этиб белгиланди

405
Ровенская атомная электростанция в Кузнецовске, архивное фото

Атом энергетикаси соҳасидаги фаолиятни лицензияловчи Низом тасдиқланди

40
Ўзбекистон атом энергетикаси соҳасида ишлаётган корхоналар фаолиятини лицензиялаш тўғрисидаги Низом қабул қилинди.

ТОШКЕНТ, 30 окт - Sputnik. Ўзбекистон Ҳукуматининг 663-сонли қарори билан "Атом энергетикасидан фойдалариш соҳасидаги фаолиятни лицензиялаш тўғрисидаги низом" тасдиқланди. 

Унга кўра, атом энергиясидан фойдаланиш соҳасидаги фаолият Саноат хавфсизлиги давлат қўмитаси томонидан лицензияланади. Лицензия фақат юридик шахсларга белгиланган фаолият турларини амалга ошириш учун амал қилиш муддати чекланмаган ҳолда берилади.

Ушбу низом атом энергетикаси билан боғлиқ қуйидаги фаолият турларини лицензиялайди:

  • ядровий қурилмаларни ва сақлаш пунктларини барпо этиш, улардан фойдаланиш;
  • радиоактив моддалар, ядровий материаллар билан боғлиқ фаолиятни амалга ошириш;
  • радиоактив чиқиндиларни қайта ишлаш, ташиш ва сақлаш; 
  • атом энергетикасидан фойдаланиш объектларида илмий тадқиқот ўтказиш;
  • атом энергетикаси соҳасида кадрлар тайёрлаш, хизматлар кўрсатиш ва бошқалар;

Лицензия талабгорлари лицензия олиш учун Саноат хавфсизлиги давлат қўмитасига ариза билан мурожаат қилади. Ариза кўриб чиқилганлиги учун БҲМнинг 4 баравари миқдорида йиғим ундирилади.

Ариза олингандан бошлаб 30 кундан ортиқ бўлмаган муддатда (хавфсизликни асослаш экспертизасини ташкиллаштириш ва ўтказиш муддатлари бундан мустасно) лицензия бериш ёки уни рад этиш тўғрисида қарор қабул қилинади.

Лицензия бериш ёки уни рад этиш тўғрисида қарор хавфсизликни асослаш экспертизасини якунланган кундан бошлаб 10 кун мобайнида қабул қилинади. Лицензия берилгани учун БҲМнинг 10 баравари миқдорида давлат божи ундирилади.

40
Штаб-квартира Всемирного банка

Жаҳон банки инновацияларни ривожлантириш учун Ўзбекистонга 50 млн доллар ажратди

46
Жаҳон банки Ижрочи директорлар кенгаши Ўзбекистондаги инновациялар тизимини модернизация қилиш учун 50 млн доллар ажратишни маъқуллади.

ТОШКЕНТ, 29 окт — Sputnik. Жаҳон банки Ижрочи директорлар кенгаши “Ўзбекистонда миллий инновацион тизимни модернизация қилиш” лойиҳасини амалга ошириш учун 50 млн доллар миқдорида маблағ ажратишни маъқуллади. Бу ҳақда банкнинг Ўзбекистондаги ваколатхонаси маълум қилди.

Таъкидланишича, лойиҳа давлат илмий-тадқиқот институтлари (ИТИ) ва университетларда халқаро даражадаги тадқиқотларни ўтказишга ҳисса қўшади ва уларнинг иш натижаларини тижоратлаштиришга имкон беради.

Тадқиқот мавзулари қайта тикланадиган энергия манбалари, кам углеродли технологиялар, тиббиёт ва вирусология соҳасидаги турли мавзулар, шу жумладан COVID-19 ҳамда бошқа илм-фан ва технологияларнинг истиқболли йўналишлари бўйича бўлиши мумкин. Лойиҳа доирасида молиялаштириладиган тадқиқотлар натижалари бўйича халқаро эксперт журналларида 50 га яқин мақолаларни нашр этиш режалаштирилган.

Бундан ташқари, маҳаллий фирма ва компаниялар маҳаллий ҳамда халқаро бозорларда талабга жавоб берадиган янги ёки мавжуд инновацион маҳсулотлар ва хизматларнинг стартап ва илмий-тадқиқот ишларига сармоя киритиш учун 30 га яқин грант олишлари мумкин. Масалан, улар тиббиёт, фармацевтика ва биотехнологик маҳсулотлар ва хизматларни ишлаб чиқаришда, шунингдек илм-фан ва технологиянинг бошқа истиқболли йўналишларида лойиҳаларни молиялаштиришга ариза топширишлари мумкин бўлади.

Лойиҳа доирасида алоҳида илмий-тадқиқот институтлари инфратузилмаси ва лабораторияларини модернизация қилишга маблағлар ажратилади, уларнинг рўйхати тегишли ташкилотларнинг эҳтиёжларини ҳар томонлама баҳолагандан сўнг Инновацион ривожланиш вазирлиги томонидан тасдиқланади.

Шунингдек, лойиҳа маблағлари Ўзбекистонда илмий-тадқиқот ва инновацияларни тижоратлаштиришни тартибга солиш учун зарур бўлган қонунчилик базасини тайёрлашга ҳамда ушбу соҳаларда тегишли институционал ислоҳотларни ўтказишга сарфланади.

46
Теглар:
Жаҳон банки, Ўзбекистон
Национальная валюта Узбекистана — сум

Айрим транспорт воситаларидан утилизация йиғими ундирилмайди

31
Айрим транспорт воситаларидан 2022 йил 31 декабрга қадар утилизация йиғими ундирилмайди. Ҳукумат қарори қабул қилинди.

ТОШКЕНТ, 30 окт — Sputnik. “Коронавирус пандемияси даврида ташқи иқтисодий фаолият, туризм ва қурилиш соҳаларини қўллаб-қувватлашга доир қўшимча чора-тадбирлар тўғрисида”ги ҳукумат қарори қабул қилинди.

Қарорга кўра, 2022 йил 31 декабргача қуйидагиларга утилизация йиғимининг ноль ставкаси қўлланилади:

- юк ташиш учун мўлжалланган шатакчи автомобиллар (ТИФ ТН коди 8701 20, ишлаб чиқарилганига 4 йилдан ошганлари бундан мустасно), шунингдек, тиркамалар ва ярим тиркамалар (ТИФ ТН кодлари 8716 31, 8716 39, ишлаб чиқарилганига 5 йилдан ошганлари бундан мустасно);

- юк ташиш учун мўлжалланган янги транспорт воситалари (ТИФ ТН кодлари 8704 22, 8704 23) ҳамда махсус мўлжалланган янги транспорт воситалари (ТИФ ТН коди 8705 10, 8705 40, 8705 90);

- ҳайдовчи билан бирга 10 ва ундан ортиқ йўловчиларни ташиш учун мўлжалланган транспорт воситалари (ТИФ ТН коди 8702, ишлаб чиқарилганига 4 йилдан ошганлари бундан мустасно).

Шунингдек, эндиликда давлатлараро, ҳукуматлараро, халқаро ташкилотлар йўналишлари бўйича хайрия ёрдами мақсадларида олиб кириладиган транспорт воситаларига ҳам утилизация йиғими ундирилмайди.

31