Папка с документами

Давлат Бюджети-2021: Ҳисоб Палатаси муҳим таклифлар билдирди

160
(Янгиланган 15:32 18.11.2020)
Ҳисоб Палатаси Вазирлар Маҳкамаси томонидан ишлаб чиқилган "Давлат Бюджети-2021 тўғрисидаги қонун" лойиҳасига бир қатор муҳим таклифлар киритди.

ТОШКЕНТ, 18 ноя - Sputnik. Ўзбекистон Республикаси Ҳисоб Палатаси Вазирлар Маҳкамаси томонидан ишлаб чиқилган, "2021 йил Давлат бюджети тўғрисидаги Қонуни лойиҳаси" борасида ўз таклиф ва хулосаларини эълон қилди.

Давлат Бюджети 2021 харажатлари борасида таклифлар:

  1. Давлат қарзи миқдорини ЯИМнинг 50%идан оширмаслик. Иқтисодий барқарорликни сақлаб қолиш мақсадида ҳамда Халқаро валюта жамғармаси тавсиясига мувофиқ – давлат қарзи миқдори ялпи ички маҳсулотнинг 50% идан ошмаслиги керак. Вазирлар Маҳкамаси томонидан таклиф этилган Бюджет лойиҳасида ушбу кўрсатгич 60%дан ошмаслиги кўрсатилган. 
  2. Ривожланган малакатлар тажрибасидан келиб чиққан ҳолда, 2021 йилда Ўзбекистон Республикаси тўлаш керак бўлган давлат қарзи миқдорини Давлат Бюджети 2021 харажатлар қисмида акс эттириш лозим. (2021 йилда Давлат Қарзи 25,5 млрд доллар бўлиши прогноз қилинмоқда)
  3. Давлат Мақсадли жамғармалари харажатларини тўғри ҳисоблаш. 2021 Давлат Бюджетида уларга эҳтиёжидан ортиқ 1 311,4 млрд. сўм маблағ ажратилган. Ундан ташқари, Давлат Мақсадли жамғармаларида йил охирида харажат қилинмай қолган маблағлар ҳисобга олинмаган.
  4. Биринчи даражали Бюджет маблағларини тақсимловчилар томонидан иш ҳақи харажатларини алоҳида қаторда кўрсатиш – мақсадга мувофиқ. Бу ишчилари маошларини бошқа мақсадларга ишлатиб юбормаслик учун, ҳамда бюджет шаффофлиги учун хизмат қилади.
  5. Шунингдек, давлат ишчилари маошини камайтирмаслик (индексация), чунки кутилаётган инфляция барибир реал даромадлар тушишига олиб келади. Келгуси йилда 10% га қисқартирилиши режалаштирилаётган давлат ишчилари маошларини (550 млрд. сўм) – бюджет ташкилотлари ходимларни рағбатлантириш махсус фондларига ўтказиш.
  6. Маҳаллий ҳокимиятлар заҳира жамғармаларига ажратилаётган маблағларни ушбу муассаса бюджетлари умумий харажатларининг 1% дан 0,5% гача қисқартириш. Чунки заҳира фондлари харажатларининг ўтган йилги таҳлилига кўра, аксарият ҳолларда, ушбу маблағларнинг 80% ҳокимият моддий техника базасини янгилаш, автомобил ва оргтехника хариди учун сарфланган. Таълим ва соғлиқни сақлаш соҳаларига 5 %дан кам маблағ сарфланган.
  7. Кўп қаватли кўп хонадонли уйлардаги лифтларни ёппасига бюджет ҳисобидан янгилаш таклифини рад этиш. Бунинг ўрнига барча лифтларни инвентаризация қилиш, ўтган йилларда ушбу мақсадда ажратилган маблағлар сарфини текшириш ва лифтларни алмаштириш учун бюджетдан бошқа манбаа топиш.
  8. Бюджетда 898 млрд сўм харажатлар ортиқча ҳисобланган. Хусусан, президент қарорига мувофиқ 2021 йилнинг 1 январидан бюджет ишчилари сонини 10%га қисқартириш натижасида 550 млрд. сўми харажат камайиши ҳисобга олинмаган. Иккинчидан, аҳолини рўйхатга олиш тадбири 2023 йилга қолдирилиши муносабати билан 80 млрд. сўм тежаб қолиниши ва бошқа харажатлар.
Ҳисоб Палатасининг умумий хулосаси: Вазирлар Маҳкамаси томонидан тақдим этилган 2021 йилги Давлат Бюджети лойиҳаси - республиканинг ижтимоий иқтисодий ривожланишининг устувор йўналишларига мувофиқ деб ҳисоблайди.

Шу билан бирга Бюджетни самарали амалга ошириш, унинг шаффофлигини таъминлаш мақсадида Республика Ҳисоб Палатаси томонидан берилган таклифларни инобатга олиш масадга мувофиқ бўлади, дейилган таклиф якунида.   

160
Глава Минпромторга РФ Денис Мантуров и министр внешней торговли Узбекистана Сардор Умурзаков

Ўзбекистон ва Россия қатор ҳужжатларни имзолади - рўйхат

339
(Янгиланган 21:12 04.12.2020)
Россия ва Ўзбекистон савдо ва саноат кооперацияси соҳасидаги ҳамкорликни янада ривожлантиришга қаратилган бир нечта ҳужжатни имзолади

ТОШКЕНТ, 4 дек — Sputnik. Россия ва Ўзбекистон савдо ва саноат кооперацияси соҳасидаги ҳамкорликни янада ривожлантиришга қаратилган бир нечта ҳужжатни имзолади, деб хабар қилди Sputnik Ўзбекистон мухбири.

"Ўзбекистон ва Россия корхоналари ўртасидаги саноат кооперацияси" давра суҳбати якунида республика ишбилармон доиралари иштирокида имзолаш маросими ўтказилди.

Министр промышленности и торговли РФ Денис Мантуров
© Sputnik / Рамиз Бахтияров
Министр промышленности и торговли РФ Денис Мантуров

Имзоланган ҳужжатлар:

  •  Россия Федерацияси Саноат ва савдо вазирлиги ва Ўзбекистон Республикаси Инвестициялар ва ташқи савдо вазирлиги ўртасида саноат, ташқи савдо ва инвестиция кооперацияси соҳасидаги ўзаро ҳамкорлик тўғрисида меморандум;
  • "ИННОПРОМ. Ўзбекистонда йирик саноат ҳафталиги" халқаро саноат кўргазмасини ташкил этиш ва ўтказиш бўйича тадбирлар режаси.

Саноат ва савдо вазирлиги раҳбари республикага ташриф чоғида РФ молиявий кўмаги, унинг технологиялари ва ускуналаридан фойдаланган ҳолда қурилган янги металлургия заводини очиш маросимида иштирок этди.

Шунингдек, Денис Мантуров 2021 йил апрелда Ўзбекистонда “Иннопром” сайёр кўргазмаси ўтказилишини эълон қилди. Бу саноат форуми Россиядан ташқарида биринчи марта бўлиб ўтади. Тадбирда РФ ва Ўзбекистон компанияларидан ташқари, барча қизиқиш билдирган саноат корхоналари иштирок этишлари мумкин.

339
Теглар:
ҳамкорлик, Ўзбекистон, Россия

Президент: Тошкент металлургия заводи - саноат локомотивига айланади

119
(Янгиланган 14:34 04.12.2020)
Тошкент металлургия заводи ЯИМга салмоқли ҳисса қўшади, Ўзбекистон иқтисодий занжирининг муҳим бўлагига айланади.

ТОШКЕНТ, 4 дек - Sputnik. Бугун Тошкентда Тошкент металлугия заводининг очилиш маросими бўлиб ўтди. Унда сўзга чиқан Ўзбекистон президенти Шавкат Мирзиёев корхона Ўзбекистон иқтисоди учун жуда муҳим аҳамиятга эга эканини айтиб ўтди, Sputnik мухбири хабарига асосан.

Сўз бошида президент корхона қурилишида иштирок этган мухандис ва ишчиларга ҳамда хорижий хамкорларга самимий ташаккур билдирди.

Президент ушбу корхона Ўзбекистон иқтисоди учун муҳим аҳамиятга эга эканини, унинг пайдо бўлиши кўплаб корхоналарга импорт ўрнини босувчи маҳсулот етказиб беришини таъкидлади.

“Қора металлургия саноати Ўзбекистон иқтисодининг энг заиф, ривожланмаган нуқтаси эди. Янги завод милий иктисодни металл маҳсулотларига бўлган эҳтиёжини таъминлайди” – деди Шавкат Мирзиёев.  

Шу вақтгача металл прокати асосан асосан четдан олиб келинган. Бу корхона йилига 500 минг тонна рух ва полимер копламали темир махсулотлари ишлаб чикаради. Бу эса республикадаги 100 дан ортиқ корхоналар эҳтиёжини қондиради. Ҳозирнинг узида заводга 10лаб корхоналардан буюртма келиб тушган.

Ундан ташқари республикада фаолият юритаётган тоғ-кон ҳамда кимё ва рангли металлургия компаниялари билан якин кооперация ўрнатилади.

Шунингдек ТМЗ ҳар бир чикарилаётган махсулот таннархига ижобий таъсир кўрсатади, унинг маҳаллийлаштириш даражасини оширади. Масалан том ёпиш учун ишлатидадига махсулотлар маҳаллийлаштириш даражаси 50% дан 90% гача ошади. Маиший техника ишлаб чиқаришда 35 %дан 50 %гача ошади.

Ана шундай қилиб иқтисодда технологик занжир пайдо бўлади. Бир йилда 400 миллионлик импорт маҳсулот тежалади. Буларнинг ҳаммаси ЯИМга салмоқли ҳисса қўшади, саноат локомотивига айланади.

Корхона фаолиятининг бошида хом-ашё Россиядан олиб келинади. Лекин кейинчалик ТМЗ хом ашёни Бекобод корхонасида олади. У ерда ҳам қиймати 800 млн доллар бўлган корхона қурилган. Унинг махсулоти ТМЗга база бўлиб хизмат қилади.

Қорақалпоғистонда 2 миллиард тонна қора металл заҳирасига эга бўлга Тебинбулоқ конида ҳам темир хом ашёси ишлаб чиқишни йўлга қўйиш ва у ерда ҳам ана шундай корхоналар қуриш режалаштирилган.

Янги корхонада 700та иш ўринлари яратилади, турдош тармоқлар билан бирга эса - 5 мингта иш ўринлари яратилади.  

Тошкент металлургия заводида дунёда энг замонавий ва экологик тоза корхоналарда бири бўлади. Бу ерда Россия, Германия, Италия, Корея ва бошқа хорижий давлатлардан олиб келинган ускунлар ўрнатилган.

Корхонада 4 поғонали автоматлаштирилган тизим жорий этилган. Ундан ташқари корхона чиқинди газларини тўлиқ ушлаб қоладиган, окава сувларни тозалайдиган тизимлар билан жиҳозланган. 

119

Қрим сабабли: НАТО Россия армиясини тақиқлашни орзу қилмоқда

0
(Янгиланган 21:32 04.12.2020)
НАТО Қора денгиздаги ҳарбий кучини кўпайтирмоқда, бу Россиянинг ҳаракатларига жавобан амалга оширилмоқда, деб айтди Йенс Столтенберг.

Бироқ, Шимолий Атлантика алянси бош котиби ҳарбий блокнинг кучлари Россия чегаралари яқинида нима қилаётганига аниқлик киритмади.

Сўнгги пайтларда альянснинг Россия чегаралари яқинидаги тажовузкор ҳаракатлари сони сезиларли даражада ошди, шу сабабли Россия ўз хавфсизлигини таъминлашга мажбур бўлмоқда.

0