Нефтеперерабатывающий завод

Нефтни қайта ишлаш бозорида етакчи алмашади  - Bloomberg

322
(Янгиланган 16:19 23.11.2020)
АҚШ нефтни қайта ишлаш заводлари ёпилаётган вақтда Хитойда 4та янги завод очилмоқда. Улар пластмасса ишлаб чиқаришга ихтисослашган бўлади.

ТОШКЕНТ, 23 ноя – Sputnik. 2021 йилда АҚШ нефтни қайта ишлаш бозорида етакчиликни Хитойга бой бериши мумкин, деб ҳисоблайди Bloomberg агентлиги, Халқаро Энергетика агентлиги прогнозларига асосан.

АҚШда йирк ва ҳали эскирмаган нефтни қайта ишлаш заводалари ёпилаётган бир вақтда, масалан Луизианадаги Royal Dutch Shell Plc, Хитойда бир вақтнинг ўзида 4та янги нефт заводи қурилмоқда. Уларнинг қайта ишлаш қуввати бир суткада 1,2 миллион баррелни ташкил қилади. Бу бутун Британия нефт саноатига тенг.

Коронавирус пандемияси туфайли дунёда нефтга бўлган талаб камайди. Бу албатта нефтни қайта ишлаш заводларига ҳам таъсир қилди. Қайта ишланадига нефт ҳажми  рекорд даражадаги 1,7 миллион баррелга  қасқарди. Ундан ярми АҚШ заводларига тўғри келди.

Ундан ташқари Хитойда нефт ва ундан олинадиган пластмассага эҳтиёж ўсиши кузатилаётган бир вақтда, АҚШ ва Европада бу соҳада чуқур кризис кузатилмоқда. Узоқ муддатли истиқболда эса – муқобил энергия манбаалари пайдо бўлмоқда.

Хитойда нефтни қайта ишлаш ҳажми ошиши, Ҳиндистон ва Яқин Шарқда заводлар қурилиши халқаро энергетика тизимига таъсир қилмй иложи йўқ. Wood Machenzie изланишлар компанияси хулосасига кўра, яқин келажакда айнан Осиёда нефтни қайта ишлаш ҳажми ошади ва улар асосан пластик ишлаб чиқишга ихтисослашган бўлади.

“Яқин 1 ёки 2 йил ичида Хитой нефтни қайта ишлаш бўйича АҚШдан ўзиб кетади”, - деб Facts Global Energy компанияси директори Стив Сойернинг сўзларини келтиради нашр.

Лекин қувватлар ошса-да, пандемиядан сўнг иқтисодни тиклаб олиш учун бир неча йил керак бўлиши мумкин.

322
Купюры американских долларов

Ўзбекистон 2021 йилда 17 млрд долларлик товар экспорт қилиши кутилмоқда

199
(Янгиланган 14:00 14.01.2021)
2021 йилда экспортнинг кутилаётган миқдори 17 млрд доллардан ортиқ бўлади. Бунга қишлоқ хўжалиги, тўқимачилик, ипакчилик, электротехника ва бошқа соҳаларда экспорт ҳажмининг сезиларли даражада оширилиши ҳисобига эришилади.

ТОШКЕНТ, 14 янв — Sputnik. Ўзбекистон Инвестициялар ва ташқи савдо вазирлиги 2020 йил якунлари тўғрисида ҳисобот берди. Асосий воситаларга киритилган тўғридан-тўғри хорижий инвестициялар ҳажми 2019 йилнинг шу даврига нисбатан 101,5%ни ёки 6,6 млрд долларни ташкил этди.

Инвестиция дастури доирасида 197 лойиҳа амалга оширилиб, 38 минг иш ўрни яратилди. Ҳудудий инвестиция дастурлари доирасида жами 59,1 трлн сўмлик 10 586 лойиҳа амалга оширилди ва бу 131,5 мингта янги иш ўрни ташкил этилишига имкон берди.

Ташқи савдо фаолияти кўрсаткичлари

2020 йил якунларига кўра, экспорт ҳажми 15,1 млрд долларни ташкил этган. Шу билан бирга, 47 турдаги янги маҳсулотларни экспортга етказиб бериш йўлга қўйилди ва бир қатор мамлакатларнинг янги истиқболли бозорларига чиқишга эришилди.

Ҳар бир тадбиркорлик субъекти билан алоҳида ишлашга қаратилган ёндашув асосида тезкор ва самарали ечимларни ишлаб чиқиш ва амалга ошириш учун асосий вазирликлар, идоралар ва давлат органларидан иборат Экспорт ва инвестицияларни ривожлантириш масалалари бўйича Ҳукумат комиссиясининг ташкил этилган эди.

Президент Узбекистана Шавкат Мирзиёев
© Пресс-служба президента Узбекистана

Комиссия вазифалари тадбиркорлик билан шуғулланиш шароитларини яхшилаш ва инвестиция лойиҳалари ташаббускорлари ва экспортчиларга амалий ва молиявий кўмак беришга қаратилган тизимли механизмларни ишлаб чиқиш ҳам иборат эди. Айланма маблағларни тўлдириш мақсадида экспорт қилувчиларга берилган кредитлар миқдорининг 50 фоизигача бўлган қисмини кафолатлаш тартиби ҳам йўлга қўйилди.

2021 йилда инвестиция ва ташқи савдо фаолиятида кутилаётган кўрсаткичлар

Прогнозга кўра, хорижий инвестициялар ҳажми 10,5 млрд долларни ташкил этади, шундан 7,6 млрд доллари тўғридан-тўғри хорижий инвестициялардир. Ўз навбатида, 226 та йирик, юқори иқтисодий аҳамиятга эга саноат лойиҳа ишга туширилади ва 34 мингта иш ўрни ташкил этилади.

Инвестицияларни ўзлаштириш самарадорлиги оширилади - президент

Ҳудудий инвестиция дастурлари доирасида 94,8 трлн сўмлик маблағ ўзлаштирилиши ва 7106 инвестиция лойиҳаси ишга туширилиши режалаштирилган бўлиб, бунинг натижасида қарийб 162 мингга янги иш ўрни яратилади.

Шунингдек, 2021 йилда экспортнинг кутилаётган миқдори 17 млрд доллардан ортиқ бўлади. Бунга қишлоқ хўжалиги, тўқимачилик, ипакчилик, электротехника ва бошқа соҳаларда экспорт ҳажмининг сезиларли даражада оширилиши ҳисобига эришилади.

Шу билан бирга, 2 мингдан зиёд янги корхоналарни экспорт фаолиятига жалб этиш ва 120 янги турдаги тайёр маҳсулот экспортини йўлга қўйиш режалаштирилган.

199
Теглар:
Инвестициялар ва ташқи савдо вазирлиги, Ўзбекистон, иқтисод
Партия автомобилей GM Uzbekistan

Ўзавтосаноат трансформация қилинади - президент

839
(Янгиланган 21:23 13.01.2021)
Шавкат Мирзиёев “Ўзавтосаноат”ни трансформация қилиш, ҳамёнбоп автомобиллар ва электромобиллар ишлаб чиқаришга сармоя киритиш вазифасини қўйди.

ТОШКЕНТ, 13 янв - Sputnik. Президент Шавкат Мирзиёев бошчилигида бугун бўлиб ўтган йиғилишда “Ўзавтосаноат” фаолиятини ҳамда машинасозлик тармоғини трансформация қилиш ва соҳада рақобатни ривожлантириш масалаларини кўриб чиқилди.

Автомобил саноати трансформацияси

Хусусан, республикада олиб борилаётган давлат корхоналарини ислоҳ қилиш дастури доирасида, хорижий мутахассислар иштирокида “Ўзавтосаноат” фаолиятини трансформация қилиш офисини ташкил этиш бўйича топшириқ берилди.

Ушбу жараёнларда Иқтисодий тараққиёт ва камбағалликни қисқартириш вазирлиги етакчи бўлиб, ишларни мувофиқлаштиради.

Ушбу йилнинг 1 июлига қадар тармоқ таркибидаги 40 та корхонани трансформация қилиш бошланади. Рақобат муҳитини ривожлантириш учун компания таркибидаги эҳтиёт ва бутловчи қисмлар ишлаб чиқарадиган 23 та корхонани хусусийлаштиришга тайёрлаш лозимлиги қайд этилди.

“Ўзавтосаноат”нинг асосий фаолиятига боғлиқ бўлмаган 14 та ташкилотдаги улушларини сотувга чиқариш вазифаси юклатилди.

Шунингдек, автомобилларни саноат усулида йиғиш, йилига 50-60 мингта ҳамёнбоп автомашина ва электромобиллар ишлаб чиқаришга инвестиция киритиш зарурлиги таъкидланди.

Жорий йилда Хоразмда кузов деталларини тайёрлаш корхонаси, Андижонда 4 та, Навоий вилоятида 2 та маҳаллийлаштириш лойиҳалари ишга туширилади. Кооперация платформаси доирасида 122 та хусусий корхона иштирокида яна 80 та детал ишлаб чиқариш маҳаллийлаштирилади. 

Машинасозлик саноати 

Ундан ташқари йиғилишда, машинасозлик саноатига ҳам алоҳида эътибор қаратилди. Ушбу соҳа Ўзбекистон иқтисодиётининг етакчи йўналишларидан бўлиб, саноатдаги улуши 11 %ни ташкил қилади.

Бугунги кунда бир қатор компаниялар Ўзбекистонда ишлаб чиқаришни йўлга қўйиш ва инвестициялар олиб кириш истагини билдирмоқда. Барча иштирокчилар учун бозор шароитларини бир хил қилиш мақсадида президент локализация даражасидан келиб чиқиб, ишлаб чиқарувчилар учун бир хил шароитлар жорий этиш бўйича кўрсатма берди.

Йиғилишда қишлоқ хўжалиги машинасозлигини ислоҳ қилиш масаласи ҳам атрофлича муҳокама этилди. Тармоқда иқтисодий самарадорликни ошириш, ресурслардан оқилона фойдаланиш бўйича вазифалар белгинди.

Мутасаддиларга корхоналарнинг бўш ер майдонларини оптималлаштириш, техникалар таннархини 30 %гача тушириш бўйича кўрсатмалар берилди.

Ҳамёнбоп техникалар ишлаб чиқаришни йўлга қўйиш, шу йил якунигача уларнинг локализациясини 30 фоизга, келгуси йилда эса камида 45 фоизга етказиш вазифаси қўйилди.

 

839
Доллары США

Ўтган йили Ўзбекистонда мансабдорлар энг кўп қайси жиноятга қўл урди

19
Ўзбекистонда 2020 йилда жами 1723 нафар мансабдор шахслар жиноий жавобгарликка тортилган. Улар давлат ва жамият манфаатларига 500,1 млрд. сўм моддий зарар етказган.

ТОШКЕНТ, 17 янв — Sputnik. 2020 йил давомида республика бўйича жами 1148 та жиноят иши бўйича 1723 нафар мансабдор шахслар жиноий жавобгарликка тортилган. Бу ҳақда Бош прокуратура маълум қилди.

Жиноий жавобгарликка тортилган мансабдор шахсларнинг 9 нафари республика, 45 нафари вилоят ва 1669 нафари туман-шаҳар миқёсидаги вазирлик, идора ва ташкилотларда фаолият юритган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Жиноий жавобгарликка тортилган мансабдор шахсларнинг 835 нафари ўзганинг мулкини ўзлаштириш ва растрата йўли билан талон-торож қилиш, 227 нафари фирибгарлик, 132 нафари пора олиш (бериш) ва пора олиш-беришда воситачилик қилиш, 58 нафари мансаб мавқеини суиистеъмол қилиш, 31 нафари мансаб ваколати доирасидан четга чиқиш, 25 нафари мансабга совуққонлик билан қараш, 16 нафари мансаб сохтакорлиги ва  399  нафари бошқа жиноятларни содир этишган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Мансабдор шахсларнинг жиноятлари оқибатида давлат ва жамият манфаатларига 500,1 млрд. сўм миқдорида моддий зарар етказилган. Тергов жараёнида ушбу зарарнинг 355,7 млрд. сўми ундирилган.

19