Флаги государств-членов Евразийского экономического союза

ЕОИИ 2021 йилда нефт маҳсулотлари ягона бозорини шакллантиришга киришади

467
(Янгиланган 20:25 06.01.2021)
ЕОИИ шартномаси ўз олдига қўйган мақсадлардан бири бу - электр энергияси, нефт ва газ бўйича умумий энергетика бозорларини шакллантириш ва уни энергетика хавфсизлиги нуқтаи назаридан назорат қилишдир. 

ТОШКЕНТ, 6 янв — Sputnik. ЕОИИ давлатлари 2021 йилда нефт ва нефт маҳсулотлари умумий бозорини шакллантириш лойиҳасини якунлашга бел боғлашган, деди Беларус бош вазири ўринбосари Игорь Петришенко.

"ЕОИИ давлатларида нефт ва нефт маҳсулотларининг ягона бозорини шакллантириш ҳамда нефт ва нефт маҳсулотларини транспорт қилиш тизимида ягона қоидалар ўрнатиш лойиҳаларини муҳокама қилиш давом этмоқда. Иккала ҳужжат ҳам 2021 йилда тайёр бўлади", — деди Петришенко "Республика" газетасига берган интервьюсида.

Бош вазир ўринбосариинг сўзларига кўра, ЕОИИ шартномаси уч йўналиш: электр энергияси, табиий газ ҳамда нефт ва нефт маҳсулотлари бўйича умумий энергетика бозорларини шакллантиришни ўз олдига мақсад қилиб қўйган. Бундай ёндашув Иттифоқда энергетика хавфсизлигини таъминлаш, умумий ёндашувлар асосида ҳамкорлик қилиш ва биргаликда қўйилган мақсадларга эришиш учун хизмат қилади. 

"Масалан 2020 йилда Беларус, Арманистон ва Қирғизистон ЕОИИнинг умумий электр энергетика бозори тўғрисидаги шартномасини ратификация қилишди. Россия ва Қозоғистон ҳам ушбу йўналишда боришмоқда ва айни дамда ички процедураларни якунлашмоқда", — деди вице-премьер.

ЕОИИ 2015 йилда ташкил қилинган халқаро интеграцион иқтисодий уюшма бўлиб, айни дамда унинг аъзолари Россия, Арманистон, Беларус, Қозоғистон ва Қирғизистондир. Ўзбекистон, Молдова ва Куба ҳозирча унга кузатувчи мақомида аъзо бўлишган.

 

467
Нефтяное месторождение

Ўзбекистон газ қазиб олишни камайтирди, нефтни эса кўпайтирди

356
Ўтган йили Ўзбекистонда нефт қазиб олиш 2019 йилга нисбатан 4,9 фоизга ўсиб, 733,6 минг тоннани ташкил этди.

ТОШКЕНТ, 21 янв — Sputnik. 2020 йилда Ўзбекистонда нефт қазиб олиш 2019 йилга нисбатан 4,9 фоизга ўсиб, 733,6 минг тоннани ташкил этди. Табиий газ қазиб олиш 17,8 фоизга камайиб, 49,739 миллиард кубометрга этди. Бу ҳақда республика Давлат статистика қўмитаси хабар қилди.

Республикада газ конденсати ишлаб чиқариш 1,33 бараварга камайди - 1,408 миллион тоннагача.

Йил давомида 1,016 миллион тонна бензин ишлаб чиқарилди, бу 2019 йилга нисбатан 0,9 фоизга кам, дизел ёқилғиси эса 933,1 минг тонна (минус 9,6 фоиз).

Ҳозирги кунда "Ўзбекнефтгаз" йилига 70 миллиард кубометр табиий газ ва саккиз миллион тонна суюқ углеводород ишлаб чиқариши қувватига эга. Бироқ, захираларнинг камайиши ва технологик йўқотишлар туфайли углеводород ишлаб чиқариш сўнгги 15 йил ичида сезиларли даражада камайди.

356
Теглар:
Тошкент, нефть, газ, Ўзбекистон

2020 йилда Ўзбекистон ташқи савдо айланмаси камайди

86
(Янгиланган 17:55 21.01.2021)
2020 йилда Ўзбекистон ташқи савдо ҳажми қисқарган бўлса-да, сармоялари миқдори ўсган. Бу келажакда иқтисод тезроқ тикланишига умид беради.

ТОШКЕНТ, 21 янв — Sputnik. 2020 йилнинг январь – декабрь ойларида Ўзбекистон ташқи савдо обороти 36,29 миллиарда долларни ташкил қилди. Бу 2019 йилга нисбатан 13,1%га паст, деб хабар қилмоқда Давлат Статистика қўмитаси.

“2020 йил якунларига кўра Ўзбекистон Республикасининг ташқи савдо айланмаси 26,299 миллиард долларни ташкил қилди. Бу 2019 йилга қараганда 5,452 миллиарда долларга кам”, -  дейилган хабарда.

Статистика қўмитаси шунингдек Ўзбекистоннинг энг йирик ташқи савдо ҳамкорларини санаб ўтган:

  1. Хитой - умуммий ташқи савдо ҳажмидан 17,7%
  2. Россия - 15,5%;
  3. Қозоғистон - 8,3%;
  4. Жанубий Корея  - 5,9%;
  5. Туркия - 5,8%.

Ўтган 2020 йилда Ўзбекистон экспортининг асосий маҳсулотлари – олтин ва қиматбаҳо металлар (38,3%), сановат маҳсулотлари (19,2%), хизматлар (13,2%) ва озиқ-овқат маҳсулотлари (8,5%) бўлган.

Асисий импорт маҳсулотлари эса - машины ва ускуналар (37,6%), саноат моллари (16,9%), кимё саноати маҳсулотлари ва пластмасса (6,8%), озиқ-овқат (8,7%) ва хизматлар (5,7%).

Бироз олдин Стастистика қўмитаси Республикага киритилган инвестициялар миқдорини ҳам эълон қилган эди. Келтирилган маълумотларда айтилишига кўра 2020 йилда сармоялар миқдори – 6,6 миллиард  долларни ташкил қилган ва 2019 йилган нисбатан 101,5%га ўсган.

2021 йилда кутилаётган инвестициялар миқдори 10,5 миллиард долларни ташкил қилмоқда. Ундан 7,6 миллиарди – тўғридан-тўғри киритиладиган хорижий инвестициялардир. 

86
узбекский региональный аэропорт

Эрон авиакомпанияси Самарқанд ва Бухорога парвозларни йўлга қўймоқчи

42
Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

ТОШКЕНТ, 22 янв — Sputnik. Zagros Airlines Самарқанд ва Бухорога авиақатновларни йўлга қўймоқчи.

Бугун Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

Транспорт вазири ўринбосари Жасурбек Чориев ва “Zagros Airlines” авиакомпаниясининг Ўзбекистондаги бош вакили Мортеза Шейхассани билан бўлиб ўтган мулоқотда икки давлат ўртасида мунтазам ҳаво қатновларини қайта тиклаш масаласи муҳокама қилинди.

Шунингдек, авиакомпания вакиллари йўналишлар географиясини кенгайтириш, транзит салоҳиятини ривожлантириш ва парвозлар сонини ошириш бўйича қатор таклифларни билдирди. Хусусан, “Zagros Airlines” авиакомпанияси Эроннинг турли шаҳарларидан Самарқанд ва Бухорога авиарейслар қўйиш истагида эканлигини маълум қилди. 

42