Вкусно и красиво: как сделать фруктовый букет своими руками

Россия МДҲ давлатлари билан ўсимликлар карантини бўйича ҳамкорлик қилади

237
(Янгиланган 18:25 01.02.2021)
Россия МДҲ давлатлари ўртасида имзоланган ўсимликлар карантини тўғрисида битимни ратификация қилади.

ТОШКЕНТ, 1 фев — Sputnik. Россия ҳукумати 2016 йилда Минскда имзоланган МДҲ давлатлари ўртасида ўсимликлар карантини соҳасида ҳамкорлик тўғрисидаги битимни ратификация қилиш учун Давлат Думасига тақдим этди.

Ўсимликлар карантини - бу ўсимликлар ва уларнинг маҳсулотларини мамлакатга ташқаридан кириши мумкин бўлган зараркунанда, касаллик ва бошқа таҳдидлардан ҳимоя қилиш бўйича чора-тадбирлар тизими.

Битимни имзолаган томонлар ўз ҳудудларидаги карантин объектлари (касалликлар, ўсимлик зараркунандалари) тўғрисида ва кўрилган чоралар, ҳуқуқий ҳужжатлар матнлари, ушбу соҳадаги илмий тадқиқотлар натижалари тўғрисидаги маълумотлар билан ўзаро алмашадилар. Шунингдек, улар зарарли объектлар намуналари билан алмашилади, бир-бирларига илмий-техникавий ёрдам кўрсатадилар.

Битимда аъзо-давлатлар ҳудудига фитосанитария сертификатсиз 3 донадан ортиқ гулдаста олиб кириш мумкин эмас, деб тахмин қилинмоқда. Ҳозирда Россиянинг ўсимликлар карантини тўғрисидаги қонуни 5 кг гача гул махсус ҳужжатларсиз олиб киришга рухсат беради.

Эслатиб ўтамиз, Росселхознадзор декабр ойида Озарбайжон, Туркиянинг баъзи ҳудудларидан, шунингдек  26 ноябрь куни Ўзбекистоннинг Фарғона вилояти, 4 декабрь куни Навоий вилоятидан помидор, қалампир ва олмалар олиб киришни тақиқлаганди. 11 декабрдан Қашқадарё вилоятидан помидор ва қалампирга тақиқ киритилганди.

18 декабрдан бошлаб РФ ҳудудига Ўзбекистоннинг Фарғона вилоятидан 7та корхонадан помидор ва қалампирни олиб киришга рухсат берганди: маҳсулотларда ЕОИИга аъзо-давлатлар учун карантин объектлари мавжуд эмас, 2020 йилда помидор меваларидаги жигарранг бурушиқлик вируси аниқланмади.

Кейинчалик 1 январь санасидан бошлаб, Қашқадарё ва Навоий вилоятларидан помидор маҳсулотини 34 та корхона Россияга экспорт қилишга рухсат берилди.

237
Теглар:
помидор, Ўзбекистон, МДҲ, Россия
Мавзу бўйича
Кимларга помидор ейиш мумкин эмас?
Россияга Фарғона вилоятидан помидор ва қалампир олиб кириш таъқиқланди
Россия Ўзбекистоннинг яна бир вилоятидан помидор ва қалампир олиб киришни тақиқлади
Помидор ва қалампир: Россия айрим чекловларни қисман бекор қилди
Россельхознадзор Ўзбекистоннинг яна 34 та корхонасидан помидор олиб киришга рухсат берди
Площадь Независимости

ИҲТ: Ўзбекистонда қишлоқ хўжалиги ва туризм вазирлари учрашуви ўтказилади

56
(Янгиланган 13:03 08.03.2021)
Ўзбекистон Республикаси Ташқи ишлар вазири ўринбосари Фурқат Сидиков Иқтисодий ҳамкорлик ташкилоти (ИҲТ) Бош котиби Ходи Сулаймонпур билан учрашди.

ТОШКЕНТ, 8 мар — Sputnik. 7 март куни Теҳронга ташриф билан келган Ўзбекистон Республикаси Ташқи ишлар вазири ўринбосари Фурқат Сидиков Иқтисодий ҳамкорлик ташкилоти (ИҲТ) Бош котиби Ходи Сулаймонпур билан учрашди.

Заместитель Министра иностранных дел Республики Узбекистан Фуркат Сидиков, прибывший в г.Тегеран (Иран) с визитом, встретился с Генеральным секретарем Организации экономического сотрудничества (ОЭС) Ходи Солейманпуром
МИД Узбекистана
Заместитель Министра иностранных дел Республики Узбекистан Фуркат Сидиков, прибывший в г.Тегеран (Иран) с визитом, встретился с Генеральным секретарем Организации экономического сотрудничества (ОЭС) Ходи Солейманпуром

Томонлар Ўзбекистон ва ИҲТ ўртасидаги ҳамкорликнинг ҳозирги ҳолати ва истиқболларини муҳокама қилдилар, режалаштирилган қўшма тадбирлар, хусусан, 2021-йилда ташкилотга аъзо давлатлар қишлоқ хўжалиги ва туризм вазирларининг навбатдаги учрашувини Ўзбекистонда ўтказиш тўғрисида фикр алмашдилар.

4-мартда видеоконференцалоқа шаклида бўлиб ўтган Иқтисодий ҳамкорлик ташкилотининг 14-саммитида Ўзбекистон президенти Шавкат Мирзиёев томонидан илгари сурилган ташаббусларни амалга оширишнинг амалий жиҳатларига алоҳида эътибор қаратилди.

ИҲТ Бош котиби Ўзбекистон раҳбарининг таклифлари ташкилотга аъзо мамлакатлар томонидан катта қизиқиш ва қўллаб-қувватлашга сабаб бўлганлигини таъкидлади.

Ўзбекистонда амалга оширилаётган кенг кўламли иқтисодий ислоҳотлар доирасида тадбиркорлар ва хорижий инвесторларнинг манфаатларини ҳимоя қилиш бўйича изчил чора-тадбирлар амалга оширилаётгани қайд этилди.

Шу нуқтайи назардан сўнгги йилларда Ўзбекистоннинг тузилмага аъзо давлатлар билан умумий товар айламаси ҳажми бир ярим бараварга ошиб, 9 миллиард АҚШ долларини ташкил этгани таъкидланганди. Ўзбекистонда ИҲТга аъзо мамлакатларнинг 5 мингга яқин корхоналари фаолият кўрсатмоқда.

Ташкилот Бош котиби жорий йил Тошкент шаҳрида бўлиб ўтадиган “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференцияга таклиф қилинди.

Музокаралар чоғида, Ўзбекистон ва ИҲТ ўртасидаги ўзаро алоқаларнинг бошқа долзарб масалалари кўриб чиқилди.

56
Железнодорожный узел

Рефрижератор вагонлар ёрдамида Ўзбекистон меваларини Россияга олиб келиш ўрганилмоқда

363
(Янгиланган 19:07 05.03.2021)
Ўзбекистон ва Россия орасида совуқ ҳароратни сақлаб турувчи контейнерларда юк ташиш амалиётини самарали йўлга қўйиш учун Россиядан Ўзбекистонга тенг ҳажмдаги юк жўнатиш амалиётини йўлга қўйиш керак.

ТОШКЕНТ, 5 мар – Sputnik. Ўзбекистон мева-сабзавот ва тез бузиладиган маҳсулотларини рефрижератор-вагонларда Россияга экспорт қилиш мумкин деб ҳисоблайди Озиқ-овқат сектори корхоналари ассоциацияси  (АСОРПС) президенти Михаил Синев.

“Буни амалга оширса бўлади. Россия рефрижератор контейнер операторлари ушбу йўналишни ривожлантиришга тайёр. Лекин муаммо шундаки - Ўзбекистонда кичик қишлоқ хўжалик корхоналари жуда кўп. Уларнинг маҳсулотларини режалаштирилган вақтда бир жойга жамлайдиган йирик консолидатор керак, камида 1000 тонна. Ушбу масала ҳал бўлганидан сўнг биз ишлашни бошлаймиз”, - деди Михаил Синев.

Ташкиллаштириш босқичида Ўзбекистонда мева сабзавотлар учун 2тадан 5тагача рефрижератор контейнерлар  олиб келиниши кутилмоқда. Лойиҳа муваффақиятли бошланганидан сўнг бундай ташув усуби доимий амалиётга айланади. Транспортировка қилинадиган асосий маҳсулотлар  -  узум, хурмо, анор ва сабзавотлар.

Бундай юк ташиш амалитётини ривожлантириш учун Россиядан Ўзбекистонга ҳам паст ҳароратда сақланувчи тенг ҳажмдаги юк жўнатиш амалиётини йўлга қўйиш керак. Лекин ҳозирча бундай талаблар йўқ.

Россиянинг Озиқ-овқат сектори корхоналари ассоциацияси  (АСОРПС) делегацияси феврал ойида Ўзбекистонга ташриф буюрган эди. Ташриф доирасида делегация аъзолари Фарғона вилоятида бўлиб мева-сабзавот ишлаб чиқарувчилари билан учрашишди ва маҳсулотни жамлаш, тайёрлаш ва ташиш логистикасини ўрганишди.

363
Купол мечети

Шайх Абдулазиз Мансурнинг ўғли вафот этди

126
Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди.

ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.

126