Самолёт

Тезкор хабар: Мальтада 118 йўловчиси бор Ливия самолёти гаровга олинди

184
(Янгиланган 16:34 23.12.2016)
Гаровга олинган самолётда 118 киши борлиги айтилмоқда

ТОШКЕНТ, 23 дек — Sputnik. Ливиянинг Afriqiyah Airways авиакомпаниясига қарашли бортида 118 киши бўлган самолёт гаровга олинган бўлиши мумкин, ҳозирда ҳаво кемаси Мальтага қўнган, деб хабар берди РИА Новости Рейтер агентлигига асосланиб.

Хабарга кўра, икки киши самолётни портлатиш билан таҳдид қилишган, уларнинг талаби ҳозирча номаълум. Бошқа хабарга кўра, бортда бир нафар қуролли шахс бўлиб, агарда талаблари бажарилса, йўловчиларни қўйиб юборишини айтмоқда.

Мальта бош вазири Жозеф Мускат ўзининг Twitterдаги расмий саҳифасида Ливия самолёти олиб қочилган бўлиши мумкинлиги ҳақида хабардор қилинганини билдирган.

184
Теглар:
Ливия, тезкор хабар
Мавзу:
Ливия самолётининг гаровга олиниши (5)
Рынок Эски жува в Ташкенте

“Эски жува” бозорида қариндошлар жанжаллашди

147
Шайхонтоҳур тумани ИИО ФМБга бир аёл мурожаат қилиб, бозорда у билан жанжаллашган ва ҳақорат қилган қариндоши ва унинг ўғлига нисбатна чора кўришни сўраган.

ТОШКЕНТ, 4 мар — Sputnik. Тошкент шаҳар ИИББ ижтимоий тармоқларда тарқалган аёллар ўртасидаги жанжал акс этган видео юзасидан расмий маълумот берди.

Маълум бўлишича, 23 февраль куни Шайхонтоҳур тумани ИИО ФМБга 39 ёшли аёл З.К. ариза билан мурожаат қилган. Унда у билан жанжаллашиб, ҳақорат қилган қариндошлари 58 ёшли М.Ш. ва унинг ўғли Ҳ.Ш.ларга нисбатан қонуний чора кўришни сўраган. 

Мазкур ҳолат юзасидан М.Ш. ва Ҳ.Ш.ларга нисбатан Ўзбекистон Маъмурий жавобгарлик тўғрисидаги кодекснинг 183-моддаси (“Майда безорилик”) аломатлари билан маъмурий баённома расмийлаштирилган.

Ҳозир ҳужжатлар қонуний қарор қабул қилишлик учун туман судига юборилган.

147
Теглар:
оммавий жанжал, ИИББ, Эски жува бозори
Электрошокер

Андижонда ҳомиладор аёлни электрошокер ёрдамида талон-тарож қилишди

160
(Янгиланган 12:11 04.03.2021)
Жиноят кодекси нормаларига кўра, жиноятни содир этган шахс 10 йилдан 15 йилгача озодликдан маҳрум қилиш билан жазоланиши мумкин.

ТОШКЕНТ, 4 мар - Sputnik. Андижон вилоятида ҳомиладор аёлга нисбатан электрошокер ишлатиб, босқинчилик содир этган шахс ушланди, деб хабар бермоқда  Ўзбекистон Республикаси ИИВ ҳузуридаги Тергов департаменти.

Ҳодиса 2 март куни кундузи рўй берган. Электрошокер билан қуролланган, юзига ниқоб таққан номаълум шахс Марҳамат туманидаги маҳаллаларнинг бирида яшовчи ҳомиладор аёл - 28 ёшли Нилуфарнинг хонадонига кириб борган.

Талончи аёлдан тилла-тақинчоқларни талаб қилиб, электрошокер билан ҳужум қилган. Сўнгра девордан ошиб хонадондан қочиб кетаётган вақтда маҳаллада яшовчи фуқаролар томонидан ушланган.  

Олиб борилган терговга қадар текширув ҳаракатлари давомида, ушбу жиноятни 26 ёшли Мансурбек М. содир қилганлиги аниқланиб, тилла-тақинчоқлар ва электрошокер ашёвий далил тариқасида расмийлаштириб олинган.

Мазкур ҳолат юзасидан Марҳамат тумани ИИБ ҳузуридаги Тергов бўлинмаси томонидан Мансурбек М.га нисбатан Ўзбекистон Республикаси Жиноят кодексининг 164-моддаси 3-қисми “в” банди (Босқинчилик) билан жиноят иши қўзғатилиб, гумон қилинувчи тариқасида жалб қилинган.

Ҳозирда тергов давом этмоқда.

Таъкидлаш жоизки, Жиноят кодексининг нормаларига кўра, жиноятни содир этган шахс 10 йилдан 15 йилгача озодликдан маҳрум қилиш билан жазоланиши мумкин, дейилади хабарда.

160
Шавкат Мирзиёев поздравил Узбекистан с Днем конституции

Мирзиёев бир гуруҳ аёлларни байрам муносабати билан тақдирлади

89
(Янгиланган 20:25 04.03.2021)
Президент 8 март байрами арафасида бир гуруҳ аёлларни фахрий унвон, орден ва медаллар билан мукофотлади. Улар орасида актрисалар Гавҳар Зокирова ва Лола Элтоева ҳам бор.

ТОШКЕНТ, 4 мар — Sputnik. Ўзбекистон президенти Шавкат Мирзиёев 8 март – Халқаро хотин-қизлар куни муносабати билан бир гуруҳ аёлларни фахрий унвон, орден ва медаллар билан мукофотлади.

Улар мамлакатда олиб борилаётган туб ислоҳотларда фаол қатнашиб, янги Ўзбекистонни барпо этиш, халқ фаровонлигини юксалтириш йўлида ташаббус ва ибрат кўрсатиб келаётганлари учун ушбу мукофотларга лойиқ кўрилган.

“Ўзбекистонда хизмат кўрсатган ёшлар мураббийси” фахрий унвони билан Ўзбекистон Вазирлар Маҳкамаси ҳузуридаги Дин ишлари бўйича қўмитанинг хотин-қизлар билан ишлаш бўлими бошлиғи Фарида Абдураҳимова, Қорақалпоғистон тиббиёт институти ректори, Олий Мажлис Сенати аъзоси  Орал Атаниязова тақдирланган.

"Саодат" журнали бош муҳаррири Мунаввархон Усмонова "Ўзбекистонда хизмат кўрсатган маданият ходими" фахрий унвони билан мукофотланган.

Тўрт киши "Фидокорона хизматлари учун" ордени билан тақдирланган. Улар орасида Ўзбек Миллий академик драма театри актрисаси Гавҳар Зокирова ҳам бор.

24 киши "Меҳнат шуҳрати" орденига лойиқ кўрилган. Улар орасида Тўрақўрғон тумани ҳокими Зулайҳо Маҳкамова ҳам бор.

"Дўстлик" орденига 31 киши муносиб кўрилган. Тақдирланганлар орасида Ўзбек Миллий академик драма театри актрисаси Лола Элтаева ҳам бор.

7 киши II даражали "Соғлом авлод учун" ордени, яна 7 киши II даражали "Саломатлик" ордени, 4 киши "Соғлом турмуш" медали, 4 киши "Содиқ хизматлари учун" медали, 9 киши "Келажак бунёдкори" медали билан, 33 киши "Шуҳрат" медали билан тақдирланган.

Қуйида тақдирланганларнинг тўлиқ рўйхати билан танишиш мумкин.

89