Истанбулдаги теракт, архив сурат

Қирғизистон фуқароси ўзининг терактга алоқадорлигини рад этмоқда

300
Илгарироқ, ОАВларда Истанбулдаги тунги клубда амалга оширилган терактда Қирғизистон фуқароси гумонланаётгани ҳақида хабарлар тарқатилган эди

ТОШКЕНТ, 3 янв — Sputnik. Туркия ОАВлари маълумотларига кўра, Истанбулдаги тунги клубда амалга оширилган терактга даҳлдор бўлиши мумкин бўлган Қирғизистон фуқароси Яхъё Машрапов ўзининг бу ҳодисага ҳеч қандай алоқаси йўқлигини таъкидламоқда, дея хабар қилди РИА Новости сешанба куни.

Илгарироқ, ОАВларда Истанбулдаги тунги клубда амалга оширилган терактда Қирғизистон фуқароси гумонланаётгани ҳақида хабарлар тарқатилган эди. Ижтимоий тармоқларда гумондорга тегишли паспорт сурати ҳам пайдо бўлганди.

РИА Новости маълумотларига кўра, Машрапов 3 январ куни Туркиядан Бишкек аэропортига учиб келган ва шу вақтнинг ўзида мамлакат Миллий хавфсизлик қўмитаси (ГКНБ) ходимлари томонидан сўроқ қилинган.

Таъкидланишича, Машрапов 1 январ куни Бишкекдан Истанбулга савдо-сотиқ масалалари бўйича боргани, аммо қайтишда Туркия ҳуқуқни муҳофаза қилиш органлари ходимлари уни самолётдан олиб қолишгани ҳақида тушунтириш берган.

"Улар мени бир соат давомида сўроқ қилдилар. Шу боис, Бишкекка қараб учадиган самолёт бир соатга қолдирилди. Улар менга Янги йил кечасида рўй берган теракт юзасидан сўроқ қилишларини айтишди. Айтишларича, мен фотосуратдаги жиноятчига ўхшар эмишман. Сўроқ тугагач, мендан узр сўрашди ва самолётга чиқишимга рухсат беришди", — деб айтган Машрапов.

Машраповнинг сўзларига кўра, 31 декабр куни у Қирғизистонда бўлган ва шу боис, терактга алоқадорлиги ҳақида гап бўлиши мумкин эмас. Машрапов, шунингдек, унинг паспорти сурати интернет тармоғида қай тарзда тушиб қолганини билмаслигини маълум қилган.

300
Теглар:
тунги клуб, теракт, Истанбул

ЎФА Фарғонадаги жанжалли ўйин юзасидан баёнот берди

195
(Янгиланган 10:25 03.12.2020)
ЎФА ҳакамларнинг фаолияти, иккала жамоа футболчилари ва мураббийларнинг ҳамда томошабинларнинг хатти-ҳаракати синчковлик билан ўрганиб чиқмоқда.

ТОШКЕНТ, 3 дек — Sputnik. Ўзбекистон Футбол ассоциацияси Фарғонада “Нефтчи” ва “Турон” учрашувидан кейин рўй берган жанжал юзасидан баёнот берди.

Аввалроқ Фарғона шаҳрида Про лиганинг 20-туридан ўрин олган “Нефтчи” (Фарғона) – “Турон” (Яйпан) учрашуви якунида ҳакамларга нисбатан қўпол ва тажовузкор муносабатда бўлиб, уларга тан жароҳати етказилгани хабар қилинган эди.

Таъкидланишича, мазкур ҳолат бўйича ЎФА мутахассисларидан иборат махсус ишчи гуруҳ тузилган ва Фарғонага етиб борган.

У ерда ИИВ ҳамда “Нефтчи” – “Турон” учрашувининг ташкилий ишларига масъул барча ташкилотлар билан ҳамкорликда мазкур учрашув якунида юзага келган можаро бўйича суриштирув ишлари бошланган.

“Бунда ҳакамларнинг фаолияти, иккала жамоа футболчилари ва мураббийларнинг ҳамда томошабинларнинг хатти-ҳаракати синчковлик билан ўрганиб чиқилмоқда”, - дейилган хабарда.

Хабарда яқин вақт ичида суриштирув ишлари якунига кўра қўшимча маълумот берилиши таъкидланган.

Эслатиб ўтамиз, Фарғонадаги футболда рўй берган жанжалдан сўнг олти кишига қарши жиноят иши очилиб, улар ушланган эди. Бундан ташқари оммавий тадбирлар ўтказилаётган вақтда иштирок этган 5 нафар шахсларнинг ҳаракатларида ҳуқуқбузарлик аниқланган. Улар маъмурий тартибда ушланиб, тегишли ҳужжатлар расмийлаштирилган.

195
Теглар:
ЎФА, тартибсизлик, футбол, Фарғона
Преступник за решеткой

Ёшларни Суриядаги террорчилар сафига қўшиш учун жўнатиб келаётган шахс қўлга олинди

191
(Янгиланган 11:02 02.12.2020)
24 ёшли Самарқанд вилоятида туғилган О.Ҳошимов Мисрда ўқиши давомида халқаро террорчилик ташкилоти раҳнамоларининг ғоявий таъсирига тушиб қолган.

ТОШКЕНТ, 2 дек — Sputnik. Ўзбекистон ёшларини Суриядаги террорчилар сафига қўшиш учун жўнатиб келаётган шахс қўлга олинди. Бу ҳақда ИИВ матбуот хизмати хабар қилмоқда.

Ўзбекистон ДХХ ва ИИВ ходимлари томонидан ўтказилган тезкор тадбирлар давомида мамлакат фуқароларини ёллаб, Суриядаги “Тавҳид ва жиҳод катибаси” халқаро террорчилик ташкилоти сафига жўнатиш билан шуғулланиб келган шахснинг фаолиятига чек қўйилди.

Мавжуд маълумотларга кўра, 1996 йилда Самарқанд вилоятида туғилган О.Ҳошимов 2019 йилда Мисрда ўқиши давомида халқаро террорчилик ташкилоти раҳнамоларининг ғоявий таъсирига тушиб қолган. У ерга мамлакатдан диний таълим олиш мақсадида борган ёшлар орасида ўзининг ақидапарастлик ғояларини тарғиб қилган.

Бундан ташқари, Сурия давлати ҳудудида фаолият олиб бораётган “Тавҳид ва жиҳод катибаси”* халқаро террорчилик ташкилотининг сафига қўшилишга даъват қилиб, уларни юбориш билан шуғулланиб келган.

Ушланган шахснинг уяли телефон аппарати хотирасида экстремистик мазмундаги материаллар мавжудлиги аниқланиб, процессуал тартибда олиб қўйилган.

Ҳозирда ушбу шахсга нисбатан Жиноят кодексининг тегишли моддалари билан жиноят иши қўзғатилиб,  тергов-тезкор ҳаракатлари олиб борилмоқда.

Ўзбекистон Олий судининг 2016 йил 26 сентябрдаги қарори билан “Тавҳид ва жиҳод катибаси”* халқаро террорчилик ташкилоти фаолияти мамлакат ҳудудида тақиқланган ташкилотлар рўйхатига киритилган.

Вазирлик фуқаролар, айниқса ёшларни огоҳлантирган ва ижтимоий тармоқлардаги шубҳали сайтларда тарқатилаётган бузғунчи ғоялар таъсирига тушиб қолмаслик, жамоат тартибига таҳдид солувчи материаллардан фойдаланмаслик ҳамда интернет тармоғида нохолис, текширилмаган ва асоссиз материалларни тарқатиш билан шуғулланмасликни сўраган.

191
Теглар:
“Тавҳид ва жиҳод катибаси”, Сурия, террорчилар, Ўзбекистон
Шавкат Мирзиёев принял российскую делегацию во главе с министром промышленности и торговли РФ Денисом Мантуровым.

Мирзиёев РФ саноат ва савдо вазири Денис Мантуровни қабул қилди

12
Денис Мантуров самимий қабул учун Ўзбекистон раҳбарига миннатдорлик билдирди ҳамда Россия президенти Владимир Путиннинг саломи ва энг эзгу тилакларини етказди.

ТОШКЕНТ, 4 дек - Sputnik. Ўзбекистон президенти Шавкат Мирзиёев 4 декабрь куни Тошкент металлургия заводининг очилишига бағишланган тантанали тадбирлар доирасида Россия Федерацияси саноат ва савдо вазири Денис Мантуров бошчилигидаги делегацияни қабул қилди.

Давлат раҳбари пойтахт ҳудудида амалга оширилган металлургия маҳсулотлари ишлаб чиқариш бўйича йирик ва замонавий корхонани ташкил этиш лойиҳаси Ўзбекистон ва Россия компания ва банклари ўртасидаги самарали ҳамкорликнинг намунаси эканини катта мамнуният билан қайд этди.

Ушбу заводнинг вужудга келиши кейинги йилларда икки томонлама савдо-иқтисодий ҳамкорликда жиддий сифат ўзгаришлари кузатилаётганидан ҳам далолат беради.

Денис Мантуров самимий қабул учун Ўзбекистон раҳбарига миннатдорлик билдирди ҳамда Россия Президенти Владимир Путиннинг саломи ва энг эзгу тилакларини етказди.

Учрашувда устувор қўшма дастур ва лойиҳаларнинг бориши кўриб чиқилди, амалий ҳамкорликни кенгайтириш борасидаги режалар муҳокама қилинди.

Машинасозлик, агросаноат, фармацевтика, енгил ва озиқ-овқат саноати, кўплаб бошқа тармоқларда юқори технологик ишлаб чиқариш қувватларини ташкил этишда икки мамлакатнинг етакчи корхоналари ўртасидаги кооперация лойиҳаларини ишлаб чиқиш ва илгари суриш масалаларига алоҳида эътибор қаратилди.

Саноат кооперацияси лойиҳаларини, шу жумладан ташкил этилган қўшма Лойиҳа офиси фаолияти доирасида ҳар томонлама қўллаб-қувватлаш ва уларга ҳамроҳлик қилиш, шунингдек, иқтисодиётнинг муҳим тармоқларига инвестицияларни кўпайтириш учун қулай шароитлар яратиш муҳимлиги қайд этилди.

 

12