Тошкентдаги ЙТҲ

Тошкент марказида енгил автомобил чет элликни уриб юборди

782
(Янгиланган 10:51 13.01.2017)
Жабрланувчи белгиланмаган жойда кўчани кесиб ўтаётган бўлган, таъкидланишича у жиддий зарар кўрмаган

ТОШКЕНТ, 13 янв — Sputnik. Тошкент марказида, Grand Mir Hotel (собиқ "Россия") меҳмонхонаси ёнида енгил автомобил ва йўловчи иштирокида йўл-транспорт ҳодисаси юз берди, деб хабар қилмоқда авария гувоҳига айланган Sputnik мухбири.

Дтп в Ташкенте
Sputnik / Стрингер
Дтп в Ташкенте

Хабарда таъкидланишича, ҳодиса кеча кечқурун Тошкент вақти билан 19.30да юз берган. "Кобальт" русумидаги автомобил собиқ "Россия" меҳмонхонаси ёнида (кафе ва турли тамаддихоналар кўплиги туфайли халқ орасида бу жой "маст кўча" деб номланади)тасодифан йўловчини уриб кетди. Жабрдийда эса чет эл фуқароси бўлиб чиқди.

Ҳодиса юз бериши билан атрофда томошабинлар кўпайди, бу эса тирбандлик юзага келишига сабаб бўлди, деб хабар қилган мухбир. "Халқ оёғини ушлаб вой-войлаб ётган жабрланувчини чор томондан ўраб олди", — деб таъкидлайди гувоҳ.

Гувоҳнинг сўзларига кўра, автомобил томонидан туртиб юборилган шахс ё Хитой ёки Корея фуқароси. У ўз ҳамроҳлари билан биргаликда йўлнинг ҳаракат қисмини белгиланмаган жойда кесиб ўтган. Бир неча қатор машиналар оқимида амаллаб йўлини топиб кетаётганлардан бири эса барибир автомобил ғилдираклари остида қолган. Зарба оқибатида "Кобальт"нинг олдинги ўнг чироғи чил-парчин бўлган. Жабрланувчи эса жиддий жароҳатланмаган, аммо унинг ўзини тутишидан тўқнашув туфайли унинг чап оёғи лат еганини англаш мумкин эди.

Дтп в Ташкенте
Sputnik / Стрингер
Дтп в Ташкенте

Аварияни ҳайдовчининг ўзи қуйидагича изоҳлаган:

"Мен у қандай қилиб кўчадан кесиб ўтаётганини сезганим йўқ, ҳатто. Худдики, ернинг остидан пайдо бўлгандек бўлди. Мен шу оннинг ўзидаёқ тормозни босдим, шу туфайли у машина ғилдираклари остида қолишдан омон қолди. Мен соатига 50 км тезликда келаётган эдим, мана шу чет элликни қаттиқ зарбадан қутқариб қолди", — деб сўзлаган Гасан исмли ҳайдовчи.

Ҳодиса жойига етиб келган "Тез тиббий ёрдам" машинаси жабрланувчини касалхонага олиб кетган. Гасаннинг сўзларига кўра, йўл ҳаракати хавфсизлиги хизмати ходимлари авария ҳолатини ўз бўлинмаларида ўрганишларини маълум қилганлар.

782
Теглар:
кобальт, ЙТҲ, авария
Ужин при свечах

“Бурнимдан чиқди”: Самарқандда кўнгилхушлик учун чақирилган қизлар ўсмирни тунаб кетди

498
(Янгиланган 13:19 03.03.2021)
Ота-онаси уйда йўқлигида “романтик оқшом” ўтказишни режа қилган ўсмир бир эмас, икки қизни уйига олиб келган. Кейин ухлаб қолган, бундан қизлар "унумли" фойдаланишган.

ТОШКЕНТ, 3 мар — Sputnik. Самарқанд вилояти Жомбой туманида кўнгилхушлик қилиш учун чақирилган 2 нафар қиз мезбон ўсмирнинг ухлаб қолганидан фойдаланиб ўғрилик содир этди. Бу ҳақда “Зўр ТВ” телеканалининг “Бу кун” дастурида маълум қилинди.

Аниқланишича, ота-онаси йўқлигидан фойдаланган ўғил 2020 йил 16 октябрь куни кечаси 2 нафар қиз билан “романтик оқшом” ўтказиш мақсадида уларни яшаш уйига олиб келган.

Фарғонада учрашувга чиққан аёлни “йигити” тунаб кетди

Ўсмир ухлаб қолганидан фойдаланган қизлар уйдаги 15 миллион сўмлик тилла тақинчоқлар, 1300 доллар миқдоридаги пулларни ўмариб, жуфтакни ростлашган.

Ҳодисадан бехабар она туман ИИБга ўғрилик содир бўлгани тўғрисида ариза ёзиб мурожаат қилган.

“Саёқ юрсанг, таёқ ейсан дегани рост экан. Мен бир романтик оқшом қилмоқчи эдим. Бурнимдан чиқди. Тенгқурларимга тинчгина юришларини маслаҳат бераман. Оқшомни яхши ўтказаман деб эл-юрт олдида шарманда бўлдим”, — дейди романтик кеча “ташкилотчиси”

Қизларга нисбатан Жиноят кодексининг 169-моддаси (ўғрилик) 2-қисми “в” банди билан жиноят иши қўзғатилган.

Тошкентда фоҳиша мижозини танишлари билан тунади

Тергов ҳаракатлари олиб борилмоқда.

498
Двери СИЗО

Қуйи Новгороддаги шов-шувли ҳодиса: айбланувчи нега қотилликка қўл ургани айтилди

534
(Янгиланган 09:18 03.03.2021)
Йигирма саккизинчи февраль куни Кудьма поселкасида тўрт киши сўйиб кетилган эди — эркак, икки аёл ва олти яшар болакай.

ТОШКЕНТ, 2 мар — Sputnik. Қуйи Новгородга яқин поселкада кичик болакай ҳам бўлган, тўрт кишидан иборат оилани ваҳшийларча ўлдирганликда айбланаётган шахс икки ойга ҳибсга олинган. Бу ҳақда РФ регионал ТҚ тергов бошқармаси матбуот-хизмати хабар бермоқда.

РИА Новости маълумотларига кўра, айбланаётган шахс - 26 яшар Ўзбекистон фуқароси Шарофиддин Амиров.

У 2021 йилнинг 27 апрел санасига қадар ҳибсга олинган.

Айбланувчи бошқа давлат фуқароси бўлгани ва озодликда юриб, яшириниши мумкинлигини инобатга олиб, тергов қўмитаси ҳибсга олиш чорасини қўллашни талаб қилган.

Амировнинг ўзи ҳам ўз ҳаёти ва соғлиғидан хавфсираётгани туфайли бу чорага қарши эмаслигини маълум қилган.

Адвокатнинг сўзларига кўра, ушбу фожиага ҳимоясидаги шахснинг "узоқ вақт оғир руҳиятни жароҳатловчи ҳолатда бўлгани" сабаб бўлган. Гўёки унга жуда кам маош тўлашган ва паспортини бермай келишган, оқибатда у ватанга қайта олмаган.

Терговчининг айтишича, Амировнинг ўзи юз берган ҳодиса тафсилотларини тўлиқ сўзлаб берган.

Тергов версияси

28 февраль куни Россиянинг Нижний Новгород вилоятидаги Ока олди тумани Кудьма қишлоғида оилада хизматчи бўлиб ишлайдиган шахс пичоқ билан гараж ичида 64 яшар пенсионерга ҳамла қилган, сўнгра, уйнинг ичида унинг 63 яшар рафиқасига ташланган.

Шундан сўнг, у оиланинг 41 ёшли қизини ва аёлнинг олти яшар ўғлини ўлдирган. Сўнгра йирик миқдордаги пулларни ва қимматбаҳо буюмларни олган ҳолда, яширинган.

Эркак 28 феврал куни кечга томон Владимир вилоятида қўлга олинган, эртаси куни у Қуйи Новгородга олиб келинган.

Терговчилар маълумотларига кўра, Амировга унинг таниши яширинишга ёрдам берган. У билан ҳам ТҚ ходимлари ишлашмоқда.

Оилага ҳужум уюштирилган вақтда уйда оила бошлиғи (бошқа регионда бўлган) ва унинг 14 яшар қизи (машғулотларда бўлган) бўлмаган. Улар тирик қолишган.

534

Тошкентда яна бир гуруҳ Афғонистонда хизмат қилган фахрийларга медаллар топширилди

26
Ўзбек ўғлонларига Мустақил Давлатлар Ҳамдўстлиги Ҳукуматлари раҳбарлари қошидаги байналминал жангчилар қўмитасининг "Ветеран боевых действий", "VETERAN" бирлашмаси олдидаги хизматлари учун медаллари топширилди

ТОШКЕНТ, 4 мар - Sputnik. Тошкентнинг Мирзо-Улуғбек туманидаги Алишер Навоий маҳалласида бир гуруҳ Афғонистонда хизмат қилган фахрий жангчиларга мукофотлар топшириш маросими бўлиб ўтди, деб хабар қилмоқда Sputnik Ўзбекистон мухбири.

Ўзбекистон "VETERAN" жангчи фахрийлар бирлашмасининг аъзолари бўлган бир гуруҳ Афғонистондаги жанговар ҳаракатлар қатнашчилари бўлган ўзбек ўғлонларига Мустақил Давлатлар Ҳамдўстлиги Ҳукуматлари раҳбарлари қошидаги байналминал жангчилар қўмитасининг "Ветеран боевых действий", "VETERAN" бирлашмаси олдидаги хизматлари учун медаллари топширилди.

Мукофотларни Москвадан келган МДҲ давлатлари ҳукуматлари қошидаги қўмита раисининг махсус вакили Мўминхон Ходжаев, Тошкент шаҳар ҳокимининг ўринбосари, сенатор Рустам Калонов, Ўзбекистон жангчи фахрийлар бирлашмасининг раиси Талъат Мурадов, Бирлашма Тошкент шаҳар кенгаши раиси Рустам Султанов, бир гуруҳ МФЙ фаоллари ва маҳалла фуқаролари қатнашдилар.

Шунингдек, тадбир давомида Мўминхон Ходжаев Ҳамдўстликка аъзо давлатлар ҳукумат раҳбарлари кенгаши ҳузуридаги байналминал жангчилар қўмитаси раиси Александр Ковалевнинг Ўзбекистонда яшовчи фахрийларга йўллаган табригини ўқиб эшиттирди.

Шунингдек, тадбирда фахиийлар учун баҳорий дастурхон ёзилди.

26