Бишкекдаги авиа-ҳалокат: 37 қурбоннинг шахси аниқланди

© Sputnik / Медиабанкка ўтишҚирғизистонда юк самолётининг ҳалокатга учраши
Қирғизистонда юк самолётининг ҳалокатга учраши - Sputnik Ўзбекистон
Oбуна бўлиш
37 нафар қурбоннинг шахси аниқланган, улардан 17 нафари болалардир

ТОШКЕНТ, 17 янв — Sputnik. Бишкек яқинида юз берган авиаҳалокатда қурбон бўлган 37 кишининг шахси аниқланди, деб хабар қилмоқда РИА Новости.

Boeing-747 қулаган жойдаги ФВВ ходимлари - Sputnik Ўзбекистон
Бишкекда Boeing-747 қулади: 34 киши ҳалок бўлди
"Қирғизистондаги Республика суд-экспертиза марказида Туркияга қарашли юк самолёти ҳалокатида қурбон бўлган 37 кишининг  шахси  аниқланди", — деб хабар қилган нашрга Қирғизистон ҳукумати раҳбарининг биринчи ўринбосари Мухаммадқалий Абулғозиев.

Эслатиб ўтамиз, Turkish Airlines авиакомпаниясининг Boeing 747 юк самолёти Бишкекдаги Манас аэропортидан бир неча километр нарида ҳалокатга учраган эди. Лайнер куни кеча Дача-Суу қишлоғи яқинида қулаган.

Гонконг-Бишкек-Истанбул рейси бўйича парвозни амалга оширган самолёт ўз бортида 85 тонна электрон ускуна ва гаджетларни ташиётган бўлган.

ФВВнинг маълум қилишича, қишлоқдаги 32та уй зарар кўрган.

"37 қурбоннинг шахси аниқланди, уларнинг 17 нафари болалардир", — деб айтган Абулғозиев. Унинг сўзларига кўра, илгарироқ етаказиб берилган тана фрагментларидан тиббиёт ходимлари беш нафар қурбон танасини тиклашга муваффақ бўлганлар.

Қирғизистон ҳукумати вакили сўзларига кўра, сал олдин шахси аниқланган жасадларнинг барчасини қариндошлари олиб кетилган.

Янгиликлар лентаси
0