Истанбулдаги тунги клубда теракт содир этган шахс ўз айбига иқрор бўлди
(Янгиланган 15:47 17.01.2017)
Истанбулдаги тунги клубларнинг бирида отишма содир этган террорчи 1983 йилда Ўзбекистонда туғилган. Тўртта тилни билади, Афғонистонда машғулот ўтаган. У яхши тайёргарлик кўрган террорчи, деб хабар қилмоқда РИА НовостиТОШКЕНТ, 17 янв — Sputnik. Истанбулдаги тунги клубларнинг бирида теракт содир этганликда гумонланиб қўлга олинган Ўзбекистон фуқароси Абдулқодир Машарипов ўз айбига иқрор бўлди, деб хабар қилган сешанба куни Истанбул губернатори Васип Шахин. РИА Новости хабари асосида.
Илгарироқ Туркия Бош вазири Бинали Йилдирим Истанбулда террорчининг қўлга олингани ҳақида хабар қилган эди.
"Кеча пухта режалаштирилган операция давомида Абу Муҳаммад Хорасан сифатида машҳур — Машарипов ҳибсга олинди. У 1983 йилда Ўзбекистонда туғилган, 4та тилни билади, Афғонистонда машғулот ўтаган, у — пухта тайёргарлик кўрган террорчи. Тахминан, 2016 йилнинг январида Туркияга кириб келган. Шундан сўнг, Истанбулга келиб, квартира ижарага олган, теракт содир этишдан олдин эса турар-жойини тез-тез ўзгартириб турган. У ҳозирда ўз айбига иқрор бўлди, ҳодиса жойидан топилган қўл излари Машариповникига мос тушди", — деб таъкидлаган Истанбул губернатори Васип Шахин.
Шахин жиноятчини қўлга олиш учун Туркия полициячилари жуда катта ишларни амалга оширганликларини айтиб ўтган.
"Ташқи камералардаги 7200 соатлик видеоматериаллар обдон ўрганилди. Ушбу операцияда 2 минг нафар полициячилар иштирок этишди. Махсус операция нафақат Истанбулда, балки — Конье, Хатай, Измир шаҳарларида ҳам олиб борилди. 152 манзил бўйича қидирув ишлари ўтказилди, бу иш давомида 50 нафар шахс қўлга олинди, қурол-яроғ ва бошқа ашёвий далиллар тортиб олинди", — дея қўшимча қилган губернатор.
Суҳбатдошнинг сўзларига кўра, Машарипов террорчилик уюшмалари билан алоқадор бўлиши мумкин. Ўзбекистон фуқароси билан биргаликда уч нафар аёл ва ироқлик эркак қўлга олингани айтилмоқда.
Шахиннинг сўзларига кўра, гумондорларни қўлга олиш чоғида қурол ишлатилмаган.Эслатиб ўтамиз, Истанбулдаги Reina тунги клубига Янги йил оқшомида қуролли ҳужум уюштирилган. Калашников автомати билан қуролланган террорчи клубни қўриқлаётган полициячини отиб ўлдирган ва клубдаги одамларга қарата ўт очган. Туркия ИИВ маълумотларига мувофиқ, ушбу теракт оқибатида 39 киши ҳалок бўлган, 69 нафар шахс яраланган. Рейтер агентлиги эса "Ислом давлати" террорчилик уюшмаси ушбу теракт учун жавобгарликни ўз бўйнига олганлигини хабар қилган эди.
Андижондаги боғча мудираси ўз жонига қасд қилди - сабаблар
ТОШКЕНТ, 11 июл - Sputnik. Андижон вилояти Балиқчи туманидаги 11-сонли мактабгача таълим ташкилоти раҳбари Г.Хўжақулова ўз жонига қасд қилди, деб хабар бермоқда МТТ вазирлиги матбуот-хизмати.
Sputnik / Рамиз Бахтияров
Таъкидланишича, мактабгача таълим вазири тегишли фармони билан МТТ бўлими фаолиятини ўрганиш учун ишчи гуруҳ ташкил этилган.
Ишчи гуруҳ ахборотига кўра, 1967 йилда туғилган Хўжақулова жорий йил май ойи бошида ўз жонига қасд қилган ва олган жароҳатлари туфайли касалхонага олиб борилган. Шифокорларнинг уринишларига қарамай, боғча мудирасининг ҳаётини асраб қолишнинг иложи бўлмаган.
Хўжакулова ушбу лавозимда 2010 йилдан буён ишлаб келаётгани айтилмоқда.
Балиқчи тумани прокуратураси томонидан ўтказилган терговга қадар суриштирувларга кўра, марҳум Хўжакулова соғлиғи ва ишдаги муаммолар туфайли психологик ҳолатида юз берган ўзгаришлар туфайли ўз жонига қасд қилган.
Мактабгача таълим вазирлигининг ишчи гуруҳи томонидан Балиқчи тумани бўлими ишини ўрганиш шуни кўрсатдики, ушбу туман бўлими бошлиғи ўз вазифаларига бепарволик билан муносабатда бўлиб, натижада туманда носоғлом вазият юзага келди.
Шунингдек, май ойида юз берган текширувлар натижасида 11-сонли МТТда таъмирлаш-қурилиш ишларини амалга оширган "Милано қурилиш" МЧЖ расмий ҳужжатларга сохта маълумотларни киритиш йўли билан бюджет маблағларини ўмаргани фош бўлган. Бундан ташқари, таъмирлаш-қурилиш ишлари сифатсиз амалга оширилгани ўз тасдиғини топган.
Аниқланган қонунбузарлик ҳолати бўйича Балиқчи тумани прокуратураси томонидан жиноий иш қўзғатилган.
Ишчи гуруҳининг аниқлашича, Балиқчи туманидаги масъулияти чекланган ҳамда қўшимча масъулиятли жамиятда тизимли иш йўлга қўйилмаган, идора назорати ҳам йўқ. Раҳбарлик мажбуриятлари зарур тарзда бажарилмаган, ижро интизомига амал қилинмаган, натижада аҳоли томонидан мактабгача таълим тизимига норозилик кайфияти юзага келган.
Юқоридагилардан келиб чиққан ҳолда Балиқчи тумани мчқмж раҳбари С.Хонкелдиева билан меҳнат шартномаси бекор қилинган.
Тожикистондаги зилзила Ўзбекистоннинг қатор ҳудудида сезилди
ТОШКЕНТ, 9 июл — Sputnik. 9 июль куни Тошкент вақти билан 11:39 да Тожикистонда зилзила содир бўлди. У Ўзбекистон ҳудудида ҳам сезилди.
ФВВ Сейсмопрогностик мониторинг Республика маркази хабарига кўра, зилзила координаталари: 39,96 градус шимолий кенглик; 69,31 градус шарқий узунлик. Магнитуда М=4,7. Чуқурлик 10 км. Зилзила эпицентридан Тошкентгача масофа 145 км жанубий йўналиш бўйича.
Зилзила Ўзбекистон ҳудудида: Тошкент 145 км, 3 балл, Наманган 231 км, 2 балл, Андижон 273 км, 2 балл, Фарғона 215 км, 2 балл, Гулистон 74 км, 4 балл, Жиззах 126 км, 3 балл, Самарқанд 204 км, 2 балл, Термиз 352 км, 2 балл, Қарши 326 км, 2 балл, Навоий 335 км, 2 балл.
Ўзбекистоннинг бошқа ҳудудларида ер силкиниши қайд этилмаган. Талофатлар ва жабрланганлар тўғрисида маълумот келиб тушмаган.
Теглар: