Шоҳруҳ Хон, архив сурат

"Болливуд қироли" билан учрашув бир фанат ўлими билан тугади

13609
(Янгиланган 15:47 24.01.2017)
Ҳинд актёри Шоҳруҳхоннинг ашаддий мухлислари ўз кумирлари билан учрашувда улкан тиқилинч ҳосил қилишди ва бунинг оқибатида бир киши оламдан ўтди

ТОШКЕНТ, 24 янв — Sputnik. "Болливуд қироли" — Шоҳруҳхоннинг мухлислар билан учрашуви вақтида бир киши ҳалок бўлди, деб хабар қилмоқда Indian Express нашрига таянган ҳолда РИА Новости.

Айтилишича, актёр тез кунда экранга чиқаётган "Бой" ("Раис") фильми премьераси олдидан душанба куни кечқурун Вадодара штатига ташриф буюрган. У поезддан тушмаган ва ўз мухлисларига карнай орқали мурожаат қилган. Поезд станцияда ўн дақиқа тўхтагани учун, фанатлар актёрни яқиндан кўриш учун, тиқилинч ҳосил қила бошлаганлар. Полиция дубинкаларни ишга солишга мажбур бўлган.

"Поезд ўз жойидан жилгач, одамлар унинг кетидан югуришни бошладилар. Тиқилинч оқибатида бир киши ҳаво етишмаслигидан ҳалок бўлди, тартибни назорат қилган икки нафар полициячи ҳам шикастланган", — деб хабар қилган нашрга полиция матбуот-хизмати.

Шоҳруҳхон ҳалок бўлган кишининг оиласига ўз ҳамдардлигини билдирган.

"Мен ҳалок бўлган киши оиласи учун дуодаман", — деб хабар қилган Деҳлига етиб келган актёр.

13609
Теглар:
Ҳиндистон, Болливуд қироли, Шоҳруҳхон
Силуэт человека с ножом в руке

Бишкеклик одамхўр қандай қўлга олинди - даҳшатли жиноят тафсилоти

1318
(Янгиланган 22:48 26.05.2020)
Қирғизистонда энг шов-шувли жиноий ишлардан бири - "Бишкек одамхўри" Михаил Трутнев ишининг тафсилотлари ҳақида

Юрий Кузьминых. 2004 йил ёзида ушбу ишнинг терговига махсус махфий мақоми берилди - милиция шаҳар аҳолиси орасида ваҳима қўзғашни хоҳламади, шунинг учун бу юракни даҳшатга солувчи воқеа оммавий ахборот воситаларида ёритилмади. Ўн олти йил аввал, мен бу иш ҳақида бир маълумотларни томчилаб тўпладим ва маълумотларни тезкор ҳодимлардан базўр "суғуриб олдим".

Барчаси июл ойининг охирида, эрта тонгда нафақахўр 4-кичи даҳада ахлат контейнеридан даҳшатли топилмани топиб олганида бошланди.

"Мен ахлат тўккани чиққан эдим, ичкарига қараб кўзларимга ишонмадим: платик пакетда одамнинг куйган боши ётибди", - деди аёл милиционерларга.

Бир неча дақиқадан сўнг, кўп қаватли уй ҳовлиси безовталанган чумоли уясига ўхшаб қолди. Мутахассислар топилмани ўргангунича, терговчилар бутун кучларини яқин атрофдаги уйларни ўрганишга йўналтирди. Криминалистлар ўша жойнинг ўзида кўп ҳам маълумот олишолмади. "Ўлимдан атиги бир неча соат ўтди. Жабрланувчи боши жуда ўткир буюм билан кесилган", - дея хулоса қилишди экспертлар.

Кўп ўтмай, Октябрский тумани ИИБ оғир жиноятларни фош қилиш бўлими тезкор гурухи етакчисининг рацияси "жонланди".

"Менинг йигитларим қизиқ нарса топдилар шекилли," – дея таҳмин қилди изқувар.

Тезкор ходимнинг таҳмини рост чиқди. Бутазор ичида унинг қўл остидагилари қўллари кафтларини топдилар. Қидирув доираси бир нечта уйларгача торайди. Милиционерлар иккинчи топилма жойига энг яқин бўлган иккитасини ўрганиб чиқиши керак эди. Айнан шундан кейин хавф жиноий қидирув бўлими ходимларида биринчи ҳақиқий илмоқ пайдо бўлди.

Ушбу воқеалар иштирокчилари сўзларига кўра, жиноятчи ҳалокатли далиллардан қутулаётганда, эҳтимол, жуда маст бўлган ва жуда шошган бўлиши мумкин. У қолдиқларни олиб кетган қоплар эски ва йиртиқ бўлган. Тўрт қаватли бино яқинидаги йўлакда терговчилар қонга ўхшаш жигарранг доғларни пайқашди. Бу доғлардан иборат сезиларсиз йўл бир подъездга олиб борди. Шубҳа қолмади: совуққон қотил шу уйда яшарди. Тезкор гуруҳ учинчи қаватга кўтарилди. Квартиралардан бирининг эшиги тутқичи қонга бўялган эди ...

Уй эгасини чақиришга қилинган барча уринишлар муваффақиятсиз бўлди. Квартира ичи тинч эди. Шов-шувга ёш қўшни қиз чиқди ва Миша амаки кеча меҳмонлари бўлганини айтди. Кечасигача базм қилишди, кейин ҳаммаси тинчланди.

"У кечаги базмдан кейин ухлаётгандир", - деди у.

Бироз маслаҳатлашгач, милиционерлар эшикни синдиришга қарор қилди. Яхшиямки, у бақувват йигитлар учун жиддий тўсиқ бўлмади. Нозик ёғоч эшикка тираниб уни қулатиб, милиционерлар квартирага кириб келишди. Хаммомда свет ёниб турарди. У ерда қонга бурканган плиткали полда, эҳтимол жиноят қуроли - улкан болта ётар эди. Ваннанинг ўзида одам қолдиқлари ётарди. Аммо, маълум бўлишича, Америка даҳшат фильмлари каби бундай кўриниш, фақат бошланиши эди ...

Ошхонада газ плитасида жуда катта кастрюля турган эди. Ундан, кейинчалик аниқланишича, одам гўшти пиширилган. Яқинида қовурилган жигар бўлаклари бўлган бир това турарди. Столда қўлбола сиҳда яқинда пиширилган кабоб ётарди. Эҳтимол, қотил ҳамтовоғини ўлдиргандан кейин базм уюштирган. Стол остида бир нечта арзон ароқ бўш шишаси бор эди.

Барча хоналар тартибсиз эди. Ўларча маст уй эгаси залда ифлос диван устида ухлаётган эди. Уйдаги ҳолат, у одам аллақачон хаётидан воз кечиб муаммолардан шишада таскин топганлигидан далолат берган. Бу даҳшат ичида ягона ёрқин нуқта бу ўйилиб кетган деворга осилган, вақтдан ранги ўчган рамкадаги ёш жуфтликнинг хира фотосурати эди.

Терговчилар маст одамни итариб юриб, уни машинага зўрға "юклаб" олиб кетишди.

- Эҳтимол, у кечга яқин ҳушига келади, шундан кейингина у билан гаплаша олишимиз мумкин. Ҳозир буни қилиш бефойда, дея мени огоҳлантиришди терговчилар. "Агар тафсилотларни билмоқчи бўлсангиз, еттига яқин келинг".

Белгиланган вақтда мен ўша ерга келдим ва терговчилар "Бишкек одамхўри" деб ном берган Миша амаки ҳикояси интиқомини кутдим.

- Афтидан, "мижоз" ўзига кела бошлади... Ҳозир соқчилар уни биринчи сўроққа олиб келади, ишонинг, бу энг қийини. Сиз бурчакда ўтиринг ва кўп ҳам кўринманг", - деб мендан илтимос қилди опер.

Кўп ўтмай, шафқатсиз қотиллик ва каннибализмда гумон қилинган 48 ёшли Михаил Трутнев кабинетга кирди. У одамнинг юзи анча ғижимланган эди, кўринишидан қаердалигини ва ундан нимани хоҳлашаётганини англамас эди. Терговчилар, ҳеч қандай ошиқча гап-сўзсиз, барча қўлга олинган далилларни олдига қўйдилар.

- Виталик менга 7000 доллар қарзи бор эди ва қарзларни эса, қайтариш керак, - деди маҳбус зўрға.

- Кеча у билан иккаламиз ичиб стол устида ўтирган эдик ... кейин кураш бошланди. Кейин нима бўлганини эслай олмайман.

Трутнев "кечки овқат" мавзусида гапиришдан қатъиян воз кечди. Изқуварлар уни бир неча бор очиқчасига гапиришга уриндилар, аммо гумондор нигоҳини олиб қочиб, вақтинча амнезия ва бош оғриғига ишора қилди.

Терговчилар марҳумнинг шахсини аниқладилар. Иккинчи гуруҳ ногирони, яқин атрофда яшовчи Виталий кўнгилчан ва ҳушмуомала эди. Феълининг бу ҳусусиятларидан унинг қотили кўпинча фойдаланар эди. Дўстининг пули пайдо бўлиши билан, Михаил бошини айлантирар эди.

Трутневнинг адвокати мижозининг ҳаётини сақлаб қолишига ишонган. Ҳисоб-китоб осон эди: судьялар уни руҳий касал деб тан олишади ва уни мажбурий даволанишга юборишади ва шу билан одамга нажот топишга имконият беришади. Суд-психиатрия экспертизаси натижалари кўпчиликни ҳайратда қолдирди: икки марта синовдан ўтган Михаил жиноятни маст, лекин ақли равшан ҳолатда қасддан содир этган деб тан олинди.

Трутнев психиатрлар ва терговчи билан одамхўрлик мавзусини муҳокама қилишдан қатъиян бош тортди. "Бундай бўлмаган, эсимда йўқ", - деб такрорларди у. Суд унинг айбини енгиллаштирувчи ҳолатларни топа олмагани сабабли, айбланувчини ўлим жазосига ҳукм қилди. Қирғизистонда ўлим жазосига мораторий жорий қилинганлиги сабабли, у умрбод қамоққа жазоланганлар колониясига юборилди.

1318
Передача портфеля из рук в руки

VIP-аферистлар: Жиззахда банк амалдорлари фермерлар пулларини ўмарди

451
(Янгиланган 14:41 26.05.2020)
Бош прокуратура департаменти Дўстлик филиали қўли қинғир банк раҳбарларининг жиноятини фош этди. Банк раҳбарлари банкка ўз пулларини ишониб қўйган фермерлар пулларини талон-тарож қилганлиги аниқланган

ТОШКЕНТ, 26 май - Sputnik. Ўзбекистонликлар ҳисоб рақамларидаги пуллар ортидан нафақат фирибгарлар, балки банкнинг мансабдор шахслари ҳам "ов" уюштириши мумкин экан. Хусусан, "Агробанк" мансабдор шахслари Жиззахнинг Дўстлик туманидаги иккита фермер хўжаликлари раҳбарларини уларнинг хабарисиз пулсиз қолдирдилар.

Бош прокуратура тақдим этган хабарга кўра, Прокуратура департаментининг Дўстлик туман бўлими томонидан ўтказилган терговга қадар текширувда, АТБ "Агробанк" Дўстлик филиали мансабдор шахслари "А-ф." ва "Н-м." фермер хўжаликлари раҳбарларининг хабардорлигисиз, ҳисоб рақамларидаги жами 105,2 млн сўм пул маблағларини ўмаргани аниқланган.

Маълум бўлишича, банк раҳбарлари тўлов топшириқномаларисиз "кўрсатилган техника хизматлари учун" ҳамда "қопланмаган кредит маблағларини қоплаш учун" мазмунида бошқа фермер хўжаликларининг ҳисоб рақамларига ўтказиб, сўнгра ушбу пул маблағларини ўзлаштирганлар ва растрата қилиш йўли билан талон-торож ишларини амалга оширганлар.

Мазкур ҳолат юзасидан АТБ "Агробанк" Дўстлик филиали мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

451
Диёр Имамходжаев назначен исполняющим обязанности генерального директора Профессиональной футбольной лиги (ПФЛ)

Диёр Имомхўжаев ЎзПФЛ бош директори этиб тайинланди

8
Диёр Имомхўжаев бунга қадар бош директорнинг спорт ишлари бўйича ўринбосари лавозимида ишлаб келаётган эди.

ТОШКЕНТ, 27 май — Sputnik. Диёр Имомхўжаев Ўзбекистон Профессионал футбол лигаси бош директори вазифасини бажарувчи этиб тайинланди. Бу ҳақда Спорт вазирлиги матбуот хизмати хабар қилди.

Диёр Имомхўжаев Ўзбекистон футбол ассоциацияси президенти Абдусалом Азизовнинг тақдимига биноан ЎзПФЛ Ижроия қўмитаси томонидан бош директор вазифасини бажарувчи этиб тасдиқланган.

У бунга қадар ПФЛ бош директори ўринбосари вазифасида ишлаб келаётган эди.

2019 йил июнь ойидан буён ПФЛга раҳбарлик қилиб келаётган Даврон Шоқурбонов эса 25 май куни ўз аризасига мувофиқ эгаллаб турган лавозимидан озод қилинган.

8